Эвел 22
22
Заанури Ибрагьим ахтармиш апӀуб
1Гьаму гьядисйирин кьяляхъ сацӀиб вахтналан Заанури Ибрагьим ахтармиш апӀуру.
– Я Ибрагьим! – дих апӀуру дугъаз Заанури.
– Гьай! – кӀуру Ибрагьимди.
2Заанури гьамци кӀуру:
– Яв хъайина-хътру, Узу увуз гаф тувну гъахьи, яв ккуни вуйи сар бай Исакь хъади Мориа жилиина гъарах. Душваъ Узу увуз улупру дагъдиин думу, дубккну ургру гъурбан#22:2 Дубккну убгру гъурбан – Заануриз вафалувал улупру гъурбан. вуди, цӀигъ ург.
3Гьиринган ухди Ибрагьим, ургуз гакӀвлар иливну дажира, чахъди кьюр гъаравашра, гъурбан апӀуз ккайи Исакьра гъадагъну, Заанури чаз гъапи йишвахьна рякъюъ учӀвру. 4Рякъюъ ади шубудпи йигъан улар за гъапӀу дугъаз ярхлаъ гьадму йишв рябкъюру.
5– Учву дажи уьбхюри гьамушвахь гъузай, – гъапи дугъу гъаравшариз. – Хъа узуна бай душну, икрам дапӀну, учвухьна кьяляхъ гъидича.
6Ибрагьимди гъурбан убгуз вуйи гакӀвлар Исакьдин гъюниин иливуру ва цӀин аржларна ханжал хьади кьюридира чпин рякъ давам апӀуру.
7Исакьди чан адаш Ибрагьимдихьан гьерхру:
– Я адаш!
– Гьай, йиз бай! – кӀуру адашди.
Хъа бали давам апӀуру:
– Ухьухь цӀара, гакӀвларра хьахьухь. Ухьу ччил дубккну ургру гъурбан апӀбанди вуйхьа. Хъа набши думу ччил?
8– Йиз бай, – кӀуру дугъаз Ибрагьимди, – гъурбан апӀуз ччил Чав Заанури абгиди.
Дурари кьюриди чпин рякъ давам апӀуру.
9Заанури чаз гъапи йишвахьна хъуркьиган, Ибрагьимди гъурбан апӀрушв тикмиш апӀуру ва душвʼин гакӀвлар иливуру. Дугъу Исакь дидисну йитӀну гъурбан апӀрушван гакӀвларин зиин ярхишнахъди дивру 10ва ханжал адабгъну балʼина хуру. 11Хъа гьадмуган аьршариан РАББИЙИН малайикди#22:11 Мушваъ малайикди РАББИЙИН ччвурнахъан кӀура. дугъаз дих апӀуру:
– Ибрагьим! Я Ибрагьим!
– Гьай! – кӀуру дугъу.
12– Дугъʼин хил мииливан, – кӀуру малайикди, – Исакьдиз фукӀара мапӀан! Гьамус Узуз аьгъязуз увуз Заанурихьан гучӀруб: уву Узуз, яв хъайина-хъадру сар бай тувуз гьяйиф гъапӀундарва!
13Улар за гъапӀу Ибрагьимдиз кюлеригъ кӀарчар гъярснайи якъ рябкъюру. Думу душну, якъ дибисну, балин ерина гъурбан апӀрушвʼин гьадму дурккну ургру гъурбан апӀуру.
14Гьаму ляхин гъабхьи йишваз Ибрагьимди Яхве-Ирэ («РАББИЙИЗ бихъиди») кӀуру. Гьаддиз гьамциб мисалра а: «РАББИЙИН дагъдиин бихъиди».
15Аьршариан РАББИЙИН малайикди Ибрагьимдиз хъана дих апӀуру:
16– Йиз Узʼинди ху апӀураза, кӀура РАББИЙИ, уву яв айина-адру сар бай гьяйиф дарапӀбаз дилигну 17Узу уву ужувлакк ккаъдизаву! Узу увуз завуъ хядаркьан, гьюлихъ гъумкьан гизаф наслар багъиш апӀидиза. Ва яв веледарин хилиъ душмнарин шагьрар ахьри хьиди! 18Яв наслариз тувру ужʼвалар жилиин али вари халкьариз хьиди, гьаз гъапиш уву Узухъ хъпехъунва.
19Ибрагьимра, чан байра гъаравшар гъиту йишвахьна кьяляхъ гъюру ва дурарра хъади, вари сатӀиди, Беэр-Шевайиз гъягъюру. Му гьядисйирин кьяляхъ, Ибрагьим гьадушваъ яшамиш шули гъузнийи.
Нагьорин наслар
20Вахтар гъягъюру ва магьа Ибрагьимдиз хабар дебккру:
– Яв чве Нагьорин хпир вуйи Милкайиз баяр гъахьну.
Магьа дугъан баяр: 21Уц (му сарпи бай ву), Буз, Кемуэл (хъасин Кемуэлиз Арам кӀуру бай шулу), 22Кесед, Хаз, Пилдаш, Идлаф ва Бетуэл.
23Бетуэлиз Ребека кӀуру риш шулу.
Зиихъ ктуху миржир бай Ибрагьимдин чве Нагьориз Милкайикан шулу. 24Мидланра гъайри, Нагьориз бицӀину хпир Реумайиканра Тевах, Гахам, Тахаш ва Маах баяр гъахьнийи.
Zvasarudzwa nguva ino
Эвел 22: ТабГК
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Институт перевода Библии, 2010, 2013, 2016, 2018, 2023
Эвел 22
22
Заанури Ибрагьим ахтармиш апӀуб
1Гьаму гьядисйирин кьяляхъ сацӀиб вахтналан Заанури Ибрагьим ахтармиш апӀуру.
– Я Ибрагьим! – дих апӀуру дугъаз Заанури.
– Гьай! – кӀуру Ибрагьимди.
2Заанури гьамци кӀуру:
– Яв хъайина-хътру, Узу увуз гаф тувну гъахьи, яв ккуни вуйи сар бай Исакь хъади Мориа жилиина гъарах. Душваъ Узу увуз улупру дагъдиин думу, дубккну ургру гъурбан#22:2 Дубккну убгру гъурбан – Заануриз вафалувал улупру гъурбан. вуди, цӀигъ ург.
3Гьиринган ухди Ибрагьим, ургуз гакӀвлар иливну дажира, чахъди кьюр гъаравашра, гъурбан апӀуз ккайи Исакьра гъадагъну, Заанури чаз гъапи йишвахьна рякъюъ учӀвру. 4Рякъюъ ади шубудпи йигъан улар за гъапӀу дугъаз ярхлаъ гьадму йишв рябкъюру.
5– Учву дажи уьбхюри гьамушвахь гъузай, – гъапи дугъу гъаравшариз. – Хъа узуна бай душну, икрам дапӀну, учвухьна кьяляхъ гъидича.
6Ибрагьимди гъурбан убгуз вуйи гакӀвлар Исакьдин гъюниин иливуру ва цӀин аржларна ханжал хьади кьюридира чпин рякъ давам апӀуру.
7Исакьди чан адаш Ибрагьимдихьан гьерхру:
– Я адаш!
– Гьай, йиз бай! – кӀуру адашди.
Хъа бали давам апӀуру:
– Ухьухь цӀара, гакӀвларра хьахьухь. Ухьу ччил дубккну ургру гъурбан апӀбанди вуйхьа. Хъа набши думу ччил?
8– Йиз бай, – кӀуру дугъаз Ибрагьимди, – гъурбан апӀуз ччил Чав Заанури абгиди.
Дурари кьюриди чпин рякъ давам апӀуру.
9Заанури чаз гъапи йишвахьна хъуркьиган, Ибрагьимди гъурбан апӀрушв тикмиш апӀуру ва душвʼин гакӀвлар иливуру. Дугъу Исакь дидисну йитӀну гъурбан апӀрушван гакӀвларин зиин ярхишнахъди дивру 10ва ханжал адабгъну балʼина хуру. 11Хъа гьадмуган аьршариан РАББИЙИН малайикди#22:11 Мушваъ малайикди РАББИЙИН ччвурнахъан кӀура. дугъаз дих апӀуру:
– Ибрагьим! Я Ибрагьим!
– Гьай! – кӀуру дугъу.
12– Дугъʼин хил мииливан, – кӀуру малайикди, – Исакьдиз фукӀара мапӀан! Гьамус Узуз аьгъязуз увуз Заанурихьан гучӀруб: уву Узуз, яв хъайина-хъадру сар бай тувуз гьяйиф гъапӀундарва!
13Улар за гъапӀу Ибрагьимдиз кюлеригъ кӀарчар гъярснайи якъ рябкъюру. Думу душну, якъ дибисну, балин ерина гъурбан апӀрушвʼин гьадму дурккну ургру гъурбан апӀуру.
14Гьаму ляхин гъабхьи йишваз Ибрагьимди Яхве-Ирэ («РАББИЙИЗ бихъиди») кӀуру. Гьаддиз гьамциб мисалра а: «РАББИЙИН дагъдиин бихъиди».
15Аьршариан РАББИЙИН малайикди Ибрагьимдиз хъана дих апӀуру:
16– Йиз Узʼинди ху апӀураза, кӀура РАББИЙИ, уву яв айина-адру сар бай гьяйиф дарапӀбаз дилигну 17Узу уву ужувлакк ккаъдизаву! Узу увуз завуъ хядаркьан, гьюлихъ гъумкьан гизаф наслар багъиш апӀидиза. Ва яв веледарин хилиъ душмнарин шагьрар ахьри хьиди! 18Яв наслариз тувру ужʼвалар жилиин али вари халкьариз хьиди, гьаз гъапиш уву Узухъ хъпехъунва.
19Ибрагьимра, чан байра гъаравшар гъиту йишвахьна кьяляхъ гъюру ва дурарра хъади, вари сатӀиди, Беэр-Шевайиз гъягъюру. Му гьядисйирин кьяляхъ, Ибрагьим гьадушваъ яшамиш шули гъузнийи.
Нагьорин наслар
20Вахтар гъягъюру ва магьа Ибрагьимдиз хабар дебккру:
– Яв чве Нагьорин хпир вуйи Милкайиз баяр гъахьну.
Магьа дугъан баяр: 21Уц (му сарпи бай ву), Буз, Кемуэл (хъасин Кемуэлиз Арам кӀуру бай шулу), 22Кесед, Хаз, Пилдаш, Идлаф ва Бетуэл.
23Бетуэлиз Ребека кӀуру риш шулу.
Зиихъ ктуху миржир бай Ибрагьимдин чве Нагьориз Милкайикан шулу. 24Мидланра гъайри, Нагьориз бицӀину хпир Реумайиканра Тевах, Гахам, Тахаш ва Маах баяр гъахьнийи.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Институт перевода Библии, 2010, 2013, 2016, 2018, 2023