Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s">Yesu Kasanja Wanalosho Wakye Ma&#7769;ende</div><div class="p"> 1Kyasia, m&#7775;umoe o Pasaka ulandeafukyie Yesu nalemanya kye kyiyeri kyakye kyewuka kunu wuyanenyi iyenda ko Awu, kyiwemshika. Na nalekunda walya wawekyemwosha kunu wuyanenyi, kawakunda mnu. 2Na kyiyeri kya kyelya kya kyukonyi; Mokyiriinzi naleenenga Yuda, mana o Simion Isikariote, ngoo yem&#7775;iinga. 3Yesu aichi kye Awu nam&#7769;ambikyie shoose na kye nawukyie ko Ruwa na oe naiyenda ko Ruwa, 4nalewuka halya shelyenyi, kayenda mbai kawuta pfo nguwo tsakye, kaira kyitambaa, kakuinewa kyitsinyi. 5Numa ya iho kawika m&#7775;inga pakulyinyi, kawooka isanja wanalosho wakye ma&#7769;ende, na igaanguo kui kyitambaa kyilya awekuinewie. 6Kashika ko Simion Petiro na oe kammbesa, &#8220;Mndumii! Iyoe nungyisanja ma&#7769;ende?&#8221; 7Yesu kagaluo, kammbia, &#8220;Kyindo ngyiwuta ochikyimanya wulalu-pfo; kyaindi nochikyimanya numa ya iha.&#8221; 8Petiro kammbia, &#8220;Iyoe ochingyisanja ma&#7769;ende maa ale-pfo.&#8221; Yesu kammbia, &#8220;Ngyilandekusanje ma&#7769;ende, ukyeri ura loko-pfo.&#8221; 9Simion Petiro kammbia, &#8220;Mndumii, chi ma&#7769;ende gako tupu-pfo, indi sanja na mawoko gako na m&#7769;oe oko taa.&#8221; 10Yesu kammbia, &#8220;Ulya amsambe awo&#7769;e-se kyima&#7769;uma kyesamba ma&#7769;ende-pfo, kyipfa namwilyi mmbiu oose; na nyoe momuila kyaindi chi moose-pfo.&#8221; 11Cha kyipfa nalemanya ulya echim&#7775;iinga; nyikyo kyitewe alegamba, &#8220;Chi moose muweelyi-pfo.&#8221;</div><div class="p"> 12Kyasia amuwasanje ma&#7769;ende, na i&#7775;aa nguwo tsakye na i&#7769;amia-se halya-ndu waweilyiia kyelya, nalewawia, &#8220;Ngyesa momanya isho ngammbutia?&#8221; 13Nyoe muingyilaga, &#8220;Mlosha&#8221; na &#8220;Mndumii;&#8221; mo&#7769;e&#7769;a necha, kyipfa nyi wu&#7769;o ngyikyeri. 14Kyasia kokooya inyi, ngyikyeri Mndumii na Mlosha, ngamusanja ma&#7769;ende, na wu&#7769;o kyimmbari isanjana ma&#7769;ende nyoe wenyi ko wenyi. 15Cha kyipfa ngamumlo&#7775;a chandu mowuta; kundu chandu ngammbutia, na nyoe muwute ku&#7769;o. 16Ny'kyaloi ngammbia, mtumo ang'anyi kuta mndumii okye-pfo; maa mo&#7769;iko ndumo ang'anyi kuta ulya am&#7769;uma-pfo. 17Wulalu momanya isho ngammbia; agusu nyoe kokooya moshiwuta! 18Ngyi&#7769;e&#7769;a mbonyi tsa nyoe moose-pfo. Ngyiichi walya ngyilewasambu&#7775;a; kyaindi kyi&#7775;eio kyii&#7769;ime iafukyia; kyi&#7775;eio kyilya kyigambie,</div><div class="q1">&#8220;Ulya alelya kyelya kyako</div><div class="q2">nawa mokyituwa oko.&#8221;</div><div class="m"> 19&#8220;Wookyia wulalu ngammbia shilya shechiwutika, kyiyeri-kyi shilandewutikye; kundu ilyi shechiwutika mui&#7769;ime ii&#7769;ikyia kye inyi nyi oe ulya ai pfo wookyia mlungana. 20Ny'kyaloi ngammbia, ulya aambilyia mndu oose ngam&#7769;uma, nangyiambilyia inyi; na ulya angyiambilyia inyi naambilyia ulya alengyi&#7769;uma.&#8221;</div><div class="s">Yesu Kagamba kye Nechi&#7775;iingo</div><div class="r">(Mat 26:20-25; Mak 14:17-21; Luk 22:21-23)</div><div class="p"> 21Na Yesu amwonguo isho, nalei&#7775;ewe mrimenyi, ka&#7775;ingyishia echigamba, &#8220;Ny'kyaloi ngammbia, umwi onyu nechingyi&#7775;iinga.&#8221; 22Wanalosho wakaambuyana, walamanye nyi wui aweimsenda. 23Na kuwewo&#7769;e umwi o wanalosho wakye, awe&#7769;amie kufuhi na Yesu; Yesu awemkundi. 24Kyasia Simion Petiro kamtsinia, kammbia, &#8220;Wesa, nyi wui amsenda?&#8221; 25Kyasia manalosho ulya katikyira kaaramia ura lo Yesu, kammbesa, &#8220;Mndumii, nyi wui?&#8221; 26Kyasia Yesu kagaluo, kagamba, &#8220;Nyi mndu ulya ngyechikapa itongye kyitelenyi na imwenengyia.&#8221; Kakapa itongye kyitelenyi kalyienengyia Yuda, mana o Simion Isikariote. 27Yuda amwambilyie itongye lyilya Satana kai&#7769;a na mrimenyi kokye. Kyasia Yesu kammbia, &#8220;Shindo uiwuta shiwute iwinyi.&#8221; 28Maa kuwo&#7769;e mndu oose kyii&#7769;i kya walya wawe&#7769;amie halya alemanya kyitewe kya immbia ku&#7769;o-pfo. 29Cha kyipfa walekusa&#7775;a, kyipfa Yuda awekyekooma kyikuchu kya heleri, Yesu nammbia kye, gu&#7775;a shilya lukundi kyipfa kya m&#7775;umoe-chu; ang'u nammbia kye naenengye wakyiwa kyindo. 30Kyasia Yuda, amwambilyie itongye lyilya, kawuka halya kyiyeri kyilya kyilya. Na nyi-we kyio.</div><div class="s">Iwawaso Lyihya</div><div class="p"> 31Yuda amfumie nja, Yesu nalegamba, &#8220;Wulalu Mana o Adamu nang'anyiso, na Ruwa nang'anyiso kyii&#7769;i kyakye. 32Ruwa nechimng'anyisa mrimenyi kokye; na oe nechimng'anyisa cha ilyi. 33Nyoe wana wako, hatsugai kyiyeri kyitutu ngyikyeri hamwi na nyoe; mochingyipfula; na chandu ngyilewia Wayuda kye, &#8216;Kulya-ndu ngyiyenda moi&#7769;ima icha na pfo-pfo&#8217;; na wu&#7769;o wulalu ngyimmbia nyoe. 34Ngyimuenenga iwawaso lyihya: &#8216;Mukundane.&#8217; Chandu ngyilemukunda nyoe, na nyoe mukundane wu&#7769;o. 35Ku&#7769;o wandu woose wechimanya kye nyoe mowa wanalosho wako, kokooya mokundana nyoe wenyi ko wenyi.&#8221;</div><div class="s">Yesu Kagamba kye Petiro Nechimkana</div><div class="r">(Mat 26:31-35; Mak 14:27-31; Luk 22:31-34)</div><div class="p"> 36Simion Petiro kammbia, &#8220;Mndumii, ny'kwi uiyenda?&#8221; Yesu kamgaluo, kagamba, &#8220;Kulya-ndu ngyiyenda oi&#7769;ima ingyiosha wulalu-pfo; kyaindi nongyiosha numa.&#8221; 37Petiro kammbia, &#8220;Mndumii, ny'kyilyi inyi ngyilechii&#7769;ima ikuosha wulalu? Inyi ngyechireka moo oko kyipfa kyapfo.&#8221; 38Yesu kamgaluo, kammbia, &#8220;Ngyesa iyoe nochireka moo opfo kyipfa kyako? Ny'kyaloi ngakuwia, ilying'onyi lyechifuga ulangyikana ka&#7775;aa&#7775;u-pfo.&#8221;</div>
 </div>
 </div>
</div>

New Testament in Kivunjo © Bible Society of Tanzania, 1999.

Kyasia, mṟumoe o Pasaka ulandeafukyie Yesu nalemanya kye kyiyeri kyakye kyewuka kunu wuyanenyi iyenda ko Awu, kyiwemshika. Na nalekunda walya wawekyemwosha kunu wuyanenyi, kawakunda mnu. Na kyiyeri kya kyelya kya kyukonyi; Mokyiriinzi naleenenga Yuda, mana o Simion Isikariote, ngoo yemṟiinga. Yesu aichi kye Awu namṙambikyie shoose na kye nawukyie ko Ruwa na oe naiyenda ko Ruwa, nalewuka halya shelyenyi, kayenda mbai kawuta pfo nguwo tsakye, kaira kyitambaa, kakuinewa kyitsinyi. Numa ya iho kawika mṟinga pakulyinyi, kawooka isanja wanalosho wakye maṙende, na igaanguo kui kyitambaa kyilya awekuinewie. Kashika ko Simion Petiro na oe kammbesa, “Mndumii! Iyoe nungyisanja maṙende?” Yesu kagaluo, kammbia, “Kyindo ngyiwuta ochikyimanya wulalu-pfo; kyaindi nochikyimanya numa ya iha.” Petiro kammbia, “Iyoe ochingyisanja maṙende maa ale-pfo.” Yesu kammbia, “Ngyilandekusanje maṙende, ukyeri ura loko-pfo.” Simion Petiro kammbia, “Mndumii, chi maṙende gako tupu-pfo, indi sanja na mawoko gako na mṙoe oko taa.” Yesu kammbia, “Ulya amsambe awoṙe-se kyimaṙuma kyesamba maṙende-pfo, kyipfa namwilyi mmbiu oose; na nyoe momuila kyaindi chi moose-pfo.” Cha kyipfa nalemanya ulya echimṟiinga; nyikyo kyitewe alegamba, “Chi moose muweelyi-pfo.”
Kyasia amuwasanje maṙende, na iṟaa nguwo tsakye na iṙamia-se halya-ndu waweilyiia kyelya, nalewawia, “Ngyesa momanya isho ngammbutia?” Nyoe muingyilaga, “Mlosha” na “Mndumii;” moṙeṙa necha, kyipfa nyi wuṙo ngyikyeri. Kyasia kokooya inyi, ngyikyeri Mndumii na Mlosha, ngamusanja maṙende, na wuṙo kyimmbari isanjana maṙende nyoe wenyi ko wenyi. Cha kyipfa ngamumloṟa chandu mowuta; kundu chandu ngammbutia, na nyoe muwute kuṙo. Ny'kyaloi ngammbia, mtumo ang'anyi kuta mndumii okye-pfo; maa moṙiko ndumo ang'anyi kuta ulya amṙuma-pfo. Wulalu momanya isho ngammbia; agusu nyoe kokooya moshiwuta! Ngyiṙeṙa mbonyi tsa nyoe moose-pfo. Ngyiichi walya ngyilewasambuṟa; kyaindi kyiṟeio kyiiṙime iafukyia; kyiṟeio kyilya kyigambie,
“Ulya alelya kyelya kyako
nawa mokyituwa oko.”
