San Juan 4
4
Jesús éntok jü jámmut samaritana
1Jü Señor jünëiak jume pariserom ínel jíayhuamta jíkkajakaïhui: Jesús chë yún am majtia éntok am batöa, Juanta béppa. 2(Të huitti nokhuäpo, Jesús kaa am batöay jiöbe, ä discíipulom ál‑la.) 3Huanäi Judea buiärapo yeu siika, naa búrujti Galiléa buiärau bíchaa.
4Éntok Samaria buiära páman ä huéenakeu útteatukay. 5Huanäi senu pueblo Samaria buiärapo kátekame Sicar ti téhuaakäu yepsak. Ïri pueblo kaa mékka taahuay, Joséta herencia Jacobta ä mik‑latukaï náapo. 6Huämïrim mánekay Jacobta poozom. Huanäi Jesús, boojo lottilataka, jum pozom náapo yejtek. Abe lúl‑la yejtey jëla. 7Senu jámut Samariapo jometaka áma yepsak, bächiseka. Huanäi Jesús ínel áu jiaahua:
—Bäamë nee miika.
8Ä disciipulohuam éntok pueblou bíchaa sákalatukay, buähuamta jínnuboka.
9Jü jámut samaritana éntok ínel áu jiaahua:
—¿Jáchisen empo judíotaka bäam inou nétane, nee jámut samaritanotuk junne?
(Bueïtuk jume judíom éntok jume samaritanom katim emo huáatia.) 10Jesús éntok ínel ä yómmiak:
—Empo jüneäteko Diosta jita yore mák bárëu éntok jábeta bäam emou nétanëhui, émpë inou am au éiyey. Huanäine bäa jiápsame enchi mik éiyey.
11Jü jámut éntok ínel áu jiaahua:
—Señor, jume pozom mékka kömi, éntoke kaitay yeu am huík mátchi. ¿Jáksë júntuk am jípure, jume bäam yore jíapsituame? 12¿Jachë empo chë yöturi jäni, itom áchay bát kat‑riam Jacobta béppa? Ímëi pozom itom miikak, áapörik áma bäa jëkähui, ä üusihuam éntok ä huakasihuam.
13Jesús éntok ínel ä yómmiak:
—Kía jábe júne ímëi bäam jëkame, júchi bénasi bäi muknake; 14të hua bäam ín ä miknakeu jëkame, kaibu júchi bäi muknake, ál‑la huame bäam ín ä miknakeu, ä jiápsipom tápunika búitinake, ä yü jíapsinakë béchïbo.
15Huanäi jü jámut ínel áu jiaahua:
—Señor, júmëi bäamë nee miika, kaa bäi muk béchïbo éntok kaa äbo sika yeu am huík béchïbo.
16Huanäi Jesús ínel ä yómmiak:
—Ámanë em kuna núnuka, äbo huéiye.
17Jü jámut éntok ínel ä yómmiak:
—Kanne kuunak.
Jesús éntok ínel áu jiaahua:
—Lútüriatë nooka, kanne kuunak ti jíaka; 18bueïtukë mamnim béja kunala; juka én em jípurëu éntoke kaa kuunak. Lútüriatë nooka, ínëli jíaka.
19Huanäi jü jámut ínel áu jiaahua:
—Señor, jíbatua empo Diosta profeeta. 20Itom áchayim bát kat‑riame ímï káupom Diosta yörek; eme éntok ä yöri béchïbo, Jerusalémpo ä ájariä tíiya.
21Jesús éntok ínel áu jiaahua:
—Jámmut, nechë súale, taahuari yúmanake, juka Dios Áchayta enchim yörinakëhui, kaa ímï káupo, éntok kaa buere joära Jerusalémpo jíbba. 22Eme huaka kaa enchim täyähuem yöre; ítapo éntokte huaka itom täyäu yöre, bueïtuk jü jínëuria judíom bétana huéiye. 23Të taahuari yúmanake, éntok én ájäria: jume lútula huëpo Dios Áchayta yöreme, espíritupom lútüriapo ä yörinake; bueïtuk jü Dios Átchay junëli áu yöri ïaa. 24Dios Áapo Espíritu. Jume ä yöreme, espíritupom lútüriapo ä yörinake.
25Huanäi jü jámmut ínel áu jiaahua:
—Jüneane juka Mesíasta yebijnakëhui, Cristo ti téhuaakamta. Áapo yepsak, sïmeta itom téjhuaanake.
26Jesús éntok ínel áu jiaahua:
—Jü Mesías ti téhuaakame, ínapone ájäria, jü émomak nokame.
27Júnëlam nokaysu, jume ä discíipulom áma yájjak. Huanärim át guómtek, jámuttamak ä ettejoä tíaka. Të kaabe ä temajek: “¿Jítasë áu nátemaje?” o, “¿Jítasë áamak ettejhua?” 28Huanäi jü jámmut, ä bächia áma tö sika, pueblou bíchaa siika. Huanäi áman yepsaka, jume yorememmeu ínel jiaahua:
29—Äbem kateka ä bitcha, juka senu yoremta. ¡Bueïtuk sïmeta ín josukäu huitti nee ettejhuariak! ¿Jachu jü Cristo yebijnakeme jäni?
30Huanärim jum pueblopo yeu sájaka áu yájjak. 31Jume ä discíipulom éntok chë júne áu nookay, ínel jíaka:
—Maestro, jïbuäe.
32Áapo éntok ínel ámeu jiaahua:
—Ínapo senu buähuamta ín buänakeu jípure, enchim kaa täyähui.
33Jume ä discíipulom éntok ínel náu jiaahuay:
—¿Jachu jábe áu jïbuä tójak jäni?
34Jesús éntok ínel ámeu jiaahuak:
—Ïri ájäria jü ín buähuame: jü nee äbo bíttuakamta nésahui ín yáanakëhui, éntok ä tékil ín chúpanakëhui. 35Inëlem jijia emëe: “Ketune naiki mecham bëye, juka huajpo etta chúpnakëhui.” Të ínapo ínel enchimmeu jiaahua, jikau remtekem huasam bitcha, bueïtuk jü echi béja saa bíakteka jójoni. 36Jü jíchupata tóboktéame béjtuana, éntok jíbapo béchïbo jíapsihuamta ä jípunakë béchïbo náu ä tóijnake, hua echákamtamak nánancha bem al‑leenakë béchïbo. 37Bueïtuk ímï lútüria hua noki ínel jíame: “Jü echame seenu, jü ä tóboktéame éntok, täbui.” 38Bueïtuk ínapo naa bëkatana enchim bíttuala, huaka kaa enchim echakäu enchim tóboktianakë béchïbo. Huate bát echaka áma tekipanuak, eme éntok bem tekipanuakäpo tühuata mabeta.
39Huämi pueblopo juebena samaritanom Jesústa súaleka taahuak, jámutta ínel jíakä béchïbo: “Sïmeta ín yáari nee téjhuak.” 40Huanäi jume samaritanom áma yájaka jiokot áu jiaahua, áma ámemak ä tahua sáhueka. Huanäi guoy táapo áma taahuak. 41Huanärim júchi chë júne juebénaka ä súsualek, áapörik ámeu nokakä béchïbo. 42Huanärim jámuttau ínel jiaahua:
—Béjate kaa kía ínel em jíä béchïbo ä súale, bueïtukte ítapo itom nákammea ä jíkkaja, éntokte jüneiya tua lútüriapo íkäi ájäriatukähui, jü yore jínëunakeme, jü Cristo.
Reytau tékiakamta üusi tütek, jü Jesús
43Chúkula guoy taahuarim simsuko, huämi yeu siika, Galiléa buiärau bíchaa. 44Bueïtuk Jesús áapo ínel jiaahua, juka profeetata tua ä buiärapo, kaa ä yörihuä tíiya. 45Jume áma jomeme ä mabetak, Galiléau ä yepsako, sïmetaka Jerusalémpo ä yáakäu bíchaka jum pájcua taahuaripo, bueïtuk bempo két áman nóitilatukay, jum pajkohui.
46Jesús júchi Caná Galiléa buiärau yepsak, huam bäam ä vino yáakäpo. Senu yoreme yäurapo reytau kóba yöhue, ä üusihua tüisi kökoremta jípurey, jum pueblo Capernaumpo. 47Ïri juka Jesústa jum Judea bétana Galiléau ä yepsak ä jíkkajaka, ä üusi mukiapo anemta ä jítto ïaaka áman siika, jiokot áu jíaka. 48Huanäi Jesús ínel áu jiaahua:
—Katem jume señaalim éntok kaa jaibu johuamta bichätek, kaibem nee súal éiyey.
49Huanäi jü reytau kóba yöhue ínel áu jiaahua:
—Señor, ámanë kóm huéiye, kee ín üusi mukeyo.
50Jesús éntok ínel áu jiaahua:
—Bamsekë huéiye, jü em üusi béja türiak.
Huanäi jü yoreme Jesústa nokakäu súsualeka siika. 51Jume ä sáhuëhuim áman kömä huéy, yehuim sájaka ä nánkek. Huanärim ä téjhuak, ínel áu jíaka:
—¡Béja türiak, jü em üusi!
52Huanäi am temajek, ják horapo ä türi táytekähui.
—Tuuka, senu horam jíay jü táij huéchiria ä tójjak —tim áu jiaahuak.
53Huanäi jü ä áchayhua jünëiak huämi horapo juka Jesústa ínel áu jíakähui: “Em üusi béja türiak.” Huanäi ä súsualeka taahuak, áapo, éntok sïme ä jóapo joomem.
54Jesús íkäi señalta yáuhuak, guosa huëpo Judea bétana Galiléau yepsaka.
Zvasarudzwa nguva ino
San Juan 4: mfy
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2014, Wycliffe Bible Translators, Inc. All rights reserved
San Juan 4
4
Jesús éntok jü jámmut samaritana
1Jü Señor jünëiak jume pariserom ínel jíayhuamta jíkkajakaïhui: Jesús chë yún am majtia éntok am batöa, Juanta béppa. 2(Të huitti nokhuäpo, Jesús kaa am batöay jiöbe, ä discíipulom ál‑la.) 3Huanäi Judea buiärapo yeu siika, naa búrujti Galiléa buiärau bíchaa.
4Éntok Samaria buiära páman ä huéenakeu útteatukay. 5Huanäi senu pueblo Samaria buiärapo kátekame Sicar ti téhuaakäu yepsak. Ïri pueblo kaa mékka taahuay, Joséta herencia Jacobta ä mik‑latukaï náapo. 6Huämïrim mánekay Jacobta poozom. Huanäi Jesús, boojo lottilataka, jum pozom náapo yejtek. Abe lúl‑la yejtey jëla. 7Senu jámut Samariapo jometaka áma yepsak, bächiseka. Huanäi Jesús ínel áu jiaahua:
—Bäamë nee miika.
8Ä disciipulohuam éntok pueblou bíchaa sákalatukay, buähuamta jínnuboka.
9Jü jámut samaritana éntok ínel áu jiaahua:
—¿Jáchisen empo judíotaka bäam inou nétane, nee jámut samaritanotuk junne?
(Bueïtuk jume judíom éntok jume samaritanom katim emo huáatia.) 10Jesús éntok ínel ä yómmiak:
—Empo jüneäteko Diosta jita yore mák bárëu éntok jábeta bäam emou nétanëhui, émpë inou am au éiyey. Huanäine bäa jiápsame enchi mik éiyey.
11Jü jámut éntok ínel áu jiaahua:
—Señor, jume pozom mékka kömi, éntoke kaitay yeu am huík mátchi. ¿Jáksë júntuk am jípure, jume bäam yore jíapsituame? 12¿Jachë empo chë yöturi jäni, itom áchay bát kat‑riam Jacobta béppa? Ímëi pozom itom miikak, áapörik áma bäa jëkähui, ä üusihuam éntok ä huakasihuam.
