Matiu 22
22
Poochianu jaamm barjouk
(Luk 14.15-24)
1Ki Yisa bia din piin ki piak teen niib maŋ nan barjokit a 2“Yennu naan tee kaman nan batsɔɔ nba din teen siir a wun teen poochianu jaamm ki tur u bija nee. 3Ki u din tan tun u daaba a bin saan ki yiin niib nba ki u daan poib na a bin baar na; ŋaan ki bi ki loon bin baari. 4Ki u ŋamm tun daabileeb ki betib a ‘I saa man ki bet niib nba ki n daan poib na a jaamm jeet teen siira; n poŋ kpii naajapaana nan naajakpamma, ki li kur teen siira; li paak, i saana man ki tan di jaamm maŋ.’ 5Ŋaan wa din poi binba maŋ din ki gbiint ki tur u daaba, ŋaan yaat yaat ki saan bi toona ni: ki yenɔ doo u kpaab ni, ki lɔɔ mun saan u bont kɔiu daak ni. 6Ŋaan ki siab mun soor u daaba na ki boob ki saa kpiib. 7Ŋanne ki bat na wutoor din doo bonchiann; ki u tun u lanjimanba, ki bi saan ki saa kpii nikpiira maŋ, ŋaan joo bi doo muu. 8Li poorpo ki bat na ji din yiin u daaba ki tan betib a ‘Poochianu jeet na teen siira, ŋaan niib nba ki n poŋ daan dɔŋ poib na, bi ji ki ŋan nanni. 9Li paak, i saa man sanjara paak, ki saa yiin binba kur ki i sa lab, a bin baar na ki tan di jaamm maŋ.’ 10Ki u daaba na nyii ki saan sanjara paak, ki saa yiin binba kur saaka ki bi lab, nibiit nan niŋamm; ki bi baar tan gbee poochianu ŋaak ken ken.
11“Tɔn, ki bat na tan kɔɔ a wun gɔn poochianu niib maŋ, ki tan got la jasɔɔ nna ki u foo bi sinsuuk ni ki ki lia poochianu jaamm tiati. 12Ki bat na boiɔ a ‘N yɔɔk, a teen nlee ki tan kɔɔ nna ŋaan ki ki lia poochianu jaamm na tiati?’ Ki jɔɔ na ki jiin siari. 13Ki bat na din bet u ŋaajab na ‘Lormɔ man u nii nan u taa, ki nyi saa lu-u nanyer po bunbɔnn ni. Leŋewa ki u sii fabin mɔn ki junt u nyana.’ ”
14Yisa din yin barjouk maŋ ki joont, ki yet a “Yennu yiin niib bonchianne, ŋaan u tan sa gann waaminne.”
Lampo panu po
(Mak 12.13-17; Luk 20.20-26)
15Ki Farisiinba din saan ki saa lor soor ba sa teen biaŋinba ki la Yisa mɔbonkpetir. 16Ŋanne ki bi din tun bi poorpoweiteeb nan Bat Herod poorpojɔɔmu Yisa boor ni, ki bi din boiɔ a “Wanntɔɔ, ti mi nan a tee barmɔnpakirɔɔe, ki want niib Yennu sɔnu nan barmɔnii, ŋaan ki ki fiin niib po, kimaan a baka kaa nan nisaarik nba tee wunba po. 17Li paak, betirit, a dukii nlee ki jii jiin lampo panu po? Ti sennu chabit nan tii pa lampo kii teen Rom tiŋ kpanbar Siisa, amii ti daa pa?”
18Ki Yisa din mi bi dudukbiit maŋ. Li paak, ki u din jiin ki betib a “Yimm kpinkpannii damm na, bee ki i loon ki yin kɔɔnin jinjammii ni? 19Wantin man likirib nba ki ti sa jii pa lampo maŋ.” Ki bi jii likirib ki turɔ. 20Ki u boib a “Ŋmee naauŋ nan sanne be likirib na paaki?” 21Ki bi jiin a “Siisa na yare.” Ki Yisa betib a “Tɔn, i yenn-ii pa man kii teen Siisa linba tee u yar, ŋaan mun-ii bia pa kii teen Yennu linba tee Yennu yar.” 22Ba gbat linba na ki gbenn ki li ji bakitib, ki bi seet nyii, ŋaan nyikɔ.
Kpeemm fiiru po
(Mak 12.18-27; Luk 20.27-40)
23Li daar maŋ ki Sajusiinba siab din baar Yisa boor ni. (Ŋamme din tuu yaa a kpeemm tan kan fiir kuun ni.) 24Ki bi din bet Yisa a “Wanntɔɔ, Moses din wann nan a li-i tee ki jɔɔ kɔɔn u poo ŋaan kpo ki ki mar biki, a u ninja-n faar u pakɔɔk maŋ ki mar waas tur kpeemɔ na. 25Ki jab bannlore nba tee ninjann din be doo na ni, ki saakɔɔ po tan kɔɔn poo ŋaan kpo ki ki mar biki, ki u ninja faarɔ. 26Nnee ki li jii nna ki tan baar wunba pukin bannlee na ni, nan wunba pukin banntaa na ni, ki sa gbenn jab bannlore maŋ kur paak. 27Li poorpo ki poo na mun din tan joont ki kpo. 28Li paak, li-i tee ki kpeemm fiiru daar tan baari, bi ŋmee tan sii yen poo maŋi? Kimaan bi kura din kɔɔnɔwa.”
29Ki Yisa din jiin ki betib a “I bota, kimaan i ki mi Yennu gbouŋ ki bia ki mi wa mɔk paŋ biaŋinba; 30kimaan kpeemm-i taŋŋi fiir kuun ni, bi tan sii tee kaman nan malakanba nba be Yendɔuŋ ni nee. Pookɔɔnt nan jakunt tan sii kaa. 31Gotir, ki jii jiin kpeemm fiiru po, i ki mi karin linba ki Yennu pak ki beti u gbouŋ ni na-aa? 32a ‘Mine tee Abraham Yennu, nan Aisak Yennu, nan Jakɔb Yennu.’ Niib na nba din poŋ kpo li yoo na, ŋaan bi bia lek daa fo, kimaan Yennu ki tee kpeemm Yennu kaa, ŋaan u tee footib Yennue.”
33Niib na nba din gbat u wannu maŋ ki li bakitib.
Sennu nba gar leer labaar
(Mak 12.28-34; Luk 10.25-28)
34Farisiinba na nba din gbat a Yisa mɔmaan na nyann Sajusiinba na, ki bi taan leeb ki baar. 35Ki bi ni yenɔ wunba din tee sennu wanntɔɔ boi Yisa buboit a wun jammɔ, a 36“Wanntɔɔ, sennlanupoe tee sennjaann ki gar sennunba na kuri?”
37Ki Yisa jiinɔ a “ ‘I loon a Yomdaanɔ Yennue; fii mantik-ii loonɔ nan a par kura, nan a seek kura, nan a dudukit kura.’ 38Sennu maŋ tee sennjaann ki bia tee sinsinn sennue. 39Linba pukin ŋannlee ni ki kpaa barkpaann mun bia tee nnee, ‘I loon a lɔɔ kaman nan fa loon a mɔŋ biaŋinba na.’ 40Moses sennu na kura, nan Yennu sɔkiniinba wannu na kura gaa sennu ŋannlee na paake.”
Masia nba tee wunba buboit labaar
(Mak 12.35-36; Luk 20.41-44)
41Farisiinba na nba din lakin leeb yoonba ki Yisa boib a 42“I dukin nlee ki jii jiin Yennu Niganntɔɔ Masia na po? U tee ŋmee yaaboonne?”
Ki bi jiin a “U tee David yaaboonne.”
43Ki u ji boib a “Ki bee ki David din yiinɔ a ‘Yomdaanɔ?’ Kimaan Yennu Seyeeŋ nba din gbee nan David na ki u yet a
44‘Ti Yomdaanɔ Yennu din yet n Yomdaanɔ a
Karin n nuudiitu po
mɔkmɔk nan ma tan sa te fan ŋmaa a datai a taapauŋ ni.’
45Li paak, David nba din yiin Masia a ‘Yomdaanɔ,’ ki nlee ki Masia tee ŋɔɔ David yaaboonni?”
46Ki sɔɔ din ki fit jiin u buboit maŋi; li paak, la din nyii li daar maŋ ki jii saa, sɔɔ ji din ki mɔk par ki saa boi Yisa buboisiat jiki.
Zvasarudzwa nguva ino
Matiu 22: BIM
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Matiu 22
22
Poochianu jaamm barjouk
(Luk 14.15-24)
1Ki Yisa bia din piin ki piak teen niib maŋ nan barjokit a 2“Yennu naan tee kaman nan batsɔɔ nba din teen siir a wun teen poochianu jaamm ki tur u bija nee. 3Ki u din tan tun u daaba a bin saan ki yiin niib nba ki u daan poib na a bin baar na; ŋaan ki bi ki loon bin baari. 4Ki u ŋamm tun daabileeb ki betib a ‘I saa man ki bet niib nba ki n daan poib na a jaamm jeet teen siira; n poŋ kpii naajapaana nan naajakpamma, ki li kur teen siira; li paak, i saana man ki tan di jaamm maŋ.’ 5Ŋaan wa din poi binba maŋ din ki gbiint ki tur u daaba, ŋaan yaat yaat ki saan bi toona ni: ki yenɔ doo u kpaab ni, ki lɔɔ mun saan u bont kɔiu daak ni. 6Ŋaan ki siab mun soor u daaba na ki boob ki saa kpiib. 7Ŋanne ki bat na wutoor din doo bonchiann; ki u tun u lanjimanba, ki bi saan ki saa kpii nikpiira maŋ, ŋaan joo bi doo muu. 8Li poorpo ki bat na ji din yiin u daaba ki tan betib a ‘Poochianu jeet na teen siira, ŋaan niib nba ki n poŋ daan dɔŋ poib na, bi ji ki ŋan nanni. 9Li paak, i saa man sanjara paak, ki saa yiin binba kur ki i sa lab, a bin baar na ki tan di jaamm maŋ.’ 10Ki u daaba na nyii ki saan sanjara paak, ki saa yiin binba kur saaka ki bi lab, nibiit nan niŋamm; ki bi baar tan gbee poochianu ŋaak ken ken.
11“Tɔn, ki bat na tan kɔɔ a wun gɔn poochianu niib maŋ, ki tan got la jasɔɔ nna ki u foo bi sinsuuk ni ki ki lia poochianu jaamm tiati. 12Ki bat na boiɔ a ‘N yɔɔk, a teen nlee ki tan kɔɔ nna ŋaan ki ki lia poochianu jaamm na tiati?’ Ki jɔɔ na ki jiin siari. 13Ki bat na din bet u ŋaajab na ‘Lormɔ man u nii nan u taa, ki nyi saa lu-u nanyer po bunbɔnn ni. Leŋewa ki u sii fabin mɔn ki junt u nyana.’ ”
14Yisa din yin barjouk maŋ ki joont, ki yet a “Yennu yiin niib bonchianne, ŋaan u tan sa gann waaminne.”
Lampo panu po
(Mak 12.13-17; Luk 20.20-26)
15Ki Farisiinba din saan ki saa lor soor ba sa teen biaŋinba ki la Yisa mɔbonkpetir. 16Ŋanne ki bi din tun bi poorpoweiteeb nan Bat Herod poorpojɔɔmu Yisa boor ni, ki bi din boiɔ a “Wanntɔɔ, ti mi nan a tee barmɔnpakirɔɔe, ki want niib Yennu sɔnu nan barmɔnii, ŋaan ki ki fiin niib po, kimaan a baka kaa nan nisaarik nba tee wunba po. 17Li paak, betirit, a dukii nlee ki jii jiin lampo panu po? Ti sennu chabit nan tii pa lampo kii teen Rom tiŋ kpanbar Siisa, amii ti daa pa?”
18Ki Yisa din mi bi dudukbiit maŋ. Li paak, ki u din jiin ki betib a “Yimm kpinkpannii damm na, bee ki i loon ki yin kɔɔnin jinjammii ni? 19Wantin man likirib nba ki ti sa jii pa lampo maŋ.” Ki bi jii likirib ki turɔ. 20Ki u boib a “Ŋmee naauŋ nan sanne be likirib na paaki?” 21Ki bi jiin a “Siisa na yare.” Ki Yisa betib a “Tɔn, i yenn-ii pa man kii teen Siisa linba tee u yar, ŋaan mun-ii bia pa kii teen Yennu linba tee Yennu yar.” 22Ba gbat linba na ki gbenn ki li ji bakitib, ki bi seet nyii, ŋaan nyikɔ.
Kpeemm fiiru po
(Mak 12.18-27; Luk 20.27-40)
23Li daar maŋ ki Sajusiinba siab din baar Yisa boor ni. (Ŋamme din tuu yaa a kpeemm tan kan fiir kuun ni.) 24Ki bi din bet Yisa a “Wanntɔɔ, Moses din wann nan a li-i tee ki jɔɔ kɔɔn u poo ŋaan kpo ki ki mar biki, a u ninja-n faar u pakɔɔk maŋ ki mar waas tur kpeemɔ na. 25Ki jab bannlore nba tee ninjann din be doo na ni, ki saakɔɔ po tan kɔɔn poo ŋaan kpo ki ki mar biki, ki u ninja faarɔ. 26Nnee ki li jii nna ki tan baar wunba pukin bannlee na ni, nan wunba pukin banntaa na ni, ki sa gbenn jab bannlore maŋ kur paak. 27Li poorpo ki poo na mun din tan joont ki kpo. 28Li paak, li-i tee ki kpeemm fiiru daar tan baari, bi ŋmee tan sii yen poo maŋi? Kimaan bi kura din kɔɔnɔwa.”
29Ki Yisa din jiin ki betib a “I bota, kimaan i ki mi Yennu gbouŋ ki bia ki mi wa mɔk paŋ biaŋinba; 30kimaan kpeemm-i taŋŋi fiir kuun ni, bi tan sii tee kaman nan malakanba nba be Yendɔuŋ ni nee. Pookɔɔnt nan jakunt tan sii kaa. 31Gotir, ki jii jiin kpeemm fiiru po, i ki mi karin linba ki Yennu pak ki beti u gbouŋ ni na-aa? 32a ‘Mine tee Abraham Yennu, nan Aisak Yennu, nan Jakɔb Yennu.’ Niib na nba din poŋ kpo li yoo na, ŋaan bi bia lek daa fo, kimaan Yennu ki tee kpeemm Yennu kaa, ŋaan u tee footib Yennue.”
33Niib na nba din gbat u wannu maŋ ki li bakitib.
Sennu nba gar leer labaar
(Mak 12.28-34; Luk 10.25-28)
34Farisiinba na nba din gbat a Yisa mɔmaan na nyann Sajusiinba na, ki bi taan leeb ki baar. 35Ki bi ni yenɔ wunba din tee sennu wanntɔɔ boi Yisa buboit a wun jammɔ, a 36“Wanntɔɔ, sennlanupoe tee sennjaann ki gar sennunba na kuri?”
37Ki Yisa jiinɔ a “ ‘I loon a Yomdaanɔ Yennue; fii mantik-ii loonɔ nan a par kura, nan a seek kura, nan a dudukit kura.’ 38Sennu maŋ tee sennjaann ki bia tee sinsinn sennue. 39Linba pukin ŋannlee ni ki kpaa barkpaann mun bia tee nnee, ‘I loon a lɔɔ kaman nan fa loon a mɔŋ biaŋinba na.’ 40Moses sennu na kura, nan Yennu sɔkiniinba wannu na kura gaa sennu ŋannlee na paake.”
Masia nba tee wunba buboit labaar
(Mak 12.35-36; Luk 20.41-44)
41Farisiinba na nba din lakin leeb yoonba ki Yisa boib a 42“I dukin nlee ki jii jiin Yennu Niganntɔɔ Masia na po? U tee ŋmee yaaboonne?”
Ki bi jiin a “U tee David yaaboonne.”
43Ki u ji boib a “Ki bee ki David din yiinɔ a ‘Yomdaanɔ?’ Kimaan Yennu Seyeeŋ nba din gbee nan David na ki u yet a
44‘Ti Yomdaanɔ Yennu din yet n Yomdaanɔ a
Karin n nuudiitu po
mɔkmɔk nan ma tan sa te fan ŋmaa a datai a taapauŋ ni.’
45Li paak, David nba din yiin Masia a ‘Yomdaanɔ,’ ki nlee ki Masia tee ŋɔɔ David yaaboonni?”
46Ki sɔɔ din ki fit jiin u buboit maŋi; li paak, la din nyii li daar maŋ ki jii saa, sɔɔ ji din ki mɔk par ki saa boi Yisa buboisiat jiki.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda