Hosea 9
9
Nhamo youtapwa yaizowira vokwaIsiraeri
1Musafare imi vokwaIsiraeri,
musapembere kufara
sezvinoita marudzi
nokuti makaita ufeve
muchifuratira Mwari wenyu.
Makafarira muripo woufeve
nezvinowanika pamaburiro ose ose.
2Paburiro pacho napachisviniro chewaini
hapana chokudya chavanowanapo,
uye zvewaini itsva zvichavaperera.
3Munyika yaTenzi,
havacharamba vageremo
asi kutoti vokwaEfuremu
vachadzokera kuIjipiti
uye vachazodya chokudya chakan'ora
vava kuAsiria'ku.
4Ikoko zvokuti ivo vapire
mipiro yokuteura yewaini
kuna Tenzi, panenge pasisina,
vasisakwanisi kumufadza
nezvibayiro zvavo.
Chokudya chavo chichange
chichiita sechokudya chaparufu
chinon'oresa wose anochidya
nokuti chokudya chavo
chichange chiri chokupodza
nzara yavo chete
chisingaendwe nacho kumba yaTenzi.
5Zvino pazuva guru
rakatemwa muchaitei,
uye pazuva guru raTenzi?
6Ndinodaro nokuti izvozvi,
vari kutoenda mukuparadzwa.
Ijipiti ichavatuta
vachindovigwa kuMemufisi.
Hunye huchati memete
pazvinhu zvavo zvinokosha zvesirivha
mumisha yavo yematendhe
muchava neminzwa.
7Mazuva okurangwa asvika
mazuva okutsiva auya
vokwaIsiraeri muchazoziva izvozvo.
Kwamuri imi; muporofita, ibenzi romunhu;
munhu anenge afemerwa naMweya,
munhu anopenga,
pari pamusana pouipi hwenyu hwakaipisisa
uye pamusana peruvengo rwenyu rwakanyanyisa.
8Muporofita ndiye munhu ane basa
rokutarisa zvinoitika muvanhu vokwaEfuremu,
vanhu vaMwari wangu.
Asi muporofita ari kuteyiwa
nzira dzake dzose seshiri
achivengwa mumba yaMwari wake.
9Vakanyatsoti tindindi kwazvo
kunyura muzviito zvakaora
somumazuva eGibhea.#9:9 Gibhea: Tarisai kuBhuku reVatongi 19:1–30.
Mwari acharangarira uipi hwavo
agovarangira zvitadzo zvavo.
Nhamo yechitadzo chevokwaIsiraeri
10“Kuwana kwandakaita Isiraeri
yainge magirepisi omusango
nepandakaonawo madzibaba enyu
ndakaaona semaonde okutangisa
mumwaka wawo wokutanga.
Asi pavakasvika kuBhaaripeori
vakazvipira kunamata Bhaari
vakabva vava chinhu chinosemesa
kutofanana nechinhu
chavakanga vava kuda ichocho.
11Mbiri yevokwaEfuremu
ichabhururuka kutiza seshiri.
Zvokusununguka mwana pasisina,
zvokuzvitakura zvapera
kusisina zvokubata pamuviri.
12Kunyange zvazvo vakarera vana
ndichaita kuti vafirwe
kusvikira pasisina anosara.
Zvichavawana zvavo pandichavafuratira.”
13Sokuona kwangu,
vanhu vokwaEfuremu
vatova nyama yemagora.
VokwaEfuremu chavo chete
kutungamirira vana vavo kundourayiwa.
14Imi Tenzi
vapei zvamunenge mada kuvapa,
vapei kuti vaparadzike pamuviri
uye mazamu akaoma.
Shamhu yokuranga vokwaIsiraeri
15“Uipi hwavo hwose hwabvira kuGirigari
ndiko kwandakatangisira kuvavenga
kwaita kuti ndivarange
Pamusana pouipi hwamabasa avo
ndichavadzinga mumba mangu.
Handichambodazve;
machinda avo ose
imhandupandu chaidzo dzevanhu.
16VokwaEfuremu,
vava muti zvavo wakarohwa
mudzi wawo ukaoma
havachabereka muchero.
Kunyange vakabereka vana
ndichauraya vana vavo vapamwoyo.”
Shoko romuporofita Hosea kune vokwaIsiraeri
17Mwari wangu achavarasa,
nokuti havana kumuteerera;
vachava vadzungairi
mukati mavanhu vechirudzi.
Zvasarudzwa nguva ino
Hosea 9: SCLB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Shona Common Language Bible © Bible Society of Zimbabwe, 2008.
Hosea 9
9
Nhamo youtapwa yaizowira vokwaIsiraeri
1Musafare imi vokwaIsiraeri,
musapembere kufara
sezvinoita marudzi
nokuti makaita ufeve
muchifuratira Mwari wenyu.
Makafarira muripo woufeve
nezvinowanika pamaburiro ose ose.
2Paburiro pacho napachisviniro chewaini
hapana chokudya chavanowanapo,
uye zvewaini itsva zvichavaperera.
3Munyika yaTenzi,
havacharamba vageremo
asi kutoti vokwaEfuremu
vachadzokera kuIjipiti
uye vachazodya chokudya chakan'ora
vava kuAsiria'ku.
4Ikoko zvokuti ivo vapire
mipiro yokuteura yewaini
kuna Tenzi, panenge pasisina,
vasisakwanisi kumufadza
nezvibayiro zvavo.
Chokudya chavo chichange
chichiita sechokudya chaparufu
chinon'oresa wose anochidya
nokuti chokudya chavo
chichange chiri chokupodza
nzara yavo chete
chisingaendwe nacho kumba yaTenzi.
5Zvino pazuva guru
rakatemwa muchaitei,
uye pazuva guru raTenzi?
6Ndinodaro nokuti izvozvi,
vari kutoenda mukuparadzwa.
Ijipiti ichavatuta
vachindovigwa kuMemufisi.
Hunye huchati memete
pazvinhu zvavo zvinokosha zvesirivha
mumisha yavo yematendhe
muchava neminzwa.
7Mazuva okurangwa asvika
mazuva okutsiva auya
vokwaIsiraeri muchazoziva izvozvo.
Kwamuri imi; muporofita, ibenzi romunhu;
munhu anenge afemerwa naMweya,
munhu anopenga,
pari pamusana pouipi hwenyu hwakaipisisa
uye pamusana peruvengo rwenyu rwakanyanyisa.
8Muporofita ndiye munhu ane basa
rokutarisa zvinoitika muvanhu vokwaEfuremu,
vanhu vaMwari wangu.
Asi muporofita ari kuteyiwa
nzira dzake dzose seshiri
achivengwa mumba yaMwari wake.
9Vakanyatsoti tindindi kwazvo
kunyura muzviito zvakaora
somumazuva eGibhea.#9:9 Gibhea: Tarisai kuBhuku reVatongi 19:1–30.
Mwari acharangarira uipi hwavo
agovarangira zvitadzo zvavo.
Nhamo yechitadzo chevokwaIsiraeri
10“Kuwana kwandakaita Isiraeri
yainge magirepisi omusango
nepandakaonawo madzibaba enyu
ndakaaona semaonde okutangisa
mumwaka wawo wokutanga.
Asi pavakasvika kuBhaaripeori
vakazvipira kunamata Bhaari
vakabva vava chinhu chinosemesa
kutofanana nechinhu
chavakanga vava kuda ichocho.
11Mbiri yevokwaEfuremu
ichabhururuka kutiza seshiri.
Zvokusununguka mwana pasisina,
zvokuzvitakura zvapera
kusisina zvokubata pamuviri.
12Kunyange zvazvo vakarera vana
ndichaita kuti vafirwe
kusvikira pasisina anosara.
Zvichavawana zvavo pandichavafuratira.”
13Sokuona kwangu,
vanhu vokwaEfuremu
vatova nyama yemagora.
VokwaEfuremu chavo chete
kutungamirira vana vavo kundourayiwa.
14Imi Tenzi
vapei zvamunenge mada kuvapa,
vapei kuti vaparadzike pamuviri
uye mazamu akaoma.
Shamhu yokuranga vokwaIsiraeri
15“Uipi hwavo hwose hwabvira kuGirigari
ndiko kwandakatangisira kuvavenga
kwaita kuti ndivarange
Pamusana pouipi hwamabasa avo
ndichavadzinga mumba mangu.
Handichambodazve;
machinda avo ose
imhandupandu chaidzo dzevanhu.
16VokwaEfuremu,
vava muti zvavo wakarohwa
mudzi wawo ukaoma
havachabereka muchero.
Kunyange vakabereka vana
ndichauraya vana vavo vapamwoyo.”
Shoko romuporofita Hosea kune vokwaIsiraeri
17Mwari wangu achavarasa,
nokuti havana kumuteerera;
vachava vadzungairi
mukati mavanhu vechirudzi.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Shona Common Language Bible © Bible Society of Zimbabwe, 2008.