13Jesús éntok ínel ä yómmiak:
—Kía jábe júne ímëi bäam jëkame, júchi bénasi bäi muknake; 14të hua bäam ín ä miknakeu jëkame, kaibu júchi bäi muknake, ál‑la huame bäam ín ä miknakeu, ä jiápsipom tápunika búitinake, ä yü jíapsinakë béchïbo.
15Huanäi jü jámut ínel áu jiaahua:
—Señor, júmëi bäamë nee miika, kaa bäi muk béchïbo éntok kaa äbo sika yeu am huík béchïbo.
16Huanäi Jesús ínel ä yómmiak:
—Ámanë em kuna núnuka, äbo huéiye.
17Jü jámut éntok ínel ä yómmiak:
—Kanne kuunak.
Jesús éntok ínel áu jiaahua:
—Lútüriatë nooka, kanne kuunak ti jíaka; 18bueïtukë mamnim béja kunala; juka én em jípurëu éntoke kaa kuunak. Lútüriatë nooka, ínëli jíaka.
19Huanäi jü jámut ínel áu jiaahua:
—Señor, jíbatua empo Diosta profeeta. 20Itom áchayim bát kat‑riame ímï káupom Diosta yörek; eme éntok ä yöri béchïbo, Jerusalémpo ä ájariä tíiya.
21Jesús éntok ínel áu jiaahua:
—Jámmut, nechë súale, taahuari yúmanake, juka Dios Áchayta enchim yörinakëhui, kaa ímï káupo, éntok kaa buere joära Jerusalémpo jíbba. 22Eme huaka kaa enchim täyähuem yöre; ítapo éntokte huaka itom täyäu yöre, bueïtuk jü jínëuria judíom bétana huéiye. 23Të taahuari yúmanake, éntok én ájäria: jume lútula huëpo Dios Áchayta yöreme, espíritupom lútüriapo ä yörinake; bueïtuk jü Dios Átchay junëli áu yöri ïaa. 24Dios Áapo Espíritu. Jume ä yöreme, espíritupom lútüriapo ä yörinake.
25Huanäi jü jámmut ínel áu jiaahua:
—Jüneane juka Mesíasta yebijnakëhui, Cristo ti téhuaakamta. Áapo yepsak, sïmeta itom téjhuaanake.
26Jesús éntok ínel áu jiaahua:
—Jü Mesías ti téhuaakame, ínapone ájäria, jü émomak nokame.
27Júnëlam nokaysu, jume ä discíipulom áma yájjak. Huanärim át guómtek, jámuttamak ä ettejoä tíaka. Të kaabe ä temajek: “¿Jítasë áu nátemaje?” o, “¿Jítasë áamak ettejhua?” 28Huanäi jü jámmut, ä bächia áma tö sika, pueblou bíchaa siika. Huanäi áman yepsaka, jume yorememmeu ínel jiaahua:
29—Äbem kateka ä bitcha, juka senu yoremta. ¡Bueïtuk sïmeta ín josukäu huitti nee ettejhuariak! ¿Jachu jü Cristo yebijnakeme jäni?
30Huanärim jum pueblopo yeu sájaka áu yájjak. 31Jume ä discíipulom éntok chë júne áu nookay, ínel jíaka:
—Maestro, jïbuäe.
32Áapo éntok ínel ámeu jiaahua:
—Ínapo senu buähuamta ín buänakeu jípure, enchim kaa täyähui.
33Jume ä discíipulom éntok ínel náu jiaahuay:
—¿Jachu jábe áu jïbuä tójak jäni?
34Jesús éntok ínel ámeu jiaahuak:
—Ïri ájäria jü ín buähuame: jü nee äbo bíttuakamta nésahui ín yáanakëhui, éntok ä tékil ín chúpanakëhui. 35Inëlem jijia emëe: “Ketune naiki mecham bëye, juka huajpo etta chúpnakëhui.” Të ínapo ínel enchimmeu jiaahua, jikau remtekem huasam bitcha, bueïtuk jü echi béja saa bíakteka jójoni. 36Jü jíchupata tóboktéame béjtuana, éntok jíbapo béchïbo jíapsihuamta ä jípunakë béchïbo náu ä tóijnake, hua echákamtamak nánancha bem al‑leenakë béchïbo. 37Bueïtuk ímï lútüria hua noki ínel jíame: “Jü echame seenu, jü ä tóboktéame éntok, täbui.” 38Bueïtuk ínapo naa bëkatana enchim bíttuala, huaka kaa enchim echakäu enchim tóboktianakë béchïbo. Huate bát echaka áma tekipanuak, eme éntok bem tekipanuakäpo tühuata mabeta.
39Huämi pueblopo juebena samaritanom Jesústa súaleka taahuak, jámutta ínel jíakä béchïbo: “Sïmeta ín yáari nee téjhuak.” 40Huanäi jume samaritanom áma yájaka jiokot áu jiaahua, áma ámemak ä tahua sáhueka. Huanäi guoy táapo áma taahuak. 41Huanärim júchi chë júne juebénaka ä súsualek, áapörik ámeu nokakä béchïbo. 42Huanärim jámuttau ínel jiaahua:
—Béjate kaa kía ínel em jíä béchïbo ä súale, bueïtukte ítapo itom nákammea ä jíkkaja, éntokte jüneiya tua lútüriapo íkäi ájäriatukähui, jü yore jínëunakeme, jü Cristo.
Reytau tékiakamta üusi tütek, jü Jesús
43Chúkula guoy taahuarim simsuko, huämi yeu siika, Galiléa buiärau bíchaa. 44Bueïtuk Jesús áapo ínel jiaahua, juka profeetata tua ä buiärapo, kaa ä yörihuä tíiya. 45Jume áma jomeme ä mabetak, Galiléau ä yepsako, sïmetaka Jerusalémpo ä yáakäu bíchaka jum pájcua taahuaripo, bueïtuk bempo két áman nóitilatukay, jum pajkohui.
46Jesús júchi Caná Galiléa buiärau yepsak, huam bäam ä vino yáakäpo. Senu yoreme yäurapo reytau kóba yöhue, ä üusihua tüisi kökoremta jípurey, jum pueblo Capernaumpo. 47Ïri juka Jesústa jum Judea bétana Galiléau ä yepsak ä jíkkajaka, ä üusi mukiapo anemta ä jítto ïaaka áman siika, jiokot áu jíaka. 48Huanäi Jesús ínel áu jiaahua:
—Katem jume señaalim éntok kaa jaibu johuamta bichätek, kaibem nee súal éiyey.
49Huanäi jü reytau kóba yöhue ínel áu jiaahua:
—Señor, ámanë kóm huéiye, kee ín üusi mukeyo.
50Jesús éntok ínel áu jiaahua:
—Bamsekë huéiye, jü em üusi béja türiak.
Huanäi jü yoreme Jesústa nokakäu súsualeka siika. 51Jume ä sáhuëhuim áman kömä huéy, yehuim sájaka ä nánkek. Huanärim ä téjhuak, ínel áu jíaka:
—¡Béja türiak, jü em üusi!
52Huanäi am temajek, ják horapo ä türi táytekähui.
—Tuuka, senu horam jíay jü táij huéchiria ä tójjak —tim áu jiaahuak.
53Huanäi jü ä áchayhua jünëiak huämi horapo juka Jesústa ínel áu jíakähui: “Em üusi béja türiak.” Huanäi ä súsualeka taahuak, áapo, éntok sïme ä jóapo joomem.
54Jesús íkäi señalta yáuhuak, guosa huëpo Judea bétana Galiléau yepsaka.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2014, Wycliffe Bible Translators, Inc. All rights reserved