<div class="version vid3767 iso6393ndc" data-vid="3767" data-iso6393="ndc">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s1">Vazivi vo kumabvazuva vanodira Mambo</div><div class="p"> 1Kwakati apo Jesu abahwa mu Bheterehema ro Judhiya ngo mazuva a Herodhi mambo, vonanyi, kwakaviya vazivi vechibva kumabvazuva vakaguma Jerusarema, vechiti: Arikwapi uwo wakaberekwa uri Mambo wo vaJudha? 2Ngokuti takavona ndhondo yake tiri kumabvazuva, nesu taviya kuti timudire. 3Kwakati Herodhi mambo azwa, wakasvipa mwoyo no vo Jerusarema vese naye. 4Naapo aunganija pamwepo vapristi vakuru vese, no vatari vo vandhu wakavabvunjisa kuti: &#8220;Unozobahwa kwapi Kristu.&#8221; 5Navo vakati kwaari: Mu Bheterehema ro Judhiya; ngokuti kwakatahwa ngo muprofeti kudari: 6#Vonayi kuna: Mik. 5:2.Iwewe Bheterehema, nyika ya Judha, auripi mudoko akadi mukati mwo vatongi vaJudha; ngokuti kwouri kunozobuda mutungamiriri, uwo ndiye unozoyita muhavisi wo vandhu vangu vaIsraeri. 7Naapo Herodhi adanija vazivi ngo kufishika, wakanasa kukwarisisa kwavari mukuvo wo yakavoneka ndhondo. 8Naye wakavatuma Bheterehema, akati: Endanyi munase kupshakisisa uwo mwana mudoko; kuti mwamuwana mundiviyire no izwi, kuti nenivo ndiende ndimudire. 9Navo, apo vazwa mambo, vakaenda, ngokudaro, ndhondo iyo yo vakavona vari kumabvazuva yakavatungamirira mbhera yakaguma pandau apo payiva no mwana mudoko. 10Naapo vavona ndhondo vakadakara ngo kudakara kukuru. 11Naapo vanghwina mu nyumba, vakavona mwana mudoko na Mariya mayi wake; navo vakawa pasi, vakamudira; kwakati vabewura pfuma yavo vakamupa zvipo mukore no makha no mure. 12Navo vechipangwa mu kurota kuti vasachahwirira ngo kuna Herodhi, vakaenda ngo njira imweni ku nyika yavo.</div><div class="s1">Kutiza kuenda Egipite</div><div class="p"> 13Naapo vaenda, vonanyi, ngirosi ya Mambo yakavoneka kuna Josefa ngo kurota, yechiti: &#8220;Mukayi, utore mwana mudoko na mayi wake, utizire Egipite, ugare apo mbhera ndikubvunje, ngokuti Herodhi unozomupshaka mwana mudoko kumuuraya.&#8221; 14Naye wakamiruka, akatora mwana mudoko na mayi wake usiku, vakaenda Egipite. 15#Vonayi kuna: Hoz. 11:1.Naye wakagareyo mbhera kufa kwa Herodhi, kuti zvizarisike izvo zvakavereketwa ndi Mambo, kubudikija ngo muprofeti, echiti: &#8220;Ndakadanija mwana wangu kuti abude Egipite.&#8221;</div><div class="s1">Kuurawa kwo vana vadoko</div><div class="p"> 16Naapo Herodhi wavona kuti wakaitihwa jee ngo vazivi, wakatseneka kakurutu, wakatuma akauraya vana vadoko vese vo rume vayinga vari mu Bheterehema no ndharaunda yaro yese, avo vayinga vaano makore maviri na vayiva pasi paao, kudari ngo mukuvo uwo waayinga wakanasa kubvunjisisa vazivi. 17Zvakazarisika izvo zvakavereketwa ndi Jeremiya muprofeti, echiti: 18#Vonayi kuna: Jer. 31:15. Izwi rakazwika mu Rama kuchema no kutsumba kukuru, Rakeri echichemera vana vake, asikatendi kuembezehwa, ngokuti inga avachipo.</div><div class="s1">Kubva Egipite</div><div class="p"> 19Asi apo Herodhi afa, ngirosi ya Mambo yakavoneka mu kurota kuna Josefa ari mu Egipite, yechiti: 20Mukayi, utore mwana mudoko na mayi wake uende mu nyika yo Israeri; ngokuti avo vayipshaka kuuraya mwana mudoko vakafa. 21Naye wakamiruka, wakatora mwana mudoko na mayi wake, wakaviya mu nyika ya Israeri. 22#2:22 Arkirausi: wakatonga kubvira mumakore a 4 Kristu asati abahwa, mbhera ra 6 Kristu asati abahwa.Asi wazwa kuti Arkirausi wayiva mambo wo Judhiya pandau ya baba wake Herodhi, wakatya kuendeyo; echiziviswa mu kurota, wakaenda ku nyika yo Garire, 23wakaviya akagara mu guta rinozwi Nazaretha; kuti rizarisike izwi rakavereketwa ngo vaprofeti kuti: Unozozwi muNazaretha.</div>
 </div>
 </div>
</div>

Novo Testamento Cindau © Bible Society of Mozambique, 2023.

Kwakati apo Jesu abahwa mu Bheterehema ro Judhiya ngo mazuva a Herodhi mambo, vonanyi, kwakaviya vazivi vechibva kumabvazuva vakaguma Jerusarema, vechiti: Arikwapi uwo wakaberekwa uri Mambo wo vaJudha? Ngokuti takavona ndhondo yake tiri kumabvazuva, nesu taviya kuti timudire. Kwakati Herodhi mambo azwa, wakasvipa mwoyo no vo Jerusarema vese naye. Naapo aunganija pamwepo vapristi vakuru vese, no vatari vo vandhu wakavabvunjisa kuti: “Unozobahwa kwapi Kristu.” Navo vakati kwaari: Mu Bheterehema ro Judhiya; ngokuti kwakatahwa ngo muprofeti kudari: Iwewe Bheterehema, nyika ya Judha, auripi mudoko akadi mukati mwo vatongi vaJudha; ngokuti kwouri kunozobuda mutungamiriri, uwo ndiye unozoyita muhavisi wo vandhu vangu vaIsraeri. Naapo Herodhi adanija vazivi ngo kufishika, wakanasa kukwarisisa kwavari mukuvo wo yakavoneka ndhondo. Naye wakavatuma Bheterehema, akati: Endanyi munase kupshakisisa uwo mwana mudoko; kuti mwamuwana mundiviyire no izwi, kuti nenivo ndiende ndimudire. Navo, apo vazwa mambo, vakaenda, ngokudaro, ndhondo iyo yo vakavona vari kumabvazuva yakavatungamirira mbhera yakaguma pandau apo payiva no mwana mudoko. Naapo vavona ndhondo vakadakara ngo kudakara kukuru. Naapo vanghwina mu nyumba, vakavona mwana mudoko na Mariya mayi wake; navo vakawa pasi, vakamudira; kwakati vabewura pfuma yavo vakamupa zvipo mukore no makha no mure. Navo vechipangwa mu kurota kuti vasachahwirira ngo kuna Herodhi, vakaenda ngo njira imweni ku nyika yavo.

Naapo vaenda, vonanyi, ngirosi ya Mambo yakavoneka kuna Josefa ngo kurota, yechiti: “Mukayi, utore mwana mudoko na mayi wake, utizire Egipite, ugare apo mbhera ndikubvunje, ngokuti Herodhi unozomupshaka mwana mudoko kumuuraya.” Naye wakamiruka, akatora mwana mudoko na mayi wake usiku, vakaenda Egipite. Naye wakagareyo mbhera kufa kwa Herodhi, kuti zvizarisike izvo zvakavereketwa ndi Mambo, kubudikija ngo muprofeti, echiti: “Ndakadanija mwana wangu kuti abude Egipite.”

Naapo Herodhi wavona kuti wakaitihwa jee ngo vazivi, wakatseneka kakurutu, wakatuma akauraya vana vadoko vese vo rume vayinga vari mu Bheterehema no ndharaunda yaro yese, avo vayinga vaano makore maviri na vayiva pasi paao, kudari ngo mukuvo uwo waayinga wakanasa kubvunjisisa vazivi. Zvakazarisika izvo zvakavereketwa ndi Jeremiya muprofeti, echiti: Izwi rakazwika mu Rama kuchema no kutsumba kukuru, Rakeri echichemera vana vake, asikatendi kuembezehwa, ngokuti inga avachipo.

Asi apo Herodhi afa, ngirosi ya Mambo yakavoneka mu kurota kuna Josefa ari mu Egipite, yechiti: Mukayi, utore mwana mudoko na mayi wake uende mu nyika yo Israeri; ngokuti avo vayipshaka kuuraya mwana mudoko vakafa. Naye wakamiruka, wakatora mwana mudoko na mayi wake, wakaviya mu nyika ya Israeri. Asi wazwa kuti Arkirausi wayiva mambo wo Judhiya pandau ya baba wake Herodhi, wakatya kuendeyo; echiziviswa mu kurota, wakaenda ku nyika yo Garire, wakaviya akagara mu guta rinozwi Nazaretha ; kuti rizarisike izwi rakavereketwa ngo vaprofeti kuti: Unozozwi muNazaretha.

Terera ku Mateu 2