Mathie Parnai Cato
Parnai Cato
Mathie bôn nốh Lê-vi hơ. Án la munáq te top mui chít la bar náq ndon rian te Yê-su. Te nsuoi, án la ticuoi ial práq thêq. Án taran uráq ndô sám 50 tớq 60 cumo vít Yê-su carnian. Án angốh ngê te Parnai Par-ưq Tieq, tông te Yê-su la án ndon Yang Arbang-pilŏ́ng khoiq ưq dyôn tớq choi tamống ticuoi. Án taran parnai ŏ ndô dyôn top Isa-ra-el chom arlớih; ma án tông parnai ndô tới dyôn nưm ticuoi Isa-ra-el, ma dyôn nhéq tưh ticuoi.
Mathie taran tông te nhéq pang tumống Yê-su. Án tông te Yê-su carnian, Yê-su ráp tíc na dơq, yang Satán chim Yê-su, alứng Yê-su pôq cato parnai ŏ te Yang Arbang-pilŏ́ng. Yê-su táq arnáq sileh a-ưi nốh, Yê-su palai máh ticuoi a-ái tớq cứp vel tớq vúng Ca-lilê. Dyơ, te ntúq ngki Yê-su sớr nga vel pưt Yaru-salem, Yê-su chiuq ngai táq án, ngai téh án tớq along calláng. Án cuchet alứng tumống lieh.
Mathie taran dŏq tông dyôn he chom Yê-su la án ndon Yang Arbang-pilŏ́ng rêh dŏq choi tamống ticuoi. Alứng án bôn callong tubáiq dŏq angốh ngê te phep rit Yang Arbang-pilŏ́ng, alứng cato dyôn nhéq tưh ticuoi chom te Yang Arbang-pilŏ́ng cơt sút.
Zvasarudzwa nguva ino
Mathie Parnai Cato: paclatnNT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2018, Wycliffe Bible Translators, Inc. All rights reserved.