Johana Weche Motelo

Weche Motelo

Injili mar Johana nondiki gi Jaote Johana higni mangʼeny bangʼ kane Yesu osetho kendo ochier. Nondike mondo joma some oyie kuom Kristo kendo giyud ngima kuom nyinge (20:31) Johana ondiko weche motelo mana miyudo e kitabuni kende konyisogo ngima mane Yesu nigo gi Wuoro kapok onywole e piny mondo onyis ji ni Yesu ne ok en ngʼama lich kende to ni ne en Nyasaye madier. Nitie honni kod puonj mangʼeny mag Yesu ma ok yudre kamoro amora makmana e kitabuni. Ka wasomo sula 14–17 to wayudo puonj mane Yesu opuonjo godo jopuonjrene kapok otho. Bangʼ tho gi chier Yesu, to wasomo kaka Yesu nofwenyore ni jootene.

Thoro

Injili mar Johana nigi puonj moko ma ok yudi e kitepe mamoko mag Injili moloyo to opuonjo kuom kit Nyasaye man kuom Kristo kaachiel gi puonj matut mar ngimane. Opuonjo kuome gi ngeche machalo kaka ler, adiera, hera, jakwath maber, dhoot, chier gi ngima, pi mar ngima, makati ma adiera to gi mamoko. Weche mamit mwayudo e sula 14–17, nyisowa hera matut mane Yesu nigo kuom joma oyie kaachiel gi kwe ma yie kelo ka in kuom Kristo.

Jandiko

Johana Jaote

Kar Ndiko

Efeso

Kinde Mag Ndiko

Higa mar 90–96 bangʼ nywol Kristo

Weche Manie Kitabuni

Chakruok Yesu manyiso kaka en Nyasaye (1:1-14)

Tich Yesu kane pok ochako Injili e Galili (1:15–4:54)

Yesu oyalo Injili e dala mar Galili gi lwenje mane omonje Jerusalem. (5:1–10:42)

Yesu ochiero Lazaro koa kuom joma otho (11:1-57)

Giko mar tich Yesu (12:1–13:38)

Puonj mogik mag Yesu (14:1–17:26)

Tho kod chier mar Yesu (18:1–20:10)

Nenruok mar Yesu bangʼ chierne (20:11–21:25)

Zvasarudzwa nguva ino

Johana Weche Motelo: MLM

Sarudza vhesi

Pakurirana nevamwe

Sarudza zvinyorwa izvi

Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda

Muma Maler Mar Nyasaye, Motingʼo Loko Manyien™

MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.

Holy Bible, New Luo Translation™

Dzidza Zvakawanda Pamusoro Pe Motingʼo Loko Manyien