Эвел 18
18
Ибрагьимдихьна гъафи шубур хялижв
1Ибрагьим ригъ атӀабгнайи вахтна, Мамрейин мяхъяр кӀурушваъ, чадризди учӀврушвахь деънайиган, дугъаз РАББИ ачмиш шулу. 2Ибрагьимди улар за дапӀну лигуру ва дугъан улихь ярхла дарди шубур жви дийигънади шулу. Чан чадризди учӀврушвхьан гъедергу Ибрагьим дурарихьна жаргъури гъягъюру, дурариз жилиинакьан икрам апӀуру ва кӀуру:
3– Я аьхюдар! Узухьна рягьимлу йихьай, ичв лукӀран улхьантина гьудучӀвну мягъянай. 4Гъит сацӀиб шид хри, ичв ликар жикӀуз. Гьаму гьарикк эргʼвал йивай. 5Учву сарун ичв лукӀрахьна гъафихъантина, ихтияр тувай учвуз уьл хуз. ИпӀруб дипӀну, эргʼвал гъивиган, ичв рякъ давам апӀуз рягьят хьибдичвуз.
– Уву кӀурубси ибшри сарун, – гъапи дурари.
6Хъа Ибрагьимди, чадризди гьялакди душну Сарайиз кӀуру:
– Тяди шубуб луху#18:6 Яни къабна кьюб литр (йицӀиюкьуб килакьан хю). ужубсиб хю китӀибшну лавшар урж.
7Ибрагьим лижягъна жаргъуру ва ужуб таза кӀари дубхну дугъу лукӀрахьна убккуз тувру. ЛукӀру думу гьяракатниинди гьязур апӀуру. 8Гьязур дапӀнайи кӀардин йиккра, никкна хах дурарин улихь дивру, ва дурари ипӀайиз Ибрагьим гьарикк дийигъуру. 9Хъа дурари Ибрагьимдихьан гьерхру:
– Яв хпир Сара наан аяв?
– Гьамушваъ, чадрикк кка, – жаваб тувру дугъу.
10РАББИЙИ кӀуру:
– Хъайисан гьаму вахтна Узу увухьна хъана гьидиза, ва яв хпир Сарайиз бай шулу.
Хъа Сара, Дугъан кьяляхъди чадризди учӀврушвахъ дийигъну, хъпехъурайи. 11Ибрагьимна Сара кьаби, яшлу инсанар вуйи. Сара сарун палтарикан шули имдайи. 12Сара чав-чакди гьамци гъяаьлхънийи: «Кьаби духьнайи узхьан йиз жилирихъди ккунивалар апӀуз шулинхъа? Узуси йиз аьхюрра кьаби духьнадарин!»
13Хъа РАББИЙИ Ибрагьимдиз кӀуру:
– Кьаби духьнайи узхьан бицӀир хуз шулин кӀури Сара гьаз гъяаьлхъю? 14Айинхъа РАББИЙИХЬАН апӀуз даршлуб? Улупнайи вахтна хъа йисан Узу увухь хьидиза. Сарайихъ бай хьиди.
15Сарайи учв гъяаьлхъюб кӀулʼин гъадабгъундайи ва:
– Узу гъяаьлхъюндайза, – гъапнийи, фицики Сарайиз гучӀ гъабхьнийи. Хъа РАББИЙИ:
– Ваъ, гъяаьлхънийва, – гъапнийи.
Содом ккидидипбан бадали вуйи Ибрагьимдин тӀалаб
16Хъа хялар Содомдин терефназди гъилигну. Хялар гьаъри, дурарихъди Ибрагьимра гъушу.
17Хъа РАББИЙИ гъапи:
– Узуз апӀуз ккундайиб Узу Ибрагьимдихьан гьитӀибкӀуринхъа? 18Ибрагьимдикан гьякьди зурба ва кьувватлу халкь арайиз гъибди, ва гьадму халкьдилантина дюнʼяйин вари имбуну халкьаризра ужʼвал хьибди. 19Фицики Узу Ибрагьим, чан баяриз ва дурарин вари наслариз, РАББИЙИ гъапиб улупбан бадали кадагъназа. Ибрагьимдиз РАББИЙИ туву гаф кӀулиз удубчӀвбан бадали дугъан баярна дурарин вари наслар РАББИЙИН рякъюъди душну ккунду. Дурари чпин апӀурайиб вари гьякьди ва дугъриди дапӀну ккунду.
20РАББИЙИ гъапи:
– Содомдинна Гоморрайин агьалйирин тахсрарин Узухьна гъурубкьу агьузар гьадмукьан зурбаб вуки, ва дурарин гуннагь гизаф гъагъиб ву. 21Узу дурарихьна гъягъидиза ва Узухьна гъюрайи агьрарна агьузарар дугъридар вуш лигидиза. Эгер дици даршра, Узуз аьгъю хьибди.
22Думу хяларикан кьюр жви Содомдихьинди гъушнийи, хъа РАББИ, Чан улихь дийигънайи Ибрагьимдихъди гъузнийи. 23Ибрагьим Дугъаз лап багахь улучӀву ва гъапи:
– Уву гуннагькрарихъди гьякьлударра тӀанкь апӀидивахъа? 24Му шагьриъ хьуцӀур гьякьлу кас ади гъабшиш, гьадрар бадали Уву му йишв ккидидипди гъибтидарва? 25Уву дици дарапӀарва – гуннагькрарихъди гьякьлударра пуч апӀуб, гуннагькриз гъабхьиб гьякьлуризра хьуб мумкин дар. Уву дици дарапӀарва! Вари дюньяйин Диванчийи гьякь дарапӀди гъибтринхъа?
26РАББИЙИ гъапи:
– Эгер Узуз Содом шагьриъ хьуцӀур дугъри касар гъидихъиш, гьадрар бадали Узу му йишв ккидипидарза.
27Ибрагьимди сабансана гъапи:
– Магьа, гьеле узу рюкъна биширугтӀан даршра, йиз Аьхюрихьан гьерхуз кӀубанвал апӀураза: 28хьуцӀур кас хьуз хьурсан гьякьлу кас гьудруркӀри гъашиш, Уву вари шагьур ккидипуривахъа?
– Эгер Узуз душваъ ягъчӀвурна хьур гъидихъиш, – гъапи РАББИЙИ, – душвайишв ккидипидарза.
29Ибрагьимди Дугъахъди улхуб давам апӀуру ва кӀуру:
– Белки душваъ ягъчӀвур дихъур?
– ЯгъчӀвур бадалира дици дарапӀарза, – гъапи РАББИЙИ. 30Хъа Ибрагьимди кӀуру:
– Узу кӀура кӀури йиз Аьхюриз хъял дарифри: белки душваъ сумчӀур дихъур?
– Ккидипидарза, эгер Узуз душваъ сумчӀур гъидихъиш, – гъапи РАББИЙИ.
31Ибрагьимди гъапи:
– Магьа, йиз Аьхюрихьан гьерхуз кӀубанвал апӀураза: белки душваъ къар дихъур?
– Къар бадалира ккидидипарза, – гъапи РАББИЙИ. 32Ибрагьимди гъапи:
– Аьхиримжи ражарисана узу гьерхиш, гъит йиз Аьхюриз хъял дарифри: белки душваъ йицӀур дихъур?
– ЙицӀур бадалира ккидидипарза, – гъапи РАББИЙИ. 33РАББИЙИ Ибрагьимдихъди улхуб ккудубкӀиган, Думу гъягъюру, хъа Ибрагьим кьяляхъ хътакуру.
Zvasarudzwa nguva ino
Эвел 18: ТабГК
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Институт перевода Библии, 2010, 2013, 2016, 2018, 2023
Эвел 18
18
Ибрагьимдихьна гъафи шубур хялижв
1Ибрагьим ригъ атӀабгнайи вахтна, Мамрейин мяхъяр кӀурушваъ, чадризди учӀврушвахь деънайиган, дугъаз РАББИ ачмиш шулу. 2Ибрагьимди улар за дапӀну лигуру ва дугъан улихь ярхла дарди шубур жви дийигънади шулу. Чан чадризди учӀврушвхьан гъедергу Ибрагьим дурарихьна жаргъури гъягъюру, дурариз жилиинакьан икрам апӀуру ва кӀуру:
3– Я аьхюдар! Узухьна рягьимлу йихьай, ичв лукӀран улхьантина гьудучӀвну мягъянай. 4Гъит сацӀиб шид хри, ичв ликар жикӀуз. Гьаму гьарикк эргʼвал йивай. 5Учву сарун ичв лукӀрахьна гъафихъантина, ихтияр тувай учвуз уьл хуз. ИпӀруб дипӀну, эргʼвал гъивиган, ичв рякъ давам апӀуз рягьят хьибдичвуз.
– Уву кӀурубси ибшри сарун, – гъапи дурари.
6Хъа Ибрагьимди, чадризди гьялакди душну Сарайиз кӀуру:
– Тяди шубуб луху#18:6 Яни къабна кьюб литр (йицӀиюкьуб килакьан хю). ужубсиб хю китӀибшну лавшар урж.
7Ибрагьим лижягъна жаргъуру ва ужуб таза кӀари дубхну дугъу лукӀрахьна убккуз тувру. ЛукӀру думу гьяракатниинди гьязур апӀуру. 8Гьязур дапӀнайи кӀардин йиккра, никкна хах дурарин улихь дивру, ва дурари ипӀайиз Ибрагьим гьарикк дийигъуру. 9Хъа дурари Ибрагьимдихьан гьерхру:
– Яв хпир Сара наан аяв?
– Гьамушваъ, чадрикк кка, – жаваб тувру дугъу.
10РАББИЙИ кӀуру:
– Хъайисан гьаму вахтна Узу увухьна хъана гьидиза, ва яв хпир Сарайиз бай шулу.
Хъа Сара, Дугъан кьяляхъди чадризди учӀврушвахъ дийигъну, хъпехъурайи. 11Ибрагьимна Сара кьаби, яшлу инсанар вуйи. Сара сарун палтарикан шули имдайи. 12Сара чав-чакди гьамци гъяаьлхънийи: «Кьаби духьнайи узхьан йиз жилирихъди ккунивалар апӀуз шулинхъа? Узуси йиз аьхюрра кьаби духьнадарин!»
13Хъа РАББИЙИ Ибрагьимдиз кӀуру:
– Кьаби духьнайи узхьан бицӀир хуз шулин кӀури Сара гьаз гъяаьлхъю? 14Айинхъа РАББИЙИХЬАН апӀуз даршлуб? Улупнайи вахтна хъа йисан Узу увухь хьидиза. Сарайихъ бай хьиди.
15Сарайи учв гъяаьлхъюб кӀулʼин гъадабгъундайи ва:
– Узу гъяаьлхъюндайза, – гъапнийи, фицики Сарайиз гучӀ гъабхьнийи. Хъа РАББИЙИ:
– Ваъ, гъяаьлхънийва, – гъапнийи.
Содом ккидидипбан бадали вуйи Ибрагьимдин тӀалаб
16Хъа хялар Содомдин терефназди гъилигну. Хялар гьаъри, дурарихъди Ибрагьимра гъушу.
