Tombulu - LAI Version (NT) no drama

Tombulu - LAI Version (NT) drama

<div class="version vid2748 iso6393tom" data-vid="2748" data-iso6393="tom">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s">Si Yesus nimo'as an a'&#233; n&#233; pahtuzu'en-Na</div><div class="p"> 1In endo mahsiwo-siwo i lum&#233;'os un endo Paskah n&#233; tou Yahudi, si Yesus &#233; mata'umo in oras-Namo tumula'u ung kaayahan kenu wo mang&#233; wia si Ama'-Na. Ni Sia &#233; rumaraat&#233; s&#233; tou s&#233; nima&#233;ndo anu-Na s&#233; wia ung kaayahan kenu wo ni Sia &#233; rumaraat&#233; ni s&#233;ra makaz ni Sia ing kalekepan.</div><div class="p"> 2I si Yesus wo s&#233; pahtuzu'en-Na mahkan mahwali-wali, si tonaas n&#233; s&#233;tang &#233;ng kimewitoma ung genang l&#233;wo' witu un at&#233; ni Yudas Iskariot, si oki' ni Simon, i mangk&#233;r ni Sia wia s&#233; kakoro'-Na.</div><div class="p"> 3Si Yesus mata'u i si Ama' &#233; nim&#233;h&#233;mo p&#233;l&#233;ng am p&#233;l&#233;ng wia ni Sia. Wo ni Sia &#233;m wia si Opo Empung a m&#233;y&#233; wo mawuri sumaup wia si Opo Empung. 4A si Yesus rumendai&#233;, wuka-Nama ung karai tonton-Na, a Sia mendom&#233; un anduk, an iapus-Nala witu un eembetan-Na. 5Tumondong niitu, Sia m&#233;rama un zano witu u loyang, a m&#233;h&#233; i mo'as an a'&#233; n&#233; pahtuzu'en-Na wo un a'&#233; n&#233;ra kumii-kiit im pahperan-Nama karia un anduk m&#233;iapus-Na witu un eembetan-Na. 6Ikaayola Sia wia si Simon Petrus, ang kuan ni Petrus wia ni Sia, &#8220;Tuang, kaa un a'&#233;ku pahwo'asan-Nu?&#8221;</div><div class="p"> 7Kuan ni Yesus wia ni sia, &#8220;Apa um pahwanguneng-Ku in tar&#233;kan &#233;n z&#233;i'kan katulapannu in tar&#233;kan, taan niitu &#233;ng katulapannumokan in tumondong.&#8221;</div><div class="p"> 8Ang kuan ni Petrus wia ni Sia, &#8220;Tia' pahwowo'asan-Nu un a'&#233;ku.&#8221;</div><div class="p">Kuan ni Yesus wia ni sia, &#8220;Sa un a'&#233;mu z&#233;i'kan wo'asang-Ku, ni ko &#233; m&#233;ikatampaso im wia ni Aku.&#8221;</div><div class="p"> 9Kuan ni Simon Petrus wia ni Sia, &#8220;Tuang, sa t&#233;ntu, tia' un a'&#233;ku uman, taan maan u lengen wo un uluku!&#8221;</div><div class="p"> 10Kuan ni Yesus wia ni sia, &#8220;S&#233;i uman si limel&#233;'mo, ni sia &#233;n z&#233;i'mo totoz im weresin, un a'&#233;na uman um wo'asala pahpaan un touna &#233;m weresimo. Ni kamu &#233;m weresimo taan z&#233;i'kan p&#233;l&#233;ng ni kamu.&#8221; 11Si Yesus kimua t&#233;ntu pahpaan kata'uan-Namo s&#233;i si mamangk&#233;r ni Sia. Niitumo ni Sia kimua, &#8220;Ni kamu &#233;m weresimo taan z&#233;i'kan p&#233;l&#233;ng ni kamu.&#8221;</div><div class="p"> 12 # 
 Luk. 22:27
 Makasampetla Sia i mahwo'as an a'&#233; n&#233;ra, ang karaien-Nala sumaup ung karai tonton-Na, a rumumez sumaup. A Sia kumua wia ni s&#233;ra, &#8220;Apa katulapan niou un tar&#233; winangun-Kuma wia ni kamu? 13Ni kamu &#233; mahkua ni Aku i M&#233;ster wo Tuang, um pahkuan niou itii &#233;n ulit, pahpaan ni Aku &#233; M&#233;ster wo Tuang. 14Niitumo, sa ni Aku in Tuang wo M&#233;ster niou &#233; mahwo'as an a'&#233; niou, ni kamu &#233; l&#233;wo'z&#233;i' i mahwowo'asan un a'&#233; niou. 15Ni Aku mahw&#233;h&#233;ma wia ni kamu ung k&#233;k&#233;r&#233;an, wo ni kamu kangkasii &#233; mahwangunla am winangun-Kumoma wia ni kamu. 16#Mat. 10:24; Luk. 6:40; Yoh. 15:20 Uli-ulit ikua-Kuma wia ni kamu: si ata &#233;n z&#233;i'kan lumous&#233; si tuangna, wo si aatu &#233;n z&#233;i'kan lumous&#233; si nimatum&#233;. 17Sa niia p&#233;l&#233;ng kinata'uan niouola, ni kamu &#233; mahpaa-paaz sa ni kamu mahwangun niana.</div><div class="p"> 18 # 
 Mzm. 41:10
 An ikua-Ku kenu &#233;n z&#233;i'kan tumoro ni kamu p&#233;l&#233;ng. Kata'uang-Ku s&#233;i s&#233; pin&#233;l&#233;ng-Ku. Taan u m&#233;ipantik witu um Pinantik Lenas &#233; l&#233;wo'z&#233;i' mamuali, &#8216;Si tou kiman u roti karia-Ku &#233; ma&#233;ndo kakoro'-Ku.&#8217; 19Niitu &#233; m&#233;ikua-Ku wia ni kamu in tar&#233;kan, puunala niitu i mamuali, wo sa niitu mamuali in tumondong, ni kamu &#233; ma'&#233;man i ni Akumo Sia si pengento-ngento'en niou. 20#Mat. 10:40; Mrk. 9:37; Luk. 9:48, 10:16 Uli-ulit ikua-Kuma wia ni kamu: S&#233;i uman si simungkul si tou m&#233;iatu-Kum&#233;, ni sia &#233; simungkul ni Aku. Wo s&#233;i uman si simungkul ni Aku, ni sia kangkasii &#233; simungkul ni Sia si nimatum&#233; ni Aku.&#8221;</div><div class="s">Si Yesus nimapata'u u mamuali</div><div class="r">(Mat. 26:21-25; Mrk. 14:18-21; Luk. 22:21-23)</div><div class="p"> 21I si Yesus nimakakuamola niitu un at&#233;-Na &#233; rumara, ang kumua, &#8220;Uli-ulit ikua-Kuma wia ni kamu, si esaan&#233; im wia ni kamu &#233; mayo ni Aku.&#8221;</div><div class="p"> 22A s&#233; pahtuzu'en-Na mahwewerenala si esa wo si esa karia i melinga-linganga, pahpaan z&#233;i'kan kata'uan n&#233;ra s&#233;i si paza'i-Na. 23Si esaan&#233; im wia s&#233; pahtuzu'en ni Yesus, si ikararaat&#233;-Na, rimumez totoz r&#233;t&#233; witu ung kakan-Na. 24Wia si pahtuzu'en itii si Simon Petrus &#233;ng kimap&#233;ia wo kimua, &#8220;Ligauenna s&#233;i si paza'i-Na!&#8221;</div><div class="p"> 25A si pahtuzu'en si rimumez witu ung kasaru ni Yesus itii lum&#233;ng&#233;ma wo meligau wia si Yesus, &#8220;Tuang, s&#233;i si tou itii?&#8221;</div><div class="p"> 26A si Yesus mingkotla, &#8220;Si tou itii &#233; si tou w&#233;hang-Ku u roti m&#233;isousou-Kumo.&#8221;#13:26 Si Yesus simousoua u roti witu um piring tinahu'an u nanamuz sinembor karia u lana zaitun. Makakuala niitu a Sia sumousoua u roti itii an iw&#233;h&#233;-Nama wia si Yudas, si oki' ni Simon Iskariot. 27I si Yudas nimakailekola u roti itii a si tonaas n&#233; s&#233;tang sumelazla wia ni sia. A si Yesus kumuala wia ni sia, &#8220;Apa um paaz im wangunennu, rewekenola i mangun niitu.&#8221; 28Taan z&#233;i'kan siapa zozo' in esa im wia s&#233; rimumez mahkan itii makatulap kaa si Yesus kimua niitu wia si Yudas. 29Pahpaan si Yudas si mahl&#233;'os an zoit, niitumo w&#233;w&#233;han s&#233; mahgenangla i ni sia &#233; m&#233;iatu ni Yesus i matumeles am pemandungen witu um p&#233;sta itii kaapa i m&#233;h&#233; zoit wia s&#233; tou z&#233;i'kan siapa apa.</div><div class="p"> 30I nimakailekom&#233; u roti itii a si Yudas mang&#233;. In toro niitu &#233;m wengimo.</div><div class="s">Um per&#233;nta weru</div><div class="p"> 31I si Yudas nimang&#233;mo a si Yesus kumua, &#8220;In tar&#233;kan si Oki' ni Tou &#233;m pahloozen wo pahsigi'en, wo si Opo Empung &#233;m pahloozen wo pahsigi'en mengiit&#233; ni Sia. 32Sa si Opo Empung pahloozen wo pahsigi'en mengiit&#233; ni Sia, si Opo Empung kangkasii &#233; mangun si Oki' ni Tou pahloozen wo pahsigi'en n&#233; tou. Wo ni Sia &#233; rengan i loozen wo sigi'en ni Opo Empung.</div><div class="p"> 33 # 
 Yoh. 7:34
 &#201; kamu s&#233; oki'-Ku, z&#233;i'mo maur&#233;ma ni Aku i mahwali-wali karia niou. Ni kamu &#233; mamen&#233;ro ni Aku, wo tanu u m&#233;moikua-Kula wia s&#233; tonaas n&#233; tou Yahudi: &#8216;Ni kamu &#233;n z&#233;i'kan mamuali i m&#233;y&#233; witi tampa ang&#233;ang-Ku&#8217;, t&#233;ntu kangkasii un ikua-Ku wia ni kamu.</div><div class="p"> 34 # 
 Yoh. 15:12, 17; 1Yoh. 3:23; 2Yoh. 1:5 Ni Aku &#233; m&#233;h&#233;ma um per&#233;nta weru wia ni kamu: Mahraa-raat&#233;anla si esa wo si esa, tanu ni Aku i rumaraat&#233; ni kamu t&#233;ntu kangkasii ni kamu &#233; l&#233;wo'z&#233;i' i mahraa-raat&#233;an. 35Sa ni kamu mahraa-raat&#233;an, p&#233;l&#233;ng s&#233; tou &#233; mata'u i ni kamu &#233;m pahtuzu'eng-Ku.&#8221;</div><div class="s">Si Yesus kimua i si Petrus &#233;ng kum&#233;long ni Sia</div><div class="r">(Mat. 26:31-35; Mrk. 14:27-31; Luk. 22:31-34)</div><div class="p"> 36Si Simon Petrus kimuala wia si Yesus, &#8220;Tuang, wisa un ang&#233;an-Nu w&#233;?&#8221;</div><div class="p">Kuan ni Yesus, &#8220;Ni ko &#233;n z&#233;i'kan mata'u kumiit i mang&#233; witi tampa ang&#233;ang-Ku in tar&#233;kan. Taan in tumondong ni ko &#233; makumiit ni Aku.&#8221;</div><div class="p"> 37Ang kuan ni Petrus wia ni Sia, &#8220;Tuang, kaa ni aku z&#233;i'kan mata'u kumiit ni Ko in tar&#233;kan? Ung katou-touangku &#233;n iayoku pahpaan ni Ko!&#8221;</div><div class="p"> 38A si Yesus mingkotla, &#8220;Apa ulit ni ko &#233; mayo ung katou-touannu pahpaan ni Aku? Uli-ulit ikua-Kuma wia ni ko, puunala si laka' ing kumukuk&#233;, ni ko &#233; makatelumo ing kim&#233;long ni Aku.&#8221;</div>
 </div>
 </div>
</div>

In endo mahsiwo-siwo i lumé'os un endo Paskah né tou Yahudi, si Yesus é mata'umo in oras-Namo tumula'u ung kaayahan kenu wo mangé wia si Ama'-Na. Ni Sia é rumaraaté sé tou sé nimaéndo anu-Na sé wia ung kaayahan kenu wo ni Sia é rumaraaté ni séra makaz ni Sia ing kalekepan.
I si Yesus wo sé pahtuzu'en-Na mahkan mahwali-wali, si tonaas né sétang éng kimewitoma ung genang léwo' witu un até ni Yudas Iskariot, si oki' ni Simon, i mangkér ni Sia wia sé kakoro'-Na.
Si Yesus mata'u i si Ama' é niméhémo péléng am péléng wia ni Sia. Wo ni Sia ém wia si Opo Empung a méyé wo mawuri sumaup wia si Opo Empung. A si Yesus rumendaié, wuka-Nama ung karai tonton-Na, a Sia mendomé un anduk, an iapus-Nala witu un eembetan-Na. Tumondong niitu, Sia mérama un zano witu u loyang, a méhé i mo'as an a'é né pahtuzu'en-Na wo un a'é néra kumii-kiit im pahperan-Nama karia un anduk méiapus-Na witu un eembetan-Na. Ikaayola Sia wia si Simon Petrus, ang kuan ni Petrus wia ni Sia, “Tuang, kaa un a'éku pahwo'asan-Nu?”
Kuan ni Yesus wia ni sia, “Apa um pahwanguneng-Ku in tarékan én zéi'kan katulapannu in tarékan, taan niitu éng katulapannumokan in tumondong.”
Ang kuan ni Petrus wia ni Sia, “Tia' pahwowo'asan-Nu un a'éku.”
Kuan ni Yesus wia ni sia, “Sa un a'ému zéi'kan wo'asang-Ku, ni ko é méikatampaso im wia ni Aku.”
Kuan ni Simon Petrus wia ni Sia, “Tuang, sa téntu, tia' un a'éku uman, taan maan u lengen wo un uluku!”
Kuan ni Yesus wia ni sia, “Séi uman si limelé'mo, ni sia én zéi'mo totoz im weresin, un a'éna uman um wo'asala pahpaan un touna ém weresimo. Ni kamu ém weresimo taan zéi'kan péléng ni kamu.” Si Yesus kimua téntu pahpaan kata'uan-Namo séi si mamangkér ni Sia. Niitumo ni Sia kimua, “Ni kamu ém weresimo taan zéi'kan péléng ni kamu.”
Makasampetla Sia i mahwo'as an a'é néra, ang karaien-Nala sumaup ung karai tonton-Na, a rumumez sumaup. A Sia kumua wia ni séra, “Apa katulapan niou un taré winangun-Kuma wia ni kamu? Ni kamu é mahkua ni Aku i Méster wo Tuang, um pahkuan niou itii én ulit, pahpaan ni Aku é Méster wo Tuang. Niitumo, sa ni Aku in Tuang wo Méster niou é mahwo'as an a'é niou, ni kamu é léwo'zéi' i mahwowo'asan un a'é niou. Ni Aku mahwéhéma wia ni kamu ung kékéréan, wo ni kamu kangkasii é mahwangunla am winangun-Kumoma wia ni kamu. Uli-ulit ikua-Kuma wia ni kamu: si ata én zéi'kan lumousé si tuangna, wo si aatu én zéi'kan lumousé si nimatumé. Sa niia péléng kinata'uan niouola, ni kamu é mahpaa-paaz sa ni kamu mahwangun niana.
An ikua-Ku kenu én zéi'kan tumoro ni kamu péléng. Kata'uang-Ku séi sé pinéléng-Ku. Taan u méipantik witu um Pinantik Lenas é léwo'zéi' mamuali, ‘Si tou kiman u roti karia-Ku é maéndo kakoro'-Ku.’ Niitu é méikua-Ku wia ni kamu in tarékan, puunala niitu i mamuali, wo sa niitu mamuali in tumondong, ni kamu é ma'éman i ni Akumo Sia si pengento-ngento'en niou. Uli-ulit ikua-Kuma wia ni kamu: Séi uman si simungkul si tou méiatu-Kumé, ni sia é simungkul ni Aku. Wo séi uman si simungkul ni Aku, ni sia kangkasii é simungkul ni Sia si nimatumé ni Aku.”


I si Yesus nimakakuamola niitu un até-Na é rumara, ang kumua, “Uli-ulit ikua-Kuma wia ni kamu, si esaané im wia ni kamu é mayo ni Aku.”
A sé pahtuzu'en-Na mahwewerenala si esa wo si esa karia i melinga-linganga, pahpaan zéi'kan kata'uan néra séi si paza'i-Na. Si esaané im wia sé pahtuzu'en ni Yesus, si ikararaaté-Na, rimumez totoz rété witu ung kakan-Na. Wia si pahtuzu'en itii si Simon Petrus éng kimapéia wo kimua, “Ligauenna séi si paza'i-Na!”
A si pahtuzu'en si rimumez witu ung kasaru ni Yesus itii luméngéma wo meligau wia si Yesus, “Tuang, séi si tou itii?”
A si Yesus mingkotla, “Si tou itii é si tou wéhang-Ku u roti méisousou-Kumo.” Makakuala niitu a Sia sumousoua u roti itii an iwéhé-Nama wia si Yudas, si oki' ni Simon Iskariot. I si Yudas nimakailekola u roti itii a si tonaas né sétang sumelazla wia ni sia. A si Yesus kumuala wia ni sia, “Apa um paaz im wangunennu, rewekenola i mangun niitu.” Taan zéi'kan siapa zozo' in esa im wia sé rimumez mahkan itii makatulap kaa si Yesus kimua niitu wia si Yudas. Pahpaan si Yudas si mahlé'os an zoit, niitumo wéwéhan sé mahgenangla i ni sia é méiatu ni Yesus i matumeles am pemandungen witu um pésta itii kaapa i méhé zoit wia sé tou zéi'kan siapa apa.
I nimakailekomé u roti itii a si Yudas mangé. In toro niitu ém wengimo.

I si Yudas nimangémo a si Yesus kumua, “In tarékan si Oki' ni Tou ém pahloozen wo pahsigi'en, wo si Opo Empung ém pahloozen wo pahsigi'en mengiité ni Sia. Sa si Opo Empung pahloozen wo pahsigi'en mengiité ni Sia, si Opo Empung kangkasii é mangun si Oki' ni Tou pahloozen wo pahsigi'en né tou. Wo ni Sia é rengan i loozen wo sigi'en ni Opo Empung.
É kamu sé oki'-Ku, zéi'mo mauréma ni Aku i mahwali-wali karia niou. Ni kamu é mamenéro ni Aku, wo tanu u mémoikua-Kula wia sé tonaas né tou Yahudi: ‘Ni kamu én zéi'kan mamuali i méyé witi tampa angéang-Ku’, téntu kangkasii un ikua-Ku wia ni kamu.
Ni Aku é méhéma um perénta weru wia ni kamu: Mahraa-raatéanla si esa wo si esa, tanu ni Aku i rumaraaté ni kamu téntu kangkasii ni kamu é léwo'zéi' i mahraa-raatéan. Sa ni kamu mahraa-raatéan, péléng sé tou é mata'u i ni kamu ém pahtuzu'eng-Ku.”


Si Simon Petrus kimuala wia si Yesus, “Tuang, wisa un angéan-Nu wé?”
Kuan ni Yesus, “Ni ko én zéi'kan mata'u kumiit i mangé witi tampa angéang-Ku in tarékan. Taan in tumondong ni ko é makumiit ni Aku.”
Ang kuan ni Petrus wia ni Sia, “Tuang, kaa ni aku zéi'kan mata'u kumiit ni Ko in tarékan? Ung katou-touangku én iayoku pahpaan ni Ko!”
A si Yesus mingkotla, “Apa ulit ni ko é mayo ung katou-touannu pahpaan ni Aku? Uli-ulit ikua-Kuma wia ni ko, puunala si laka' ing kumukuké, ni ko é makatelumo ing kimélong ni Aku.”

Terera ku Yohanes 13