Laoidhean 21

LAOIDH 21

Isaiah 33.13-18

1Ho! gach aon neach fad as no dlùth

do'n chùis so gabhaibh suim;

Bidh àgh is beannachd aig na naoimh,

ach sgriosar daoine daoi.

2An ti bhios ionraic treibhdhireach

fa chomhair Dhé gach uair,

Ri gnìomh gun iochd nach cuir a làmh,

's air bréig gu bràth nach luaidh;

3An ti nach laimhsich duais an uilc,

's gu ceilg nach buair an saogh'l,

Nach seall gun ghràin air lochd air bith,

's nach gluais air slighe chlaoin:

4An ti sin còmhnuidh gheibh gu bràth

'an daingneach làidir Dhé;

Gun easbhuidh gheibh e 'theachd‑an‑tìr,

is caisgear iota 's fheum.

5Fadheòidh bidh Nèamh dha fosgailte,

le dorsaibh farsuinn fial,

'S le Righ nan righrean bithidh e

gu tèaruint' feadh gach ial.

Zvasarudzwa nguva ino

Laoidhean 21: LSN1987

Sarudza vhesi

Pakurirana nevamwe

Sarudza zvinyorwa izvi

Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda

Dzidza Zvakawanda Pamusoro Pe Laoidhean o na Sgriobtaran Naomha 1987