Mavhesi emuBhaibheri Ane Mukurumbira kubva kuna Jáaŋ 12

Pakurirana nevamwe

Ŋiŋ a nɔŋ ŋkɔ̄ŋɔ á yí á legɔ̄ ŋgaŋ afaʼ ga, á tsé á nzem meŋ. Ajʉʼ zīi meŋ á éwú la, á shʉʼ nzéŋ ŋ́gɔ́ azí éwú. Ŋiŋ a nɔŋ ŋghʉ̄ɛ afaʼ zá, mbɔ Mɔʼɔ́ ga a a shʉʼ ekɔŋte á yí.

Ŋiŋ a nɔŋ ŋkɔ̄ŋɔ á athū nnɛ̄t zí, mbɔ a a láʼ epíi. Ŋiŋ a piŋɛ te zéŋ njʉ́ɔ á athū nnɛ̄t zí páʼ azō á ŋgɔŋ ega á, mbɔ a a láʼ eta á lezēŋ Ndém.

Kwaʼ anuúnē anuúnē, meŋ shúŋɔ á wɛ́ ŋ́gɛ, mvem ŋgesáŋ zīi mɛ́ é phi á atsáʼ, e gɔ́ te kwhʉ́, mbɔ e e gɔ́ áa yíléyī. E piŋɛ ŋkwhʉ́, mbɔ e e sáʼ, ézém emɔ̄ʼ memvem tɛ é záne.

Meŋ ndɛɛ́ eshʉʼɛ á ŋgɔŋ, ŋ́gɔ́ ŋkaʼ, ŋ́gɛ ŋiŋ ntsem yīi, a á fɛ́ nnɛ̄t ŋgyá mé meŋ, ndɛ́ʼ á ta á ntē nzém.

Ŋiŋ a júʼɔ meshuŋne má, a te zīŋ páʼ meshuŋne mɛ́t é si ndʉ́ɛ́ épúp ɔ́, mbɔ meŋ mé té záʼ ntsaŋ zi í. Meŋ ndɛɛ́ te eshʉ̄ʼɛ á ŋgɔŋ á nzáʼ ntsaŋ epuɔ menɔŋ pɔ́ a Ndém ɛ́. Meŋ ndɛɛ́ eshʉʼɛ, éghʉ epuɔ menɔŋ e etswɛ́t.

Malía á náŋ tɛ ŋkʉ̄ɛ á atsém líta alamńda mbɔŋ zīi, á teē nzwiŋ tɛʼ, mbɔ mɛ́ le lɔ̄k mmɔʼ mvēŋ, mɛ́ tɔ́ŋ lɛ Náa, tɛ́ ncūŋte. Ńdɔk alamńda mɛ́t nzɔ́ʼ mekhu Yɛɛ́so, ńdɔk ntsɔʼ zi ntsíʼne. Azík alamńda mɛ́t á pú ŋkó tɛ ŋgyā é ló.

éfākte ezāŋ menaʼ, ńdɔk efhó á tésɔŋ ntóte, ńzáʼte á yí á mɛnzhɛ, ńnɔŋ ndʉ́ɛ́ mé ŋghi teté ŋ́gɛ: «Ozána, mbwɛ́né e egɔ́ á mbū ŋiŋ yīi, a shʉʼɛ, mbɔ Ndém mé chʉ́ á yí, ńtó á mbū pek, á efɔ epuɔ Islaɛl. »

Yɛɛ́so á piŋ mbwɛ̄t á mbū alāʼ ŋ́gɛ: «Afʉʼ á kuʼ, ázi Ndém a a tswi páʼ kwaʼ shʉ́shɔ́k Méŋ‑Ŋiŋnɔŋ wuɔ, a á épúp.