MATYOO 1

Rìfuu yì ɗi Yeesus

1Rìfuu yì ɗi Yeesus Kiris man à Davit, man à Abiraham ɗi ri fɛlɛ: 2Abiraham à yalà Isag, Isag à yay Yakɔɓ, Yakɔɓ à yay lɛ, rì Zyuda rì ɓɛ̀geni ɓii; 3Zyuda à yay lɛ rì Farɛs rì Zara ɓɛɛ̀ Tamaar, Farɛs à yay Ɛsirɔm, Ɛsirɔm à yay Aram; 4Aram à yay Aminadaɓ, Aminadaɓ à yay Naasɔn, Naasɔn à yay Salmɔn 5Salmɔn ɓɛɛ̀ Rahaɓ ɓɛ yay Boas, Boas ɓɛɛ̀ Rut ɓɛ yay Oɓɛɛɗ, Oɓɛɛɗ à yay Isayii. 6Isayii à yay rìfòm ɗi lɛ Davit; rìfòm ɗi lɛ Davit ɗi yay Salomɔŋ ɓɛɛ̀ gili Ùrì; 7Salomɔŋ à yay Roɓwam, Roɓwam à yay Aɓya, Aɓya à yay Asa; 8Asa à yay Yosafat, Yosafat à yay Zyoram, Zyoram à yay Ozyas; 9Ozyas à yay Zyoatam, Zyoatam à yay Akas, Akas à yay Ezekyas; 10Ezekyas à yay Manase, Manase à yay Amɔn, Amɔn à yay Yozyas. 11Yozyas à yay lɛ, rì Yekonyas rì ɓɛ̀geni ɓii, ɓi cààmɛ̀n ki ɓɛ kɛngà rì ɓɔn ɓɛ Isirayɛl a Baɓilon. 12Ajɛ̀m ì rìkɛ̀n ɗi rì Isirayɛl ɗiǹ a Baɓilon nnɛ Yekonyas à yali Salatyɛl; Salatyɛl à yay Zoroɓaɓɛl; 13Zoroɓaɓɛl à yay Aɓyud, Aɓyud à yay Elyakim, Elyakim à yay Azɔɔr; 14Azɔɔr à yay Saɗɔg, Saɗɔg à yay Akim, Akim à yay Elyud. 15Elyud à yay Eleyazaar, Eleyazaar à yay Mataŋ, Mataŋ à yay Yakɔɓ; 16Yakɔɓ à yay Yoosɛɓ à yii Marii ànɛ à yalà Yeesus ànɛ ɓɛɛ̀ regi lɛ Kiris. 17À tumɛ̀n ɓi Abiraham à kpaŋ ɓi Davit gbàà yi ɓum yi ri yɛɛlɔɔ ǹtɛ̀ɗ ɗì yiniǹ; à pɛ̀sɛ̀n ɓi Davit à kpaŋ ɓi rìkɛ̀n ɗi rì Isirayɛl a Baɓilon, gbàà yi ɓum ǹtɛ̀ɗ ɗì yiniǹ; à tumɛ̀n ɓi cààmɛ̀n kiǹ à kpaŋ ɓi rìyalɛ̀n ɗi Kiris, gbàà yi ɓum ǹtɛ̀ɗ ɗì yiniǹ.

Rìyalɛ̀n ɗi Yeesus Kiris

18Rìyalɛ̀n ɗi Yeesus Kiris ɗi ɓaghà fɛlɛ: Marii à jɛɛ à ɓaghà di à mɛ gherɛn Yoosɛɓ lɛ, ɓɛ ɓiì wɔlɛɛ. Yɛ̀ɛ ɓɛ ɓaghà di ɓɛ ka wɔlɛn ɓi, nni Marii, à tekà ɗyem rì ìtèɗ wu Kitɛntɛ̀ɛ̀n ki Nghay. 19Yoosɛɓ à kìlɔnì kii, à ɓaghà syeesyee à mum; nni yɛ̀ɛ à kɔngà ɓi lɛ a ghani Marii ɓidan, fɔɔnnɛ à fèkà lɛ a caɗ nyi lɛ ɗyɔ̀ɔ̀ŋ kɛ̀ɛ̀ gom. 20Yɛ̀ɛ à ɓaghà di à ti rì fèg ànɛn, innɛ Ŋwaàfìtom a Kan à rèsɛ̀ngà nyi a ɓìdɛ̀ndɛm̀, à kpaa nyi lɛ: Yoosɛɓ, man à Davit, kɔ̀ɔ risi riteɗ ɗi Marii à giɓ wɔɔ̀, ɓisuulɛ ìtèɗ wu Kitɛntɛ̀ɛ̀n Ki Nghay wɛɛ nkìi lɛ a teɗ ɗyem ɗi àrì rì ɗyɔ. 21À ɓiì yalì man à baŋì, ù ki ròò nyi ɗii lɛ Yeesus, lɛ nnyɛɛ ɓiì kòri kìlɔ̀ŋ kii ɓi ɓìɓe ɓyaa.

22Ɓìɓan ɓiǹ ɓìcèm ɓi kilɛ̀ngà lɛ kɛɛ ɓa ɓi jɛ̀ɛ̀ ìnɛ Kan à kpaaghà ɓi ŋwɔm wu ǹkpaŋzì-ɓìɓan lɛ: 23Ghɛna! Gɔ̀n ì giɓ ìnɛ ì ka yi ɓi ɓɛbaŋì ì ɓiì terì ɗyem, ì yay man à baŋì, ɓɛ roò nyi ɗii lɛ Emanuɛl; ɗii ɗìn ɗi ri azi lɛ: Bɛ̀ll rì ɓìsi.

24Yɛ̀ɛ Yoosɛɓ à ghèmɓɛ̀ngà ɓi fìlo, à kì loŋ yɛ̀ɛ ŋwaà-fìtom a Kan à kpaaghà nyi, à teɗ giy a mɛɛ mii. 25Kìɓan kifog, à yighà ɓi nyi kitòn zɛy à kpaŋ yɛ̀ɛ à yalà man à baŋì, Yoosɛɓ à ròò lɛ Yeesus.

Aktuálne označené:

MATYOO 1: BAFNT

Zvýraznenie

Zdieľať

Kopírovať

Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás

Zistiť viac o Bafia Nouveau Testament

MATYOO 1

Obľúbené biblické verše z
MATYOO 1

Počúvaj MATYOO 1

Biblia:

Bafia

Preklad: Bafia Nouveau Testament - BAFNT

MATYOO 1

MATYOO 1

Obľúbené biblické verše z MATYOO 1

Počúvaj MATYOO 1

Biblia:

Bafia

Preklad: Bafia Nouveau Testament - BAFNT

MATYOO 1

Obľúbené biblické verše z
MATYOO 1