Mavhesi emuBhaibheri Ane Mukurumbira kubva kuna San Juan 12

Pakurirana nevamwe

Ñerraꞌm eseshaꞌ moenats oꞌch thorrenet nokop, kothaꞌnetepaꞌ atthochña eꞌñe neyochreshaꞌ neperranet. Tharroꞌmar ñerraꞌm erroꞌtsenenchaꞌ na ñeñth thorretsa nokop ñetpaꞌxhoꞌña alloꞌtsenetchaꞌ ñamet. Eꞌñe allowen erraꞌtsenchaꞌ thorrerrtsa nokop, Nomporñapaꞌ atarrchaꞌ kowentaterranet.

Ñeñthoꞌmarña notenes: Ñeñth atarr morrentenaya attho koshena arr patsro, ama pokteyeꞌ entenano oꞌch es sowanom Yomporekop, ñeñthña pokrreña atarr morrentena, ñeñth ateth petsapaꞌ xhach aꞌchenkatena eꞌñe ñañeña. Tharraña ñeñth ama morrentenaye attho koshena arr patsro, eꞌñe pokteꞌ enteñ oꞌch es sowanom Yomporekop amaꞌt pokrreñowen, ñeñth ateth petsa ñetñapaꞌ korretsetach poksheñeshokmañen thayotheñ eꞌñe errponañowen.

Ñeñthpaꞌ eꞌñech poꞌñoxh ateth netmaꞌntatasa ateth pena poerets. Amaꞌt erraꞌtsena poertsor ama xho pampallmeꞌcho patso allchaꞌ poetsowa paꞌtall ñeñthach pathrrara poeꞌllomer. Tharraña ñerraꞌm xho pampallmeꞌcha patso allchaꞌ poetsaꞌ paꞌtall atthochña chop. Amaꞌt poellmharra pampallmeꞌchatsa atarrchaꞌ aton ellomhreꞌterr. Ñeñthpaꞌ añ notenes eꞌñe pokteꞌ oꞌch nerroma na ñeñthen poesheñarrana atthochña shonterra ñeñthchaꞌ nameꞌñerraya.

Napaꞌ añekopña nowapa arr patsro nach aꞌpoetarsampeneꞌ acheñeneshaꞌ pokthaphña, allochñapaꞌ ñerraꞌm eseshaꞌch nameꞌñaya na amach alloꞌtsenareto chekmeto. Ñeñth chekmetoꞌtsena ñetpaꞌ ama eñoteñeto ñeñth kowen enten Yompor.

Ñerraꞌm eseshaꞌ eꞌmoeꞌ neñoñ tharraña amaꞌt ama ameꞌñerrnaneto neñoñ, napaꞌ amach nayeꞌ moeñenaweto koñcheñtso. Tharroꞌmar napaꞌ ama añekpayeꞌ nowapo arr patsro atthoch nemños acheñeneshaꞌ koñcheñtso. Napaꞌ añekopña nowapa oꞌch naꞌkeshphatos acheñeneshaꞌ arr patsro.

Allña Maríapaꞌ chetan poemharr eñmosath ñeñth otenet nardo poeseꞌ eꞌñe ñeñthocheꞌ ñeñthñapaꞌ atarr tsaꞌteꞌ. Ñañapaꞌ alloña aꞌyatkaꞌtan Jesús. Eꞌñe ña poeꞌchopaꞌ alloña aꞌporrarraꞌtkër. Ñeñthñapaꞌ ora eñmosathtatan pokollowen.

Ñetñapaꞌ tsorroꞌtyesnomoet shekëpan ñeñth anemyeset allo topanetyesnomoet thoñ allchaꞌ oñmos Jesús. Ñetñapaꞌ poerranareshet awanmoet oꞌch poktet Jesús ñeñthpaꞌ ateth otyesnomoet: —¡Aksherrapoꞌch alloweney! ¡Ayeꞌchoxhtaterrapoꞌch Jesús ñeñth llesensen Yompor! ¡Ayeꞌchoxhtaterrapoꞌch Jesús ñeñthchaꞌ Paꞌmhchaꞌtarether perr israelneshaꞌ!

Jesúsñapaꞌ ateth otapanet: —Theꞌña poꞌñoxhpaꞌ oꞌ etsoterra allempoch na Ñeñthen Acheñetosetspaꞌ oꞌch alla kowentaterren Nompor.