Sgaw Karen Common Bible © Bible Society of Myanmar, 1992.

ဒီးတၢ်လၢဂုၢ်န့ၣ်မ့ၢ်ဆၣ်ဖိကီၢ်ဖိလၢကူၣ်လီတၢ်အသ့ကတၢၢ်လၢ ယွၤ, ကစၢ်ယွၤတ့လီၤန့ၣ်လီၤ. ဒီးဂုၢ်န့ၣ်သံကွၢ်ပိာ်မုၣ်, “မ့ၢ်ကစၢ် ယွၤတဲဘၣ်သုသပှၢ်တၢၢ်လၢသုတဘၣ်အီၣ်သ့ၣ်သၣ်လၢသ့ၣ်တထံးလၢ်လၢ် လၢတၤသၣ်လီၢ်အပူၤန့ၣ်ဧါ.”
ဒီးပိာ်မုၣ်န့ၣ်စံးဆၢအီၤ, “သ့ၣ်အသၣ်လၢကယဲၢ်သ့ၣ်တထံးလၢ် လၢ်လၢတၤသၣ်အလီၢ်ပူၤန့ၣ်ပအီၣ်အီၤသ့လီၤ. ဘၣ်ဆၣ်ဒီးသ့ၣ်အိၣ်လၢတၤသၣ်လီၢ်အခၢၣ်သးန့ၣ်ပတဘၣ်အီၣ်အီၤဘၣ်. ကစၢ်ယွၤတဲပှၤလၢပတဘၣ်အီၣ်သ့ၣ်န့ၣ်အသၣ်ဘၣ်. ပတဘၣ်ထိးဒၣ်လဲာ်အီၤဘၣ်. ပမ့ၢ်အီၣ်ဒီးပကသံလီၤ.”
ဒီးဂုၢ်န့ၣ်စံးဆၢဝဲ, “တၢ်န့ၣ်တမ့ၢ်ဘၣ်. သုတသံဘၣ်.
ကစၢ်ယွၤစံးတၢ်ဒ်န့ၣ်မ့ၢ်လၢအဝဲသ့ၣ်ညါလၢ, တုၤသုအီၣ်တၤသၣ်န့ၣ်ဒီးသုကလီၤဂာ်ဒီးကစၢ်ယွၤဒီးသုကသ့ၣ် ညါတၢ်ဂ့ၤဒီးတၢ်အတဂ့ၤအဃိန့ၣ်လီၤ.”
ဒီးပိာ်မုၣ်န့ၣ်ထံၣ်ဝဲလၢသ့ၣ်တထံးန့ၣ်ဃံလၤဝဲဒီးအသၣ်န့ၣ် တၢ်မ့ၢ်အီၣ်ဘၣ်ဒီးကဝံၣ်ဝဲဆံးဒိၣ်လဲၣ်ဒီးပိာ်မုၣ်န့ၣ်ဆိ ကမိၣ်ကွၢ်ဝဲလၢအဝဲမ့ၢ်ကူၣ်သ့ကူၣ်ဘၣ်ထီၣ်ဒီးကမုာ်သူၣ်မုာ်သး ဆံးဒိၣ်လဲၣ်န့ၣ်လီၤ. လၢတၢ်န့ၣ်အဃိအဝဲဟံးန့ၢ်သ့ၣ်သၣ်တနီၤဒီးအီၣ်ဝဲ ဒၣ်လီၤ. ဒီးဟ့ၣ်လီၤအဝၤတနီၤဒီးအဝဲဒၣ်စ့ၢ်ကီးအီၣ်ဝဲလီၤ. တဘျီဃီဖဲအီၣ်ဝဲဝံၤန့ၣ်ဒိးန့ၢ်ဘၣ်တၢ်သ့ၣ်ညါနၢ်ပၢၢ်ဒီး သ့ၣ်ညါထံလီၤက့ၤအသးလၢအဝဲသ့ၣ်အိၣ်ဘ့ၣ်ဆ့န့ၣ်လီၤ. လၢတၢ်န့ၣ်အဃိအဝဲသ့ၣ်ဆးပကိာ်ထီၣ်ချၢၣ်ဒၢအလၣ်ဒီးမၤဘံၣ်မၤဘၢအသးန့ၣ်လီၤ.
မုၢ်ဟါခီအဝဲန့ၣ်အဝဲသ့ၣ်နၢ်ဟူဝဲယွၤ, ကစၢ်ယွၤဟးလၢတၤသၣ်လီၢ်အပူၤ ဒီးအဝဲသ့ၣ်ပာ်တဒၢအသးလၢသ့ၣ်အကျါန့ၣ်လီၤ. ဘၣ်ဆၣ်ယွၤ, ကစၢ်ယွၤကိးထီၣ်ပိာ်ခွါ, “နအိၣ်ဖဲလဲၣ်.”
ဒီးအဝဲဒၣ်စံးဆၢအီၤ, “ယနၢ်ဟူနကလုၢ်လၢတၤသၣ်အလီၢ်ပူၤ လီၤ. ယပျံၤနၤဒီးပာ်တဒၢယသးလၢနၤလီၤ. အဂ့ၢ်ဒ်အံၤ, ယအိၣ်ဘ့ၣ်ဆ့လီၤ.”
ဒီးကစၢ်ယွၤသံကွၢ်အီၤ, “မ့ၢ်မတၤတဲနၤလၢနအိၣ်ဘ့ၣ်ဆ့န့ၣ်လဲၣ်. သ့ၣ်သၣ်လၢယတဲနၤလၢအီၣ်အီၤတဂ့ၤန့ၣ်မ့ၢ်နအီၣ်ဧါ.”
ဒီးပိာ်ခွါန့ၣ်စံးဆၢအီၤ, “ပိာ်မုၣ်လၢနဒုးအိၣ်ဃုာ်ဒီးယၤ ဖဲအံၤဟ့ၣ်ယၤသ့ၣ်သၣ်ဒီးယအီၣ်ဘၣ်လီၤ.”
ဒီးယွၤ, ကစၢ်ယွၤသံကွၢ်ပိာ်မုၣ်, “ဘၣ်မနုၤလၢနမၤတၢ်အံၤ လဲၣ်.”
ဒီးပိာ်မုၣ်န့ၣ်စံးဆၢဝဲ, “ဂုၢ်န့ၣ်ကူၣ်လီယၤဒ်သိးယကအီၣ် ဘၣ်တ့ၢ်အီၤလီၤ.”

တုၤနုၤတစုယွၤ, ကစၢ်ယွၤစံးဘၣ်ဂုၢ်, “နကဘၣ်တၢ်စံၣ်ညီၣ်လၢ နမၤတၢ်အံၤအဃိလီၤ. လၢကယဲၢ်ဆၣ်ဖိကီၢ်ဖိအကျါန့ၣ်, ထဲနၤဧိၤန့ၣ်, နကဘၣ်တူၢ်တၢ်ဆိၣ်အၢအံၤလီၤ. တုၤအံၤဆူညါနကဘၣ်စွါလၢနဟၢဖၢဒီးနကဘၣ်အီၣ်ဟီၣ်ခိၣ်အကမူၣ် တစိၤနသးသမူန့ၣ်လီၤ. ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”
ဒီးအဝဲစံးဘၣ်ပိာ်မုၣ်, “ယကမၤအါထီၣ်နတၢ်ကိၢ်တၢ်ဂီၤလၢနတၢ် ဒံၣ်ထီၣ်ဒၢထီၣ်အပူၤဒီးနတၢ်ဆိးကဲးလၢတၢ်ဆံးစၢ်ထီၣ်နဖိ အပူၤန့ၣ်လီၤ. တၢ်အံၤဒၣ်လဲာ်န့ၣ်နသးကအိၣ်ဒံးနဝၤဒီးအဝဲဒၣ်ကပၢနၤလီၤ.”
