ZABUR 6
6
Do'e léq waktu susah
1Umaq pemimpin kor. Kadu iringan kecapi. Menurut lagu saq kebaluq. Zabur Daud.
2 #
Zbr. 38:2
Ya ALLAH, sampunang empuk kaji léq dalem murke Deside,
sampunang hukum kaji léq tengaq kemenggahan Deside.
3Periakang kaji ya ALLAH, séngaq kaji bis balung,
teguqang kaji séngaq kaji lelah gati.
4Angen kaji bingung gati;
jangke piran Deside bilin kaji, ya ALLAH?
5Silaq tulak, ya ALLAH, dait luputang kaji,
selametang kaji lantaran kasih Deside.
6Séngaq léq alam maut Deside nénten teinget malik;
nénten araq saq memuji Deside léq dunie dengan maté.
7Kaji lelah lantaran ngereng kesakitan;
sebilang kelem aiq mate kaji ngélék,
basaqang petindoqan kaji.
8Mate kaji bokoq lantaran sedih,
dait rundam lantaran musuh-musuh kaji.
9 #
Mat. 7:23; Luk. 13:27 Nyedi léman tiang, hai dengan-dengan jahat,
séngaq ALLAH sampun pireng tangis tiang.
10 ALLAH mirengang petunasan tiang
dait nerimaq do'e tiang.
11Selapuq musuh tiang gen tinjot dait ilaq
dait langsung mundur saking ilaqne.
Aktuálne označené:
ZABUR 6: LAISAS
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás