<div class="version vid3247 iso6393acr" data-vid="3247" data-iso6393="acr">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="s1">I nim laj jab'</div><div class="p"> 1I Ajwal xub'ij che ma No&#233;: &#8220;Chatok b'i chupam i nim laj kanuw chi pacha ja, junam ku' awalk'uwal, man wilom chi xwi yet suk'ul ak'aslemal chkixol konojel i winaq. 2Konojel ni'pa i jalajuj taq chikop chi je ch'am kak'am wuqub' mama'ib' xaq wuqub' atitab' chke, xwiri i chikop chi je ch'am taj xa jun ma xaq xa jun atit kak'am chke. 3Xaq chak'ama b'i wuqub' mama'ib' xaq wuqub' atitab' chke i tz'ikin chi kerupup chikaj, man keje ile ksach ti kiwach ni'pa i jalajuj taq tz'ikin chwach i jyub' ta'aj. 4Man pa wuqub' ij panoq, kinpetsaj ni jun nim laj jab' chwach i jyub' ta'aj, kuch'ij ni kawinaq (40) ij xaq kawinaq (40) a'ab', chupb'al kiwach konojel ni'pa i winaq xaq i chikop chi o kik'aslemal chi je in-anom chwach i jyub' ta'aj&#8221;. Keje ile xub'ij i Dios che ma No&#233;. 5I ma No&#233; lik xu'an ronojel chrij pacha xtaq che rumal i Dios.</div><div class="p"> 6Ma No&#233; o lajujwinaq jumo' (600) junab' che are xpe i nim laj jab', chi xunojsaj uwach i jyub' ta'aj che i ya. 7Are uri xok b'i ma No&#233; chupam i nim laj kanuw chi pacha ja, junam ku' uk'ojol, rixoqil xaq i je ralib', tob'al kib' chwach i ya re i nim laj jab'. 8Xaq xe'ok b'i i chikop chi je ch'am, chikop chi je ch'am taj, tz'ikin, xaq i jalajuj taq chikop chi kejukmay chwach ulew, 9pa kakab'il xe'ok b'i ru' ma No&#233; chupam i nim laj kanuw chi pacha ja; mama'ib' xaq i atitab' pacha xutaq u'anik i Ajwal.</div><div class="p"> 10Are xk'is i wuqub' ij xutikb'a petik i nim laj jab' chwach i jyub' ta'aj. 11Are o lajujwinaq jumo' (600) junab' che ma No&#233;, lik che i ij wuqlajuj re ukab' ik' are uri xeraqkrij li ronojel uchi' i ralaxb'al ya chuxe' li nim laj mar, xaq xejaqtaj li uchija re i kaj. 12Kawinaq (40) ij xaq kawinaq (40) a'ab' xuch'ij i jab' chwach i jyub' ta'aj. 13Lik che i ij le xok ma No&#233; chupam i nim laj kanuw chi pacha ja, junam ku' uk'ojol chi a Sem, a Cam, xaq i a Jafet, rixoqil xaq i je oxib' ralib'. 14Xaq xe'ok b'i jalajuj taq chikop aj pa taq es chrij kichikopil, chikop je manxo aj ru' taq ja chrij kichikopil, chikop chi kejukmay chwach ulew xaq i tz'ikin chrij kitz'ikinal. 15Keje okik b'i ile xki'an konojel i jalajuj taq chikop ru' ma No&#233; chupam i nim laj kanuw chi pacha ja, pa kakab'il xe'ok b'ik chrij kichikopil chi o kik'aslemal; 16jun ma xaq jun atit chke i jalajuj taq chikop xe'ok b'ik, pacha xub'ij i Dios che ma No&#233;; are uri i Ajwal xutz'apij uchija re i kanuw le chi pacha nim laj ja.</div><div class="p"> 17I nim laj jab' xuch'ij kawinaq (40) ij chwach i jyub' ta'aj. Rumali i ya lik xel b'ik, xaq xuwalijsaj i nim laj kanuw chi pacha ja, lik xyaktaj chwach ulew. 18I ya lik ktijin b'i relik, lik x-on cho chwach ulew; i kanuw chi pacha nim laj ja lik kyolk'at puwi i ya. 19I ya lik xk'iyik xaq lik xel b'ik; is xch'uqtaj uwi ronojel i nimaq taq jyub', chi o chuxe' ronojel i kaj. 20Oxib' xik'ab' ru' jun mejelik ch'uk xik'aw i ya puwi ronojel i nimaq taq jyub' chi lik naj uwi. 21Keje kikamik konojel ni'pa i o kik'aslemal ile chwach i jyub' ta'aj, chikop je manxo je aj ru' taq ja, chikop aj pa taq es, konojel ni'pa i kejukmay chwach ulew, xaq konojel i winaq. 22Konojel ni'pa o kik'aslemal chwach i jyub' ta'aj, chi ke'uxlab'inik, is xekamik. 23I Dios keje uchupik kiwach ile xu'an chke konojel ni'pa o kik'aslemal chwach i jyub' ta'aj, xkijeq kamik i winaq, chikop, ni'pa i kejukmayik, xaq i tz'ikin aj chwa taq kaj, is konojel ile xchup kiwach chwach i jyub' ta'aj. Xwi chik ma No&#233; xkam taj rachi'ilam ni'pa je o ru' chupam i kanuw chi pacha nim laj ja. 24I ya xuch'ij lajuj wuqwinaq (150) ij chwach i jyub' ta'aj.</div>
 </div>
 </div>
</div>

I Ajwal xub'ij che ma Noé: “Chatok b'i chupam i nim laj kanuw chi pacha ja, junam ku' awalk'uwal, man wilom chi xwi yet suk'ul ak'aslemal chkixol konojel i winaq. Konojel ni'pa i jalajuj taq chikop chi je ch'am kak'am wuqub' mama'ib' xaq wuqub' atitab' chke, xwiri i chikop chi je ch'am taj xa jun ma xaq xa jun atit kak'am chke. Xaq chak'ama b'i wuqub' mama'ib' xaq wuqub' atitab' chke i tz'ikin chi kerupup chikaj, man keje ile ksach ti kiwach ni'pa i jalajuj taq tz'ikin chwach i jyub' ta'aj. Man pa wuqub' ij panoq, kinpetsaj ni jun nim laj jab' chwach i jyub' ta'aj, kuch'ij ni kawinaq (40) ij xaq kawinaq (40) a'ab', chupb'al kiwach konojel ni'pa i winaq xaq i chikop chi o kik'aslemal chi je in-anom chwach i jyub' ta'aj”. Keje ile xub'ij i Dios che ma Noé. I ma Noé lik xu'an ronojel chrij pacha xtaq che rumal i Dios.
