Jɔɔnn 5
5
Yisa nba te ki baatɔɔ paak biaŋinba
1Li poorpoe ki Juu teeb jaansiar tan baar, ki Yisa saan Jerusalem. 2Leŋe ki kukintuk nan nyun din be, ki bakit ŋaŋŋmu din chaan linta, ki Juu teeb maan ni, bi din yir Betsata, ki li kpia nan Pei Tammɔb. 3Ki baatib bonchiann din tuu dɔɔ leŋ, ki siab tee jɔɔnii, ki siab mun tee dianii, ki siab mun tee gbanankpeena damm. Bi tuu dɔɔ ki guu nyun nee, a lin damm. 4Yosau tuuk Yennu malakasɔɔ tuu sike ki damm nyun maŋ. Yoo nba ki u damm nyun maŋ, ki baatɔɔ nba sint sik nyun na ni, u yiaru tuu gbenne.
5Tɔn, ki jasɔɔ din be li boor, ki din yiar bina piinntaa nan ŋanniin. 6Ki Yisa tan baar la ki u dɔɔ li boor, ki bann nan jɔɔ maŋ yiaru yukira, ki u boiɔ, “A loon ki a la laafia-aa?” 7Ki baatɔɔ na jiin a “Chanbaa, nyun na-i damm yoonba, n ki mɔk sɔɔ nba sa jiin sikinin li ni. Ki mi-i tuu yaa n sik, sɔɔ tuu dɔŋ ki sike, ŋaan nyikin.” 8Ki Yisa betɔ, “Fiit, ki jii a dɔɔnu kii somm.” 9Li taakpaak ni ki jɔɔ na paak, ki fiir ki jii u dɔɔnu ki somm saa.
Daar nba ki jɔɔ na din la laafia na din tee foon daare. 10Li paake teen ki Juu teeb yudamm din betɔ a “Dinna tee foon daare. Ti sennu ki chab nan fan jii a dɔɔnu kii somm nanni.” 11Ki u jiin a “Jɔɔ nba te ki n paak na, ŋɔɔe yetin a n jii n dɔɔnu maŋ kii saa nann.” 12Ki bi boiɔ, “Jalanɔpoe yeta a a jii a dɔɔnu maŋ kii saa nanni?” 13Ŋaan jɔɔ na ji din ki mi wunba din te ki u paak jikii, kimaan Yisa ji din poŋ nyii leŋa, niib bonchiann nba din tikir leŋ na paak.
14Li poorpoe ki Yisa ji lon jɔɔ na, ki tan lau Yennu jiantu ŋasaakak ni, ki betɔ a “Gotir, a ji paaka, ŋaan a ji daa mi ki tuun toonbiiti, ki siara bonbisiar tan sa kpet baara ki gar na.”
15Yisa nba pak nan jɔɔ na, ki jɔɔ na nyii ki saan Juu teeb yudamm na boor ki saa betib a “Li tee Yisae te ki n paak.” 16Li paak te ki yudamm maŋ ji piin Yisa muksuk, kimaan wa te ki jɔɔ na paak foon daar na paak.
17Li paake te ki Yisa din betib a “N Baa Yennu yɔɔ tuume, ki n mun tuun nnee.” 18Yisa nba yet nna yoonba, ki Juu teeb maŋ ŋamm donn wutoor ki loon bin kpiu ki gar sinsinna. Bi dukin nan li ki tee wa biir foon daar sennu na paak kuukɔɔ kaa, ŋaan wa bia yaa a Yennu tee u Baa na paak, ki ŋanne te ki u yek nan u mɔŋ nan Yennu.
Yisa nba mɔk yikoo biaŋinba
19Ŋanne ki Yisa betib a “Barmɔniie ki n beeri na, min Yennu Bija laat n Baa Yennu nba tuun linbae, ki n mun tuun. N kan fit tun siar nan n mɔŋi. N Baa maŋ nba tuun linba, n mun tuun ŋanne, 20kimaan n Baa maŋ loonin, ma tee u Bija na, ki u wantin linba kur ki u mɔŋ mɔŋ tuun. Ki bia jenna, u bia sa wannin toonjaana mii tuun, ki lin gar biaŋinba ki n te ki jɔɔ na paak gbaa, ki li sa teeni bakitnauŋ. 21N Baa nba fiint kpeemm biaŋinba ki teemm manfoa na, nnee mun, ki min nba tee u Bija na mun sa tur binba ki n gann na manfoa.
22“N Baa ki bu sɔɔ buuti, ŋaan u chab min, u Bija, a mii bu niib buut, 23a ki sɔɔ kur-ii tee-n nibaakir kaman nan ba teen n Baa Yennu nibaakir biaŋinba na. Wunba ki tee-n nibaakir, li want nan u ki teen n Baa Yennu nba tumin na nibaakiri.
24“Barmɔniie ki n beeri na, daanɔ nba gbat n maan na, ki bia teen wunba tumin na yada, ŋɔɔe mɔk manfoor nba kaa gbennu; ki Yennu kan bu u buut ki biirɔ. U bia poŋ nyii kuun nuu niwa, ki be manfoor maŋ nie.
25“Barmɔniie ki n beeri na, yoo baat, ki li poŋ baara, ki kpeemm tan sa gbat min Yennu Bija kunkɔr, ki binba gbat n kunkɔr maŋ sa la manfoor nba kaa gbennu. 26N Baa nba yen manfoor ki teen niib na, nnee mun ki u te ki min u Bija mun yen manfoor ki teen niib, 27ki u bia teenin yikoo a mii bu niib buut, kimaan n tee nisaarik Bike. 28I daa te ki li teei yaarlituku. Yoo baat ki niib kur nba poŋ kpo ki bi piib na, bi tan sa gbat n kunkɔr, 29ki fiir bi kaat ni; ki binba tun bonŋann, bi tan sa fiir ki be bi manfoa ni, ki li kii mɔk gbennu; ki binba mun tun toonbiit na mun, bi tan sa fiir, ki n bu bi buut ki biirib.
30“N kan fit tun siar nan n mɔŋi. Mi-i bu nirɔ buut biaŋinba, Yennue tuu betin ma n bu. Li paak teen ki n buut ŋan, kimaan n ki loon ki n tun n mɔŋ yanbɔɔtoona kaa, ŋaan n tuun Yennu nba tumin na yanbɔɔtoonae.
Binba tee Yisa siara
31“N pinpauk na-i want ma tee wunba, ŋaan niib kan gaar n tiauŋ yetu maŋi. 32Ŋaan sɔɔe bewa ki piak want niib ma tee wunba. Ŋɔɔe tee Yennu; ki n mi nan wa piak n po maŋ, li tee barmɔniie.
33“Tɔn, i tun i niib Jɔɔnn wunba daan wuur niib Yennu nyunwuru na boor, a i gbiint u maan, ki wa daan piak linba ki teen niib n po na, li tee barmɔniie. 34Li ki kpaa talas kaa nan nirɔ-n pak n po, ŋaan n beeri linba nee a yin la tinnu. 35Jɔɔnn maŋ daan tee kaman nan fitir nba ki bi tuu joo, ki li yentu nyɔkit nee, ki i daan jii yoo waaminna ki nian u yentu maŋ.
36“Bakitnauŋ toonjaana nba ki n tuun na, ŋannii want n siara ki chee Jɔɔnn siara na. Ki bia jenna, toonjaana nba ki n tuun na, n Baae yaa mii tuun, ki n tuun, ki toona maŋ want n siara nan n Baa Yennue tumin.
37“Ki bia jenna, n Baa Yennu nba tumin na mun tee siara n po. I lek ki mi gbat u kunkɔri, ki bia ki mi lau nan i ninbina. 38Ki u tumin i boor, ŋaan i ki teenin yada; ŋannii want nan u maan kaa i para ni.
39“Tɔn, ŋaan i lek tuu karin Yennu gbouŋ na, kimaan i tuu dukii mi a manfoor nba kaa gbennu be leŋe, ki Yennu gbouŋ maŋ want n po, 40ŋaan ki i lek yêt nan ki i baar n peŋ ki n turi manfoor maŋ.
41“N baka kaa nan ki n tun ki maŋ nirɔ par kaa, ŋaan n tuun ki maŋŋit Yennu pare. 42N poŋ mi nan i ki loon Yennu i yan ni fabaa. 43N baar nan n Baa Yennu yent nie, ŋaan ki i ki gaarimi. Ŋaan li-i tee ki sɔɔ baar nan u mɔŋ yent ni, i tuu gaarɔe. 44I loon ki i tuun kii maŋŋit i leeb parae, ŋaan i ki fiin nan ki i tuun kii maŋŋit ŋɔɔ Yennu wunba tee Yen-yemmir na pari. Li paak mune te ki i set kan fit ki teenin yada. 45I daa dukii nan n sa pak maan ki biiri n Baa Yennu boori. Daanɔ nba sa pak biiri, ŋɔɔe tee Moses, wunba ki i daan u po na. 46I setikii bo-i teen Moses sɔbu yada, i bo sa teenin yadawa mun, kimaan u din sɔb pak n poe. 47Ŋaan ya ki teen wa din sɔb linba maŋ yada na, nlee ki i ji sa teen n mɔmaan yada?”
Zvasarudzwa nguva ino
Jɔɔnn 5: BIM
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Jɔɔnn 5
5
Yisa nba te ki baatɔɔ paak biaŋinba
1Li poorpoe ki Juu teeb jaansiar tan baar, ki Yisa saan Jerusalem. 2Leŋe ki kukintuk nan nyun din be, ki bakit ŋaŋŋmu din chaan linta, ki Juu teeb maan ni, bi din yir Betsata, ki li kpia nan Pei Tammɔb. 3Ki baatib bonchiann din tuu dɔɔ leŋ, ki siab tee jɔɔnii, ki siab mun tee dianii, ki siab mun tee gbanankpeena damm. Bi tuu dɔɔ ki guu nyun nee, a lin damm. 4Yosau tuuk Yennu malakasɔɔ tuu sike ki damm nyun maŋ. Yoo nba ki u damm nyun maŋ, ki baatɔɔ nba sint sik nyun na ni, u yiaru tuu gbenne.
5Tɔn, ki jasɔɔ din be li boor, ki din yiar bina piinntaa nan ŋanniin. 6Ki Yisa tan baar la ki u dɔɔ li boor, ki bann nan jɔɔ maŋ yiaru yukira, ki u boiɔ, “A loon ki a la laafia-aa?” 7Ki baatɔɔ na jiin a “Chanbaa, nyun na-i damm yoonba, n ki mɔk sɔɔ nba sa jiin sikinin li ni. Ki mi-i tuu yaa n sik, sɔɔ tuu dɔŋ ki sike, ŋaan nyikin.” 8Ki Yisa betɔ, “Fiit, ki jii a dɔɔnu kii somm.” 9Li taakpaak ni ki jɔɔ na paak, ki fiir ki jii u dɔɔnu ki somm saa.
Daar nba ki jɔɔ na din la laafia na din tee foon daare. 10Li paake teen ki Juu teeb yudamm din betɔ a “Dinna tee foon daare. Ti sennu ki chab nan fan jii a dɔɔnu kii somm nanni.” 11Ki u jiin a “Jɔɔ nba te ki n paak na, ŋɔɔe yetin a n jii n dɔɔnu maŋ kii saa nann.” 12Ki bi boiɔ, “Jalanɔpoe yeta a a jii a dɔɔnu maŋ kii saa nanni?” 13Ŋaan jɔɔ na ji din ki mi wunba din te ki u paak jikii, kimaan Yisa ji din poŋ nyii leŋa, niib bonchiann nba din tikir leŋ na paak.
14Li poorpoe ki Yisa ji lon jɔɔ na, ki tan lau Yennu jiantu ŋasaakak ni, ki betɔ a “Gotir, a ji paaka, ŋaan a ji daa mi ki tuun toonbiiti, ki siara bonbisiar tan sa kpet baara ki gar na.”
15Yisa nba pak nan jɔɔ na, ki jɔɔ na nyii ki saan Juu teeb yudamm na boor ki saa betib a “Li tee Yisae te ki n paak.” 16Li paak te ki yudamm maŋ ji piin Yisa muksuk, kimaan wa te ki jɔɔ na paak foon daar na paak.
17Li paake te ki Yisa din betib a “N Baa Yennu yɔɔ tuume, ki n mun tuun nnee.” 18Yisa nba yet nna yoonba, ki Juu teeb maŋ ŋamm donn wutoor ki loon bin kpiu ki gar sinsinna. Bi dukin nan li ki tee wa biir foon daar sennu na paak kuukɔɔ kaa, ŋaan wa bia yaa a Yennu tee u Baa na paak, ki ŋanne te ki u yek nan u mɔŋ nan Yennu.
Yisa nba mɔk yikoo biaŋinba
19Ŋanne ki Yisa betib a “Barmɔniie ki n beeri na, min Yennu Bija laat n Baa Yennu nba tuun linbae, ki n mun tuun. N kan fit tun siar nan n mɔŋi. N Baa maŋ nba tuun linba, n mun tuun ŋanne, 20kimaan n Baa maŋ loonin, ma tee u Bija na, ki u wantin linba kur ki u mɔŋ mɔŋ tuun. Ki bia jenna, u bia sa wannin toonjaana mii tuun, ki lin gar biaŋinba ki n te ki jɔɔ na paak gbaa, ki li sa teeni bakitnauŋ. 21N Baa nba fiint kpeemm biaŋinba ki teemm manfoa na, nnee mun, ki min nba tee u Bija na mun sa tur binba ki n gann na manfoa.
22“N Baa ki bu sɔɔ buuti, ŋaan u chab min, u Bija, a mii bu niib buut, 23a ki sɔɔ kur-ii tee-n nibaakir kaman nan ba teen n Baa Yennu nibaakir biaŋinba na. Wunba ki tee-n nibaakir, li want nan u ki teen n Baa Yennu nba tumin na nibaakiri.
24“Barmɔniie ki n beeri na, daanɔ nba gbat n maan na, ki bia teen wunba tumin na yada, ŋɔɔe mɔk manfoor nba kaa gbennu; ki Yennu kan bu u buut ki biirɔ. U bia poŋ nyii kuun nuu niwa, ki be manfoor maŋ nie.
25“Barmɔniie ki n beeri na, yoo baat, ki li poŋ baara, ki kpeemm tan sa gbat min Yennu Bija kunkɔr, ki binba gbat n kunkɔr maŋ sa la manfoor nba kaa gbennu. 26N Baa nba yen manfoor ki teen niib na, nnee mun ki u te ki min u Bija mun yen manfoor ki teen niib, 27ki u bia teenin yikoo a mii bu niib buut, kimaan n tee nisaarik Bike. 28I daa te ki li teei yaarlituku. Yoo baat ki niib kur nba poŋ kpo ki bi piib na, bi tan sa gbat n kunkɔr, 29ki fiir bi kaat ni; ki binba tun bonŋann, bi tan sa fiir ki be bi manfoa ni, ki li kii mɔk gbennu; ki binba mun tun toonbiit na mun, bi tan sa fiir, ki n bu bi buut ki biirib.
30“N kan fit tun siar nan n mɔŋi. Mi-i bu nirɔ buut biaŋinba, Yennue tuu betin ma n bu. Li paak teen ki n buut ŋan, kimaan n ki loon ki n tun n mɔŋ yanbɔɔtoona kaa, ŋaan n tuun Yennu nba tumin na yanbɔɔtoonae.
Binba tee Yisa siara
31“N pinpauk na-i want ma tee wunba, ŋaan niib kan gaar n tiauŋ yetu maŋi. 32Ŋaan sɔɔe bewa ki piak want niib ma tee wunba. Ŋɔɔe tee Yennu; ki n mi nan wa piak n po maŋ, li tee barmɔniie.
33“Tɔn, i tun i niib Jɔɔnn wunba daan wuur niib Yennu nyunwuru na boor, a i gbiint u maan, ki wa daan piak linba ki teen niib n po na, li tee barmɔniie. 34Li ki kpaa talas kaa nan nirɔ-n pak n po, ŋaan n beeri linba nee a yin la tinnu. 35Jɔɔnn maŋ daan tee kaman nan fitir nba ki bi tuu joo, ki li yentu nyɔkit nee, ki i daan jii yoo waaminna ki nian u yentu maŋ.
36“Bakitnauŋ toonjaana nba ki n tuun na, ŋannii want n siara ki chee Jɔɔnn siara na. Ki bia jenna, toonjaana nba ki n tuun na, n Baae yaa mii tuun, ki n tuun, ki toona maŋ want n siara nan n Baa Yennue tumin.
37“Ki bia jenna, n Baa Yennu nba tumin na mun tee siara n po. I lek ki mi gbat u kunkɔri, ki bia ki mi lau nan i ninbina. 38Ki u tumin i boor, ŋaan i ki teenin yada; ŋannii want nan u maan kaa i para ni.
39“Tɔn, ŋaan i lek tuu karin Yennu gbouŋ na, kimaan i tuu dukii mi a manfoor nba kaa gbennu be leŋe, ki Yennu gbouŋ maŋ want n po, 40ŋaan ki i lek yêt nan ki i baar n peŋ ki n turi manfoor maŋ.
41“N baka kaa nan ki n tun ki maŋ nirɔ par kaa, ŋaan n tuun ki maŋŋit Yennu pare. 42N poŋ mi nan i ki loon Yennu i yan ni fabaa. 43N baar nan n Baa Yennu yent nie, ŋaan ki i ki gaarimi. Ŋaan li-i tee ki sɔɔ baar nan u mɔŋ yent ni, i tuu gaarɔe. 44I loon ki i tuun kii maŋŋit i leeb parae, ŋaan i ki fiin nan ki i tuun kii maŋŋit ŋɔɔ Yennu wunba tee Yen-yemmir na pari. Li paak mune te ki i set kan fit ki teenin yada. 45I daa dukii nan n sa pak maan ki biiri n Baa Yennu boori. Daanɔ nba sa pak biiri, ŋɔɔe tee Moses, wunba ki i daan u po na. 46I setikii bo-i teen Moses sɔbu yada, i bo sa teenin yadawa mun, kimaan u din sɔb pak n poe. 47Ŋaan ya ki teen wa din sɔb linba maŋ yada na, nlee ki i ji sa teen n mɔmaan yada?”
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda