Matiu 27
27
Ba jii Yisa ki saan Pailat boor biaŋinba
(Mak 15.1; Luk 23.1-2; Jɔɔnn 18.28-32)
1La yent sanyapob ni, ki Yennu jiantu yudamm nan saakab lor ba sa teen biaŋinba ki kpi Yisa. 2Ki bi lorɔ ŋmii ki jiiu ki saan nanɔ tiŋ yudaanɔ nba ki bi yiu Pailat na boor ni.
Biaŋinba ki Judas kpo
(Toona 1.18-19)
3Judas, mɔlanfikdaanɔ na nba gbat ki bi bu joont ki yaa a Yisa ŋan nan kuume na, ki u par din biir bonchiann; ki u jii sarima likibin piinntaa na ki ŋmat saa jiin tur Yennu jiantu yudamm nan saakab maŋ, 4ŋaan yet a “N tun biita, kimaan n fikis wunba kaa biita.”
Ŋanne ki bi jiin ki boiɔ a “Ti baka mun ji be linba na ni-ii? Li ji tee a maame.”
5Ki Judas jii likirii na ki lu Yennu jiantu ŋasaakak ni, ŋaan nyii ki saan saa jɔnn u mɔŋ ŋmiuk.
6Ŋanne ki Yennu jiantu yudamm tɔkir likirii maŋ ŋaan yet a “Linba na ji tee sɔn likiriie, ki ti sennu nba tee biaŋinba ti kan fit jii pukin Yennu jiantu ŋasaakak likirii ni.” 7Li paak, ki bi kar dukin likirii maŋ po, ki tan jii saan saa daa yɔkmarɔɔ tiŋ a bii pii saamm leŋ. 8Li paake te ki bi lek bia daa yi tiŋ maŋ a “Sɔn Tiŋ” ki tan tuu dinna.
9Ki li gbeen Yennu sɔkinii Jeremaya nba din pak linba na ki li teen mɔnii a “Bi jii likibin piinntaa nba ki Israel teeb siab din pa ki li tee u daauk na, 10ki daa yɔkmarɔɔ tiŋ, kaman nan n Yomdaanɔ Yennu nba wannib biaŋinba na.”
Pailat nba bu Yisa buut biaŋinba
(Mak 15.2-5; Luk 23.3-5; Jɔɔnn 18.33-38)
11Ki Yisa see tiŋ maŋ yudaanɔ Pailat tɔɔnn ni; ki Pailat boiɔ a “Fine set tee Juu teeb kpanbar na-aa?”
Ki u jiinɔ a “Nn, fine yaa.” 12Ŋaan Yennu jiantu yudamm nan saakab na nba fikisirɔ na ŋanin, u ki jiimm siari.
13Ki Pailat bia boiɔ a “A ki gbia ba fikisira biaŋinba maŋi?”
14Ŋaan Yisa ji ki pak siar ki jiin u po, ki li ji bakit Pailat bonchiann.
Pailat nba chab a bin kpi Yisa biaŋinba
(Mak 15.6-15; Luk 23.13-25; Jɔɔnn 18.39–19.16)
15Tɔn, li-i tee ki yukitgar tiaru jaamm dinu daari taŋŋi baari, tiŋ yudaanɔ maŋ tuu nyinn niyenɔkɔɔe dansarik ni, wunba ki niib na loonɔ, ki ŋaau. 16Sɔɔ din kɔɔ dansarik li yoo, ki u sann din yi Barabas, ki niib na miu fanu nan u toona nba tee biaŋinba. 17Ba tan lakin yoonba ki Pailat boib a “Ŋmee ki i loon ki n nyinnɔ dansarik ni ki ŋaau? Barabas amii Yisa nba ki bi yiu Masia na?” 18kimaan Pailat mi nan naŋ paake te ki bi soor Yisa ki teen u nuu ni.
19Pailat nba daa kar buut kok paak na, ki u ŋaapoo tun toomii ki tan betɔ a “Nyint a nuu Yennu nifopeemɔ na maan ni, kimaan nyiɔk na n won la daamuk bonchiann n daamiit ni u paak.”
20Ki Yennu jiantu yudamm nan saakab maŋ biir niib na a bin yet Pailat a wun nyinn Barabas ŋaan kpi Yisa. 21Ki Pailat bia ŋamm ki boib a “Niib bannlee na ni, i loon ki n nyinn ŋmee ŋaau?”
Ki bi jiin a “Barabase.”
22Ki Pailat bia ŋamm boib a “Ki Yisa nba ki bi yiu Masia na ŋanimi, i loon ki n teenɔ nlee?”
Ki bi kura jiin a “Kpaamɔ ki tabinɔ dapunpunn paak.”
23Ki Pailat boib a “Bee paake? U biit mantik tee lannpoe?”
Ki bi ŋamm teen fuur, ŋaan jiin sanpaapowa a “Kpaamɔ tabin dapunpunn paak.”
24Pailat nba bann nan u piak saa li kaa nyɔɔti, ki bia saa baar nan dataar mɔyêtuk na, ki u jii nyun ki wuur wuur u nii, niib na ninbina ni, ŋaan yet a “N nuu kaa jɔɔ nba kaa biit na sɔn nyinnu ni. I maame nawa!”
25Ki niib na jiin a “Nn, u sɔn-n jii timm nan ti waas yura paak.”
26Ŋanne ki Pailat nyinn Barabas ŋaau, ŋaan te ki bi boo Yisa kpaasir, ki jiiu turib a bin saa kpaau dapunpunn paak.
Lanjimanba nba din sukii Yisa biaŋinba
(Mak 15.16-20; Jɔɔnn 19.2-3)
27Ki tiŋ yudaanɔ Pailat na lanjimanba jii Yisa ki kɔɔ nanɔ dundɔuŋ ni, ki bi lanjimanba maŋ kura tikir ki lintɔ. 28Bi din liat u liant nee, ŋaan jii liatmuŋ nna ki lannɔ, 29ŋaan luu kunkonii fokirik ki yirimɔ, ki jii patu ki kubinɔ u nuudiitu ni, ki gbaan u tɔɔnn ni, ki sarikitɔ ki yeen a “Juu teeb bat, ti foonta!” 30Ki bi piin ki siin mɔsant u paak, ŋaan gaar patu nba ki bi bo kubinɔ na ki faa u yur paak. 31Ba tan sarikɔ gbenn yoonba, ki bi liat liatmuŋ na, ŋaan jii u mɔŋ liant na ki lannɔ, a bin ji saan ki saa kpaau ki tabinɔ dapunpunn paak.
Ba din kpaa Yisa ki tabinɔ dapunpunn paak biaŋinba
(Mak 15.21-32; Luk 23.26-43; Jɔɔnn 19.17-27)
32Ba din saa na, ki bi chet Sairene tiŋ ni jasɔɔ nba ki u sann yi Simon, ki soorɔ, ki miau jinnɔ Yisa kuun dapunpunn na. 33Ba saa baar siaminba ki bi yir Golgota na, ki li paak tee a “Yukpabuk boor,” 34ki bi jii daan nba ŋmat nan bonkobuk yan ki turɔ a wun nyu; ŋaan wa lemm yoonba ki u yêt nyunu.
35Ba kpaau ki tabinɔ dapunpunn paak gbenn yoonba, ki bi tɔ tiatia ki chent chent u tiat na, 36ŋaan ji kar leŋ ki guu-u. 37Ki bi sɔb ba yaa a u tun biit nba na, ki tabin u dapunpunn na yur paak. Ba din sɔb linba na ki li want a “Yisa nba tee Juu teeb Kpanbar nee na.” 38Bi mun bia din kpaa fatiteeb bannlee dapunpuna paak leŋ, ki pukin Yisa po, ki yenɔ din be u nuudiitu po, ki lɔɔ mun din be u nuugaŋ po.
39Binba din somm gaar leŋ na pakin bi yurae ŋaan sukiiɔ, 40ki yeen a “Fin nba yaa a a sa fit bet Yennu jiantu ŋasaakak na ŋaan bia maar daa ŋanntaa sinsuuk ni na, fine na, tint a mɔŋ. Li-i tee ki a set tee Yennu Bijaie, fan nyi dapunpunn na paak ki sik na.”
41Nnee biak ki Yennu jiantu yudamm nan sennu wannteeb nan saakab kura mun din sarikitɔ 42ki yeen a “U tuu tint leebe, ŋaan kan fit ki tinn u mɔŋi. Tɔn, u yaa a u tee Israel teeb bate, wun sikin u mɔŋ dapunpunn na paak na, ki tin fit teenɔ yada mantik. 43U teen Yennu yadawa, ki yaa a u tee Yennu Bijae. Tɔn, li-i tee ki Yennu set loonɔ, ŋaant tii gorii man ki laan u sa tinnɔ mɔtanawa.”
44Ŋanne ba kpaa fatiteeb nba bannlee ki pukin u po na mun bia sarikitɔ nna.
Yisa kuun labaar
(Mak 15.33-41; Luk 23.44-49; Jɔɔnn 19.28-30)
45La tan baar yensuuk ni, ki tingbouŋ na kur ji din bɔnn ki saa baar yenlekir kut munntaa. 46Kut munntaa maŋ yooe, ki Yisa yikin sanpaapowa a “Eli, Eli, lema sabaktani?” Li paak tee a “N Yennu, n Yennu, bee ki a nyikimi?”
47Ki binba see leŋ na nba gbat u yiini maŋ ki bi siab beer bi leeb a “U yi Elaijae na.” 48Ki bi ni yenɔ tin saa jii saapo ki suunt damiituk nna ni, ki jii sakin daauk paak, ki donn turɔ a wun nyu.
49Ki u leeb na beerɔ a wun nyikɔ, a ki laan Elaija sa baar ki tan tinnɔwa-aa?
50Ki Yisa ŋamm yikin sanpaapowa ŋaan ji kpo.
51Li yoo na ki chinchenn nba tuu jɔɔn ki puun Yennu diiuk sinsuuk ni na ji bɔkit li yur paak ki tan sik tiŋ ni; ki tiŋ damm, ki tanpiit bɔkitir, 52ki kaat bia lootir, ki kpeemm nba din kpo ki din tee Yennu niib na bonchiann fiir kuun ni, 53ki nyii bi kaat ni; ki Yisa kuun fiiru poorpo ki bi kɔɔ Jerusalem, ki niib bonchiann lab nan bi ninbina.
54Ki lanjimanba yudaanɔ na, nan u lanjimanba nba pukin u paak ki bi guu Yisa na nba la nna yoonba, nan tiŋ dammu na, ki jaŋmaanii soorib bonchiann, ki bi yeen beer bi leeb a “Barmɔniie, jɔɔ na set tee Yennu Bijae.”
55Poob nba din tuu waa Yisa ki nyii Galilee ki sommitɔ na ji wokir ki see banfɔkira ŋaan gorii linba tuun maŋ. 56Bi yemme din tee Mari Magdaliin, nan Sebedee waas naa na, nan Mari nba din tee Jems nan Josef naa na.
Yisa gbanant piinu labaar
(Mak 15.42-47; Luk 23.50-56; Jɔɔnn 19.38-42)
57La tan bɔnt yoonba ki Arimatea doo mɔkitsɔɔ baar, ki u sann din tee Josef. U mun bia din tee Yisa poorpojɔɔe. 58Ki u saan yudaanɔ Pailat boor ni, ki saa miarɔ a wun chabɔ ki wun kpaat Yisa gbanant ki pii. Ki Pailat tur yaak a bin saan ki saa jii Yisa ki turɔ. 59Ki Josef saan ki saa jii Yisa gbanant ki pɔbinɔ katinyeeŋ ni, 60ki jiiu saan saa piiu u mɔŋ mɔŋ kapaauŋ nba ki u din gbiirir tanpiiuk lokir ni na, ŋaan birint katangbeŋŋir ki tan biin kamɔb, ŋaan ji ŋmat kun. 61Ki Mari Magdaliin nan Mari lɔɔ na ji kar kpia leŋ ki gorii kaauk maŋ.
Lanjimanba nba guu kaauk maŋ biaŋinba
62La yent sanyiɔk, daar nba tee ŋamm Juu teeb foon daar na, ki Yennu jiantu yudamm nan Farisiinba saan Pailat boor ni ki saa betɔ a 63“Chanbaa, ti tian nan faak daanɔ maŋ nba daan be na, u yet a li-i tee ki u taŋŋi kpo, a ŋaan daa ŋanntaa daar u bia sa fiir kuun niwa. 64Li paak, turin lanjimanba mɔb ki bin saan kii sai guu u kaauk maŋ li ŋann ki saa tuu daa ŋanntaa maŋ daar; li-i kii tee nnai kaa, u poorpoweiteeb tan sa baar ki piitɔe, ŋaan yet niib a u fiir kuun nie. Ki kpinkpannii maŋ tan sa gar sinsinn yar na paaka.”
65Ki Pailat betib a “Jiin guuteeb man ki bin saan kii sai guu kaauk maŋ kaman nan ya sa fit guur biaŋinba.”
66Ki bi jii guuteeb ki saan saa guu kaauk na, ŋaan buun tant ki pɔr fanu.
Zvasarudzwa nguva ino
Matiu 27: BIM
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Matiu 27
27
Ba jii Yisa ki saan Pailat boor biaŋinba
(Mak 15.1; Luk 23.1-2; Jɔɔnn 18.28-32)
1La yent sanyapob ni, ki Yennu jiantu yudamm nan saakab lor ba sa teen biaŋinba ki kpi Yisa. 2Ki bi lorɔ ŋmii ki jiiu ki saan nanɔ tiŋ yudaanɔ nba ki bi yiu Pailat na boor ni.
Biaŋinba ki Judas kpo
(Toona 1.18-19)
3Judas, mɔlanfikdaanɔ na nba gbat ki bi bu joont ki yaa a Yisa ŋan nan kuume na, ki u par din biir bonchiann; ki u jii sarima likibin piinntaa na ki ŋmat saa jiin tur Yennu jiantu yudamm nan saakab maŋ, 4ŋaan yet a “N tun biita, kimaan n fikis wunba kaa biita.”
Ŋanne ki bi jiin ki boiɔ a “Ti baka mun ji be linba na ni-ii? Li ji tee a maame.”
5Ki Judas jii likirii na ki lu Yennu jiantu ŋasaakak ni, ŋaan nyii ki saan saa jɔnn u mɔŋ ŋmiuk.
6Ŋanne ki Yennu jiantu yudamm tɔkir likirii maŋ ŋaan yet a “Linba na ji tee sɔn likiriie, ki ti sennu nba tee biaŋinba ti kan fit jii pukin Yennu jiantu ŋasaakak likirii ni.” 7Li paak, ki bi kar dukin likirii maŋ po, ki tan jii saan saa daa yɔkmarɔɔ tiŋ a bii pii saamm leŋ. 8Li paake te ki bi lek bia daa yi tiŋ maŋ a “Sɔn Tiŋ” ki tan tuu dinna.
9Ki li gbeen Yennu sɔkinii Jeremaya nba din pak linba na ki li teen mɔnii a “Bi jii likibin piinntaa nba ki Israel teeb siab din pa ki li tee u daauk na, 10ki daa yɔkmarɔɔ tiŋ, kaman nan n Yomdaanɔ Yennu nba wannib biaŋinba na.”
Pailat nba bu Yisa buut biaŋinba
(Mak 15.2-5; Luk 23.3-5; Jɔɔnn 18.33-38)
11Ki Yisa see tiŋ maŋ yudaanɔ Pailat tɔɔnn ni; ki Pailat boiɔ a “Fine set tee Juu teeb kpanbar na-aa?”
Ki u jiinɔ a “Nn, fine yaa.” 12Ŋaan Yennu jiantu yudamm nan saakab na nba fikisirɔ na ŋanin, u ki jiimm siari.
13Ki Pailat bia boiɔ a “A ki gbia ba fikisira biaŋinba maŋi?”
14Ŋaan Yisa ji ki pak siar ki jiin u po, ki li ji bakit Pailat bonchiann.
Pailat nba chab a bin kpi Yisa biaŋinba
(Mak 15.6-15; Luk 23.13-25; Jɔɔnn 18.39–19.16)
15Tɔn, li-i tee ki yukitgar tiaru jaamm dinu daari taŋŋi baari, tiŋ yudaanɔ maŋ tuu nyinn niyenɔkɔɔe dansarik ni, wunba ki niib na loonɔ, ki ŋaau. 16Sɔɔ din kɔɔ dansarik li yoo, ki u sann din yi Barabas, ki niib na miu fanu nan u toona nba tee biaŋinba. 17Ba tan lakin yoonba ki Pailat boib a “Ŋmee ki i loon ki n nyinnɔ dansarik ni ki ŋaau? Barabas amii Yisa nba ki bi yiu Masia na?” 18kimaan Pailat mi nan naŋ paake te ki bi soor Yisa ki teen u nuu ni.
19Pailat nba daa kar buut kok paak na, ki u ŋaapoo tun toomii ki tan betɔ a “Nyint a nuu Yennu nifopeemɔ na maan ni, kimaan nyiɔk na n won la daamuk bonchiann n daamiit ni u paak.”
20Ki Yennu jiantu yudamm nan saakab maŋ biir niib na a bin yet Pailat a wun nyinn Barabas ŋaan kpi Yisa. 21Ki Pailat bia ŋamm ki boib a “Niib bannlee na ni, i loon ki n nyinn ŋmee ŋaau?”
Ki bi jiin a “Barabase.”
22Ki Pailat bia ŋamm boib a “Ki Yisa nba ki bi yiu Masia na ŋanimi, i loon ki n teenɔ nlee?”
Ki bi kura jiin a “Kpaamɔ ki tabinɔ dapunpunn paak.”
23Ki Pailat boib a “Bee paake? U biit mantik tee lannpoe?”
Ki bi ŋamm teen fuur, ŋaan jiin sanpaapowa a “Kpaamɔ tabin dapunpunn paak.”
24Pailat nba bann nan u piak saa li kaa nyɔɔti, ki bia saa baar nan dataar mɔyêtuk na, ki u jii nyun ki wuur wuur u nii, niib na ninbina ni, ŋaan yet a “N nuu kaa jɔɔ nba kaa biit na sɔn nyinnu ni. I maame nawa!”
25Ki niib na jiin a “Nn, u sɔn-n jii timm nan ti waas yura paak.”
26Ŋanne ki Pailat nyinn Barabas ŋaau, ŋaan te ki bi boo Yisa kpaasir, ki jiiu turib a bin saa kpaau dapunpunn paak.
Lanjimanba nba din sukii Yisa biaŋinba
(Mak 15.16-20; Jɔɔnn 19.2-3)
27Ki tiŋ yudaanɔ Pailat na lanjimanba jii Yisa ki kɔɔ nanɔ dundɔuŋ ni, ki bi lanjimanba maŋ kura tikir ki lintɔ. 28Bi din liat u liant nee, ŋaan jii liatmuŋ nna ki lannɔ, 29ŋaan luu kunkonii fokirik ki yirimɔ, ki jii patu ki kubinɔ u nuudiitu ni, ki gbaan u tɔɔnn ni, ki sarikitɔ ki yeen a “Juu teeb bat, ti foonta!” 30Ki bi piin ki siin mɔsant u paak, ŋaan gaar patu nba ki bi bo kubinɔ na ki faa u yur paak. 31Ba tan sarikɔ gbenn yoonba, ki bi liat liatmuŋ na, ŋaan jii u mɔŋ liant na ki lannɔ, a bin ji saan ki saa kpaau ki tabinɔ dapunpunn paak.
Ba din kpaa Yisa ki tabinɔ dapunpunn paak biaŋinba
(Mak 15.21-32; Luk 23.26-43; Jɔɔnn 19.17-27)
32Ba din saa na, ki bi chet Sairene tiŋ ni jasɔɔ nba ki u sann yi Simon, ki soorɔ, ki miau jinnɔ Yisa kuun dapunpunn na. 33Ba saa baar siaminba ki bi yir Golgota na, ki li paak tee a “Yukpabuk boor,” 34ki bi jii daan nba ŋmat nan bonkobuk yan ki turɔ a wun nyu; ŋaan wa lemm yoonba ki u yêt nyunu.
35Ba kpaau ki tabinɔ dapunpunn paak gbenn yoonba, ki bi tɔ tiatia ki chent chent u tiat na, 36ŋaan ji kar leŋ ki guu-u. 37Ki bi sɔb ba yaa a u tun biit nba na, ki tabin u dapunpunn na yur paak. Ba din sɔb linba na ki li want a “Yisa nba tee Juu teeb Kpanbar nee na.” 38Bi mun bia din kpaa fatiteeb bannlee dapunpuna paak leŋ, ki pukin Yisa po, ki yenɔ din be u nuudiitu po, ki lɔɔ mun din be u nuugaŋ po.
39Binba din somm gaar leŋ na pakin bi yurae ŋaan sukiiɔ, 40ki yeen a “Fin nba yaa a a sa fit bet Yennu jiantu ŋasaakak na ŋaan bia maar daa ŋanntaa sinsuuk ni na, fine na, tint a mɔŋ. Li-i tee ki a set tee Yennu Bijaie, fan nyi dapunpunn na paak ki sik na.”
41Nnee biak ki Yennu jiantu yudamm nan sennu wannteeb nan saakab kura mun din sarikitɔ 42ki yeen a “U tuu tint leebe, ŋaan kan fit ki tinn u mɔŋi. Tɔn, u yaa a u tee Israel teeb bate, wun sikin u mɔŋ dapunpunn na paak na, ki tin fit teenɔ yada mantik. 43U teen Yennu yadawa, ki yaa a u tee Yennu Bijae. Tɔn, li-i tee ki Yennu set loonɔ, ŋaant tii gorii man ki laan u sa tinnɔ mɔtanawa.”
44Ŋanne ba kpaa fatiteeb nba bannlee ki pukin u po na mun bia sarikitɔ nna.
Yisa kuun labaar
(Mak 15.33-41; Luk 23.44-49; Jɔɔnn 19.28-30)
45La tan baar yensuuk ni, ki tingbouŋ na kur ji din bɔnn ki saa baar yenlekir kut munntaa. 46Kut munntaa maŋ yooe, ki Yisa yikin sanpaapowa a “Eli, Eli, lema sabaktani?” Li paak tee a “N Yennu, n Yennu, bee ki a nyikimi?”
47Ki binba see leŋ na nba gbat u yiini maŋ ki bi siab beer bi leeb a “U yi Elaijae na.” 48Ki bi ni yenɔ tin saa jii saapo ki suunt damiituk nna ni, ki jii sakin daauk paak, ki donn turɔ a wun nyu.
49Ki u leeb na beerɔ a wun nyikɔ, a ki laan Elaija sa baar ki tan tinnɔwa-aa?
50Ki Yisa ŋamm yikin sanpaapowa ŋaan ji kpo.
51Li yoo na ki chinchenn nba tuu jɔɔn ki puun Yennu diiuk sinsuuk ni na ji bɔkit li yur paak ki tan sik tiŋ ni; ki tiŋ damm, ki tanpiit bɔkitir, 52ki kaat bia lootir, ki kpeemm nba din kpo ki din tee Yennu niib na bonchiann fiir kuun ni, 53ki nyii bi kaat ni; ki Yisa kuun fiiru poorpo ki bi kɔɔ Jerusalem, ki niib bonchiann lab nan bi ninbina.
54Ki lanjimanba yudaanɔ na, nan u lanjimanba nba pukin u paak ki bi guu Yisa na nba la nna yoonba, nan tiŋ dammu na, ki jaŋmaanii soorib bonchiann, ki bi yeen beer bi leeb a “Barmɔniie, jɔɔ na set tee Yennu Bijae.”
55Poob nba din tuu waa Yisa ki nyii Galilee ki sommitɔ na ji wokir ki see banfɔkira ŋaan gorii linba tuun maŋ. 56Bi yemme din tee Mari Magdaliin, nan Sebedee waas naa na, nan Mari nba din tee Jems nan Josef naa na.
Yisa gbanant piinu labaar
(Mak 15.42-47; Luk 23.50-56; Jɔɔnn 19.38-42)
57La tan bɔnt yoonba ki Arimatea doo mɔkitsɔɔ baar, ki u sann din tee Josef. U mun bia din tee Yisa poorpojɔɔe. 58Ki u saan yudaanɔ Pailat boor ni, ki saa miarɔ a wun chabɔ ki wun kpaat Yisa gbanant ki pii. Ki Pailat tur yaak a bin saan ki saa jii Yisa ki turɔ. 59Ki Josef saan ki saa jii Yisa gbanant ki pɔbinɔ katinyeeŋ ni, 60ki jiiu saan saa piiu u mɔŋ mɔŋ kapaauŋ nba ki u din gbiirir tanpiiuk lokir ni na, ŋaan birint katangbeŋŋir ki tan biin kamɔb, ŋaan ji ŋmat kun. 61Ki Mari Magdaliin nan Mari lɔɔ na ji kar kpia leŋ ki gorii kaauk maŋ.
Lanjimanba nba guu kaauk maŋ biaŋinba
62La yent sanyiɔk, daar nba tee ŋamm Juu teeb foon daar na, ki Yennu jiantu yudamm nan Farisiinba saan Pailat boor ni ki saa betɔ a 63“Chanbaa, ti tian nan faak daanɔ maŋ nba daan be na, u yet a li-i tee ki u taŋŋi kpo, a ŋaan daa ŋanntaa daar u bia sa fiir kuun niwa. 64Li paak, turin lanjimanba mɔb ki bin saan kii sai guu u kaauk maŋ li ŋann ki saa tuu daa ŋanntaa maŋ daar; li-i kii tee nnai kaa, u poorpoweiteeb tan sa baar ki piitɔe, ŋaan yet niib a u fiir kuun nie. Ki kpinkpannii maŋ tan sa gar sinsinn yar na paaka.”
65Ki Pailat betib a “Jiin guuteeb man ki bin saan kii sai guu kaauk maŋ kaman nan ya sa fit guur biaŋinba.”
66Ki bi jii guuteeb ki saan saa guu kaauk na, ŋaan buun tant ki pɔr fanu.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda