If you have would like a copy of this version please contact info@davaraudiobibles.org

The Dawro Bible, CC-BY-SA-4.0, The Word for the World International and The Word for the World Ethiopia (Text). Dawro Audio Bible, CC-BY-SA-4.0, Davar Partners International, 2018. (Audio).

ጌሻ ማጻፋ

ኖሄ ናና፥ ሴማ፥ ካማነ ያፌታ የለታይ ሀዋፐ ካሊደ ጻፈቴዳዋ፤ ባሻ ሃፐ ጉየ፥ ኡንቱንቶ አቱማ ናናይ የለቴድኖ።

ያፌታ አቱማ ናናይ: ጎመራ፥ ማጎጋ፥ ማዳያ፥ ያዋና፥ ቱባላ፥ መሸካነ ቲራሳ።
ጎመራ አቱማ ናናይ: አሽካናዛ፥ ሪፋታነ ቶጋርማ።
ያዋና አቱማ ናናይ: ኤሊሻ፥ ታርሴሰ፥ ክቲማነ ሮዳ።
ሀዋንቱፐ አባ ዶናን ደእያ አሳይ ኡባይ ባረ ጋድያን ጋድያን፥ ባረ ቃላን ቃላን፥ ባረ ያራን ያራንነ፥ ባረ ካዉተን ካዉተን ሻከቴድኖ።

ካማ አቱማ ናናይ: ኩሻ፥ ምጽራይማ፥ ፑጻነ ካናና።
ኩሻ አቱማ ናናይ: ሳባ፥ ኤዉላጻ፥ ሳብታ፥ ራእማነ ሳብታካ።
ራእማ አቱማ ናናይ: ሳባነ ዳዳና።
ኩሽ ናምሩዳ የሌዳ፤ ናምሩድ ሀ ሳኣን ኮይሮ ዎልቃማ ኦላንቻ ግዴዳ፤ መና ጎዳ ስንንካ እ ዎልቃማ ሻንካንቻ ግዴዳ፤ “ናምሩዳዳን መና ጎዳ ስንን ዎልቃማ ሻንካንቻ ግዴዳ” ጉሳይ ሄዋ ድራሳ። አ ካዉተይ ኮይሮ ካታማት ሳናኦረ ጋድያን ደእያ ባብሎነ፥ ኤሬካ፥ አካዳነ ካልና። እ ሄ ቢታፐ አሶረ ቢደ፥ ነነዌ፥ ሮሆቦታነ ካላሀ ኬጼዳ፤ ቃይ ናናዌፐነ ካላሀፐ ግዱዋን ደእያ ረሴና ግያ ዎልቃማ ካታማካ ኬጼዳ።
ምጽራይመ ሉደቱዋ፥ አናማዋቱዋ፥ ላሃበቱዋ፥ ናፍቱሄቱዋ፥ ፓትሮሳቱዋ፥ ካስሉሄቱዋነ ፕልስጼማቱዋ ዘረቱዋ የሌዳ ካፍቶረቱዋ የሌዳ። ካናነ ባረ ባይራ ናኣ ሲዶናነ ሄታ የሌዳ፤ ቃይ ካናነ ያቡሳ አሳ፥ አሞረ አሳ፥ ገርጌሰ አሳ፥ ሂዌ አሳ፥ አርቀ አሳ፥ ሲና አሳ፥ አርዋደ አሳ፥ ጻማረ አሳነ ሀማታ አሳ የሌዳ።
ሄዋፐ ጉየ፥ ካናነ ዛራቱ ላለትና፥ ካናነ ቢታ ዛዋይ ሲዶናፐ ዶሚደ፥ ጌራራናነ ጋዛና አደ፥ ሶዶማነ ጋሞራ፥ አዳማነ ጻቦይማ ቢደ፥ ላሻአን ዛዋቴ። ካመ አቱማ ናናይ ባረንቱ ያራን ያራን፥ ባረንቱ ቃላን ቃላን፥ ባረንቱ ቢታን ቢታንነ ባረንቱ ካዉተን ካዉተን ጻፈቴዳዋንቱ ሀዋንታ።

ሴማዉ ናናይ የለቴድኖ፤ እ ያፌታዉ ባይራ እሻነ ኤቦራ ናና ኡባዉ ማይዛ አዉዋ። ሴማ አቱማ ናናይ: ኤላማ፥ አሶራ፥ አርፋክሳዳ፥ ሉዳነ አራማ።
አራማ አቱማ ናናይ: ኡጻ፥ ሁላ፥ ገቴራነ መሸካ።
አርፋክሳድ ሸላሀ የሌዳ።
ሸላህ ኤቦራ የሌዳ።
ኤቦራዉ ላኡ አቱማ ናናይ የለቴድኖ። እቱዋ ሱንይ ፔሌጋ፤ አያዉ ጎፐ፥ ሳኣን ደእያ አሳይ አ ዎድያን ሻከቴዳ፤ አ እሻ ሱንይ ዮቅጻና።
ዮቅጻን ናና የሌዳ። ኡንቱንቱነ: አልሞዳዳ፥ ሸሌፋ፥ ሀጻርማዌታ፥ የራሀ፥ ሀዶራማ፥ ኡዛላ፥ ዲቅላ፥ ኦባላ፥ አብማኤላ፥ ሳባ፥ ኦፊራ፥ ሀዊላነ ዮባባ። ሀዋንቱ ኡባይካ ዮቅጻና አቱማ ናና።
ኡንቱንቱ ደኤዳ ሄራይ ሜሻፐ ቢደ አዋይ ዶልያ ባጋና ደእያ ደሪ ዳርያ ጋድያን ሳፋራ ጋኬ። ሴማ አቱማ ናናይ ባረንቱ ያራን ያራን፥ ባረንቱ ቃላን ቃላን፥ ባረንቱ ጋድያን ጋድያንነ ባረንቱ ካዉተን ካዉተን ጻፈቴዳዋንቱ ሀዋንታ።
ሀዋንቱ ባረንቱ ያራን ያራንነ ባረንቱ ካዉተን ካዉተን ጻፈቴዳ ኖሄ አቱማ ናና ዛራቱዋ። ባሻ ሃፐ ስሚደ፥ ካዉተቱዋ ሀዋንቱፐ ሳኣ ኡባዉ የለት አኬድኖ።

Terera ku ዶመ 10