17Хъа РАББИЙИ гъапи:
– Узуз апӀуз ккундайиб Узу Ибрагьимдихьан гьитӀибкӀуринхъа? 18Ибрагьимдикан гьякьди зурба ва кьувватлу халкь арайиз гъибди, ва гьадму халкьдилантина дюнʼяйин вари имбуну халкьаризра ужʼвал хьибди. 19Фицики Узу Ибрагьим, чан баяриз ва дурарин вари наслариз, РАББИЙИ гъапиб улупбан бадали кадагъназа. Ибрагьимдиз РАББИЙИ туву гаф кӀулиз удубчӀвбан бадали дугъан баярна дурарин вари наслар РАББИЙИН рякъюъди душну ккунду. Дурари чпин апӀурайиб вари гьякьди ва дугъриди дапӀну ккунду.
20РАББИЙИ гъапи:
– Содомдинна Гоморрайин агьалйирин тахсрарин Узухьна гъурубкьу агьузар гьадмукьан зурбаб вуки, ва дурарин гуннагь гизаф гъагъиб ву. 21Узу дурарихьна гъягъидиза ва Узухьна гъюрайи агьрарна агьузарар дугъридар вуш лигидиза. Эгер дици даршра, Узуз аьгъю хьибди.
22Думу хяларикан кьюр жви Содомдихьинди гъушнийи, хъа РАББИ, Чан улихь дийигънайи Ибрагьимдихъди гъузнийи. 23Ибрагьим Дугъаз лап багахь улучӀву ва гъапи:
– Уву гуннагькрарихъди гьякьлударра тӀанкь апӀидивахъа? 24Му шагьриъ хьуцӀур гьякьлу кас ади гъабшиш, гьадрар бадали Уву му йишв ккидидипди гъибтидарва? 25Уву дици дарапӀарва – гуннагькрарихъди гьякьлударра пуч апӀуб, гуннагькриз гъабхьиб гьякьлуризра хьуб мумкин дар. Уву дици дарапӀарва! Вари дюньяйин Диванчийи гьякь дарапӀди гъибтринхъа?
26РАББИЙИ гъапи:
– Эгер Узуз Содом шагьриъ хьуцӀур дугъри касар гъидихъиш, гьадрар бадали Узу му йишв ккидипидарза.
27Ибрагьимди сабансана гъапи:
– Магьа, гьеле узу рюкъна биширугтӀан даршра, йиз Аьхюрихьан гьерхуз кӀубанвал апӀураза: 28хьуцӀур кас хьуз хьурсан гьякьлу кас гьудруркӀри гъашиш, Уву вари шагьур ккидипуривахъа?
– Эгер Узуз душваъ ягъчӀвурна хьур гъидихъиш, – гъапи РАББИЙИ, – душвайишв ккидипидарза.
29Ибрагьимди Дугъахъди улхуб давам апӀуру ва кӀуру:
– Белки душваъ ягъчӀвур дихъур?
– ЯгъчӀвур бадалира дици дарапӀарза, – гъапи РАББИЙИ. 30Хъа Ибрагьимди кӀуру:
– Узу кӀура кӀури йиз Аьхюриз хъял дарифри: белки душваъ сумчӀур дихъур?
– Ккидипидарза, эгер Узуз душваъ сумчӀур гъидихъиш, – гъапи РАББИЙИ.
31Ибрагьимди гъапи:
– Магьа, йиз Аьхюрихьан гьерхуз кӀубанвал апӀураза: белки душваъ къар дихъур?
– Къар бадалира ккидидипарза, – гъапи РАББИЙИ. 32Ибрагьимди гъапи:
– Аьхиримжи ражарисана узу гьерхиш, гъит йиз Аьхюриз хъял дарифри: белки душваъ йицӀур дихъур?
– ЙицӀур бадалира ккидидипарза, – гъапи РАББИЙИ. 33РАББИЙИ Ибрагьимдихъди улхуб ккудубкӀиган, Думу гъягъюру, хъа Ибрагьим кьяляхъ хътакуру.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Институт перевода Библии, 2010, 2013, 2016, 2018, 2023