Mavhesi emuBhaibheri Ane Mukurumbira kubva kuna ROMA 1

Pakurirana nevamwe

Hangano moroso pompe'ala-alaku a Lele Mawongkoa, hangano Lele Mawongkoa onaemo roso-Do Ue Ala anu kumaduduio sompo mia anu mompe'ala-ala, amba-ambano to Yahudi, sine saru koa mbo'u to Yunani.

Hangano i larono mengkaa mentee-Do Ue Ala, anu mepu'u inso a pompe'ala-ala ka metewawa a pompe'ala-ala, kana hinao teburi, ”Mia mentee ta tuwuako pompe'ala-ala.”

Hangano hapa anu nahi tengkita inso ndi Ondae, onaemo roso-Do anu nahina tampulaano ka pabawa-Do, pinokompewowolo inso a inangga-Do mompu'u ipinokogagi wawontolino, ranta nahi domempolio mpokomenteeo koroido.

Hangano maupo domento'ori Ira Ue Ala, nahi dompelangkai Ira kana Ondae Ue Ala ke me'unde-unde Ira. Tendeano pinewowolodo gagi nahina tuduno ka aroado anu monge-monge gagi wongi-wongi.

Hangano mentee-Do Ue Ala dome'euakono pegaupi ka mpelangkaio ka mpesombaio anu tuwu sine domengkolupeo Anu Mokogagi ira anu asalakono inunde-unde ranta nahina tampulaano, ami.

Hangano tekuda-Do Ue Ala mengkaa inso i suruga a luwuno gau mosa'o ka lambahano mia, anu mokonsiio menteea saru lambaha.

Onaemo pu'uno ka Dopeweengako ira Ue Ala a mpo'eheno koroi anu mompokoko'ii, hangano beinedo dome'euomo pewowalido montonda gau ka anu nahi pontonda gau. Kanatuu koa mbo'u luwuno tamado mebintao mpewowaliakono kombiado montonda gau ka domambemosisiri pada ondaedo, ranta ka dompoweweu anu mokoburu, tama saru tama, ka onaemo pu'uno ka domentarimao a ngkoroido sulono anu menunu a mpoweweudo hala. Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona

Mpoweweu ira kana mebukeako ira ponto'ori anu mentee, sine megagi iramo memonge-monge. Maramba-Do Ue Ala anu nahina tampulaano dome'euakono tinaha kana mia anu ta tampula, manu-manu, kondehora anu mekaru opaa ke kondehora anu melele.