Mavhesi emuBhaibheri Ane Mukurumbira kubva kuna San Juan 5

Pakurirana nevamwe

‘Napaꞌ eꞌñe poꞌñoxh ateth notenes: Ñerraꞌm eseshaꞌ eꞌmhñoteꞌ neñoñ ñamha ñerraꞌm yemterrnanet Nompor ñeñth nellsenseneꞌ ñetñapaꞌ korretsetach poksheñeshokmañen thayotheñ errponañowen. Amach aꞌkoñchatarethterreto amaꞌt errponaña. Tharroꞌmarña ñetpaꞌ oꞌ metanerretña ñeñth eꞌñe poꞌñoxh rromoeñets, oꞌ xherret allña ñetpaꞌ korretsetach thayothen errponañowen.

Allempoña entos Jesús alla phanena ñañapaꞌ eñotos shonteꞌ char atsnaꞌten ñeñthoꞌmarña ateth otos: —¿Amaꞌt pemno oꞌch phokrrerra?

Sapaꞌ añchaꞌ sethorraꞌyesa Yompor poꞌñoñ ñeñth ateth anwareth awathotheñ tharroꞌmar sapaꞌ xhatheꞌ sotenapañ eꞌñe ñoñtsochayothapaꞌ sapaꞌ korretsasatheꞌ errponowañen. Tharraña Yompor poꞌñoñ ñeñth anwareth awathotheñ ñeñthpaꞌ nakaꞌyeña aꞌpotheꞌth. Sañapaꞌ amaña semnoña oꞌch sameꞌñerrna atthochña eꞌñe sokrrerrañ.

Jesúsñapaꞌ ateth otererr: —Theꞌpaꞌ oꞌch notoseph: Petantena, pechtaꞌnen allo pemoen, pechopeꞌchen thayekma. Yakmañapaꞌ allorokmoepaꞌtchaꞌ korrena, ñañapaꞌ allentha chetenan allo moenpaꞌ allentha chopeꞌchnen. Ñewa, ñeñthña yethropaꞌ allempo amesen judioneshaꞌ.

Jesúsñapaꞌ ateth oterraneterr: —Eꞌñe poꞌñoxh notenes, na ñeñthen Poechemer pen Yompor amatheꞌ errothenoth es nephoña eꞌñe notha. Napaꞌ añña ateth nephaꞌyen ateth nenteññañ Apa, tharroꞌmar ñeñth ateth pen Apapaꞌ napaꞌxhoꞌña ñeñthen Poechemerenpaꞌ atethchaꞌ es nephaꞌyen namha.