Jɔɔnn 2
2
Kana doo poochianu po
1Li daa ŋanntaa daar, ki bi yaa bin chian pooyookir, doo nba sann yi Kana na, ki li be Galilee tiŋ ni. Ki bi din poi Yisa naa, 2ŋaan mun bia yiin Yisa nan u poorpoweiteeb, a bin baar. 3Tɔn, tilɔɔna daan nba ki bi tuu nyu na, ki li tan gbenn. Ki Yisa naa baar bet Yisa a “Pooyookir daan na gbenna.” 4Ki Yisa betɔ a “N naa, min nan fin, nlee mantiki? N yooe daa ki baari.” 5Ŋanne ki u naa maŋ bet toontunna na a “Linba ki u beti a yin tun, yin tun nna.”
6Tɔn, ŋaan sɔɔ siar nna see leŋ ki naan bui ŋannloob, linba ki Israel teeb tuu tee nyun leŋ ki nit kaman nan bi jiantu nba tee biaŋinba, ki li bui din fit kɔɔ sɔborii nan nyun, ki li baat kaman nan piinnlee amii piinntaa nawa. 7Ki Yisa bet toontunna na a “Gbeent bui na nan nyun.” Ki bi gbeen nan mɔgbanawa. 8Ki u ji betib “Durin man nyun maŋ, ki finn ki tur jaamm na saakɔɔ.” Ki bi finn ki saan turɔ. 9Ki u gaar ki lemm sɔɔ ki li kpant daama, ŋaan ki u ki mi daan na nba nyii siami, ŋaan toontunna nba dur nyun bui na ni ŋarin mi. Ŋanne ki saakɔɔ na yiin poo na sɔrɔ 10ki betɔ a “Sɔɔ kur tuu tor damamm sinsinnewa. Li-i tee ki bi nyuu saama, wun ji tor linba ki man fanu na, ŋaan yimm ŋarin ŋmina, ki ji tan joont toor daan nba man ki gar siar kur na!”
11Tɔn, Yisa nba din tun toonjaann maŋ Kana nba be Galilee tiŋ ni na, ŋannii din tee u sinsinn nyinn, ki li wann niib wa mɔk Yennu paŋ biaŋinba; ki u poorpoweiteeb na teenɔ yada. 12Li poorpo ki Yisa nan u naa nan u waarii nan u poorpoweiteeb saan Kapenaum, ki saa be leŋ kaman nan daa ŋannlee nna.
Yisa nba ŋamm Yennu jiantu ŋasaakak biaŋinba
(Matiu 21.12-13; Mak 11.15-17; Luk 19.45-46)
13Ŋanne ki Israel teeb yukitgar tiaru jaamm tan per, ki Yisa saan Jerusalem, a wun saa di jaamm maŋ. 14Wa baar Jerusalem yoonba, ki u kɔɔ Yennu jiantu ŋasaakak ni, ki saa la jab ki bi kɔi nei nan pei nan ŋmana, a niib-ii daa kii mann mannu; ki u bia la likikpenta ki bi kar kpentir likirii. 15Ki u jii ŋmiit ki pian kpaasir, ki ber bonkobit na kura, ki nyinnib Yennu jiantu ŋasaakak maŋ ni, ŋaan tut tut likikpenta na teebura ki lu, ki likirii na yat baa; 16ŋaan bia bet binba kɔi ŋmana na a bin nyinn ŋmana maŋ, ŋaan bia yetib a “I daa tee n Baa ŋaak kpinkpent boori.” 17Li yoo na ki u poorpoweiteeb ji tiar Yennu gbouŋ nba yet biaŋinba na a “N mantik loon n Baa jiantu ŋasaakak bonchiann.”
18Ŋanne ki Juu teeb yudamm boi Yisa a “A sa tun nyinlannpoe ki wannit a a mɔk yikoo ki tun fa tun linba na?” 19Ki Yisa jiin a “Tɔn, yi yeer Yennu jiantu diiuk na, ŋaan daa ŋanntaa sinsuuk ni n sa maar kaar.” 20Ki bi yet a “Waa! Ti jii bina piinna nan ŋannloobo ki maa Yennu jiantu ŋasaakak na, ŋaan ki fin tan yaa a sa jii daa ŋanntaa kuukɔɔe ki maa!” 21Ki Yennu diiuk nba ki Yisa din pak na din tee u mɔŋ mɔŋ gbanante. 22Yennu nba din fiinɔ kuun ni na poorpoe, ki u poorpoweiteeb tiar linba ki u yet nna, ki bi ji teen Yennu gbouŋ yada, linba want Yisa kuunfiiru po, ki bia teen Yisa maan na yada.
Yisa nba mi sɔɔ kur dudukit biaŋinba
23Yukitgar tiaru jaamm maŋ yooe ki Yisa din biar Jerusalem, ki din tuun bakitnauŋ toonjaana, ki niib bonchiann din la ki teenɔ yada, 24ŋaan Yisa din ki jii u mɔŋ ki chabibi, kimaan u din mi sɔɔ kur nba tee wunba. 25U din mi niib dudukit bonŋann. Li paak u din ki loon sɔɔ-n wannɔ nifosaarik binbeŋ po.
Zvasarudzwa nguva ino
Jɔɔnn 2: BIM
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Jɔɔnn 2
2
Kana doo poochianu po
1Li daa ŋanntaa daar, ki bi yaa bin chian pooyookir, doo nba sann yi Kana na, ki li be Galilee tiŋ ni. Ki bi din poi Yisa naa, 2ŋaan mun bia yiin Yisa nan u poorpoweiteeb, a bin baar. 3Tɔn, tilɔɔna daan nba ki bi tuu nyu na, ki li tan gbenn. Ki Yisa naa baar bet Yisa a “Pooyookir daan na gbenna.” 4Ki Yisa betɔ a “N naa, min nan fin, nlee mantiki? N yooe daa ki baari.” 5Ŋanne ki u naa maŋ bet toontunna na a “Linba ki u beti a yin tun, yin tun nna.”
6Tɔn, ŋaan sɔɔ siar nna see leŋ ki naan bui ŋannloob, linba ki Israel teeb tuu tee nyun leŋ ki nit kaman nan bi jiantu nba tee biaŋinba, ki li bui din fit kɔɔ sɔborii nan nyun, ki li baat kaman nan piinnlee amii piinntaa nawa. 7Ki Yisa bet toontunna na a “Gbeent bui na nan nyun.” Ki bi gbeen nan mɔgbanawa. 8Ki u ji betib “Durin man nyun maŋ, ki finn ki tur jaamm na saakɔɔ.” Ki bi finn ki saan turɔ. 9Ki u gaar ki lemm sɔɔ ki li kpant daama, ŋaan ki u ki mi daan na nba nyii siami, ŋaan toontunna nba dur nyun bui na ni ŋarin mi. Ŋanne ki saakɔɔ na yiin poo na sɔrɔ 10ki betɔ a “Sɔɔ kur tuu tor damamm sinsinnewa. Li-i tee ki bi nyuu saama, wun ji tor linba ki man fanu na, ŋaan yimm ŋarin ŋmina, ki ji tan joont toor daan nba man ki gar siar kur na!”
11Tɔn, Yisa nba din tun toonjaann maŋ Kana nba be Galilee tiŋ ni na, ŋannii din tee u sinsinn nyinn, ki li wann niib wa mɔk Yennu paŋ biaŋinba; ki u poorpoweiteeb na teenɔ yada. 12Li poorpo ki Yisa nan u naa nan u waarii nan u poorpoweiteeb saan Kapenaum, ki saa be leŋ kaman nan daa ŋannlee nna.
Yisa nba ŋamm Yennu jiantu ŋasaakak biaŋinba
(Matiu 21.12-13; Mak 11.15-17; Luk 19.45-46)
13Ŋanne ki Israel teeb yukitgar tiaru jaamm tan per, ki Yisa saan Jerusalem, a wun saa di jaamm maŋ. 14Wa baar Jerusalem yoonba, ki u kɔɔ Yennu jiantu ŋasaakak ni, ki saa la jab ki bi kɔi nei nan pei nan ŋmana, a niib-ii daa kii mann mannu; ki u bia la likikpenta ki bi kar kpentir likirii. 15Ki u jii ŋmiit ki pian kpaasir, ki ber bonkobit na kura, ki nyinnib Yennu jiantu ŋasaakak maŋ ni, ŋaan tut tut likikpenta na teebura ki lu, ki likirii na yat baa; 16ŋaan bia bet binba kɔi ŋmana na a bin nyinn ŋmana maŋ, ŋaan bia yetib a “I daa tee n Baa ŋaak kpinkpent boori.” 17Li yoo na ki u poorpoweiteeb ji tiar Yennu gbouŋ nba yet biaŋinba na a “N mantik loon n Baa jiantu ŋasaakak bonchiann.”
18Ŋanne ki Juu teeb yudamm boi Yisa a “A sa tun nyinlannpoe ki wannit a a mɔk yikoo ki tun fa tun linba na?” 19Ki Yisa jiin a “Tɔn, yi yeer Yennu jiantu diiuk na, ŋaan daa ŋanntaa sinsuuk ni n sa maar kaar.” 20Ki bi yet a “Waa! Ti jii bina piinna nan ŋannloobo ki maa Yennu jiantu ŋasaakak na, ŋaan ki fin tan yaa a sa jii daa ŋanntaa kuukɔɔe ki maa!” 21Ki Yennu diiuk nba ki Yisa din pak na din tee u mɔŋ mɔŋ gbanante. 22Yennu nba din fiinɔ kuun ni na poorpoe, ki u poorpoweiteeb tiar linba ki u yet nna, ki bi ji teen Yennu gbouŋ yada, linba want Yisa kuunfiiru po, ki bia teen Yisa maan na yada.
Yisa nba mi sɔɔ kur dudukit biaŋinba
23Yukitgar tiaru jaamm maŋ yooe ki Yisa din biar Jerusalem, ki din tuun bakitnauŋ toonjaana, ki niib bonchiann din la ki teenɔ yada, 24ŋaan Yisa din ki jii u mɔŋ ki chabibi, kimaan u din mi sɔɔ kur nba tee wunba. 25U din mi niib dudukit bonŋann. Li paak u din ki loon sɔɔ-n wannɔ nifosaarik binbeŋ po.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda