Génesis 3
3
Ti Adán xchi'uc ti Evae mu'yuc laj yich'ic ta muc' ti c'usi laj yal ti Diose
1Ta scotol ti te'tical chon bolometic ti meltsanatic yu'un Dios ti ja' Ajvalile, oy jcot muc' ta quiletel chon#Ap 12.9; 20.2. yu'unic ti stuc no'ox oy slo'laob ti sna' c'usi x'utvane, ti xi laj sjac'be ti antse:
—Ati xcaltique, ¿mi laj yalboxuc Dios ti mu xu' xalo'beic sat jpetsuc ti te'etic ti li' teq'uel ta ts'unubaltique?
2Ti antse xi laj staq'ue:
—Xu' jlo'becutic sat ti c'usiuc no'ox lo'bolal te'ale. 3Ja' no'ox un, mu xu' jlo'becutic sat ti jpets ti teq'uel ta o'lol ts'unubale. Yu'un laj yalbuncutic ti Diose, mi ja'uc xu' ta jtul jlo'becutic sat ti te' le'e. Yu'un ti mi jech ta jpascutique, ta xichamcutic.
4Ja'uc ti chone xi laj yalbe ti antse:
—Mu meleluc, mu xachamic yu'un. 5Yu'un ti Diose sna'oj lec ti c'alal ta xalo'beic ti sat te' le'e, ta sjam ti asatique yo' jech ta xavilic ti c'usi leque xchi'uc ti c'usi chopole. Yu'un ta xac'otic jech c'u cha'al ti Diose.
6Ti antse c'upil sba laj yil ti sat te'e. Yo'ntonuc xa slo' ya'i yo' jech ta xbijub. Laj xtuch' jbej ti sat te'e, laj slo'. Ts'acal to laj yac'be ti smalale, laj slo' ec.#Ro 5.12. 7Ti jech taje, ta jech to yepal, jam ti satique, ja' to laj yilic ti t'anal xchibalique. Ja' yu'un un, lic sts'isic yanal te' yo' ta smac o sbaic.
8Ta mal c'ac'al ti c'alal yorail ja' o xjumet ti iq'ue, ti vinique ti antse laj ya'iic ta xanav ta yut ts'unubal ti Dios ti ja' Ajvalile. Bat snac' sbaic ta anil ta yut te'etic ti ta ts'unubaltique. 9Ti Dios ti ja' Ajvalile xi laj sbiiltas ti vinique:
—¿Bu oyot?
10Xi laj stac' ti vinique:
—Laj ca'i ti tey ta xaxanav ta ts'unubaltique. Lixi', yu'un t'analun. Jech o xal laj jnac' jba.
11Va'i un, xi jac'bat yu'un ti Diose:
—¿Buch'u laj yalbot ti t'analote? ¿Mi yu'un laj xa alo' ti sat te' ti laj calbot ti mu xalo'e?
12Ti vinique xi laj staq'ue:
—Ti ants ti laj avac'bun ta jchi'ile, laj yac'bun ti sat te'e, laj jlo' ec.
13Va'i un, ti Dios ti ja' Ajvalile xi laj sjac'be ti antse:
—¿C'u cha'al jech laj apas?
Xi laj stac' ti stuque:
—Ja' laj slo'laun ti chone.#2 Co 11.3; 1 Ti 2.14. Jech o xal laj jlo'.
14Ti Dios ti ja' Ajvalile xi laj yalbe ti chone:
—Ti jech laj apase, atuc no'ox ti mu'yuc amelol ta xacom ta scotol ti yan chon bolometique. Li' ta xlic batel ti xajochochet ta lum ta xaxanave. Lum ta xlic alo'. 15Ta jpas ta atojolic ti contra xavil abaic xchi'uc ti antse. Ja' no'ox jech xtoc ti anitilultaque xchi'uc snitilultac ti antse, contra ta xil sbaic.#Ap 12.17. Ti snitilul ti antse ta xpech'bot ta teq'uel ti ajole. Ti vo'ote ja' no'ox ta xatabe ta ti'bel ti snuc' yacane.
16Xi albat ti antse:
—C'alal ta x'ayan ti avalabtaque, ta xquepajes ti avocole. Ja' jech xtoc ta xava'ibe xc'uxul ti c'alal ta xavoq'ues ti avole. Manchuc mi jech un, mu no'ox xu' avu'un ta xava'i, tsots sc'oplal ta xava'i ti amalale, pasbilot ta mantal yu'un.
17Xi albat ti vinique:
—Ti jech laj ach'unbe sc'op ti avajnile, ti laj alo' ti sat te' ti laj calbot ti mu xu' xalo'e, ta scoj amul ti ta soc ti banomile. Ta xavel achic' ava'lel ta tsots abtel yo' ta xata ave'el ti c'u sjalil cuxulot ta banomile. 18Jech ti banomile ta xac' ch'iuc ep ta tos ch'ixetic ta aventa.#Ro 8.20; Heb 6.8. Ja' jech xtoc ta xlic alo' te'tical itajetic. 19Ta achic', ta ava'lel, ta xata ti ave'ele ja' to ti mi lajoybij ta lum ta ach'el ti laj avich' meltsanele. Yu'un ta banomil lalic talel. Ta banomil ono'ox ta xajoybij batel.
20Ti vinique laj yac'be sbiin Eva#Ti biil Evae, “cuxul”. Xi ta xal smelol ti ta hebreo c'ope. ti yajnile, yu'un ja' c'ot ta me'il yu'un scotol ti buch'u cuxulique. 21Ti Dios ti ja' Ajvalile laj spas c'u'il ta nucul yo' jech ta slap ti vinique xchi'uc ti yajnile. 22Xi laj yal ti Diose:
—Avi tana ti vinique jech xa ic'ot jech c'u cha'al ti vo'otique. Laj xa sna' ti c'usi leque xchi'uc ti c'usi chopole. Naca mi xbat stsac ti sat te' ti ta xac' cuxlejale,#Ap 22.14. ti ta slo' yo' jech ta xcuxi oe.
23Jech o xal ti Dios ti ja' Ajvalile laj sloq'ues batel ti vinic ti ta ts'unubal ti ja' Eden sbie, bat yac' abtejuc ta banomil ti bu lic ayanuc talele. 24Ti Diose, ti c'alal laj sloq'ues batel ti vinic ti ta sloq'ueb c'ac'ale, laj yac' jun chib jchabiej ts'unubal ti oy xiq'uique, xchi'uc jun espada ti ta xtil xojobal ta joyobe, yo' jech mu'yuc buch'u xu' ta xc'ot ti bu oy ti te' ti ta xac' cuxlejale.
Aktuálne označené:
Génesis 3: TZC00
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Biblia en Tzotzil de Chamula, Chiapas, México © Sociedad Bíblica de México, A.C. 2000