“Wookyia wulalu ngammbia shilya shechiwutika, kyiyeri-kyi shilandewutikye; kundu ilyi shechiwutika muiṙime iiṙikyia kye inyi nyi oe ulya ai pfo wookyia mlungana. Ny'kyaloi ngammbia, ulya aambilyia mndu oose ngamṙuma, nangyiambilyia inyi; na ulya angyiambilyia inyi naambilyia ulya alengyiṙuma.”


Na Yesu amwonguo isho, naleiṟewe mrimenyi, kaṟingyishia echigamba, “Ny'kyaloi ngammbia, umwi onyu nechingyiṟiinga.” Wanalosho wakaambuyana, walamanye nyi wui aweimsenda. Na kuwewoṙe umwi o wanalosho wakye, aweṙamie kufuhi na Yesu; Yesu awemkundi. Kyasia Simion Petiro kamtsinia, kammbia, “Wesa, nyi wui amsenda?” Kyasia manalosho ulya katikyira kaaramia ura lo Yesu, kammbesa, “Mndumii, nyi wui?” Kyasia Yesu kagaluo, kagamba, “Nyi mndu ulya ngyechikapa itongye kyitelenyi na imwenengyia.” Kakapa itongye kyitelenyi kalyienengyia Yuda, mana o Simion Isikariote. Yuda amwambilyie itongye lyilya Satana kaiṙa na mrimenyi kokye. Kyasia Yesu kammbia, “Shindo uiwuta shiwute iwinyi.” Maa kuwoṙe mndu oose kyiiṙi kya walya waweṙamie halya alemanya kyitewe kya immbia kuṙo-pfo. Cha kyipfa walekusaṟa, kyipfa Yuda awekyekooma kyikuchu kya heleri, Yesu nammbia kye, guṟa shilya lukundi kyipfa kya mṟumoe-chu; ang'u nammbia kye naenengye wakyiwa kyindo. Kyasia Yuda, amwambilyie itongye lyilya, kawuka halya kyiyeri kyilya kyilya. Na nyi-we kyio.

Yuda amfumie nja, Yesu nalegamba, “Wulalu Mana o Adamu nang'anyiso, na Ruwa nang'anyiso kyiiṙi kyakye. Ruwa nechimng'anyisa mrimenyi kokye; na oe nechimng'anyisa cha ilyi. Nyoe wana wako, hatsugai kyiyeri kyitutu ngyikyeri hamwi na nyoe; mochingyipfula; na chandu ngyilewia Wayuda kye, ‘Kulya-ndu ngyiyenda moiṙima icha na pfo-pfo’; na wuṙo wulalu ngyimmbia nyoe. Ngyimuenenga iwawaso lyihya: ‘Mukundane.’ Chandu ngyilemukunda nyoe, na nyoe mukundane wuṙo. Kuṙo wandu woose wechimanya kye nyoe mowa wanalosho wako, kokooya mokundana nyoe wenyi ko wenyi.”


Simion Petiro kammbia, “Mndumii, ny'kwi uiyenda?” Yesu kamgaluo, kagamba, “Kulya-ndu ngyiyenda oiṙima ingyiosha wulalu-pfo; kyaindi nongyiosha numa.” Petiro kammbia, “Mndumii, ny'kyilyi inyi ngyilechiiṙima ikuosha wulalu? Inyi ngyechireka moo oko kyipfa kyapfo.” Yesu kamgaluo, kammbia, “Ngyesa iyoe nochireka moo opfo kyipfa kyako? Ny'kyaloi ngakuwia, ilying'onyi lyechifuga ulangyikana kaṟaaṟu-pfo.”

Terera ku Yohane 13