LUKA 12
12
1Cucân ah mi thong tampi cu i eng luaimai in an i pum ṭhân. A hmaisa bikah Jesuh nih a lamkaltu hna sinah, “Farasih thilnu, depdetnâk chungin i ral ring u. 2Zeitintiah lang lo dingin thuhmi zeihmanh a um lo; hngalh tilo ding i pheh khawhmi zong zeihmanh a um lo. 3Cucaah khuamui chung i chimmi kha khua ceu ah hngalh a si te lai i innkhân chung i a thli tein nan chimmi kha inn cungin tlangau pi a si te lai. 4“Ka hawi le hna, taksa a that i cuhnu ah zeihmanh a tuah kho ti lomi cu va ṭih hlah u. 5Sihmanhsehlaw ahodah nan ṭih awk a si kha kan hmuhsak hna lai. Thah nan si hnu i hell ah an thla khotu cu va ṭih u, asi, kan chimh hna, Amah cu ṭih u. 6Pithlung panga dar phaisa pahnih ah an zuar tawn a si lo mei? Pakhat te hmanh hi Pathian nih a philh hna lo. 7Nan samfang tiangin reldih a si. Cucaah ṭih hlah u, pithlung tampi nâkin nan sunglawi deuh. 8“Kan chimh hna, mi hmai i a ka ṭanhtu cu Pathian vancungmi hmaiah Mi Fapa nih a ṭanh ve hna lai. 9Asinain mi hmai i a ka hlawtu cu, Pathian vanmi hna hmaiah ka hlawt ve hna lai. 10Mi Fapa ralchanh in bia a chimtu cu ngaihthiam an si lai; asinain Thiang Thlarau ralchanh in a cawhdehtu cu ngaihthiam a si lai lo. 11Sinagog i biaceihtu le nawlngeitu hna hmai i chuahpi nan si tikah, a lehnâk ding le chimding kha zeitindah a si lai tiah rak i ruat cia hlah u. 12Zeitintiah Thiang Thlarau nih chimding an chimh ko hna lai.” tiah a ti. 13Cuhnuah mizapi chungin mi pakhat nih, “Cawnpiaktu, ka unau sinah ro i cheu dingin ka chimpiak tuah,” tiah a ti. 14Anih nih, “Minung, nan cung i baiceihtu le ro cheutu ah ahonihdah aka siter? tiah a ti. 15“I ral ring u, hakkauhnâk chungin i veng u, minung nunnâk hi tampi a ngeihmi cungah â bunhmi a si lo,” tiah a ti hna. 16Cun an sinah tahchunhnâk a chim i, “Lo ngeitu pakhat hi a ngei ngaingai. 17Cuticun hitihin a ruah. “Zeitindah ka tuah kun lai, ka buh chiahnâk ding buhinn ka ngei fawn lo?” tiah a ti. 18Hitihin ka tuah lai, ka buh chiahnâk inn ka ṭheh lai i amah nâk ngan deuh buhinn ka sak lai. Cuka ah ka buh le thil ṭha vialte ka chiah lai. 19Cun ka thlarau sinah, “Thlarau, kum tampi caah chawva tampi na khon cang; i dîn law, ei in ding law, nuam ngaiin hmang hna, ka ti lai,” tiah a ti. 20Asinain Pathian nih, “Mihrutpa, tuzan ah na nunnâk an in lakpiak lai, na chawva hna kha aho ta dah a si kun lai? tiah a ti. 21Cuticun mahca lawng i chaw khon luaimai i Pathian ca i khon ṭung lo cu cubantuk cu an si, tiah a ti. 22Cuhnuah a Lamkaltu sinah, “Cucaah kan chimh hna, nan nunnâk kong le ei le din kongah nan lung re thei hlah seh, nan pum le hnipuan kong zong fak tukin ruat hlah u. 23Nunnâk hi ei le din nâkin a biapi deuh i pum hi hnipuan nâkin a biapi deuh. 24Langak hna hi ruat hna hmanh u, buh an tuh lo i an zûn fawn lo, rawl chiahnâk buk le zêm zong an ngei lo. Asinain Pathian nih a cawm hna. Nannih cu va nâkin nan sunglawi deuh lo maw? 25Cun nanmah lakah, lungretheih ruang i hnulei ah dongkhat i â santer khomi pakhat tal nan um maw? 26Hi tluk thil hme hmanh a tuah kho lomi nih, zeiruangahdah thil vialte nan lungre nan i theih pi? 27Zingtinpar ṭhanning hna hi ruat tuah u, rian an ṭuan lo, puan zong an i tah lo, kan chimh hna, Solomon hmanh kha a sunparnâk vialte i â thuamh ah khan hi zingtinpar pakhat tluk hmanh in thuamh a si lo. 28Cuticun ramkung, ni hin ah a nung i a thaizingah mei i khangh ding a simi hmanh Pathian nih cutlukin a thuamh ahcun, maw nannih, zumhnâk a tlawmmi hna, zeitlukindah an thuamh chin chin hna lai? 29Cun ei awk le din awk kawl hlah u, lungrethei zongin um hlah u. 30Zeitintiah cuthil hna cu vawlei miphun hna nih an kawl bikmi a si. Cu thil hna cu nan herh tiah nan Pa nih a hngalh ko. 31Asinain Pathian pennâk kha kawl ula, cuthil vialte cu chap nan si ko lai. 32Bu tlawmte hna, ṭih hlah u, zeitintiah pennâk pêk hi nan Pa lawmhnâk a si. 33Nan ngeihmi zuar ulaw, misifak pe hna u; van i mifir um lo nâkah, rungrul ei khawhlo nâkah, phaisa bawm rawhkhawhlonâk le chaw `im khawhlonâk i ser u. 34Zeitintiah nan ro umnâk pauh ah nan lungthin zong a um. 35Timh cia tein, meiin van ciain um u, 36an pu ṭhitumhnâk hmun in a rak kir i innkâ a kingh tikah rak ong cawlh ding i a rak hngaktu bantukin si u. 37Anpu rat tikah timhcia tein a rak ummi sinum hna cu mithluachuak an si. Biataktein kan chimh hna, â timhtuah lai i rawl ei awkah a ṭhutter hna lai, amah tu nih a zoh khenh hna lai. 38Cun zanṭim ah siseh, khuadei lai ah siseh, a rat tikah timhcia tein a ummi sinum a hmuhmi hna cu mithluachuak an si. 39Asinain hihi hngal ko u, mifir a rat cân innngeitu nih hngal sehlaw, a ven lai i a inn a bauh hnga lo. 40Cucaah nannih zong i ralring u, nan i ralrin lo cân ah Mi Fapa a ra lai,” tiah a ti. 41Cuhnuah Peter nih, “Bawipa, hi tahchunhnâk bia hi kanmah lawng maw na kan chimh, mi vialte dah?” tiah a ti. 42Bawipa nih, “Chawkengtu zumhtlâk le a fimmi, apu nih a cân teah a chung le sin i rawlpetu ah a hman hngami cu mi zei bantukdah a si lai? 43Apu a rat tikah, cubantuk a tuahtu sinum a hmuhmi cu mithluachuak a si lai. 44Biataktein kan chimh hna, a ngeihmi vialte uktu ah a ser lai. 45Asinain sinum nih a lung chungin, ‘kapu a ra zau lai lo, tiah a ti i sinum dang nu le pa he rak vel hna sehlaw, ei le dingin rak ri sehlaw, 46cu sinum apu cu a zumh lo lioah a ra lai, tanhnih ah a chuah lai i zumlotu hna covo a coter lai. 47Cun sinum, a pu duhnâk a hngalh ko nain atuah lotu le, â ralring lomi cu voi tampi an tuk lai. 48Asinain hngalh lo ruang i tuknâk tlâk a tuahtu cu voi tlawm te an tuk lai. Tampi an pekmi