Ndagaanu Gihyaka

<div class="version vid1837 iso6393rub" data-vid="1837" data-iso6393="rub">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s1">Kwi&#817;twa kwa Yohaana Mu&#817;bati&#817;zi&#817;</div><div class="r">(Mari&#817;ko 6:14-29; Lu&#817;u&#817;ka 9:7-9)</div><div class="p"> 1Mu kasu&#817;mi&#817; kakwo ka Yesu&#817; yeegeseeryengi&#817;mwo, weisaza Herodi&#817;#14:1 Yogo Herodi&#817; Antipasi munyakulemanga isaza lya Galilaaya yaalingi mu&#817;tabani&#817; wa Herodi&#817; munyakubba mukama abazib&#815;waho mu Matayo 2:1. yeegwi&#817;ri&#817; bya Yesu&#817; bi&#817;yaakorengi&#817;, 2yaaweera bahei&#817; ba magezi&#817; ba mukama, &#8220;Yogwo, ali Yohaana Mu&#817;bati&#817;zi&#817;! Ahi&#817;mbooki&#817;ri&#817; kuruga mu baku&#817;u&#817;; kyokyo kikumuha kubba na maani gaakukora byamahanu.&#8221; 3Kubba mu kasu&#817;mi&#817; kei&#817;nyu&#817;maho, Herodi&#817; yaaragi&#817;i&#817;ri&#817; baakwata Yohaana, baamubboha, baamuta mu nkomo. Yaaragi&#817;i&#817;ri&#817; baakora bi&#817;byo, hab&#815;wa muramu waamwe giyaali atu&#817;ngi&#817;ri&#817; mu b&#815;u&#817;tadoori&#817;, gi&#817;beetengi&#817; Herodi&#817;yaasi&#817;, munyakubba naali muka waab&#815;u gi&#817;beetengi&#817; Fi&#817;li&#817;po. 4Herodi&#817; yaali atu&#817;ngi&#817;ri&#817; yogwo mu&#817;kali&#817;, b&#815;u&#817;b&#815;wo Yohaana naaku&#817;weeranga Herodi&#817;, &#8220;Ki&#817;doori&#817; kwahi we kutunga yogwo mu&#817;kali&#817;.&#8221; 5Nahab&#815;waki&#817;kyo, Herodi&#817; yendyengi&#817; kwi&#817;ta Yohaana, bei&#817;tu&#817; kandi naaku&#817;ti&#817;i&#817;na bantu batamubyokeera, kubba bantu baatengi&#817;mwo Yohaana ki&#817;ti&#817;i&#817;ni&#817;sa, hab&#815;wa kumuwona naali mu&#817;ragu&#817;ri&#817; wa Ruhanga.</div><div class="p"> 6Kiro ki&#817;mwei&#817;, haali&#817;ngi&#817;yo b&#815;u&#817;genyi&#817; b&#815;wa kwi&#817;zu&#817;ka kubyalwa kwa weisaza Herodi&#817;. Mu b&#815;u&#817;b&#815;wo b&#815;u&#817;genyi&#817;, muhara wa Herodi&#817;yaasi&#817; yaadengu&#817;di&#817;ri&#817; mugongo mu mei&#817;so ga bagenyi&#817;, yaasemeza hoi&#817; Herodi&#817;. Kwega Herodi&#817; ku&#817;yaasemereerwe, 7yeeragani&#817;si&#817;i&#817;rye ateeri&#817;ho na kurahira nti, akwi&#817;za kuha yogwo muhala kintu kyenseenya kiyaakamusaba. 8Hei&#817;nyu&#817;ma gya muhala kutunga magezi&#817; kuruga hali maawe, yaasabi&#817;ri&#817; Herodi&#817; naakoba, &#8220;Temaho mu&#817;twe gwa Yohaana Mu&#817;bati&#817;zi&#817;, ogute ha sahaani, ogundeetere haha, mwa ku&#817;nnanu&#817;ki&#817;sya nti akwi&#817;ri&#817;.&#8221; 9Mukama Herodi&#817; b&#815;u&#817;yeegwi&#817;ri&#817; kya muhala ki&#817;yaamu&#817;sabi&#817;ri&#817;, yaasaalirwa. Bei&#817;tu&#817; kandi hab&#815;wa kurahira kuyaali arahi&#817;i&#817;ri&#817; mu mei&#817;so ga bagenyi&#817; baamwe, yaaragi&#817;i&#817;ri&#817; bamuhe ki&#817;yaasabi&#817;ri&#817;. 10Nahab&#815;waki&#817;kyo, weisaza yaaragi&#817;i&#817;ri&#817; bantu baamwe, baagyenda mu nkomo, baatemaho mu&#817;twe gwa Yohaana. 11Mwomwo baaguleetera ha sahaani, baaguha muhala, mahala yaagutwalira maawe. 