Ma Noé o lajujwinaq jumo' (600) junab' che are xpe i nim laj jab', chi xunojsaj uwach i jyub' ta'aj che i ya. Are uri xok b'i ma Noé chupam i nim laj kanuw chi pacha ja, junam ku' uk'ojol, rixoqil xaq i je ralib', tob'al kib' chwach i ya re i nim laj jab'. Xaq xe'ok b'i i chikop chi je ch'am, chikop chi je ch'am taj, tz'ikin, xaq i jalajuj taq chikop chi kejukmay chwach ulew, pa kakab'il xe'ok b'i ru' ma Noé chupam i nim laj kanuw chi pacha ja; mama'ib' xaq i atitab' pacha xutaq u'anik i Ajwal.
Are xk'is i wuqub' ij xutikb'a petik i nim laj jab' chwach i jyub' ta'aj. Are o lajujwinaq jumo' (600) junab' che ma Noé, lik che i ij wuqlajuj re ukab' ik' are uri xeraqkrij li ronojel uchi' i ralaxb'al ya chuxe' li nim laj mar, xaq xejaqtaj li uchija re i kaj. Kawinaq (40) ij xaq kawinaq (40) a'ab' xuch'ij i jab' chwach i jyub' ta'aj. Lik che i ij le xok ma Noé chupam i nim laj kanuw chi pacha ja, junam ku' uk'ojol chi a Sem, a Cam, xaq i a Jafet, rixoqil xaq i je oxib' ralib'. Xaq xe'ok b'i jalajuj taq chikop aj pa taq es chrij kichikopil, chikop je manxo aj ru' taq ja chrij kichikopil, chikop chi kejukmay chwach ulew xaq i tz'ikin chrij kitz'ikinal. Keje okik b'i ile xki'an konojel i jalajuj taq chikop ru' ma Noé chupam i nim laj kanuw chi pacha ja, pa kakab'il xe'ok b'ik chrij kichikopil chi o kik'aslemal; jun ma xaq jun atit chke i jalajuj taq chikop xe'ok b'ik, pacha xub'ij i Dios che ma Noé; are uri i Ajwal xutz'apij uchija re i kanuw le chi pacha nim laj ja.
I nim laj jab' xuch'ij kawinaq (40) ij chwach i jyub' ta'aj. Rumali i ya lik xel b'ik, xaq xuwalijsaj i nim laj kanuw chi pacha ja, lik xyaktaj chwach ulew. I ya lik ktijin b'i relik, lik x-on cho chwach ulew; i kanuw chi pacha nim laj ja lik kyolk'at puwi i ya. I ya lik xk'iyik xaq lik xel b'ik; is xch'uqtaj uwi ronojel i nimaq taq jyub', chi o chuxe' ronojel i kaj. Oxib' xik'ab' ru' jun mejelik ch'uk xik'aw i ya puwi ronojel i nimaq taq jyub' chi lik naj uwi. Keje kikamik konojel ni'pa i o kik'aslemal ile chwach i jyub' ta'aj, chikop je manxo je aj ru' taq ja, chikop aj pa taq es, konojel ni'pa i kejukmay chwach ulew, xaq konojel i winaq. Konojel ni'pa o kik'aslemal chwach i jyub' ta'aj, chi ke'uxlab'inik, is xekamik. I Dios keje uchupik kiwach ile xu'an chke konojel ni'pa o kik'aslemal chwach i jyub' ta'aj, xkijeq kamik i winaq, chikop, ni'pa i kejukmayik, xaq i tz'ikin aj chwa taq kaj, is konojel ile xchup kiwach chwach i jyub' ta'aj. Xwi chik ma Noé xkam taj rachi'ilam ni'pa je o ru' chupam i kanuw chi pacha nim laj ja. I ya xuch'ij lajuj wuqwinaq (150) ij chwach i jyub' ta'aj.

Terera ku G%E9nesis 7