Jɔɔnn 8
8
Poochonchonsɔɔ labaar
1Li poorpoe ki sɔɔ kur kun, ŋaan ki Yisa doo Olif Tiinii kunkonn paak. 2Ki li yent sanyapob ni, ki u ŋmat kɔɔ Yennu jiantu ŋasaakak ni; ki niib bonchiann tikir baar kɔɔ lintɔ, ki u kar ki wantib.
3Ŋanne ki sennu wannteeb nan Farisiinba baar nan poo nba tun bonchonchonn toonn, ki te ki u set Yisa tɔɔnn po, 4ŋaan yet Yisa a “Wanntɔɔ, ti la poo na, ki u tuun chonchonn toonne, ki ti soorɔ li yoo na. 5Ti sennu ni, Moses din senn a li poobooru ŋan ki bin jaatɔ tanae ki kpiu, ki fin ŋarin dukin la nlee?” 6Bi din yet nna, ki loon bin kpar Yisae, ki fit lian la u biit. Ki Yisa tibin ŋaan jii u niibir ki sɔb tiŋ ni.
7Ba bia lek see ki boiɔ buboit yoonba na, ki u tibit ki betib a “Wunba ki mi ki tun toonbiit, li yɔɔ-n sint jaau tansinsinn,” 8ŋaan ŋamm tibin ki sɔb tiŋ ni. 9Ba gbat ki u yet nna maŋ, ki bi piin yat yenɔ yenɔ, ki nikpera na dɔŋ yat, ŋaan ki Yisa biar, ŋɔɔ nan poo na, ki u bia daa see u tɔɔnn po. 10Ki u tibit boiɔ, “N diamm, bi saan lee? Sɔɔ ki biar a wun pak biiranii?” 11Ki u jiin a “Chanbaa, sɔɔ ki biari.”
Ki Yisa yetɔ a “N mun kan pak biirani. I kun. A ji daa mi ki tuun toonbiiti.”
Yisa nba tee yentu biaŋinba
12Ŋanne ki Yisa bia ŋamm piak nan niib Yennu jiantu ŋasaakak ni, a “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba sii yentir u binbeŋ, ki u kii turin bunbɔnn ni.” 13Ki Farisiinba na bia yetɔ a “Fa piak ki want a mɔŋ po na, ŋaan li tee yanne.” 14Ki Yisa jiin betib, “Mi-i lekii piak ki want n mɔŋ poie, ŋaan ma yet linba, li tee mɔniie, kimaan min mi ma nyii siaminba, ki bia mi ma saa siaminba. Yimm ŋarin ki mi ma nyii siami. I bia ki mi ma saa siami. 15Yimm gorii nirɔ nanyer poe ki bu u buut, ŋaan min ŋarin ki bu sɔɔ buuti. 16Mi-i poŋii yaa n bu nirɔ buutie gbaa, n sa bu u buut nan barmɔniie, kimaan n ki bu buut n kuukɔɔ kaa, ŋaan n Baa nba tumin nee be nanin. 17Tɔn, li poŋ sɔb i sennu ni a niib bannlee siara-i jaŋ nan leer, ŋannii tee barmɔnii. 18N piak want n mɔŋ po, ki n Baa wunba tumin na mun bia piak want n po nnee.” 19Ki bi boiɔ a “A Baa maŋ be lee?”
Ki Yisa pak jiimm a “I ki mimi, ki tan boi n Baa. I-i bo-i mimie, i mun bia bo sii mi n Baawa.”
20Yisa din pak maan na yoo nba ki u din want niib; ki bi din be Yennu jiantu ŋasaakak ni siaminba ki bi sent Yennu piinii likirii lakir na; ŋaan sɔɔ ki soorɔ, kimaan u sooru yoo daa ki baari.
Yisa nba kpaan Juu teeb na biaŋinba
21Ki Yisa bia ŋamm pak yetib a “N sa yaata, ki i tan sa lomin ki kan lami. I tan sa kpo ŋaan kan poŋ la nyikinchabi; i bia tan kan fit saan ma saa siami.”
22Ŋanne ki Juu teeb na yet a “U yaa a ti kan fit saan wa saa siami. U yaa wun kpi u mɔŋee?” 23Ki Yisa jiin a “Yimm tee tiŋ nna yabe, ŋaan min tee sanpaapo yɔɔe; yimm nyii tingbouŋ na nie, ŋaan min ki nyii tingbouŋ na ni kaa. 24Li paake te ki n yeti ma i sa kpo ŋaan kan poŋ la nyikinchabi; ki li-i tee ki i ki teen yada nan n tee ma tee wunba na, i set sa kpo ŋaan kan poŋ la nyikinchabi.” 25Ki bi boiɔ a “Fin ŋmee?”
Ki u jiimm a “N tee wunba ki n tuu yɔɔ beeri na. 26N bo sii fit piak maan bonchiann ki biiri; ŋaan wunba tumin nae tee barmɔnii daanɔ; ki n piak beer tingbouŋ na niib linba ki n gbia u boor nae.”
27Ŋaan niib na din ki mi nan u piak u Baa Yennu poe. 28Li paak ki Yisa betib, “Yoo nba ki i sa jii min nisaarik Bik ki donnin sanpaapo na, li yooe ki i tan sa bann nan n tee ma tee wunba, ki i bia sa bann nan n ki tuun siar nan n mɔŋ mɔŋ yikoo, ŋaan n bia yeen linba ki n Baa wannin a n tan yete. 29Ki wunba tumin nae be nanin. U ki nyikit n kuukɔɔ, kimaan n tuu tuun linba gboot u numme.” 30Niib bonchiann nba din gbat Yisa nba pak nna maŋ, ki bi teenɔ yada.
Binba nyii yiar ni nan barmɔnii na labaar
31Ŋanne ki Yisa yet Juu teeb nba teenɔ yada na, “Li-i tee ki i saak n mɔmaan, i set tee n poorpoweiteeb nan barmɔniie, ki i bia sa bann barmɔnii wannu, 32ki barmɔnii wannu maŋ sa nyinni yiar ni.” 33Ki bi yetɔ a “Ti tee Abraham yaaboonae, ki ti ki mi ki teen sɔɔ daaba. Nlee ki a yaa a ti tan sa nyi yiar ni?”
34Ki u yetib a “Barmɔniie ki n beeri na, sɔɔ kur nba tuun toonbiit, u tee biit daabire. 35Daabir ki tee ŋaak yɔɔ kaa, ŋaan ŋaak bik ŋarin tee ŋaak yɔɔe yoo kur. 36Li-i tee min Yennu Bija nyinti yiar nie, i set sa nyi yiar ni nan barmɔniiwa. 37N mi nan i tee Abraham yaaboonae, ŋaan ki i lek yabii a i kpin, kimaan n maan maŋ ki kɔɔ i tuba ni. 38Ma tuu be n Baa peŋ ki laat linba, ŋanne ki n piak, ŋaan yimm tuun linba ki i baa beti a yii tuun nee.”
39Ki bi jiinɔ yaa a “Ti baa tee Abrahame.”
Ki Yisa betib a “Li-i tee ki i bo tee Abraham waas nan mɔniie, i bo sii tuun Abraham toonbooru nawa, 40ŋaan ki mɔtana ki i yabii a i kpin, nan ma tee nirɔ nba beeri barmɔnii nba ki n gbat Yennu peŋ na. Abraham ŋarin din ki teen nna. 41Ŋaan yimm tuun i baa nba tuun biaŋinbae.”
Ki bi jiin betɔ a “Timm ki tee kpenkiŋmia kaa. Ti mɔk baa yenɔkɔɔe, ki ŋɔɔe tee Yennu.”
42Ki Yisa betib, “Li-i bo-i tee ki Yennu mɔŋ tee i baa, i bo sii loonima, kimaan n nyii ŋɔɔ Yennu peŋe ki baar nna. N bia ki baar nan n mɔŋ mɔŋ yaak kaa, ŋaan ŋɔɔe tumin. 43Bee teen ki i ki bann n maan na paaki? kimaan ya kan fit gbat n maan maŋ na. 44I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore. 45Ma beeri barmɔnii nee te ki i ki teenin yada. 46I ŋmee sa fit wann n biiti? Aaii, sɔɔ kaa. Ma beeri barmɔnii biaŋinba na, bee teen ki i ki teenin yada? 47Wunba nyii Yennu peŋ, ŋɔɔe gbia Yennu maan; ŋaan ya ki nyii Yennu peŋ na, li paake te ki i ki gbia Yennu maan maŋi.”
Yisa nan Abraham po
48Ŋanne ki Juu teeb na jiin ki yet Yisa a “Ta yet ki yaa a tee Samaria nirɔ, ki narinbiiuk bia be a ni na, li ki tokinii?” 49Ki Yisa jiin a “Narinbiiuk kaa n ni. Min baakit n Baa Yennu, ŋaan ki yimm ŋarin siannin. 50Ŋaan li ki tee min kaa loon nibaakir ki teen n mɔŋi. Yennue loon ki niib-n teenin nibaakir, ki ŋɔɔe tee buut daanɔ. 51Barmɔniie ki n beeri na, daanɔ nba saak n maan, u kan mi ki kpo.”
52Ki Juu teeb na betɔ a “Mɔtana ti set bann nan narinbiiuk be a ni. Abraham din kpoa, ki Yennu sɔkiniinba mun din kpoa, ŋaan ki a yaa a daanɔ nba saak a maan kan mi ki kpo. 53Ti chanbaa Abraham nba din kpo na, a dukii mi a a cheeu-ee? Yennu sɔkiniinba mun bia din kpoa. I got! Fin dukii mi a a tee ŋmee?” 54Ki Yisa jiimm a “Mi-i bo-i dontir n mɔŋie, li bo sii tee yanne, ŋaan wunba dontirin tee n Baae. Ŋɔɔe tee daanɔ nba ki i yaa a u tee i Yennu na. 55I ki miu, ŋaan min ŋarin miu. Li-i bo-i tee ki n yaa a n ki miu, n bo sa teen faak daanɔ kaman nan yimm nawa. Ŋaan n miu, ki bia saak u maan. 56I chanbaa Abraham din mɔk parpeenn bonchiann, kimaan u yaa wun tan la yoo nba ki n sa sik tingbouŋ na ni; ki u set tan la li yoo maŋa, ki li maŋŋɔ.” 57Ki Juu teeb na boiɔ, “A daa ki baar binpiiŋŋmu, ŋaan tan la Abrahamii?” 58Ki Yisa jiin yetib a “Barmɔniie ki n beeri na, ba din tan maar Abraham na, ŋaan sɔɔ ki min ŋarin poŋ kpan be.” 59Ŋanne ki bi ji tɔkii tana a bin jaatɔ ki kpiu; ki u lir ki nyii Yennu jiantu ŋasaakak ni.
Zvasarudzwa nguva ino
Jɔɔnn 8: BIM
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Jɔɔnn 8
8
Poochonchonsɔɔ labaar
1Li poorpoe ki sɔɔ kur kun, ŋaan ki Yisa doo Olif Tiinii kunkonn paak. 2Ki li yent sanyapob ni, ki u ŋmat kɔɔ Yennu jiantu ŋasaakak ni; ki niib bonchiann tikir baar kɔɔ lintɔ, ki u kar ki wantib.
3Ŋanne ki sennu wannteeb nan Farisiinba baar nan poo nba tun bonchonchonn toonn, ki te ki u set Yisa tɔɔnn po, 4ŋaan yet Yisa a “Wanntɔɔ, ti la poo na, ki u tuun chonchonn toonne, ki ti soorɔ li yoo na. 5Ti sennu ni, Moses din senn a li poobooru ŋan ki bin jaatɔ tanae ki kpiu, ki fin ŋarin dukin la nlee?” 6Bi din yet nna, ki loon bin kpar Yisae, ki fit lian la u biit. Ki Yisa tibin ŋaan jii u niibir ki sɔb tiŋ ni.
7Ba bia lek see ki boiɔ buboit yoonba na, ki u tibit ki betib a “Wunba ki mi ki tun toonbiit, li yɔɔ-n sint jaau tansinsinn,” 8ŋaan ŋamm tibin ki sɔb tiŋ ni. 9Ba gbat ki u yet nna maŋ, ki bi piin yat yenɔ yenɔ, ki nikpera na dɔŋ yat, ŋaan ki Yisa biar, ŋɔɔ nan poo na, ki u bia daa see u tɔɔnn po. 10Ki u tibit boiɔ, “N diamm, bi saan lee? Sɔɔ ki biar a wun pak biiranii?” 11Ki u jiin a “Chanbaa, sɔɔ ki biari.”
Ki Yisa yetɔ a “N mun kan pak biirani. I kun. A ji daa mi ki tuun toonbiiti.”
Yisa nba tee yentu biaŋinba
12Ŋanne ki Yisa bia ŋamm piak nan niib Yennu jiantu ŋasaakak ni, a “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba sii yentir u binbeŋ, ki u kii turin bunbɔnn ni.” 13Ki Farisiinba na bia yetɔ a “Fa piak ki want a mɔŋ po na, ŋaan li tee yanne.” 14Ki Yisa jiin betib, “Mi-i lekii piak ki want n mɔŋ poie, ŋaan ma yet linba, li tee mɔniie, kimaan min mi ma nyii siaminba, ki bia mi ma saa siaminba. Yimm ŋarin ki mi ma nyii siami. I bia ki mi ma saa siami. 15Yimm gorii nirɔ nanyer poe ki bu u buut, ŋaan min ŋarin ki bu sɔɔ buuti. 16Mi-i poŋii yaa n bu nirɔ buutie gbaa, n sa bu u buut nan barmɔniie, kimaan n ki bu buut n kuukɔɔ kaa, ŋaan n Baa nba tumin nee be nanin. 17Tɔn, li poŋ sɔb i sennu ni a niib bannlee siara-i jaŋ nan leer, ŋannii tee barmɔnii. 18N piak want n mɔŋ po, ki n Baa wunba tumin na mun bia piak want n po nnee.” 19Ki bi boiɔ a “A Baa maŋ be lee?”
Ki Yisa pak jiimm a “I ki mimi, ki tan boi n Baa. I-i bo-i mimie, i mun bia bo sii mi n Baawa.”
20Yisa din pak maan na yoo nba ki u din want niib; ki bi din be Yennu jiantu ŋasaakak ni siaminba ki bi sent Yennu piinii likirii lakir na; ŋaan sɔɔ ki soorɔ, kimaan u sooru yoo daa ki baari.
Yisa nba kpaan Juu teeb na biaŋinba
21Ki Yisa bia ŋamm pak yetib a “N sa yaata, ki i tan sa lomin ki kan lami. I tan sa kpo ŋaan kan poŋ la nyikinchabi; i bia tan kan fit saan ma saa siami.”
22Ŋanne ki Juu teeb na yet a “U yaa a ti kan fit saan wa saa siami. U yaa wun kpi u mɔŋee?” 23Ki Yisa jiin a “Yimm tee tiŋ nna yabe, ŋaan min tee sanpaapo yɔɔe; yimm nyii tingbouŋ na nie, ŋaan min ki nyii tingbouŋ na ni kaa. 24Li paake te ki n yeti ma i sa kpo ŋaan kan poŋ la nyikinchabi; ki li-i tee ki i ki teen yada nan n tee ma tee wunba na, i set sa kpo ŋaan kan poŋ la nyikinchabi.” 25Ki bi boiɔ a “Fin ŋmee?”
Ki u jiimm a “N tee wunba ki n tuu yɔɔ beeri na. 26N bo sii fit piak maan bonchiann ki biiri; ŋaan wunba tumin nae tee barmɔnii daanɔ; ki n piak beer tingbouŋ na niib linba ki n gbia u boor nae.”
27Ŋaan niib na din ki mi nan u piak u Baa Yennu poe. 28Li paak ki Yisa betib, “Yoo nba ki i sa jii min nisaarik Bik ki donnin sanpaapo na, li yooe ki i tan sa bann nan n tee ma tee wunba, ki i bia sa bann nan n ki tuun siar nan n mɔŋ mɔŋ yikoo, ŋaan n bia yeen linba ki n Baa wannin a n tan yete. 29Ki wunba tumin nae be nanin. U ki nyikit n kuukɔɔ, kimaan n tuu tuun linba gboot u numme.” 30Niib bonchiann nba din gbat Yisa nba pak nna maŋ, ki bi teenɔ yada.
Binba nyii yiar ni nan barmɔnii na labaar
31Ŋanne ki Yisa yet Juu teeb nba teenɔ yada na, “Li-i tee ki i saak n mɔmaan, i set tee n poorpoweiteeb nan barmɔniie, ki i bia sa bann barmɔnii wannu, 32ki barmɔnii wannu maŋ sa nyinni yiar ni.” 33Ki bi yetɔ a “Ti tee Abraham yaaboonae, ki ti ki mi ki teen sɔɔ daaba. Nlee ki a yaa a ti tan sa nyi yiar ni?”
34Ki u yetib a “Barmɔniie ki n beeri na, sɔɔ kur nba tuun toonbiit, u tee biit daabire. 35Daabir ki tee ŋaak yɔɔ kaa, ŋaan ŋaak bik ŋarin tee ŋaak yɔɔe yoo kur. 36Li-i tee min Yennu Bija nyinti yiar nie, i set sa nyi yiar ni nan barmɔniiwa. 37N mi nan i tee Abraham yaaboonae, ŋaan ki i lek yabii a i kpin, kimaan n maan maŋ ki kɔɔ i tuba ni. 38Ma tuu be n Baa peŋ ki laat linba, ŋanne ki n piak, ŋaan yimm tuun linba ki i baa beti a yii tuun nee.”
39Ki bi jiinɔ yaa a “Ti baa tee Abrahame.”
Ki Yisa betib a “Li-i tee ki i bo tee Abraham waas nan mɔniie, i bo sii tuun Abraham toonbooru nawa, 40ŋaan ki mɔtana ki i yabii a i kpin, nan ma tee nirɔ nba beeri barmɔnii nba ki n gbat Yennu peŋ na. Abraham ŋarin din ki teen nna. 41Ŋaan yimm tuun i baa nba tuun biaŋinbae.”
Ki bi jiin betɔ a “Timm ki tee kpenkiŋmia kaa. Ti mɔk baa yenɔkɔɔe, ki ŋɔɔe tee Yennu.”
42Ki Yisa betib, “Li-i bo-i tee ki Yennu mɔŋ tee i baa, i bo sii loonima, kimaan n nyii ŋɔɔ Yennu peŋe ki baar nna. N bia ki baar nan n mɔŋ mɔŋ yaak kaa, ŋaan ŋɔɔe tumin. 43Bee teen ki i ki bann n maan na paaki? kimaan ya kan fit gbat n maan maŋ na. 44I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore. 45Ma beeri barmɔnii nee te ki i ki teenin yada. 46I ŋmee sa fit wann n biiti? Aaii, sɔɔ kaa. Ma beeri barmɔnii biaŋinba na, bee teen ki i ki teenin yada? 47Wunba nyii Yennu peŋ, ŋɔɔe gbia Yennu maan; ŋaan ya ki nyii Yennu peŋ na, li paake te ki i ki gbia Yennu maan maŋi.”
Yisa nan Abraham po
48Ŋanne ki Juu teeb na jiin ki yet Yisa a “Ta yet ki yaa a tee Samaria nirɔ, ki narinbiiuk bia be a ni na, li ki tokinii?” 49Ki Yisa jiin a “Narinbiiuk kaa n ni. Min baakit n Baa Yennu, ŋaan ki yimm ŋarin siannin. 50Ŋaan li ki tee min kaa loon nibaakir ki teen n mɔŋi. Yennue loon ki niib-n teenin nibaakir, ki ŋɔɔe tee buut daanɔ. 51Barmɔniie ki n beeri na, daanɔ nba saak n maan, u kan mi ki kpo.”
52Ki Juu teeb na betɔ a “Mɔtana ti set bann nan narinbiiuk be a ni. Abraham din kpoa, ki Yennu sɔkiniinba mun din kpoa, ŋaan ki a yaa a daanɔ nba saak a maan kan mi ki kpo. 53Ti chanbaa Abraham nba din kpo na, a dukii mi a a cheeu-ee? Yennu sɔkiniinba mun bia din kpoa. I got! Fin dukii mi a a tee ŋmee?” 54Ki Yisa jiimm a “Mi-i bo-i dontir n mɔŋie, li bo sii tee yanne, ŋaan wunba dontirin tee n Baae. Ŋɔɔe tee daanɔ nba ki i yaa a u tee i Yennu na. 55I ki miu, ŋaan min ŋarin miu. Li-i bo-i tee ki n yaa a n ki miu, n bo sa teen faak daanɔ kaman nan yimm nawa. Ŋaan n miu, ki bia saak u maan. 56I chanbaa Abraham din mɔk parpeenn bonchiann, kimaan u yaa wun tan la yoo nba ki n sa sik tingbouŋ na ni; ki u set tan la li yoo maŋa, ki li maŋŋɔ.” 57Ki Juu teeb na boiɔ, “A daa ki baar binpiiŋŋmu, ŋaan tan la Abrahamii?” 58Ki Yisa jiin yetib a “Barmɔniie ki n beeri na, ba din tan maar Abraham na, ŋaan sɔɔ ki min ŋarin poŋ kpan be.” 59Ŋanne ki bi ji tɔkii tana a bin jaatɔ ki kpiu; ki u lir ki nyii Yennu jiantu ŋasaakak ni.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda