Zãa 2
2
Nɔsɛa Kana
1A gɔɔ aaɔ̃de wàlɛ nɔsɛ Kana, Galile busuu. Yesu da ku we, 2mɛ́ wà Yesu ń a iwaɔ sìsi nɔsɛpiu lɔ. 3Kɛ́ vɛ̃ɛ kɛ̃̀sã, Yesu da òɛ̀: Aa vɛ̃ɛ vĩ lɔo bɛ. 4Ɔ̃ Yesu wèwà à mɛ̀: Bɔyãi n mɔ ma kĩii? A gɔɔ i kamɛɛ yãao. 5Ɔ̃ aà da ò zĩkɛnaɔnɛ: Lá a oɛ́ pii à kɛ. 6Olaɔ ku we mɛn soolo Yudaɔ gbãbɔ'ikabɔɔ ũ. A keeɔ ì í sí litili basiiɔ̃ɛ, a keeɔ basoolo. 7Ɔ̃ Yesu ò zĩkɛnaɔnɛ: À ika olaɛ beeɔ pai. Ɔ̃ aa ikà ń pai yɛlɛlɛyɛlɛlɛ. 8Ɔ̃ a ònɛ́: À tɔ à gɛ́ò blɛblen dɔaanaɛ sa. Ɔ̃ aa tɔ̀ gɛ̀òɛ̀. 9Kɛ́ dɔaanapi í lilɛa vɛ̃ɛ ũpi ìɛ, i dɔ̃ gu pɔ à bɔ̀uo, ãma zĩkɛna pɔ aa ípi tɔ̀ɔ dɔ̃. Ɔ̃ dɔaanapi nɔde sìsi 10a òɛ̀: Vɛ̃ɛ na ɔ̃ wì kpamá gĩ́a. Gɔɔ pɔ í zɔ̃̀lɛmá, ɔ̃ wì mɔ ń a ĩio sa. Mpi sɔ̃, n vɛ̃ɛ na tò gbɛzã.
11Yesu dabudabu sɛ̃ia bee kɛ̀ Kana, Galile busuuɛ. À tɔbɔ̀, ɔ̃ aà iwaɔ aà naaikɛ̀.
12Bee gbɛa Yesu gɛ̀ Kapɛnaũ ń a dao ń a dãunaɔ ń a iwaɔ, ãma aai gɔɔplakɛ weo.
Yesu kua Lua ua
(Mat 21.12-13; Maa 11.15-17; Luk 19.45-46)
13Kɛ́ Yudaɔ Gɛ̃amusu#Bɔa 12.1-11 dikpɛ kãikũ̀, ɔ̃ Yesu gɛ̀ Yelusalɛũ. 14A è wàlɛ zuɔ ń sãɔ ń felenguuluɔ yia Lua ua, mɛ́ ɔlɛũkpakɛnaɔ zɔ̃lɛa we. 15Ɔ̃ à baflã tã̀, à ń yá ń bɔlɛ, sãɔ ń zuɔ pii. À ɔlɛũkpakɛnapiɔ ɔ̃a fã̀aa, à ń taabũnuɔ fuangba. 16Ɔ̃ a ò felenyianapiɔnɛ: À pɔpiɔ sɛlɛ à bɔò pii. Ásu ma Mae kpɛ́ kɛ ɛlɛ ũo. 17Ɔ̃ yã pɔ wa kɛ̃̀ɛ bee dɔ̀ aà iwaɔgu wà mɛ̀: N kpɛ́ yã ma kũ gbãa, àlɛ ma ibaba.#Soũ 69.10 18Ɔ̃ Yuda gbãadeɔ aà là aa mɛ̀: Dabudabu kpele ńyɔ̃ kɛwɛ̃ɛ, kɛ́ wà e wà dɔ̃ ń yã bee kɛa iko vĩi? 19Yesu wèmá à mɛ̀: À luakpɛɛ bee wí, má ɛa mà kpɛ́pi fɛlɛ gɔɔ aaɔ̃ɛ. 20Ɔ̃ gbãadepiɔ òɛ̀: Wɛ̃̀ blasɔo ń mɛndoo ɔ̃ wà kpɛ́pi dɔ̀, mɛ́ mpi, ńyɔ̃ fɛlɛ gɔɔ aaɔ̃ɛ ló? 21Ãma luakpɛ pɔ à a yã'òpi, aà mɛ yã àlɛ o. 22Kɛ́ Yesu bɔ̀ gau, yã pɔ a òpi dɔ̀ aà iwaɔgu, ɔ̃ aa yã pɔ wa kɛ̃̀ sì#Soũ 16.10 ń yã pɔ Yesu òpio.
23Yesu kua Yelusalɛũ Gɛ̃amusu dikpɛzĩ wà aà naaikɛ̀ dasi, kɛ́ wà dabudabu pɔ a kɛ̀ɔ è yãi. 24Yesu i ń naaikɛo, asa a gbɛ̃pii nɔ̀sɛ dɔ̃ɛ. 25Aà bàa ku ń gbɛ̃e gbɛ̃nazĩna yã'oaɛoo, asa a yã pɔ ku ń nɔ̀sɛ guu dɔ̃ɛ.
Zvasarudzwa nguva ino
Zãa 2: Boo2024
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Boko Bible © SIM International, 2024.