©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES

Gisir NT Portions

<div class="version vid3476 iso6393swj" data-vid="3476" data-iso6393="swj">
 <div class="book bkLUK">
 <div class="chapter ch6" data-usfm="LUK.6">
 <div class="label">6</div><div class="s1">Sesu ayi Fumu wisi gukole</div><div class="p"> 1Wisi mosi wu gukole, Sesu ne bebingitsi bandi, bevyogilange vegari gyambe gi putu. Bebingitsi bane, bedoke putu, negusule bipupu, bayange misu me putu. 2Farisi tsibe vane bambile re &#171;Agye nwavagile mambu me savagu wisi gukole?&#187; 3Sesu negubagule re &#171;Nusetangune mu gisangumu gi Nyambi, dyambu di Davide vage yandi ne batu bandi negulu nzale? 4Nevubingenine gu gari kane ndagu Nyambi, abonge pembi tsi ndagu Nyambi tsi muvegitsi pagu amuvege. Avege gwandi batu babe nandi gilonge, yawu botsu bayi, nesi nane mugage Moyise wagwambili re Ka bevegitsi be pagu begayi pembi tsine.&#187; 5Sesu negukunde bambile re &#171;Menu, Mwane mutu ni fumu wisi gukole.&#187;</div><div class="s1">Sesu beluse Mutu wube ne dikake divole</div><div class="p"> 6Wisi mosi gwandi wu gukole, Sesu negwingene gu ndagu ndembu, gwenenze batu musamu Nyambi. Ve gari awu, gube mutu wube ne dikake di mebagele divole. 7Bivunde bi migage mi Moyise ne Farisi bekebange dyele digufurigile Sesu dyambu. Redibandu bemugengilange bekulabe gere agubeluse mutu wune wisi gukole. 8Tumbe, Sesu ayabange pikile tsi awu. Vane, Sesu negwambile gibedu: &#171;Retseme vegari batu botsu.&#187; Neguretseme, negube meteli. 9Vane, Sesu negubambile re &#171;Nyanwivuli: Mugage Moyise wagwambili re Wisi gukole, dwavagi diboti vo dibi, dwagobuli mutu, vo dwamusisi gufu?&#187; 10Vane, negugengise batu botsu, negwambile gibedu re: &#171;Simbule wogu.&#187; Negusimbule, Dikake di andi negubeluge. 11Tumbe betibe kabu yineni. Bekwambesenange yawu ne yawu dibeguvage Sesu.</div><div class="s1">Sesu asale vegari bebingitsi digumi di bilumbi ne bilumbi bibeye</div><div class="p"> 12Wisi mosi, Sesu negwende gu mukongu. Avyose dibeti dyotsu gune negulembange Nyambi. 13Wisi ne gutsamuge, Sesu arombe bebingitsi bandi. Asale digumi ne bebeyi. Abevege gidyanzu gyone, ne dine dyone di bilumbi. 14Labanu mine mawu: Simu wu Sesu vege dine di Pyere ne mwane taye andi Ander&#233;. Sake ne San, Filip, Baretelemi, 15Matye, Tome, Sake mwane Alef&#233;, Simu wa nengure giyani, 16Suda mwane Sake ne Suda Iskaryote mutu wusumbise Sesu.</div><div class="s1">Sesu ganenzi bumongu ne gubeluse bibedu</div><div class="p"> 17Sesu negusunde mukongu ne bebingitsi bandi. Mbili bebingitsi bemubingange bekube vane ve mudembi, negusikeme. Ne batu berambugile gu Sud&#233;, ne gu Serisalem, ne Tir ne Sidu yadi tsi mbeke mubu. 18Botsu beruge gusegulu ndongi tsi Sesu, ne guse belusu. Batu bebegisungu ne menyuni mabi, Sesu akumesanze mu nyuru tsi awu. 19Batu botsu berondange mubembe mbare ngudu yi vudugange mu yandi re yi belusange bibedu byotsu.</div><div class="s1">Diboti ne milogu</div><div class="p"> 20Vane, Sesu negugengise bebingitsi bandi, negwambile re</div><div class="q1">&#171;Nyambi gavagi diboti gu yenu bigaye,</div><div class="q1">mbare meboti me bulongu bu Nyambi menu.</div><div class="q1"> 21Diboti gu yenu nune nzale ne kyawu,</div><div class="q1">mbare nugukure ne mbili biguye.</div><div class="q1">Diboti gu yenu nwalili ne kyawu,</div><div class="q1">mbare nugube ne mugangu.</div><div class="m"> 22Diboti gu yenu nwabingi mwane mutu. Gukyelu yine, batu begunuvine, begunusanze, begunusyenge, beguyunze mine menu. 23Ve mambu mane me gulabenine, banganu ne mugangu, ginanu, mba Nyambi agunuvege mbili meboti gu yulu. Munongumosi nevu mikoku mi awu bevagilange bebigitsi.</div><div class="q1"> 24Milogu gu yenu bisine,</div><div class="q1">mbare nwamane dile menu meboti.</div><div class="q1"> 25Milogu gu yenu nwadile ne kyawu mbili meboti,</div><div class="q1">mbare gigumbi gya rugi, nugube ne nzale.