Mavhesi emuBhaibheri Ane Mukurumbira kubva kuna MATIUS 10

Pakurirana nevamwe

“An kir domba obatne dek mende ndak-ndak, nggeo kelo anini werek mende ndak-ndak inakla lakbinagagin o. Ma kir wado oba kege paga dogi taga ndak-ndak nen kiniliti tewe merpati iliti enggal dek dogitaga ndak-ndak, dogono o.

Akuni iniluk dogu mende idi ekbatalok dogogun mende, iniluk dogu mende eti dek arigin o. Ogwe ir akuni ir iniluk dogu mende An nake paga dek arugun kalok, ir inebe iniluk dogu mende eti onde ekodagun.”

Ir akuni nen kir kinebe kinarugun eti inoba kinobade arugup o, nenaluk ir nen kinaguringge inom ar warugun mondok dek o. Ar Allah kinagakdo inom, kinaguringge inom, waganogo indumo onggol binagu werek eti kwak perak, oba kinobade togon dogoni o, yiluk yorarige.

Akuni o kari karo waganggidek dogolir nen, An murnarek warugun mende, ir An mutnarek mende arugun mondok dek ar o.

“Ar ta nen an Ar mutek mende o yiluk telekma bagalogo yoraga kalok, An dek Nombae mbogor paga mende ilka paga, ar endaga telekma ar bagalogo yorigin o. Ogwe ta nen ar An ninggukdek o yiluk telekma bugalka kalok, ar eti An Nombae mbogor paga mende ika paga, ar eti An ninggukdek o yiluk telekma bagalogo yorigin o.”

Akuni u warek mende pano erinakwi; akuni warek mende iniluk erogo bagwi; akuni inakdo paga akadu inobade kaurak mende kunik kalok inoba pano erogo bagwi, nen ir kugi obabur maduk mende inilitimo werek mende etoma, murogo wuldano o. Kir obogar etoma onggo dek wedek wokiragi o. Etiar ma, onggo dek etegerogon ar wogorano o.

Etegerogon ma, kir kinobade arugup o. Nenaluk kir kinebe tewe wude eti ndak-ndak dek o ogwe, kir kinebe eti onggo ambik mende arar o!”

“Kinakla nen o agar paga yoma dambulogo binagik nen yiluk wagagi andagup o. An dambulogo binagik nen yiluk wagagi dek o, ogwe agorogo binagik nen yiluk wagagi o.