sinah, tampi an hal lai, tampi an zohkhenh termi sinah tampi an i ruahchan ve lai. 49Vawlei ah hin mei tlakter awkah ka ra, atu hmanh ah alh hluahmah sehlaw ka hei duh dah! 50Asinain baptisma in ding ka ngei, cucu ka tuah hlan pauh cu ka awlawk a va chong dah! 51Vawlei ah daihnâk umtertu ah ara tiah nan ka ruah hlah maw? A si hrimhrim lo, kan chimh hna, ṭhen tertu ah ka ra. 52Zeitintiah atu thawkin chungkhar ah mi panga an i ṭhen lai. pathum hna nih pahnih an doh lai i pahnih nih pathum an doh hna lai. 53Pa nih fa a doh lai, fa nih pa a doh lai, nu nih a fa, afa nih anu a doh lai, api nih amo, amo nih api a doh lai. 54Cuhnuah mizapi sin zongah, “Thlanglei in khuadawm a rat ahcun, ruah a sur lai, nan ti i a sur tak tak. 55Cun chim thli a hran ahcun, khua a lum lai, nan ti i a lum tak tak. 56Midepde hna, vawlei le khua cân umtuning nan hngalh khawh nain, zeiruangahdah tu lio cân umtu nan hngalhfian khawh lo,” tiah a ti. 57Asi, zeicadah nanmah lila nih a dik le dik lo cu bia na khiah ko lo? 58Nawlngeitu hmai i na ral he dir nan i timh tikah, lam i nan kal lio ah remnâk tuah i tim, culoahcun biaceihtu hmaiah an hnuh lai, biaceihtu nih nawlngeihnâk sângah an chanh lai i thongah an thlak sual lai. 59Kan chimh hna, fangkhat tiangin na cham hlan pauh cu, cu hmun in na chuak ti lai lo.
Zvasarudzwa nguva ino
LUKA 12: HAKABSI
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
LUKA 12
12
1Cucân ah mi thong tampi cu i eng luaimai in an i pum ṭhân. A hmaisa bikah Jesuh nih a lamkaltu hna sinah, “Farasih thilnu, depdetnâk chungin i ral ring u. 2Zeitintiah lang lo dingin thuhmi zeihmanh a um lo; hngalh tilo ding i pheh khawhmi zong zeihmanh a um lo. 3Cucaah khuamui chung i chimmi kha khua ceu ah hngalh a si te lai i innkhân chung i a thli tein nan chimmi kha inn cungin tlangau pi a si te lai. 4“Ka hawi le hna, taksa a that i cuhnu ah zeihmanh a tuah kho ti lomi cu va ṭih hlah u. 5Sihmanhsehlaw ahodah nan ṭih awk a si kha kan hmuhsak hna lai. Thah nan si hnu i hell ah an thla khotu cu va ṭih u, asi, kan chimh hna, Amah cu ṭih u. 6Pithlung panga dar phaisa pahnih ah an zuar tawn a si lo mei? Pakhat te hmanh hi Pathian nih a philh hna lo. 7Nan samfang tiangin reldih a si. Cucaah ṭih hlah u, pithlung tampi nâkin nan sunglawi deuh. 8“Kan chimh hna, mi hmai i a ka ṭanhtu cu Pathian vancungmi hmaiah Mi Fapa nih a ṭanh ve hna lai. 9Asinain mi hmai i a ka hlawtu cu, Pathian vanmi hna hmaiah ka hlawt ve hna lai. 10Mi Fapa ralchanh in bia a chimtu cu ngaihthiam an si lai; asinain Thiang Thlarau ralchanh in a cawhdehtu cu ngaihthiam a si lai lo. 11Sinagog i biaceihtu le nawlngeitu hna hmai i chuahpi nan si tikah, a lehnâk ding le chimding kha zeitindah a si lai tiah rak i ruat cia hlah u. 12Zeitintiah Thiang Thlarau nih chimding an chimh ko hna lai.” tiah a ti. 13Cuhnuah mizapi chungin mi pakhat nih, “Cawnpiaktu, ka unau sinah ro i cheu dingin ka chimpiak tuah,” tiah a ti. 14Anih nih, “Minung, nan cung i baiceihtu le ro cheutu ah ahonihdah aka siter? tiah a ti. 15“I ral ring u, hakkauhnâk chungin i veng u, minung nunnâk hi tampi a ngeihmi cungah â bunhmi a si lo,” tiah a ti hna. 16Cun an sinah tahchunhnâk a chim i, “Lo ngeitu pakhat hi a ngei ngaingai. 17Cuticun hitihin a ruah. “Zeitindah ka tuah kun lai, ka buh chiahnâk ding buhinn ka ngei fawn lo?” tiah a ti. 18Hitihin ka tuah lai, ka buh chiahnâk inn ka ṭheh lai i amah nâk ngan deuh buhinn ka sak lai. Cuka ah ka buh le thil ṭha vialte ka chiah lai. 19Cun ka thlarau sinah, “Thlarau, kum tampi caah chawva tampi na khon cang; i dîn law, ei in ding law, nuam ngaiin hmang hna, ka ti lai,” tiah a ti. 20Asinain Pathian nih, “Mihrutpa, tuzan ah na nunnâk an in lakpiak lai, na chawva hna kha aho ta dah a si kun lai? tiah a ti. 21Cuticun mahca lawng i chaw khon luaimai i Pathian ca i khon ṭung lo cu cubantuk cu an si, tiah a ti. 22Cuhnuah a Lamkaltu sinah, “Cucaah kan chimh hna, nan nunnâk kong le ei le din kongah nan lung re thei hlah seh, nan pum le hnipuan kong zong fak tukin ruat hlah u. 23Nunnâk hi ei le din nâkin a biapi deuh i pum hi hnipuan nâkin a biapi deuh. 24Langak hna hi ruat hna hmanh u, buh an tuh lo i an zûn fawn lo, rawl chiahnâk buk le zêm zong an ngei lo. Asinain Pathian nih a cawm hna. Nannih cu va nâkin nan sunglawi deuh lo maw? 25Cun nanmah lakah, lungretheih ruang i hnulei ah dongkhat i â santer khomi pakhat tal nan um maw? 26Hi tluk thil hme hmanh a tuah kho lomi nih, zeiruangahdah thil vialte nan lungre nan i theih pi? 27Zingtinpar ṭhanning hna hi ruat tuah u, rian an ṭuan lo, puan zong an i tah lo, kan chimh hna, Solomon hmanh kha a sunparnâk vialte i â thuamh ah khan hi zingtinpar pakhat tluk hmanh in thuamh a si lo. 28Cuticun ramkung, ni hin ah a nung i a thaizingah mei i khangh ding a simi hmanh Pathian nih cutlukin a thuamh ahcun, maw nannih, zumhnâk a tlawmmi hna, zeitlukindah an thuamh chin chin hna lai? 29Cun ei awk le din awk kawl hlah u, lungrethei zongin um hlah u. 30Zeitintiah cuthil hna cu vawlei miphun hna nih an kawl bikmi a si. Cu thil hna cu nan herh tiah nan Pa nih a hngalh ko. 31Asinain Pathian pennâk kha kawl ula, cuthil vialte cu chap nan si ko lai. 32Bu tlawmte hna, ṭih hlah u, zeitintiah pennâk pêk hi nan Pa lawmhnâk a si. 33Nan ngeihmi zuar ulaw, misifak pe hna u; van i mifir um lo nâkah, rungrul ei khawhlo nâkah, phaisa bawm rawhkhawhlonâk le chaw `im khawhlonâk i ser u. 34Zeitintiah nan ro umnâk pauh ah nan lungthin zong a um. 35Timh cia tein, meiin van ciain um u, 36an pu ṭhitumhnâk hmun in a rak kir i