Mavhesi emuBhaibheri Ane Mukurumbira kubva kuna YOHANET 12

Pakurirana nevamwe

Men, at sa nen an natitigeke logolìk, a'la nen he, An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.

Atì'nogo yogoisasikesik, wene aike mel yogoisasike: “At sa nen, a'la nen he, An kweangma yoma nebe neluk logousak walok, ìlùk akikerek halok he, hobuk ebe eluk motok logousak mene hesik nong asigin o. Meneat he, at sa nen a'la nen he, Kweangma yoma neluk logousak he, nabìt, ìlùk akikerek halok he, at atì hobuk ebe nong agì'lek eluk motok logogin o.

Nen, apùnì nen, gandum eken awì kweangma yatì'le'ma, apùnì wa'lagaikarek atì hak, ogat alep mene hili arìk ket mene hulelhì'lek halok he, eken omakeat awì yasugun mene atìat logogin o. Meneat he, eken atì kweangma yarì'mo, apùnì wa'lagaikarek hak, ogat alep mene atì hili arìk enek he, hobuk ket mene hulelìk eken apik ìterek o,” ìlùk yogoisasike.

Nen, it apùnì inetaùken an noba hìpìrethogoin mene hùgì obogat he, o mùm oba logoinogo ìlùk, harinabigìlùk an nebe lìarinapìrek mene kweangma yoma pi wagagi o.

An kweangma yoma pi wagagi atì re, apùnì ùkùm inoba heigìlùk pi wagagi hùk. We, inebe telinabigìlùk pi wagagi atì nen he, at sa nen an nane asuk holìgat he, nane hologo hagatì'lek halok, an nenat ùkùm oba hegein hùk. Lek o.

Atì'nogo niko kolek, at he Maria nen amusu etage narwastu obasi hano oko apigat palharek mene, setengah liter waganogo Yesùt esok oba wathesikesik he, at Maria okawerek esi ba tesike. Atì'nogo hagasikomo, ouma a'nogo obasi motok sang-pang isike.

wùrama hake mene eka palhìgìk wolok he, Yesùt elokoma a'mìt sup hogo wùlìpì logolìk, mel isukwa: “Wa! Wa! Wa!” ìlùk u hak, “Hosana! Ninopase Ala Etagepogot en nit apùnì Isirael mene ninoe kain lakhagei wagama wagen yì, at enat hanothabuak o,” ìlùk etawì warìk warìk wùlìbi wagaukwa.

Atì'nogo yogosi lagaukwama, at Yesùt en he, mel yogoisasike: “An abat ta'lasi wagagi a'nogo, nebe hogo'nabugun oba arat asi waga o.