Oyinyima 2
2
1Avọọ a mẹ tụ́ avaba ẹhẹ saka-saka dị ọ ta tụ́ nị. 2#Kụra 20.11#Ihib 4.4,10Ịhị ẹ tụ́ ọ ẹkụhị ịhịnọnyị, Ohomorihi ộ sị avaba ụkọrọ anị mẹ ta. Ịhị ẹ tụ ọ ẹkụhị ịhịmba Ọ yị kụkụ mẹ̀ ụkọrọ. 3Ohomorihi ka ẹkụhị ọhụhịmba vị ẹkụhị ọbanyị, dị ọ nyị ọ ẹkụhị ọ tụ́ irenyi nị, agụvị ka ịhị ọnọọ ẹhẹ ọọ ta a mẹ, dị ọ̀ yị kụkụ mẹ̀ ụkọrọ nị.
Ụbazị Edẹnị
4Aani a mẹmẹ tụ́ avaba ẹhẹ vị nị. Ohomorihi ộ sị ọza ọnị ọ mẹ tụ́ ịnị Ụbazị Edẹnị. Ụmẹ ọnị Ẹnẹyịmavara Ohomorihi sị mẹ̀ ẹhẹ, 5ịnị ụmẹ ọnọọ ẹ yị nyị ọchị à vị avị ana chị tụ́ ịrẹsụ ẹtẹ, agụvị ka Ẹnẹyịmavara Ohomorihi ọ́ yị mẹ ka orihi ọ̀ zụ̀ụ hi ịnị ẹtẹ, ẹ yị rẹ nyị ọza ana vọrọ ka ọ̀ dà aarẹ tụ́ ịnị ẹhẹ. 6Ama enyi eteesū tụ́ iruvo vaa hịrẹ dị ọ mẹ ka avaba ẹtẹ ò hunẹnẹ. 7#1 Ịkọ 15.45Di Ẹnẹyịmavara Ohomorihi va dà èzi hụụnị eteesu dị ọ sị mẹ ọza nị. Ịjị ọ sị ọ mẹ, dị ọ tụ́ ụhwẹ hi ọ aahị nị. Ịjọnọọ dị ọza ọnọọ kụkụ aa tụ́ ụhwẹ dị ọ yàra nị. 8Di Ẹnẹyịmavara Ohomorihi va dà ụbazị ọnya aanị tụ́ ịzị aā hị́ Edẹnị ózee ọnị ọyịị̄ zịị vẹ, dị ọ sị ọza ọnị ọ mẹ dị ọ sị tụ́ ịzọọ nị. 9#Ẹtẹ 2.7; 22.2,14Ẹnẹyịmavara Ohomorihi ộ mẹ̀ ka ọchị ozoza-ozoza irenyi-irenyi è nyị hi ịzọọ, dị ẹ̀ẹ tụ́ ẹtụtụ ozoza. Ịnị akakana ụbazị ọnọọ a rẹ nyị ọchị ẹnyị ana jẹẹ ịzọọ. Ọnya vị ọnị ẹtụtụ anịị̄ mẹ ka ọza ọ̀ yàra pooro, dị ẹtụtụ ọsaa mẹ ka eyi ọza ò hweyi tù ịsa ozoza ọnịrị ịsa odivi nị. 10A rẹ nyị okuha enee sìi hụrẹ Edẹnị. Okuha ọnọọ̄ mẹ ka ụbazị Edẹnị òo hunẹnẹ. Ọ mẹ sị para Edẹnị hu, dị ọ há hi okuha ẹẹna nị. 11-12Ịpaapa aā hị́ okuha Ipisoni nị. Ô sì jesi kara ẹkụra ana aā hị́ Ihavira. Ịzọọ ộ nyị igooru obooro, eturare ozoza ọnịrị ịrẹta ozoza ana katarihi. 13Okuha ọhụva aā hị́ Igihoni nị. Oni ve ene sì jesi kara ẹkụra ana aā hị́ Ikusi. 14Okuha ọhụta aā hị́ Itigirisi, oni vi ene sì zi oze ọnị ọyịị̄ zịị vẹ ẹkụra Asiriya. Okuha ọhụna aā hị́ Iyuhwuretisi nị. 15Ẹnẹyịmavara Ohomorihi ộ sị ọza ọnọọ, dị ọ sị tụ́ ịnị ụbazị Edẹnị nị. Ọ kà òo tenyii hi ọ, di òo sere e. 16Di Ẹnẹyịmavara Ohomorihi va mẹ ọda yị ọza ọnọọ dị ọ ka, “Avaba ọchị ene hi ịnị ụbazị aanị, ẹnị ẹtụtụ anị òo zee wu eyi, wa nyẹngụ aa rị ọ. 17Ama we éē re ọchị anaā mẹ ka eyi ọza ò hweyi tù ịsa ozoza ọnịrị odivi aanị wẹ yị nyayịnẹ rị ẹtụtụ anị. Ịhị wàa rị ọ, ịhị ọnọọ u wee sù nị.”
18Di Ẹnẹyịmavara Ohomorihi va ka, “O yi zoza ka ọnọrụ ọnọọ ọ̀ vị ọnịnya. Maa mẹ ọnọgụvọ ọnya ene reri ọ yọ.” 19Ẹnẹyịmavara Ohomorihi ộ vịdị raà si ezi mẹ avaba uye ọnịrị inomi nịnị. Dị ọ kụ́ wa ve tù ọnọrụ ọnọọ ka ọnị ò re ịrẹha ọnị ọ vaa hị́ wa nị. Ịrẹha ọnị ọnọrụ ọnọọ ọọ hị́ uye ẹnẹẹ ọ vaa vị ịrẹha ẹnịnị nị. 20Ọnọrụ ọnọọ ộ sị ịrẹha yị avaba uye ịnị avị ọnịrị ịsụpa ini eehi beri inomi nịnị. Ama ẹ yị nyị ikonya ini uye ẹnẹẹ ana rụra vị ọnọgụvọ yị ọnọrụ ọnọọ.
21Ẹnẹyịmavara Ohomorihi ộ mẹ̀ ka ara ụ̀tọ̀ ọ̀ dọ ọnọrụ ọnọọ nị. Ịjị aa sụ ara, dị ọ sị ẹchụkụ agịga anị ọnya, dị ọ sị uye kú ịzọọ nị. 22Dị Ẹnẹyịmavara Ohomorihi sị agịga ọnọọ dị ọ sị mẹ ọnyẹnẹẹ ọnya nị. Dị ọ sị ọnẹẹ ọnọọ ve tù ọ nị. 23Dị ọnọrụ ọnọọ ka: ịhịn dê, evere amị yị. Ẹchụkụ amị ọnịrị Ochẹtẹẹngụ amị ọ vị nị. Aamị ọ vị nị agụvị ka ịnị Ochẹtẹẹngụ amị a sị ọ hụrẹ nị. A vaa hị́ ọ ọnyẹnẹẹ agụvị ka ịnị ẹngụ ọnọrụ a sị ọ hụrẹ nị. 24#Imt 19.5; Ịmk 10.7,8; 1 Ịkọ 6.16; Ẹhw 5.31Agụvị avọọ ọnọrụụ̄ sịị navọ ada anị ọnịrị ọnyị anị, dị ọnịrị ose anị vabẹ, dị ẹ kụkụ sị vị ọnya nị.
25Ịnị ụmẹ ọnọọ ọnọrụ ọnọọ ọnịrị ose anị vi ene hi ịnị ahwaahụ, ama ụhị ẹ yị nyị wa.
Zvasarudzwa nguva ino
Oyinyima 2: EBTP
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ebira First Bible © Bible Society of Nigeria, 2014.
Oyinyima 2
2
1Avọọ a mẹ tụ́ avaba ẹhẹ saka-saka dị ọ ta tụ́ nị. 2#Kụra 20.11#Ihib 4.4,10Ịhị ẹ tụ́ ọ ẹkụhị ịhịnọnyị, Ohomorihi ộ sị avaba ụkọrọ anị mẹ ta. Ịhị ẹ tụ ọ ẹkụhị ịhịmba Ọ yị kụkụ mẹ̀ ụkọrọ. 3Ohomorihi ka ẹkụhị ọhụhịmba vị ẹkụhị ọbanyị, dị ọ nyị ọ ẹkụhị ọ tụ́ irenyi nị, agụvị ka ịhị ọnọọ ẹhẹ ọọ ta a mẹ, dị ọ̀ yị kụkụ mẹ̀ ụkọrọ nị.
Ụbazị Edẹnị
4Aani a mẹmẹ tụ́ avaba ẹhẹ vị nị. Ohomorihi ộ sị ọza ọnị ọ mẹ tụ́ ịnị Ụbazị Edẹnị. Ụmẹ ọnị Ẹnẹyịmavara Ohomorihi sị mẹ̀ ẹhẹ, 5ịnị ụmẹ ọnọọ ẹ yị nyị ọchị à vị avị ana chị tụ́ ịrẹsụ ẹtẹ, agụvị ka Ẹnẹyịmavara Ohomorihi ọ́ yị mẹ ka orihi ọ̀ zụ̀ụ hi ịnị ẹtẹ, ẹ yị rẹ nyị ọza ana vọrọ ka ọ̀ dà aarẹ tụ́ ịnị ẹhẹ. 6Ama enyi eteesū tụ́ iruvo vaa hịrẹ dị ọ mẹ ka avaba ẹtẹ ò hunẹnẹ. 7#1 Ịkọ 15.45Di Ẹnẹyịmavara Ohomorihi va dà èzi hụụnị eteesu dị ọ sị mẹ ọza nị. Ịjị ọ sị ọ mẹ, dị ọ tụ́ ụhwẹ hi ọ aahị nị. Ịjọnọọ dị ọza ọnọọ kụkụ aa tụ́ ụhwẹ dị ọ yàra nị. 8Di Ẹnẹyịmavara Ohomorihi va dà ụbazị ọnya aanị tụ́ ịzị aā hị́ Edẹnị ózee ọnị ọyịị̄ zịị vẹ, dị ọ sị ọza ọnị ọ mẹ dị ọ sị tụ́ ịzọọ nị. 9#Ẹtẹ 2.7; 22.2,14Ẹnẹyịmavara Ohomorihi ộ mẹ̀ ka ọchị ozoza-ozoza irenyi-irenyi è nyị hi ịzọọ, dị ẹ̀ẹ tụ́ ẹtụtụ ozoza. Ịnị akakana ụbazị ọnọọ a rẹ nyị ọchị ẹnyị ana jẹẹ ịzọọ. Ọnya vị ọnị ẹtụtụ anịị̄ mẹ ka ọza ọ̀ yàra pooro, dị ẹtụtụ ọsaa mẹ ka eyi ọza ò hweyi tù ịsa ozoza ọnịrị ịsa odivi nị. 10A rẹ nyị okuha enee sìi hụrẹ Edẹnị. Okuha ọnọọ̄ mẹ ka ụbazị Edẹnị òo hunẹnẹ. Ọ mẹ sị para Edẹnị hu, dị ọ há hi okuha ẹẹna nị. 11-12Ịpaapa aā hị́ okuha Ipisoni nị. Ô sì jesi kara ẹkụra ana aā hị́ Ihavira. Ịzọọ ộ nyị igooru obooro, eturare ozoza ọnịrị ịrẹta ozoza ana katarihi. 13Okuha ọhụva aā hị́ Igihoni nị. Oni ve ene sì jesi kara ẹkụra ana aā hị́ Ikusi. 14Okuha ọhụta aā hị́ Itigirisi, oni vi ene sì zi oze ọnị ọyịị̄ zịị vẹ ẹkụra Asiriya. Okuha ọhụna aā hị́ Iyuhwuretisi nị. 15Ẹnẹyịmavara Ohomorihi ộ sị ọza ọnọọ, dị ọ sị tụ́ ịnị ụbazị Edẹnị nị. Ọ kà òo tenyii hi ọ, di òo sere e. 16Di Ẹnẹyịmavara Ohomorihi va mẹ ọda yị ọza ọnọọ dị ọ ka, “Avaba ọchị ene hi ịnị ụbazị aanị, ẹnị ẹtụtụ anị òo zee wu eyi, wa nyẹngụ aa rị ọ. 17Ama we éē re ọchị anaā mẹ ka eyi ọza ò hweyi tù ịsa ozoza ọnịrị odivi aanị wẹ yị nyayịnẹ rị ẹtụtụ anị. Ịhị wàa rị ọ, ịhị ọnọọ u wee sù nị.”
18Di Ẹnẹyịmavara Ohomorihi va ka, “O yi zoza ka ọnọrụ ọnọọ ọ̀ vị ọnịnya. Maa mẹ ọnọgụvọ ọnya ene reri ọ yọ.” 19Ẹnẹyịmavara Ohomorihi ộ vịdị raà si ezi mẹ avaba uye ọnịrị inomi nịnị. Dị ọ kụ́ wa ve tù ọnọrụ ọnọọ ka ọnị ò re ịrẹha ọnị ọ vaa hị́ wa nị. Ịrẹha ọnị ọnọrụ ọnọọ ọọ hị́ uye ẹnẹẹ ọ vaa vị ịrẹha ẹnịnị nị. 20Ọnọrụ ọnọọ ộ sị ịrẹha yị avaba uye ịnị avị ọnịrị ịsụpa ini eehi beri inomi nịnị. Ama ẹ yị nyị ikonya ini uye ẹnẹẹ ana rụra vị ọnọgụvọ yị ọnọrụ ọnọọ.
21Ẹnẹyịmavara Ohomorihi ộ mẹ̀ ka ara ụ̀tọ̀ ọ̀ dọ ọnọrụ ọnọọ nị. Ịjị aa sụ ara, dị ọ sị ẹchụkụ agịga anị ọnya, dị ọ sị uye kú ịzọọ nị. 22Dị Ẹnẹyịmavara Ohomorihi sị agịga ọnọọ dị ọ sị mẹ ọnyẹnẹẹ ọnya nị. Dị ọ sị ọnẹẹ ọnọọ ve tù ọ nị. 23Dị ọnọrụ ọnọọ ka: ịhịn dê, evere amị yị. Ẹchụkụ amị ọnịrị Ochẹtẹẹngụ amị ọ vị nị. Aamị ọ vị nị agụvị ka ịnị Ochẹtẹẹngụ amị a sị ọ hụrẹ nị. A vaa hị́ ọ ọnyẹnẹẹ agụvị ka ịnị ẹngụ ọnọrụ a sị ọ hụrẹ nị. 24#Imt 19.5; Ịmk 10.7,8; 1 Ịkọ 6.16; Ẹhw 5.31Agụvị avọọ ọnọrụụ̄ sịị navọ ada anị ọnịrị ọnyị anị, dị ọnịrị ose anị vabẹ, dị ẹ kụkụ sị vị ọnya nị.
25Ịnị ụmẹ ọnọọ ọnọrụ ọnọọ ọnịrị ose anị vi ene hi ịnị ahwaahụ, ama ụhị ẹ yị nyị wa.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ebira First Bible © Bible Society of Nigeria, 2014.