innkâ a kingh tikah rak ong cawlh ding i a rak hngaktu bantukin si u. 37Anpu rat tikah timhcia tein a rak ummi sinum hna cu mithluachuak an si. Biataktein kan chimh hna, â timhtuah lai i rawl ei awkah a ṭhutter hna lai, amah tu nih a zoh khenh hna lai. 38Cun zanṭim ah siseh, khuadei lai ah siseh, a rat tikah timhcia tein a ummi sinum a hmuhmi hna cu mithluachuak an si. 39Asinain hihi hngal ko u, mifir a rat cân innngeitu nih hngal sehlaw, a ven lai i a inn a bauh hnga lo. 40Cucaah nannih zong i ralring u, nan i ralrin lo cân ah Mi Fapa a ra lai,” tiah a ti. 41Cuhnuah Peter nih, “Bawipa, hi tahchunhnâk bia hi kanmah lawng maw na kan chimh, mi vialte dah?” tiah a ti. 42Bawipa nih, “Chawkengtu zumhtlâk le a fimmi, apu nih a cân teah a chung le sin i rawlpetu ah a hman hngami cu mi zei bantukdah a si lai? 43Apu a rat tikah, cubantuk a tuahtu sinum a hmuhmi cu mithluachuak a si lai. 44Biataktein kan chimh hna, a ngeihmi vialte uktu ah a ser lai. 45Asinain sinum nih a lung chungin, ‘kapu a ra zau lai lo, tiah a ti i sinum dang nu le pa he rak vel hna sehlaw, ei le dingin rak ri sehlaw, 46cu sinum apu cu a zumh lo lioah a ra lai, tanhnih ah a chuah lai i zumlotu hna covo a coter lai. 47Cun sinum, a pu duhnâk a hngalh ko nain atuah lotu le, â ralring lomi cu voi tampi an tuk lai. 48Asinain hngalh lo ruang i tuknâk tlâk a tuahtu cu voi tlawm te an tuk lai. Tampi an pekmi sinah, tampi an hal lai, tampi an zohkhenh termi sinah tampi an i ruahchan ve lai. 49Vawlei ah hin mei tlakter awkah ka ra, atu hmanh ah alh hluahmah sehlaw ka hei duh dah! 50Asinain baptisma in ding ka ngei, cucu ka tuah hlan pauh cu ka awlawk a va chong dah! 51Vawlei ah daihnâk umtertu ah ara tiah nan ka ruah hlah maw? A si hrimhrim lo, kan chimh hna, ṭhen tertu ah ka ra. 52Zeitintiah atu thawkin chungkhar ah mi panga an i ṭhen lai. pathum hna nih pahnih an doh lai i pahnih nih pathum an doh hna lai. 53Pa nih fa a doh lai, fa nih pa a doh lai, nu nih a fa, afa nih anu a doh lai, api nih amo, amo nih api a doh lai. 54Cuhnuah mizapi sin zongah, “Thlanglei in khuadawm a rat ahcun, ruah a sur lai, nan ti i a sur tak tak. 55Cun chim thli a hran ahcun, khua a lum lai, nan ti i a lum tak tak. 56Midepde hna, vawlei le khua cân umtuning nan hngalh khawh nain, zeiruangahdah tu lio cân umtu nan hngalhfian khawh lo,” tiah a ti. 57Asi, zeicadah nanmah lila nih a dik le dik lo cu bia na khiah ko lo? 58Nawlngeitu hmai i na ral he dir nan i timh tikah, lam i nan kal lio ah remnâk tuah i tim, culoahcun biaceihtu hmaiah an hnuh lai, biaceihtu nih nawlngeihnâk sângah an chanh lai i thongah an thlak sual lai. 59Kan chimh hna, fangkhat tiangin na cham hlan pauh cu, cu hmun in na chuak ti lai lo.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.