Genese 14
14
1KE haba hnyi je bong bongu Amerafela than Sinara, me Arioka than Elasara, me Kedalaoma than Elama, me Tidala than Goiim, 2Ödrin e vat me Bera than Sodoma, me Biresa than Gomora, me Sinaba than Adema, me Semeba than Zeboim, ke than Bela minya (wale Zoara). 3Haba tavat hia eling adre me iouny dö hnyi Sidima hnyigöulen bucen (wale Nem ae Hiny). 4Adre me bâ kö Kedalaoma hnyi twelv ta je huna, ke hnyi huna a thötininy adre me behûgûnâ hmetu musi. 5Ke haba hnyi huna fotininy ame o thö Kedalaoma, me ta je than a tha ödrin më, me kot at Refai hnyi Aseterotha-karenaima, me at Zuzi hnyi Hama, me at Emi hnyi Save-kiriathaima, 6me at Hori hnyi anyidra bucen a Seira, ke ne o but Eleparana hnyi haten hnyebuba. 7Ke ödrin e hmetuhmetu me o hnyi Eni-misepata (wale Kadesi), me kot hia hnyei iny at Amaleka, me at Amora minya, tavat adre me laba Hazezo-tamara. 8Me ame he but than Sodoma, me than Gomora, me than Adema, me than Zeboim, me than Bela (wale Zoara); me adre me tet metâ he ka vat mödra hnyi Sidima hnyigöulen bucen; 9wale Kedalaoma than Elama, me Tidala than Goiim, me Amerafela than Sinara, me Arioka than Elasara; wale vak ta than ûcon thabûng. 10Ke unöngöt Sidima hnyigöulen bucen ge ta je op hmudra; ke a kec ut li than Sodoma me Gomora, ke adre me ta ju eling, ke haba je kolon adre me kec ka hnyi bucen. 11Ke adre me hûgûnâ hia ta je omjeûiny Sodoma me Gomora, me anyidra ta je jeû hia, me he but. 12Ke adre me hûgûnö Lota nokon liamekeiny me Aberama, waleji ame laba hnyi Sodoma, me anyin ta je ûnyi, me he but. 13Ke ame o but ke at a kec möt, me thumetu Aberama at Heberu: wale ame laba hnyi aawajo anyi Mamere at Amora, liamekeiny me Esekolo ke liamekeiny me Anere; wale hnyat ödrin e tha hien me Aberama. 14Ke a löng ut Aberama a gʼ adre hom bâ thö keiny, me e ame oc dö vat adre hia but nâ wia, waleji adre hnöku ödrin hnyi hnyaban, wale ödrin kun ta haded ke eitin, me hnu hotudra ke ne o but Dana. 15Ke e ame kia but vat, e me je lathnyabainy hnyi hnyinghet, me kuc ödra, me hnu ödra ke ne o but Hoba, wale Damaseko, ke hwadrö. 16Ke e ame hom hmeto ta je ûnyi hia, ke ame hom hmetu minya Lota a keiny, me anyin ta je ûnyi, me omomo, me tavat. 17Ke ame he but than Sodoma he ka iouny më, wale a tiga hmetu ûheny hnyi hna kuc Kedalaoma me ta je than unyin, hnyi Save hnyigöulen bucen (wale hnyigöulen bucen anyin than). 18Ke haba Melekisedeke than Salema ame hok areto me waina: ke e at bi hut ka Khong ae Beönua. 19Me e ame hahnahicâ, me ba, ka habe, E so e hnahic Aberama ûnyi ge Khong ae Beönua, at a gan drany me hmeledrany: 20Ke so adre haisoâ Khong ae Beönua waleji ame hna but je iwahnaihmiöny möu ka hnyi hnyamâm. Ke e ame ham kâu ke keihen a libenyitainy ta je ûnyi hia. 21Ke haingen than Sodoma kö Aberama, ka habe, ham ju könya tavat, ke hom dö ta je ûnyi me ânyâm. 22Ke haingö Aberama ka than Sodoma, ka habe, Oge hia but hai hnyamök kö Iehova, Khong ae Beönua, at a gan drany me hmeledrany, 23ka habe, Oge me ca he ka hom ke hnyiban tö, me ong wen taben hnyeûca me ke ûnyi bi a ânyâm, wâ u nye ha thö, ka habe, Oge hia but otreni Aberama ge omjeû: 24e so thibi hnen wahidröu hna han, me ûnyi minya a jekhon ta je baga adre tha he mönya; jia Anere, me Esekolo, me Mamere, e so ödrin e he ka hom jekhöûdrin.
Zvasarudzwa nguva ino
Genese 14: IAAI
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
maintained by the British and Foreign Bible Society
Genese 14
14
1KE haba hnyi je bong bongu Amerafela than Sinara, me Arioka than Elasara, me Kedalaoma than Elama, me Tidala than Goiim, 2Ödrin e vat me Bera than Sodoma, me Biresa than Gomora, me Sinaba than Adema, me Semeba than Zeboim, ke than Bela minya (wale Zoara). 3Haba tavat hia eling adre me iouny dö hnyi Sidima hnyigöulen bucen (wale Nem ae Hiny). 4Adre me bâ kö Kedalaoma hnyi twelv ta je huna, ke hnyi huna a thötininy adre me behûgûnâ hmetu musi. 5Ke haba hnyi huna fotininy ame o thö Kedalaoma, me ta je than a tha ödrin më, me kot at Refai hnyi Aseterotha-karenaima, me at Zuzi hnyi Hama, me at Emi hnyi Save-kiriathaima, 6me at Hori hnyi anyidra bucen a Seira, ke ne o but Eleparana hnyi haten hnyebuba. 7Ke ödrin e hmetuhmetu me o hnyi Eni-misepata (wale Kadesi), me kot hia hnyei iny at Amaleka, me at Amora minya, tavat adre me laba Hazezo-tamara. 8Me ame he but than Sodoma, me than Gomora, me than Adema, me than Zeboim, me than Bela (wale Zoara); me adre me tet metâ he ka vat mödra hnyi Sidima hnyigöulen bucen; 9wale Kedalaoma than Elama, me Tidala than Goiim, me Amerafela than Sinara, me Arioka than Elasara; wale vak ta than ûcon thabûng. 10Ke unöngöt Sidima hnyigöulen bucen ge ta je op hmudra; ke a kec ut li than Sodoma me Gomora, ke adre me ta ju eling, ke haba je kolon adre me kec ka hnyi bucen. 11Ke adre me hûgûnâ hia ta je omjeûiny Sodoma me Gomora, me anyidra ta je jeû hia, me he but. 12Ke adre me hûgûnö Lota nokon liamekeiny me Aberama, waleji ame laba hnyi Sodoma, me anyin ta je ûnyi, me he but. 13Ke ame o but ke at a kec möt, me thumetu Aberama at Heberu: wale ame laba hnyi aawajo anyi Mamere at Amora, liamekeiny me Esekolo ke liamekeiny me Anere; wale hnyat ödrin e tha hien me Aberama. 14Ke a löng ut Aberama a gʼ adre hom bâ thö keiny, me e ame oc dö vat adre hia but nâ wia, waleji adre hnöku ödrin hnyi hnyaban, wale ödrin kun ta haded ke eitin, me hnu hotudra ke ne o but Dana. 15Ke e ame kia but vat, e me je lathnyabainy hnyi hnyinghet, me kuc ödra, me hnu ödra ke ne o but Hoba, wale Damaseko, ke hwadrö. 16Ke e ame hom hmeto ta je ûnyi hia, ke ame hom hmetu minya Lota a keiny, me anyin ta je ûnyi, me omomo, me tavat. 17Ke ame he but than Sodoma he ka iouny më, wale a tiga hmetu ûheny hnyi hna kuc Kedalaoma me ta je than unyin, hnyi Save hnyigöulen bucen (wale hnyigöulen bucen anyin than). 18Ke haba Melekisedeke than Salema ame hok areto me waina: ke e at bi hut ka Khong ae Beönua. 19Me e ame hahnahicâ, me ba, ka habe, E so e hnahic Aberama ûnyi ge Khong ae Beönua, at a gan drany me hmeledrany: 20Ke so adre haisoâ Khong ae Beönua waleji ame hna but je iwahnaihmiöny möu ka hnyi hnyamâm. Ke e ame ham kâu ke keihen a libenyitainy ta je ûnyi hia. 21Ke haingen than Sodoma kö Aberama, ka habe, ham ju könya tavat, ke hom dö ta je ûnyi me ânyâm. 22Ke haingö Aberama ka than Sodoma, ka habe, Oge hia but hai hnyamök kö Iehova, Khong ae Beönua, at a gan drany me hmeledrany, 23ka habe, Oge me ca he ka hom ke hnyiban tö, me ong wen taben hnyeûca me ke ûnyi bi a ânyâm, wâ u nye ha thö, ka habe, Oge hia but otreni Aberama ge omjeû: 24e so thibi hnen wahidröu hna han, me ûnyi minya a jekhon ta je baga adre tha he mönya; jia Anere, me Esekolo, me Mamere, e so ödrin e he ka hom jekhöûdrin.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
maintained by the British and Foreign Bible Society