12Hei&#817;nyu&#817;ma, beegeseb&#815;wa ba Yohaana b&#815;u&#817;beegwi&#817;ri&#817; binyakubbaho, bei&#817;zi&#817;ri&#817; baatwala mutumbi, baaguziika; mwomwo baagyenda baaweera Yesu&#817;.</div><div class="s1">Yesu&#817; Naadi&#817;i&#817;sya bantu Nku&#817;mi&#817; itaanu</div><div class="r">(Mari&#817;ko 6:30-44; Lu&#817;u&#817;ka 9:10-17; Yohaana 6:1-14)</div><div class="p"> 13Yesu&#817; b&#815;u&#817;yeegwi&#817;ri&#817; makuru gakukwatagana na Yohaana, yaatembi&#817;ri&#817; b&#815;wati&#817; yaarugayo, yaagyenda kwantandu. Bantu b&#815;u&#817;baakyetegeri&#817;i&#817;ze, baaruga mu mbuga, baamuhondera na magulu. 14B&#815;u&#817;yaaru&#817;gi&#817;ri&#817; mu b&#815;wati&#817;, akawona kitebe kikooto kya bantu, yaabasaasira, yaahoni&#817;a baseeri&#817; baab&#815;u.</div><div class="p"> 15Lyoba b&#815;ulyali nilikugyenda ku&#817;gwa, beegeseb&#815;wa bei&#817;zi&#817;ri&#817; baamuweera, &#8220;Haha tuli mwihamba, kandi na b&#815;wi&#817;re b&#815;ulimukusweka; raga bantu bagyende mu byaru beegulire bidyo.&#8221;</div><div class="p"> 16Yesu&#817; yaabei&#817;ri&#817;ri&#817;mwo naakoba yati: &#8220;Kikwetaagisib&#815;wa kwahi bantu kugyenda. Nywe mu&#817;bahe kintu kyakudya.&#8221;</div><div class="p"> 17Mwomwo beegeseb&#815;wa baamuweera, &#8220;Haha Tuli na migaati mitaanu misa na nsu&#817; ibiri.&#8221;</div><div class="p"> 18Yo yaakoba, &#8220;Mu&#817;bi&#817;i&#817;ndeetere haha.&#8221; 19Yaaragira bantu beicaare mu b&#815;usubi. Yaakwata migaati mitaanu na nsu&#817; ibiri, yaalingiira kwakyendi&#817;, yaasi&#817;i&#817;ma. B&#815;u&#817;yaamaari&#817; ku&#817;si&#817;i&#817;ma, yaasabbulasabbulamwo migaati, yaamiha beegeseb&#815;wa baamwe, bamigabire bantu. 20Bantu bensei&#817; baadi&#817;i&#817;ri&#817; kandi beicuta. Kasi mwomwo beegeseb&#815;wa baakoma b&#815;ucwekacweka b&#815;unyakusigala b&#815;u&#817;tadi&#817;i&#817;bi&#817;i&#817;rwe, b&#815;wei&#817;zu&#817;u&#817;lya nkimba i&#817;ku&#817;mi&#817; neibiri. 21Badulu banyakudya baadwengi&#817; nka nku&#817;mi&#817; itaanu, B&#815;u&#817;b&#815;wo nu, otabali&#817;i&#817;ri&#817;mwo bakali&#817; na baana.</div><div class="s1">Yesu&#817; Naalibatira ha Meezi&#817;</div><div class="r">(Mari&#817;ko 6:45-52; Yohaana 6:15-21)</div><div class="p"> 22Kasi Yesu&#817; yaaragira beegeseb&#815;wa baamwe kwingira mu b&#815;wati&#817;, bamubanze kwambuka i&#817;taka, yo asigale naakyaraga bantu. 23B&#815;u&#817;yaamaari&#817; kubaraga, yaatemba lusahu naali yankei mwa kusobora kusaba. Ha b&#815;wi&#817;re b&#815;waswekeeri&#817;, yaalingi naacaali&#817;yo yankei, 24bei&#817;tu&#817; kandi ha b&#815;wi&#817;re b&#815;u&#817;b&#815;wo, b&#815;wati&#817; b&#815;wa beegeseb&#815;wa baamwe b&#815;ubaali nibakugyenderamwo, b&#815;wali b&#815;u&#817;doori&#817; hakati&#817; weitaka, nib&#815;ukukuutwa bijanga, hab&#815;wakubba kihehu kyalingi ki&#817;bahu&#817;lu&#817;ki&#817;ri&#817; na mu mei&#817;so.</div><div class="p"> 25Mu b&#815;wi&#817;re b&#815;wei&#817;jolo ha nkoko gyakubanza gyakookomeeri&#817;, Yesu&#817; yei&#817;zi&#817;ri&#817; hali beegeseb&#815;wa baamwe, naakulibatira ha meezi&#817;. 