Ruka 11
11
Kunyeŋgetera.
(Mat 6:9–13)
1Ɀino wakati acinyeŋgetera paneimŋe nɀimbo, apedza, mumŋe waʋadzidzi ʋake akati kwaari: Ishe, tidzidzisei kunyeŋgetera, Johane seɀaakadzidzisa ʋadzidzi ʋake ʋo. 2Akati kwaʋari: Kana mucinyeŋgetera, muti: Ƃaɓa, zita renyu ŋgarikudzwe noʋutȿene; ʋushe bgenyu ŋgabguʋuye; 3mutipei zuʋa rimŋe nerimŋe ɀokudya ɀeɗu ɀinotiriŋgana; 4mutikaŋganwirei ɀiʋi ɀeɗu, nokuti nesu tinokaŋganwira ʋose ʋanemhoȿa nesu; musatiisa pakuidzwa.
Mufananidzo weshamŋari yakatsuŋgirira.
5Akati kwaʋari: Ndianiko kwamuri uŋgaʋa neshamŋari, akaenda kwaari pakati poʋusiku, akati kwaari: Shamŋari, ndipose ʋo ɀiŋgwa ɀitatu; 6nokuti shamŋari yaŋgu iri parwendo yakaȿika kwandiri, ɀino handina‐candiŋgamupakurira. 7Uri mukati akapindura, akati: Usandinetsa; mukoʋa watopfigwa, naʋana ʋaŋgu ʋaʋa neni panhoʋo; handiŋgamuki ndikakupa. 8Ndinoti kwamuri: Kunyaŋge asiŋgamuki akamupa, nokuɗa kwokuti ishamŋari yake, kunyaŋge ɀakaɗaro, nokuɗa kwokutsuŋgirira kwake, ucamuka, akamupa ɀose ɀaanoshaiwa. 9Ndinoti kwamuri: Kumbirai, mucapiwa; tȿakai, mucawana; gogodzai, mucazarurirwa. 10Nokuti mumŋe nomumŋe unokumbira, unopiwa; unotȿaka, unowana; nounogogodza, unozarurirwa. 11Ndaʋapiko ɓaɓa pakati penyu, kana mŋanakomana acikumbira ciŋgwa, ʋaŋgamupa ibge here? Kana hoʋe, ʋaŋgamupa nyoka panɀimbo yehoʋe here? 12Kana akakumbira zai, ʋaŋgamupa cinyaʋaɗa here? 13Naiɀoɀo kana imi makaipa muciziʋa kupa ʋana ʋenyu ɀipo ɀakanaka, Ƃaɓa ʋenyu ʋari kuɗeŋga ʋacapa ɀikuru sei Mŋeya Mutȿene ʋanokumbira kwaari.
Jesu unoɓuɗisa mŋeya yakaipa. Unoɗaɗirwa naʋaFarise.
(Mat 12:22–37)
14Ɀino wakaŋga aciɓuɗisa mŋeya wakaipa, waiʋa mbeʋeʋe; mŋeya wakaipa ukati wabva, mbeʋeʋe ikataura, ʋanhu ʋazhinji ʋakashamiswa. 15Asi ʋamŋe ʋaʋo ʋakati: Unoɓuɗisa mŋeya yakaipa naBeerzeburi, mukuru wemŋeya yakaipa. 16Asi ʋamŋe ʋakamuidza, ʋakakumbira ciratidzo kwaari cinobva kuɗeŋga. 17Ɀino iye wakati aciziʋa kufuŋga kwaʋo, akati kwaʋari: Ʋushe bgumŋe nobgumŋe bgunoɀipesanisa, bgunoparadzwa; neimba inopesana neimba, inowa. 18NaSatani, kana aciɀipesanisa, ʋushe bgake bguŋgamira seiko, ɀamunoti, ndinoɓuɗisa mŋeya yakaipa naBeerzeburi? 19Kana ini ndiciɓuɗisa mŋeya yakaipa naBeerzeburi, ko ʋanakomana ʋenyu ʋanoiɓuɗisa nani? Naiɀoɀo iʋo ʋacaʋa ʋatoŋgi ʋenyu. 20Asi kana ndiciɓuɗisa mŋeya yakaipa nomunwe waMŋari, ipapo ʋushe bgaMŋari bgaȿika kwamuri. 21Kana munhu unesimba, wakashoŋga nhumbi dzokurwa, acirinda imba yake, nhumbi dzake dzinoceŋgeteka. 22Asi kana mumŋe unomupfuʋura nesimba akamuʋamba, akamukunda, ipapo ucamutorera nhumbi dzose dzokurwa, dzaakaŋga aciʋimba nadzo, ndokugoʋera iɀo ɀaapamba. 23Usi neni, unopesana neni, nousiŋgaʋuŋganidzi neni, unoparadza. 24Mŋeya wetȿina kana waɓuɗa kumunhu, unopota nenɀimbo dzakawoma, ucitȿaka zororo; kana ukashaiwa, unoti: Ndicadzokera kumba kwaŋgu kwandaɓuɗa. 25Kana waȿika, unoiwana yatȿairwa, yanatswa. 26Ipapo unoenda, ndokundotora mimŋe mŋeya minomŋe inoukunda nokuipa, ndokupinda, ndokugara’mo; kuguma kwomunhu uyo kwakaipa kupfuʋura kutaŋga kwake.
27Wakati areʋa iɀoɀo, mumŋe mukadzi pakati paʋanhu ʋazhinji akaɗanidzira, akati kwaari: Rakaropafadzwa ɗumbu rakakutakurai, namazamu amakamŋa. 28Asi iye akati: Hoŋo, ɀikuru ʋakaropafadzwa ʋanonzwa shoko raMŋari, ʋaciriceŋgeta.
Ciratidzo comuprofita Jona.
(Mat 12:39–42)
29Ɀino ʋazhinji ʋakati ʋaciʋuŋganira kwaari, akataŋga kuti: Rudzi urwu, rudzi rwakaipa; runotȿaka ciratidzo, asi haruŋgapiwi ciratidzo, asi ciratidzo caJona. 30Nokuti Jona seɀaakaŋga ari ciratidzo kunaʋaNinivi, ndiɀo ɀicaita ʋo Mŋanakomana womunhu kurudzi urwu. 31Mambokadzi weZasi ucasimuka pakutoŋgwa naʋarume ʋorudzi urwu, akaʋapa mhoȿa, nokuti wakabva pamigumo yenyika, kuzonzwa kucenjera kwaSoromoni; tarirai, mukuru kunaSoromoni uri pano. 32Ʋarume ʋeNinivi ʋacasimuka pakutoŋgwa norudzi urwu, ʋakarupa mhoȿa, nokuti ʋakatendeʋuka nokuparidza kwaJona; tarirai, mukuru kunaJona uri pano.
Mufananidzo womŋenje.
(Mat 5:15, 16; Mar 4:21, 22; Ruka 8:16–18)
33Hakunomunhu unoti kana atuŋgidza mŋenje, uŋgauisa pakaʋanda, kana pasi peɗeŋgu, asi pacigadziko, kuti ʋanopinda ʋaʋone ciedza. 34Mŋenje womuʋiri iziso rako; kana ziso rako rakanaka, muʋiri wako wose ucavenekerwa; asi kana rakaipa, muʋiri wako wose ucaʋa nerima. 35Naiɀoɀo cenjera kuti ciedza ciri mukati mako cirege kuʋa rima. 36Ɀino kana muʋiri wako wose wakavenekerwa, pasinarutiʋi runerima, ucavenekerwa wose, somŋenje unokuvenekera nokupenya kwawo.
Jesu unotuka ʋaFarise naʋaɗudziri ʋomurairo.
(Mat 23:13–35)
37Wakati acataura, mumŋe muFarise akakumbira kwaari kuti aȿuȿure naye; akapinda, akagara pakudya. 38Ɀino muFarise akashamiswa, aciʋona kuti haana‐kumboshamba asati aȿusura. 39Ishe akati kwaari: Ɀino imi ʋaFarise, munosuka kunze kwomukombe nendiro, asi mukati menyu muzere nokukara nokuipa. 40Imi mapenzi! Ko uyo wakaita ɀiri kunze, haazi iye wakaita ɀiri mukati ʋo here? 41Asi ipai iɀo ɀiri mukati ɀiʋe ɀipo; ipapo tarirai ɀose ɀicaʋa ɀakanaka kwamuri.
42Asi munenhamo, imi ʋaFarise, nokuti munopa cegumi ceminte neruyi nemiriʋo yose, mucirega kururamisira mhaka noruɗo kunaMŋari; maifanira kuɀiita iɀi, nokusarega kuita iɀoɀo. 43Munenhamo, imi ʋaFarise, nokuti munoɗa ɀigaro ɀapamberi mumasinagoge, nokukwaziswa paɗare. 44Munenhamo, imi, nokuti makaita samarinda asiŋgaʋonekwi; ʋanhu ʋanofamba pamsoro pawo, ʋasiŋgaziʋi.
45Ɀino mumŋe waʋaɗudziri ʋomurairo wakapindura, akati kwaari: Mudzidzisi, kana mucitaura iɀoɀo, munotituka nesu ʋo. 46Iye akati: Munenhamo nemi ʋo, ʋaɗudziri ʋomurairo; nokuti munotakudza ʋanhu mitoro inorema, inotambudza kutakura, asi imi mumene hamuɓati mitoro iyo kunyaŋge nomunwe wenyu mumŋe. 47Munenhamo, imi, nokuti munoʋaka marinda aʋaprofita ʋakaʋurawa namadziɓaɓa enyu. 48Naiɀoɀo muri ɀapupu, mucitenderana ʋo namaɓasa amadziɓaɓa enyu; nokuti iʋo ʋakaʋaʋuraya, nemi munoʋaka marinda aʋo. 49Saka nokucenjera kwaMŋari ʋo kwakati: Ndicatumira kwaʋari ʋaprofita naʋaapostora, ʋacaʋuraya ʋamŋe ʋaʋo, nokuʋatambudza; 50kuti mhosa yeropa raʋaprofita ʋose, rakateʋurwa kubva pakuʋambga kwenyika, itȿakwe parudzi urwu; 51kubva paropa raAberi, kuȿikira paropa raZakaria, wakaʋurawa pakati peartari neImba yaMŋari; hoŋo, ndinoti kwamuri, mhoȿa icatȿakwa parudzi urwu. 52Munenhamo, imi ʋadudziri ʋomurairo; nokuti makabvisa kiyi yokuziʋa; hamuna‐kupinda mumene, ʋuye makadziʋisa aʋo ʋakaŋga ʋacipinda.
53Wakati acibva’po, ʋanyori naʋaFarise ʋakataŋga kumumanikidza kwaɀo, nokumubvunzisisa pamsoro peɀimŋe ɀizhinji, 54ʋacimurindira, kuti ʋamuɓate pashoko rinoɓuɗa mumuromo make.
Zvasarudzwa nguva ino
Ruka 11: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018