Jẹnẹsis 32
32
Jekọp choma rọ ra vwọ vwa Isọ
1Jekọp vwọ yanran vwẹ idjerhe emakashe rẹ Ọghẹnẹ da vwa; 2ri Jekọp vwọ mrẹ ayen ọ da ta, Ọnana unuofovwi rẹ Ọghẹnẹ; Kọye o de se asan na Mahanaim.
3Jekọp de ji ikọ bru Isọ rẹ oniọvo rọye ra vwẹ otọ ri Seir rẹ orho rẹ Idọm, 4ọ da vuẹ ayen nẹ, Enẹ wa ta kẹ ọrovwovwe Isọ: Enẹ odibo wẹn Jekọp tare, Mi suosuo bru Laban, Me vẹ ọye da dia rhi te ọke na, 5mi vwo irhuẹn, ekẹtẹkẹtẹ, uchuru, idibo rẹ eshare, idibo rẹ emetẹ, ki mi ji ihwo rhe ta kẹ ọrovwovwe, se Me sa mrẹ aruesiri vwẹ obọ wẹn.
6Ikọ na de rhivwi bru Jekọp rhe tanẹ, Avwanre te asan rẹ oniọvo wẹn Isọ, okpuyovwi rọye cha vwa wẹ, kugbe ihwo uri ivẹ ri nenire. 7Oshọ de mu Jekọp oma de ron, ọ da ghare ihwo ri rhere, te uchuru na te iyesi na, ẹko ivẹ, 8ko roro nẹ, O da dianẹ Isọ rhi te ẹko rẹ ẹsosuọ rọ da ghwọrọ, ẹko ro chekọ obuko na kọ djẹ vabọ.
9Jekọp da ta, E Ọghẹnẹ rẹ ọsẹ mẹ Ebraham kugbe Ọghẹnẹ rẹ ọsẹ mẹ Aizik, E Ọrovwohwo rọ ta kẹ vwẹ nẹ, Rhivwi kpo orho wẹn bru uvwiẹ wẹn, ki mi ru we yovwi, 10mi fo ohwo rọ sa mrẹ ivuavwerhe wẹ-ẹn kugbe ọvwata wẹ-ẹn ru wo dje phia kẹ odibo wẹn na, fikiridie ku ovwẹ ku ugbọphogho nana Me vwọ wan Jọdan vrẹn, vwẹ ọke nana mẹvwẹ kẹ usun ivẹ. 11Sivwe, Me rẹ wẹ, nẹ obọ rẹ oniọvo mẹ, vwo nẹ obọ rẹ Isọ, kidie oshọ rọye mu vwẹ, o de rhi hwe avwanre ejobi, te ini te emọ. 12Ẹkẹvuọvo wọ tare nẹ, Mi ru we yovwi, ki mi ru uvwiẹ wẹn kiri ehavwo rẹ urhie, re je se kere fikiridie o bunọ.
13Kọye o de mu erhọ phihọ Etiyin ason yena, ọ da phare ọko vwo rhe Isọ rẹ oniọvo rọye, 14ẹkpro uje kugbe ẹvwe-eya uri, igodẹ rẹ eya uri kugbe egbo uje, 15ini rẹ iyesi ọgban kugbe upene rayen, erhuẹn rẹ eya ujuvẹ kugbe erẹ eshare ihwe, esi rẹ eya uje kugbe eshare ihwe. 16Ọ da ghwẹ ayen ejobi kẹ idibo rọye, ku eranvwe ku usun rọye, ọ da ta kẹ idibo rọye, Wa ka obaro kẹ vwẹ, rere we phi uvwre phihọ usun na. 17O de yono ọ rọ ka obaro ejobi, Ọke re Isọ oniọvo mẹ da vwa wẹ, ọ da nọ wẹ nẹ, Wẹ ekru rẹ ono? Tivọ wọ ra? Kẹ ono vwo enana ri obaro wẹ na? 18Ku wọ ta kẹ nẹ, Erẹ odibo wẹn Jekọp, ena ọko ra phare rhe ọrovwovwe Isọ, okpuyovwi rọye je cha vwẹ obuko. 19Eriyin o ji yono ọrivẹ kugbe ọrerha kugbe ayen ihwo ejobi ri nene usun rẹ eranvwe na nẹ, Wa Me ta ota ọvuọvo na kẹ Isọ ọke rọ da vwa ovwan, 20Wa Me je tanẹ, Jekọp odibo wẹn ọ cha vwẹ obuko. Kidie o rori nẹ, Me sa vwẹ ọko rọ ka obaro kẹ vwẹ na vwo phoro aro, kọye Me sa vwọ mrẹ opharo rọye, ọkeọvo ọ Me reyọ ovwẹ. 21Kọye ọko na da ka obaro kẹ, okpuyovwi rọye de mu erhọn vwẹ Etiyin ason yena.
Jekọp Muabọ vwi Peniel
22Vwe ason yena ovuọvo na o de vrẹn o da reyọ eya rọye ive, kugbe esarobọ rọye ivẹ, kugbe emọ rọye uhwọvo na, ọ da wan uto ri Jabọk vrẹn. 23Ọ da reyọ ayen vwọ wan uto na vrẹn, kugbe kemu kemu ro vwori ejobi. 24Jekọp ọvo kọye ri chekọ obuko, ọshare ọvo de nene muabọ bẹsiẹ rẹ ọke vwo rhie. 25Ọke rẹ ọshare na vwọ mrẹ nẹ ọye sa marọ Jekọpu-u, ọ da vwe obo si ekpogho owọ rọye; ekpogho owọ ri Jekọp da rhoghra rẹ ayen vwo muabọ na. 26Etiyin ọ da ta, Ju vwe kpo, kidie ọke ro rhie. Ẹkẹvuọvo Jekọp da ta, Mi se siobọ nu wẹ-ẹ, jokpa nẹ wọ nẹ ẹrhovwo kẹ vwẹ. 27Ọ da ta kẹ, Didi odẹ wẹn? Ọ da ta, Jekọp. 28Etiyin ọ da ta, E gbi se odẹ wẹn Jekọp ọfaa, ẹkẹvuọvo kẹ Izrẹl, fikiridie wọ vẹ Ọghẹnẹ kugbe ihwo rẹ akpọ muabọ, yi wo sheri-i. 29Etiyin Jekọp da no, Ta kẹ vwẹ, Me rẹ wẹ, odẹ wẹn rhọ? Ẹkẹvuọvo ọ da ta, Die wọ vwọ nọ ekpẹn rẹ odẹ mẹ? Etiyin ọ da nẹ ẹrhovwo kẹ. 30Jekọp de se odẹ rẹ asan na Peniel, nẹ, Fikiridie Me mrẹ Ọghẹnẹ opharo ye emuọvo ru vwee. 31Yẹ ọnre na ghwa vacha rọ vwọ wan Peniel, yọ sẹghrẹ owọ fiki rẹ ekpogho owọ rọye rọ rhoghrare na. 32Fiki rẹ ọtiọye na emọ rẹ Izrẹl gbe re uriẹn rẹ ekpogho owọ-ọ rhi te nonẹ, kidie ọ vwẹ obọ te uriẹn rẹ ekpogho owọ ri Jekọp
Zvasarudzwa nguva ino
Jẹnẹsis 32: UBV77
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Bible in Urhobo © United Bible Societies, 1977.
Jẹnẹsis 32
32
Jekọp choma rọ ra vwọ vwa Isọ
1Jekọp vwọ yanran vwẹ idjerhe emakashe rẹ Ọghẹnẹ da vwa; 2ri Jekọp vwọ mrẹ ayen ọ da ta, Ọnana unuofovwi rẹ Ọghẹnẹ; Kọye o de se asan na Mahanaim.
3Jekọp de ji ikọ bru Isọ rẹ oniọvo rọye ra vwẹ otọ ri Seir rẹ orho rẹ Idọm, 4ọ da vuẹ ayen nẹ, Enẹ wa ta kẹ ọrovwovwe Isọ: Enẹ odibo wẹn Jekọp tare, Mi suosuo bru Laban, Me vẹ ọye da dia rhi te ọke na, 5mi vwo irhuẹn, ekẹtẹkẹtẹ, uchuru, idibo rẹ eshare, idibo rẹ emetẹ, ki mi ji ihwo rhe ta kẹ ọrovwovwe, se Me sa mrẹ aruesiri vwẹ obọ wẹn.
6Ikọ na de rhivwi bru Jekọp rhe tanẹ, Avwanre te asan rẹ oniọvo wẹn Isọ, okpuyovwi rọye cha vwa wẹ, kugbe ihwo uri ivẹ ri nenire. 7Oshọ de mu Jekọp oma de ron, ọ da ghare ihwo ri rhere, te uchuru na te iyesi na, ẹko ivẹ, 8ko roro nẹ, O da dianẹ Isọ rhi te ẹko rẹ ẹsosuọ rọ da ghwọrọ, ẹko ro chekọ obuko na kọ djẹ vabọ.
9Jekọp da ta, E Ọghẹnẹ rẹ ọsẹ mẹ Ebraham kugbe Ọghẹnẹ rẹ ọsẹ mẹ Aizik, E Ọrovwohwo rọ ta kẹ vwẹ nẹ, Rhivwi kpo orho wẹn bru uvwiẹ wẹn, ki mi ru we yovwi, 10mi fo ohwo rọ sa mrẹ ivuavwerhe wẹ-ẹn kugbe ọvwata wẹ-ẹn ru wo dje phia kẹ odibo wẹn na, fikiridie ku ovwẹ ku ugbọphogho nana Me vwọ wan Jọdan vrẹn, vwẹ ọke nana mẹvwẹ kẹ usun ivẹ. 11Sivwe, Me rẹ wẹ, nẹ obọ rẹ oniọvo mẹ, vwo nẹ obọ rẹ Isọ, kidie oshọ rọye mu vwẹ, o de rhi hwe avwanre ejobi, te ini te emọ. 12Ẹkẹvuọvo wọ tare nẹ, Mi ru we yovwi, ki mi ru uvwiẹ wẹn kiri ehavwo rẹ urhie, re je se kere fikiridie o bunọ.
13Kọye o de mu erhọ phihọ Etiyin ason yena, ọ da phare ọko vwo rhe Isọ rẹ oniọvo rọye, 14ẹkpro uje kugbe ẹvwe-eya uri, igodẹ rẹ eya uri kugbe egbo uje, 15ini rẹ iyesi ọgban kugbe upene rayen, erhuẹn rẹ eya ujuvẹ kugbe erẹ eshare ihwe, esi rẹ eya uje kugbe eshare ihwe. 16Ọ da ghwẹ ayen ejobi kẹ idibo rọye, ku eranvwe ku usun rọye, ọ da ta kẹ idibo rọye, Wa ka obaro kẹ vwẹ, rere we phi uvwre phihọ usun na. 17O de yono ọ rọ ka obaro ejobi, Ọke re Isọ oniọvo mẹ da vwa wẹ, ọ da nọ wẹ nẹ, Wẹ ekru rẹ ono? Tivọ wọ ra? Kẹ ono vwo enana ri obaro wẹ na? 18Ku wọ ta kẹ nẹ, Erẹ odibo wẹn Jekọp, ena ọko ra phare rhe ọrovwovwe Isọ, okpuyovwi rọye je cha vwẹ obuko. 19Eriyin o ji yono ọrivẹ kugbe ọrerha kugbe ayen ihwo ejobi ri nene usun rẹ eranvwe na nẹ, Wa Me ta ota ọvuọvo na kẹ Isọ ọke rọ da vwa ovwan, 20Wa Me je tanẹ, Jekọp odibo wẹn ọ cha vwẹ obuko. Kidie o rori nẹ, Me sa vwẹ ọko rọ ka obaro kẹ vwẹ na vwo phoro aro, kọye Me sa vwọ mrẹ opharo rọye, ọkeọvo ọ Me reyọ ovwẹ. 21Kọye ọko na da ka obaro kẹ, okpuyovwi rọye de mu erhọn vwẹ Etiyin ason yena.
Jekọp Muabọ vwi Peniel
22Vwe ason yena ovuọvo na o de vrẹn o da reyọ eya rọye ive, kugbe esarobọ rọye ivẹ, kugbe emọ rọye uhwọvo na, ọ da wan uto ri Jabọk vrẹn. 23Ọ da reyọ ayen vwọ wan uto na vrẹn, kugbe kemu kemu ro vwori ejobi. 24Jekọp ọvo kọye ri chekọ obuko, ọshare ọvo de nene muabọ bẹsiẹ rẹ ọke vwo rhie. 25Ọke rẹ ọshare na vwọ mrẹ nẹ ọye sa marọ Jekọpu-u, ọ da vwe obo si ekpogho owọ rọye; ekpogho owọ ri Jekọp da rhoghra rẹ ayen vwo muabọ na. 26Etiyin ọ da ta, Ju vwe kpo, kidie ọke ro rhie. Ẹkẹvuọvo Jekọp da ta, Mi se siobọ nu wẹ-ẹ, jokpa nẹ wọ nẹ ẹrhovwo kẹ vwẹ. 27Ọ da ta kẹ, Didi odẹ wẹn? Ọ da ta, Jekọp. 28Etiyin ọ da ta, E gbi se odẹ wẹn Jekọp ọfaa, ẹkẹvuọvo kẹ Izrẹl, fikiridie wọ vẹ Ọghẹnẹ kugbe ihwo rẹ akpọ muabọ, yi wo sheri-i. 29Etiyin Jekọp da no, Ta kẹ vwẹ, Me rẹ wẹ, odẹ wẹn rhọ? Ẹkẹvuọvo ọ da ta, Die wọ vwọ nọ ekpẹn rẹ odẹ mẹ? Etiyin ọ da nẹ ẹrhovwo kẹ. 30Jekọp de se odẹ rẹ asan na Peniel, nẹ, Fikiridie Me mrẹ Ọghẹnẹ opharo ye emuọvo ru vwee. 31Yẹ ọnre na ghwa vacha rọ vwọ wan Peniel, yọ sẹghrẹ owọ fiki rẹ ekpogho owọ rọye rọ rhoghrare na. 32Fiki rẹ ọtiọye na emọ rẹ Izrẹl gbe re uriẹn rẹ ekpogho owọ-ọ rhi te nonẹ, kidie ọ vwẹ obọ te uriẹn rẹ ekpogho owọ ri Jekọp
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Bible in Urhobo © United Bible Societies, 1977.