Mavhesi emuBhaibheri Ane Mukurumbira kubva kuna Isaya 49

Pakurirana nevamwe

“Mudzimai angakanganwe here mwana wake achiri kuyamwa, achitadza kuva netsitsi nomwana akabva munhumbu make? Kunyange zvazvo ivava vakakanganwa asi ini handizokukanganwi.

Chinzwa unzwe ndakaita zvokukutemera senyora muzvanza zvamaoko angu, tsvingo dzako dzinogara dziri mupfungwa dzangu.

nokuti zvanzi naTenzi, “Kunyange chawira mumaoko meane simba chichabvutwa, nhapwa dzichinunurwa kumutongi ane utsinye nokuti ndicharwisana nevanokurwisa ndichanunura vana vako.

iye anoti, “Chinhu chiduku nhai chokuti iwe uve muranda wangu, wokumutsa rudzi rwekwaJakobho nokudzosera pakare vacho vakachengetedzeka vokwaIsiraeri. Inga ndichaita kuti uve sechiedza kumarudzi evanhu kuitira kuti ruponeso rwangu rusvike kwakaperera nyika chaiko.”

Imbai norufaro imi matenga upembere iwe nyika, tsemurai mumhanzi imi makomo nokuti Tenzi ava kunyaradza vanhu vake nokunzwira tsitsi vanhu vake vari munhamo.