</div><div class="q1">Milogu gu yenu nwasyevi nekyawu,</div><div class="q1">mbare nugutsore, ne gulile veveni.</div><div class="m"> 26Milogu gu yenu, gere batu botsu be ne tangulu boti gu yenu, mbare re nane mikoku mi awu mivagilange ne bebigitsi be gufure.&#187;</div><div class="s1">Girondu gu batu banuvini</div><div class="p"> 27&#171;Tumbe nyanwambili, yenu nwanyulu, rondanu batu banuvini, bevagili anu meboti. 28Veganu mule batu banulogi, lembanu Nyambi gukyelu batu banukwani. 29Gere mutu gakudimbi mbate ve direme, murigitsi dine direme gwandi. Gere mutu makubonge ngoye kutu, wuyamukale gubonge gwandi ngoyi yi gutsi. 30Ke pagere mutu wakwivuli givave muvegi. Gere mutu makubonge givave wuyamwivule. 31Vaganu mambu meboti gu bembatsi, nevu nwarondili re yawu gwandi benuvagi. 32Gere nwarondi ke banurondi, nwapikili re Nyambi agunugobise dikengi gukyelu yine? Nesi bevagitsi be mabi barondi batu baberondi. 33Gere nwavagi diboti ka batu banuvagi diboti, nwapikili re Nyambi agunugobise dikengi gukyelu yine? Nesi bevagitsi be bitsimbu bavagi munongu mosi. 34Gere nwasombisi doli ka batu benwapikili re begunugabusile, nwapikili re Nyambi agunugobise dikengi gukyelu yine? Nesi bevagitsi be bitsimbu basombeseni nesi yawu ne yawu. Ne gitu re mbatsi agumugabusile ve wusu. 35Tumbe rondanu batu banuvini, bevagili anu meboti, sombisanu batu nesi nwayabi re besa benze nugabusile. Nyambi gunuvege meboti meneni, negube bane be Nyambi Yulu, mba Nyambi yandi beni, ayi muboti nesi mu batu besayabi diboti di andi ne biyani. 36Rigitsanu gigebe, neve Taye enu.&#187;</div><div class="s1">Nuyavege bembatsi mbele</div><div class="p"> 37&#171;Nuyagele bembatsi, nonge yenu gwandi nutsatse gelu. Nuyavege bembatsi mbele, Nyambi gwandi asagunuvege mbele. Nyesanu bembatsi, nonge Nyambi gwandi akununyese. 38Veganu bembatsi bivave bi barondi, nonge Nyambi gwandi akunuvege. Nyambi agubasise ponzi tsi enu kwange ne gulunde. Neve wavegili bembatsi, Nyambi gwandi agukuvege munongu mosi.&#187;</div><div class="p"> 39Sesu negukunde beverile kugu: &#171;Mwisi pafu benze begise mwisi pafu? Yawu botsu babeye besagupudumuge gu dubile? 40Mudyanzitsi asayabi vyagunu ne mulonzi andi. Tumbe mubingitsi wunenge dikengi gidyanzu, agube munongu mosi ne mulonzi andi. Tumbe asagumuvyogilile. 41Agye wagengilili ke dugunze gu disu di mbatsi, wusalabi gikoge gi gu di agu? 42Gye gwambile mbatsi re nzili gusule dubanze gu disu di agu, ndyayu wusalabi gikoge gi gu di agu? Givyangi gyeni, regile gusule gikoge gu di agu, wukelabe dikengi gu gusule dubanze dugu disu di mwane taye agu.&#187;</div><div class="s1">Muri gayabegenu ke mu milunde mi andi</div><div class="p"> 43&#171;Muri wuboti wusaburi mulunde wubi. Muri wubi wusaburi mulunde boti. 44Muri agayabegenu kane mulunde andi. Batu besasuki tsungubali mu mukumi. Dusabenze ragesenu poge mu dibale. 45Batu botsu beboti barigitsi mambu meboti me barari gu mirime mi awu. Batu babi barigitsi mambu mabi me base gu mirime mi awu. Ne gungenze mambu magwambili mutu marigitsi pikile tsyarugili gu murime andi.&#187;</div><div class="s1">Ndagu beyi</div><div class="p"> 46Sesu negukunde bambile re &#171;Agye nwagwarili gunenge &#8220;Fumu, Fumu&#8221;, gere nusavagi me nyanwambili? 47Mutu wotsu warugi gumenu, wagulu musamu ami, wakobisi nyanurigitsi nevu ayivu: 48Ayi munongu mosi ne mutu warunge ndagu, agapakili gubuke veveni kwange negu digunge nesi agutsumige mekutu. Nevu ndagu yi rungu dikengi, ve giningu gipandile, mupupe neguse yisibige, mambe me seberuse ndagu yine. 49Tumbe mutu wagulu musamu ami wusavagi di nyagwambili ayi munongu mosi ne mutu wuserunge ndagu ve musyegi asebuke veveni mevulu nesigutsumige mekutu. Mupupe neguse sibige ndagu yine, vane ne vane yitige, yotsu yi panzige.&#187;</div>
 </div>
 </div>
</div>

Wisi mosi wu gukole, Sesu ne bebingitsi bandi, bevyogilange vegari gyambe gi putu. Bebingitsi bane, bedoke putu, negusule bipupu, bayange misu me putu. Farisi tsibe vane bambile re «Agye nwavagile mambu me savagu wisi gukole?» Sesu negubagule re «Nusetangune mu gisangumu gi Nyambi, dyambu di Davide vage yandi ne batu bandi negulu nzale? Nevubingenine gu gari kane ndagu Nyambi, abonge pembi tsi ndagu Nyambi tsi muvegitsi pagu amuvege. Avege gwandi batu babe nandi gilonge, yawu botsu bayi, nesi nane mugage Moyise wagwambili re Ka bevegitsi be pagu begayi pembi tsine.» Sesu negukunde bambile re «Menu, Mwane mutu ni fumu wisi gukole.»

Wisi mosi gwandi wu gukole, Sesu negwingene gu ndagu ndembu, gwenenze batu musamu Nyambi. Ve gari awu, gube mutu wube ne dikake di mebagele divole. Bivunde bi migage mi Moyise ne Farisi bekebange dyele digufurigile Sesu dyambu. Redibandu bemugengilange bekulabe gere agubeluse mutu wune wisi gukole. Tumbe, Sesu ayabange pikile tsi awu. Vane, Sesu negwambile gibedu: «Retseme vegari batu botsu.» Neguretseme, negube meteli. Vane, Sesu negubambile re «Nyanwivuli: Mugage Moyise wagwambili re Wisi gukole, dwavagi diboti vo dibi, dwagobuli mutu, vo dwamusisi gufu?» Vane, negugengise batu botsu, negwambile gibedu re: «Simbule wogu.» Negusimbule, Dikake di andi negubeluge. Tumbe betibe kabu yineni. Bekwambesenange yawu ne yawu dibeguvage Sesu.

Wisi mosi, Sesu negwende gu mukongu. Avyose dibeti dyotsu gune negulembange Nyambi. Wisi ne gutsamuge, Sesu arombe bebingitsi bandi. Asale digumi ne bebeyi. Abevege gidyanzu gyone, ne dine dyone di bilumbi. Labanu mine mawu: Simu wu Sesu vege dine di Pyere ne mwane taye andi Anderé. Sake ne San, Filip, Baretelemi, Matye, Tome, Sake mwane Alefé, Simu wa nengure giyani, Suda mwane Sake ne Suda Iskaryote mutu wusumbise Sesu.

Sesu negusunde mukongu ne bebingitsi bandi. Mbili bebingitsi bemubingange bekube vane ve mudembi, negusikeme. Ne batu berambugile gu Sudé, ne gu Serisalem, ne Tir ne Sidu yadi tsi mbeke mubu. Botsu beruge gusegulu ndongi tsi Sesu, ne guse belusu. Batu bebegisungu ne menyuni mabi, Sesu akumesanze mu nyuru tsi awu. Batu botsu berondange mubembe mbare ngudu yi vudugange mu yandi re yi belusange bibedu byotsu.

Vane, Sesu negugengise bebingitsi bandi, negwambile re
«Nyambi gavagi diboti gu yenu bigaye,
mbare meboti me bulongu bu Nyambi menu.
Diboti gu yenu nune nzale ne kyawu,
mbare nugukure ne mbili biguye.
Diboti gu yenu nwalili ne kyawu,
mbare nugube ne mugangu.
Diboti gu yenu nwabingi mwane mutu. Gukyelu yine, batu begunuvine, begunusanze, begunusyenge, beguyunze mine menu. Ve mambu mane me gulabenine, banganu ne mugangu, ginanu, mba Nyambi agunuvege mbili meboti gu yulu. Munongumosi nevu mikoku mi awu bevagilange bebigitsi.
Milogu gu yenu bisine,
mbare nwamane dile menu meboti.
Milogu gu yenu nwadile ne kyawu mbili meboti,
mbare gigumbi gya rugi, nugube ne nzale.
Milogu gu yenu nwasyevi nekyawu,
mbare nugutsore, ne gulile veveni.
Milogu gu yenu, gere batu botsu be ne tangulu boti gu yenu, mbare re nane mikoku mi awu mivagilange ne bebigitsi be gufure.»

«Tumbe nyanwambili, yenu nwanyulu, rondanu batu banuvini, bevagili anu meboti. Veganu mule batu banulogi, lembanu Nyambi gukyelu batu banukwani. Gere mutu gakudimbi mbate ve direme, murigitsi dine direme gwandi. Gere mutu makubonge ngoye kutu, wuyamukale gubonge gwandi ngoyi yi gutsi. Ke pagere mutu wakwivuli givave muvegi. Gere mutu makubonge givave wuyamwivule. Vaganu mambu meboti gu bembatsi, nevu nwarondili re yawu gwandi benuvagi. Gere nwarondi ke banurondi, nwapikili re Nyambi agunugobise dikengi gukyelu yine? Nesi bevagitsi be mabi barondi batu baberondi. Gere nwavagi diboti ka batu banuvagi diboti, nwapikili re Nyambi agunugobise dikengi gukyelu yine? Nesi bevagitsi be bitsimbu bavagi munongu mosi. Gere nwasombisi doli ka batu benwapikili re begunugabusile, nwapikili re Nyambi agunugobise dikengi gukyelu yine? Nesi bevagitsi be bitsimbu basombeseni nesi yawu ne yawu. Ne gitu re mbatsi agumugabusile ve wusu. Tumbe rondanu batu banuvini, bevagili anu meboti, sombisanu batu nesi nwayabi re besa benze nugabusile. Nyambi gunuvege meboti meneni, negube bane be Nyambi Yulu, mba Nyambi yandi beni, ayi muboti nesi mu batu besayabi diboti di andi ne biyani. Rigitsanu gigebe, neve Taye enu.»

«Nuyagele bembatsi, nonge yenu gwandi nutsatse gelu. Nuyavege bembatsi mbele, Nyambi gwandi asagunuvege mbele. Nyesanu bembatsi, nonge Nyambi gwandi akununyese. Veganu bembatsi bivave bi barondi, nonge Nyambi gwandi akunuvege. Nyambi agubasise ponzi tsi enu kwange ne gulunde. Neve wavegili bembatsi, Nyambi gwandi agukuvege munongu mosi.»
Sesu negukunde beverile kugu: «Mwisi pafu benze begise mwisi pafu? Yawu botsu babeye besagupudumuge gu dubile? Mudyanzitsi asayabi vyagunu ne mulonzi andi. Tumbe mubingitsi wunenge dikengi gidyanzu, agube munongu mosi ne mulonzi andi. Tumbe asagumuvyogilile. Agye wagengilili ke dugunze gu disu di mbatsi, wusalabi gikoge gi gu di agu? Gye gwambile mbatsi re nzili gusule dubanze gu disu di agu, ndyayu wusalabi gikoge gi gu di agu? Givyangi gyeni, regile gusule gikoge gu di agu, wukelabe dikengi gu gusule dubanze dugu disu di mwane taye agu.»

«Muri wuboti wusaburi mulunde wubi. Muri wubi wusaburi mulunde boti. Muri agayabegenu kane mulunde andi. Batu besasuki tsungubali mu mukumi. Dusabenze ragesenu poge mu dibale. Batu botsu beboti barigitsi mambu meboti me barari gu mirime mi awu. Batu babi barigitsi mambu mabi me base gu mirime mi awu. Ne gungenze mambu magwambili mutu marigitsi pikile tsyarugili gu murime andi.»

Sesu negukunde bambile re «Agye nwagwarili gunenge “Fumu, Fumu”, gere nusavagi me nyanwambili? Mutu wotsu warugi gumenu, wagulu musamu ami, wakobisi nyanurigitsi nevu ayivu: Ayi munongu mosi ne mutu warunge ndagu, agapakili gubuke veveni kwange negu digunge nesi agutsumige mekutu. Nevu ndagu yi rungu dikengi, ve giningu gipandile, mupupe neguse yisibige, mambe me seberuse ndagu yine. Tumbe mutu wagulu musamu ami wusavagi di nyagwambili ayi munongu mosi ne mutu wuserunge ndagu ve musyegi asebuke veveni mevulu nesigutsumige mekutu. Mupupe neguse sibige ndagu yine, vane ne vane yitige, yotsu yi panzige.»

Terera ku Luc 6