ဒီးအဝဲစံးဘၣ်ပိာ်ခွါန့ၣ်, “နဒိကနၣ်နမါအကလုၢ်ဒီးအီၣ်သ့ၣ် သၣ်လၢယမၤလိာ်နၤအီၣ်အီၤတဂ့ၤန့ၣ်လီၤ. မ့ၢ်လၢနမၤတ့ၢ်တၢ်အံၤအဃိဟီၣ်ခိၣ်ကအိၣ်လၢတၢ်ဆိၣ်အၢတမံၤအဖီလာ်လီၤ. နကဘၣ်မၤတၢ်ဆူၣ်ဆူၣ်တစိၤနသးဒ်သိးနကမၤန့ၢ်တၢ်အီၣ်လၢလၢလီၣ်လီၣ်လၢအပူၤ, လၢနဂီၢ်န့ၣ်လီၤ. နီၣ်ဧိၤမံၤဧိၤဒီးတၤဆှုၣ်တၤမဲကမဲထီၣ်ဒီးနကဘၣ်အီၣ်တၢ်မုၢ် တၢ်ဘိလၢအမဲထီၣ်လၢတၢ်ပျီပူၤန့ၣ်လီၤ. လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.
စီၤအၤဒၣ်ယုၢ်အမါအမံၤလၢနီၢ်အံၣ်အုမ့ၢ်လၢအဝဲမ့ၢ်ကယဲၢ်ပှၤဟီၣ်ခိၣ်ဖိ ခဲလၢာ်အမိၢ်အဃိန့ၣ်လီၤ. ဒီးယွၤ, ကစၢ်ယွၤမၤဆ့ကၤတဖၣ်လၢဆၣ်ဖိကီၢ်ဖိအဖံးလၢစီၤအၤဒၣ် ဒီးအမါအဂီၢ်ဒီးဒုးကူဒုးသိးထီၣ်အဝဲသ့ၣ်န့ၣ်လီၤ.

ဒီးယွၤ, ကစၢ်ယွၤစံးဝဲဒၣ်, “ဒီးခဲကနံၣ်အံၤပှၤကညီလီၤဂာ် ဒီးပှၤတဂၤလၢပသိးပကျါ, ဒီးအိၣ်ဒီးတၢ်သ့ၣ်ညါတၢ်ဂ့ၤဒီးတၢ်လၢအတဂ့ၤန့ၣ်လီၤ. မ်အသုတဘၣ်တၢ်ပျဲအီၤဒ်သိးအကဟံးန့ၢ်သ့ၣ်သၣ်လၢသ့ၣ်တထံးလၢ အဟ့ၣ်တၢ်မူဒီးအီၣ်အီၤဒီးအိၣ်မူလီၤထူလီၤယိာ်န့ၣ်တဂ့ၤ. ဒီးယွၤ, ကစၢ်ယွၤဒုးဟးထီၣ်ကွံာ်အီၤလၢဧ့ၤဒ့ၣ်တၤသၣ်အလီၢ် ဒီးဒုးသူၣ်လီၤဖျးလီၤအီၤတၢ်လၢဟီၣ်ခိၣ်လၢအဝဲဘၣ်တၢ်ဟံး န့ၢ်ဒီးတ့လီၤတ့ၢ်အီၤန့ၣ်လီၤ. ဒီးလၢတၤသၣ်အလီၢ်မုၢ်ထီၣ်န့ၣ်ပာ်လီၤဝဲခ့ရူာ်တဖၣ်ဒီးနးမ့ၣ်အူ လၢအတရံးအသးကိးကပၤဒဲးလီၤ. တၢ်အံၤမ့ၢ်ဒ်သိးအက တြီဃာ်ပှၤတဂၤလၢ်လၢ်လၢအကဟဲဘူးဒီးသ့ၣ်တထံးလၢအဟ့ၣ်တၢ်မူ န့ၣ်လီၤ.

Terera ku လံာ်တၢ်ကဲထီၣ်အခီၣ်ထံး 3