26Beegeseb&#815;wa baamwe b&#815;u&#817;baamu&#817;weeni&#817; naakulibatira ha meezi&#817;, baakwatwa b&#815;u&#817;ti&#817;i&#817;ni&#817; b&#815;unene hoi&#817;. Kwega ku&#817;baati&#817;i&#817;ni&#817;ri&#817; hoi&#817;, baalu&#817;ki&#817;ri&#817; nibakoba, &#8220;Guli muzumu.&#8221;</div><div class="p"> 27Nahaahwo Yesu&#817; yaabaweera, &#8220;Mu&#817;tati&#817;i&#817;re! Ndi gyagya, mu&#817;tati&#817;i&#817;na.&#8221;</div><div class="p"> 28Mwomwo Peeteru yaamwi&#817;ramwo naakoba, &#8220;Mukama wange, waakabba nooli weewe, ndagira nagyadede nze cali oli, ninkulibatira ha meezi&#817;.&#8221;</div><div class="p"> 29Yesu&#817; yaamwi&#817;ri&#817;ri&#817;mwo naakoba, &#8220;I&#817;za.&#8221; Mwomwo Peeteru yaani&#817;i&#817;nu&#817;ka mu b&#815;wati&#817;, yaalibatira ha meezi&#817;, magyenda hali Yesu&#817;. 30Bei&#817;tu&#817; b&#815;u&#817;yaaweeni&#817; kihehu nikili kinyamaani, yaati&#817;i&#817;na, yaatandika ku&#817;di&#817;ki&#817;ra mu meezi&#817;, yaaluka naakoba, &#8220;Mukama wange, njuna!&#8221;</div><div class="p"> 31Nahaahwo Yesu&#817; yaalandi&#817;ki&#817;ri&#817;i&#817;rye mukono gwamwe, yaamukwata naakoba, &#8220;We, wakwikiriza ku&#817;dooli&#817;, hab&#815;waki otakunanuka?&#8221;</div><div class="p"> 32Peeteru na Yesu&#817; b&#815;u&#817;bei&#817;ngi&#817;i&#817;ri&#817; mu b&#815;wati&#817;, kihehu kyalekahoona kuhunga. 33Mwomwo banyakubba mu b&#815;wati&#817; baaramya Yesu&#817; nibakoba, &#8220;Kwo mali&#817;, oli Mwana wa Ruhanga.&#8221;</div><div class="s1">Yesu&#817; Naahoni&#817;a Baseeri&#817; mu Genesareeti&#817;</div><div class="r">(Mari&#817;ko 6:53-56)</div><div class="p"> 34Yesu&#817; na beegeseb&#815;wa baamwe, bambu&#817;ki&#817;ri&#817; i&#817;taka, baadwa ha mutanda guli heehi&#817; na Rub&#815;uga Genesareeti&#817;. 35Bantu ba Genesareeti&#817; b&#815;u&#817;baalengeeri&#817; Yesu&#817;, baamanyi&#817;sya bantu ba mu biikaru byenseenya bi&#817;hereeri&#817;ho. Bantu benseenya baaleeti&#817;ri&#817; baseeri&#817; baab&#815;u hali Yesu&#817;, 36baamwesengereerya, eikirize baseeri&#817; bakwate-b&#815;u&#817;kwati&#817; ha mukugiro gwa lu&#817;goye lwamwe. Kandi bab&#815;wo benseenya banyakugukwataho, baahoni&#817;ri&#817; nseeri&#817; zaab&#815;u.</div>
 </div>
 </div>
</div>

Mu kasu̱mi̱ kakwo ka Yesu̱ yeegeseeryengi̱mwo, weisaza Herodi̱ yeegwi̱ri̱ bya Yesu̱ bi̱yaakorengi̱, yaaweera bahei̱ ba magezi̱ ba mukama, “Yogwo, ali Yohaana Mu̱bati̱zi̱! Ahi̱mbooki̱ri̱ kuruga mu baku̱u̱; kyokyo kikumuha kubba na maani gaakukora byamahanu.” Kubba mu kasu̱mi̱ kei̱nyu̱maho, Herodi̱ yaaragi̱i̱ri̱ baakwata Yohaana, baamubboha, baamuta mu nkomo. Yaaragi̱i̱ri̱ baakora bi̱byo, hab̯wa muramu waamwe giyaali atu̱ngi̱ri̱ mu b̯u̱tadoori̱, gi̱beetengi̱ Herodi̱yaasi̱, munyakubba naali muka waab̯u gi̱beetengi̱ Fi̱li̱po. Herodi̱ yaali atu̱ngi̱ri̱ yogwo mu̱kali̱, b̯u̱b̯wo Yohaana naaku̱weeranga Herodi̱, “Ki̱doori̱ kwahi we kutunga yogwo mu̱kali̱.” Nahab̯waki̱kyo, Herodi̱ yendyengi̱ kwi̱ta Yohaana, bei̱tu̱ kandi naaku̱ti̱i̱na bantu batamubyokeera, kubba bantu baatengi̱mwo Yohaana ki̱ti̱i̱ni̱sa, hab̯wa kumuwona naali mu̱ragu̱ri̱ wa Ruhanga.
