Isaya 50
50
1Tenzi ari kuti,
“Ko tsamba yegupuro
yandakapa amai venyu iripiko
yandakavaramba nayo?
Kana kuti ndiani wandine chikwereti naye
kwandakakuendesai
somuripo wechikwereti?
Chinzwai, makaendeswako somuripo
pamusana pouipi hwenyu
kukanganisa kwenyu imi
ndokwakaita kuti amai venyu varambwe.
2Seiko pandakauya
ndisina kusvikowana munhu,
zvandakadaidza
sei pasina akadaira?
Ko ruoko rwangu rwakapfupikiswa
zvokuti harugone kununura here?
Kana kuti simba rokununura
handina here?
Chinzwai,
nezwi rangu ini rokutsiura,
gungwa rinobva raoma,
ndichiita kuti nzizi
dzive gwenga zvaro,
hove dzadzo dzigonhuhwa
nokushaya mvura
dzichifa nenyota.
3Ndinoitisa matenga
kuti ati ndo-o kusviba
ndichiapfekedza masaga
sehanzu inopfekwa neakafirwa.”
Kuteerera kwomuranda waTenzi
4Tenzi Mwari akandipa
muromo wakadzidziswa
kuti ndizive kusimbaradza
neshoko vakarukutika.
Mangwanani oga oga anondimutsa
anondimutsa kuti nzeve yangu
iite seyomudzidzi.
5Tenzi Mwari
akazarura nzeve dzangu
ini handina kupanduka
kana kufuratira.
6Ndakarega vanhu
vachindirova musana
ndikatendeutsira matama angu
kune vaindidzura ndebvu.
Handina kuvanza chiso changu
pamusana penyadzi
kana nokupfirwa mate.
7Sezvo Tenzi Mwari anondibatsira
naizvozvo handimbopazama musoro,
ndokusaka ini ndakaruma shaya
uye ndinoziva kuti
handizombonyadziswa.
8Anondipipirira
ari padyo.
Ndiani angapikisane neni?
Ngatimirisanei.
Ari kundipa mhosva wacho ndiani?
Ngaauye pano pandiri.
9Chinzwa,
Tenzi Mwari anondiyamura.
Ndiani achanditi
iwe une mhosva?
Teerera unzwe,
vose zvavo vachasakara sehembhe
vachidyiwa notumashaveshave.#50:9 Notumashaveshave: Kana kuti tutemachira kana tubetepeswu.
10Ndiani pakati penyu
anotya Tenzi
iye anoteerera izwi
romuranda wake,
anofamba murima
asina mwenje
anovimba nezita yaTenzi?
Achitsamira pana Mwari wake?
11Chinzwai munzwe
imi mose munotungidza moto
imi munobatidza mazhenje,
fambaika zvenyu
muchiedza chomoto wenyu iwoyo
nemazhenje iwayo amakatungidza.
Asi shamhu yandichakupai
noruoko rwangu
ndeyokugara munhamo.
Zvasarudzwa nguva ino
Isaya 50: SCLB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Shona Common Language Bible © Bible Society of Zimbabwe, 2008.
Isaya 50
50
1Tenzi ari kuti,
“Ko tsamba yegupuro
yandakapa amai venyu iripiko
yandakavaramba nayo?
Kana kuti ndiani wandine chikwereti naye
kwandakakuendesai
somuripo wechikwereti?
Chinzwai, makaendeswako somuripo
pamusana pouipi hwenyu
kukanganisa kwenyu imi
ndokwakaita kuti amai venyu varambwe.
2Seiko pandakauya
ndisina kusvikowana munhu,
zvandakadaidza
sei pasina akadaira?
Ko ruoko rwangu rwakapfupikiswa
zvokuti harugone kununura here?
Kana kuti simba rokununura
handina here?
Chinzwai,
nezwi rangu ini rokutsiura,
gungwa rinobva raoma,
ndichiita kuti nzizi
dzive gwenga zvaro,
hove dzadzo dzigonhuhwa
nokushaya mvura
dzichifa nenyota.
3Ndinoitisa matenga
kuti ati ndo-o kusviba
ndichiapfekedza masaga
sehanzu inopfekwa neakafirwa.”
Kuteerera kwomuranda waTenzi
4Tenzi Mwari akandipa
muromo wakadzidziswa
kuti ndizive kusimbaradza
neshoko vakarukutika.
Mangwanani oga oga anondimutsa
anondimutsa kuti nzeve yangu
iite seyomudzidzi.
5Tenzi Mwari
akazarura nzeve dzangu
ini handina kupanduka
kana kufuratira.
6Ndakarega vanhu
vachindirova musana
ndikatendeutsira matama angu
kune vaindidzura ndebvu.
Handina kuvanza chiso changu
pamusana penyadzi
kana nokupfirwa mate.
7Sezvo Tenzi Mwari anondibatsira
naizvozvo handimbopazama musoro,
ndokusaka ini ndakaruma shaya
uye ndinoziva kuti
handizombonyadziswa.
8Anondipipirira
ari padyo.
Ndiani angapikisane neni?
Ngatimirisanei.
Ari kundipa mhosva wacho ndiani?
Ngaauye pano pandiri.
9Chinzwa,
Tenzi Mwari anondiyamura.
Ndiani achanditi
iwe une mhosva?
Teerera unzwe,
vose zvavo vachasakara sehembhe
vachidyiwa notumashaveshave.#50:9 Notumashaveshave: Kana kuti tutemachira kana tubetepeswu.
10Ndiani pakati penyu
anotya Tenzi
iye anoteerera izwi
romuranda wake,
anofamba murima
asina mwenje
anovimba nezita yaTenzi?
Achitsamira pana Mwari wake?
11Chinzwai munzwe
imi mose munotungidza moto
imi munobatidza mazhenje,
fambaika zvenyu
muchiedza chomoto wenyu iwoyo
nemazhenje iwayo amakatungidza.
Asi shamhu yandichakupai
noruoko rwangu
ndeyokugara munhamo.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Shona Common Language Bible © Bible Society of Zimbabwe, 2008.