Laoidhean 16

LAOIDH 16

Ecles. 12.1

1Cuimhnich do Dhia an làithibh d'òig,

làithean gun bhròn gun chall;

Mu'n tig na bliadhnaidh breòite tinn,

's am fàs air d'inntinn smal.

2Mu'n tig gu àirde cruas do chridh',

grad‑sgrìobh air lagh do Dhia;

'S do Chruithfhear cuimhnich fòs an tràs,

mu 'm fàs thu aosmhor liath.

3Oir, goirid uait tha pian is bròn,

na neòil tha cheana dlùth

Ni d'aoibhneas dorch, is d'òige sean,

a' cur do ghean air chùl,

4'S gearr gus an gearain thu gu goirt

fo sprochd is iarguin aois',

'S an cuimhnich thu air aighear t'òig',

nach pill ni 's mò do d'thaobh.

Zvasarudzwa nguva ino

Laoidhean 16: LSN1987

Sarudza vhesi

Pakurirana nevamwe

Sarudza zvinyorwa izvi

Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda

Dzidza Zvakawanda Pamusoro Pe Laoidhean o na Sgriobtaran Naomha 1987