Kiro ki̱mwei̱, haali̱ngi̱yo b̯u̱genyi̱ b̯wa kwi̱zu̱ka kubyalwa kwa weisaza Herodi̱. Mu b̯u̱b̯wo b̯u̱genyi̱, muhara wa Herodi̱yaasi̱ yaadengu̱di̱ri̱ mugongo mu mei̱so ga bagenyi̱, yaasemeza hoi̱ Herodi̱. Kwega Herodi̱ ku̱yaasemereerwe, yeeragani̱si̱i̱rye ateeri̱ho na kurahira nti, akwi̱za kuha yogwo muhala kintu kyenseenya kiyaakamusaba. Hei̱nyu̱ma gya muhala kutunga magezi̱ kuruga hali maawe, yaasabi̱ri̱ Herodi̱ naakoba, “Temaho mu̱twe gwa Yohaana Mu̱bati̱zi̱, ogute ha sahaani, ogundeetere haha, mwa ku̱nnanu̱ki̱sya nti akwi̱ri̱.” Mukama Herodi̱ b̯u̱yeegwi̱ri̱ kya muhala ki̱yaamu̱sabi̱ri̱, yaasaalirwa. Bei̱tu̱ kandi hab̯wa kurahira kuyaali arahi̱i̱ri̱ mu mei̱so ga bagenyi̱ baamwe, yaaragi̱i̱ri̱ bamuhe ki̱yaasabi̱ri̱. Nahab̯waki̱kyo, weisaza yaaragi̱i̱ri̱ bantu baamwe, baagyenda mu nkomo, baatemaho mu̱twe gwa Yohaana. Mwomwo baaguleetera ha sahaani, baaguha muhala, mahala yaagutwalira maawe. Hei̱nyu̱ma, beegeseb̯wa ba Yohaana b̯u̱beegwi̱ri̱ binyakubbaho, bei̱zi̱ri̱ baatwala mutumbi, baaguziika; mwomwo baagyenda baaweera Yesu̱.


Yesu̱ b̯u̱yeegwi̱ri̱ makuru gakukwatagana na Yohaana, yaatembi̱ri̱ b̯wati̱ yaarugayo, yaagyenda kwantandu. Bantu b̯u̱baakyetegeri̱i̱ze, baaruga mu mbuga, baamuhondera na magulu. B̯u̱yaaru̱gi̱ri̱ mu b̯wati̱, akawona kitebe kikooto kya bantu, yaabasaasira, yaahoni̱a baseeri̱ baab̯u.
Lyoba b̯ulyali nilikugyenda ku̱gwa, beegeseb̯wa bei̱zi̱ri̱ baamuweera, “Haha tuli mwihamba, kandi na b̯wi̱re b̯ulimukusweka; raga bantu bagyende mu byaru beegulire bidyo.”
Yesu̱ yaabei̱ri̱ri̱mwo naakoba yati: “Kikwetaagisib̯wa kwahi bantu kugyenda. Nywe mu̱bahe kintu kyakudya.”
Mwomwo beegeseb̯wa baamuweera, “Haha Tuli na migaati mitaanu misa na nsu̱ ibiri.”
Yo yaakoba, “Mu̱bi̱i̱ndeetere haha.” Yaaragira bantu beicaare mu b̯usubi. Yaakwata migaati mitaanu na nsu̱ ibiri, yaalingiira kwakyendi̱, yaasi̱i̱ma. B̯u̱yaamaari̱ ku̱si̱i̱ma, yaasabbulasabbulamwo migaati, yaamiha beegeseb̯wa baamwe, bamigabire bantu. Bantu bensei̱ baadi̱i̱ri̱ kandi beicuta. Kasi mwomwo beegeseb̯wa baakoma b̯ucwekacweka b̯unyakusigala b̯u̱tadi̱i̱bi̱i̱rwe, b̯wei̱zu̱u̱lya nkimba i̱ku̱mi̱ neibiri. Badulu banyakudya baadwengi̱ nka nku̱mi̱ itaanu, B̯u̱b̯wo nu, otabali̱i̱ri̱mwo bakali̱ na baana.


Kasi Yesu̱ yaaragira beegeseb̯wa baamwe kwingira mu b̯wati̱, bamubanze kwambuka i̱taka, yo asigale naakyaraga bantu. B̯u̱yaamaari̱ kubaraga, yaatemba lusahu naali yankei mwa kusobora kusaba. Ha b̯wi̱re b̯waswekeeri̱, yaalingi naacaali̱yo yankei, bei̱tu̱ kandi ha b̯wi̱re b̯u̱b̯wo, b̯wati̱ b̯wa beegeseb̯wa baamwe b̯ubaali nibakugyenderamwo, b̯wali b̯u̱doori̱ hakati̱ weitaka, nib̯ukukuutwa bijanga, hab̯wakubba kihehu kyalingi ki̱bahu̱lu̱ki̱ri̱ na mu mei̱so.
Mu b̯wi̱re b̯wei̱jolo ha nkoko gyakubanza gyakookomeeri̱, Yesu̱ yei̱zi̱ri̱ hali beegeseb̯wa baamwe, naakulibatira ha meezi̱. Beegeseb̯wa baamwe b̯u̱baamu̱weeni̱ naakulibatira ha meezi̱, baakwatwa b̯u̱ti̱i̱ni̱ b̯unene hoi̱. Kwega ku̱baati̱i̱ni̱ri̱ hoi̱, baalu̱ki̱ri̱ nibakoba, “Guli muzumu.”
Nahaahwo Yesu̱ yaabaweera, “Mu̱tati̱i̱re! Ndi gyagya, mu̱tati̱i̱na.”
Mwomwo Peeteru yaamwi̱ramwo naakoba, “Mukama wange, waakabba nooli weewe, ndagira nagyadede nze cali oli, ninkulibatira ha meezi̱.”
Yesu̱ yaamwi̱ri̱ri̱mwo naakoba, “I̱za.” Mwomwo Peeteru yaani̱i̱nu̱ka mu b̯wati̱, yaalibatira ha meezi̱, magyenda hali Yesu̱. Bei̱tu̱ b̯u̱yaaweeni̱ kihehu nikili kinyamaani, yaati̱i̱na, yaatandika ku̱di̱ki̱ra mu meezi̱, yaaluka naakoba, “Mukama wange, njuna!”
Nahaahwo Yesu̱ yaalandi̱ki̱ri̱i̱rye mukono gwamwe, yaamukwata naakoba, “We, wakwikiriza ku̱dooli̱, hab̯waki otakunanuka?”
Peeteru na Yesu̱ b̯u̱bei̱ngi̱i̱ri̱ mu b̯wati̱, kihehu kyalekahoona kuhunga. Mwomwo banyakubba mu b̯wati̱ baaramya Yesu̱ nibakoba, “Kwo mali̱, oli Mwana wa Ruhanga.”


Yesu̱ na beegeseb̯wa baamwe, bambu̱ki̱ri̱ i̱taka, baadwa ha mutanda guli heehi̱ na Rub̯uga Genesareeti̱. Bantu ba Genesareeti̱ b̯u̱baalengeeri̱ Yesu̱, baamanyi̱sya bantu ba mu biikaru byenseenya bi̱hereeri̱ho. Bantu benseenya baaleeti̱ri̱ baseeri̱ baab̯u hali Yesu̱, baamwesengereerya, eikirize baseeri̱ bakwate-b̯u̱kwati̱ ha mukugiro gwa lu̱goye lwamwe. Kandi bab̯wo benseenya banyakugukwataho, baahoni̱ri̱ nseeri̱ zaab̯u.

Terera ku Matayo 14