मत्याल 1

येसुसामिनाङ मुनेतोर पेदल्क

(लूकाल 3:23-34)

1देवुळ इद बूमते लोहतोग़, येसु किर्स्तु, वेना लोप्पा नना रासलाह आतन. सास्त्रमते वेनाङ तादोर-बाबोरा लेका रासिस तासतोर, ओर इह मतोर. येसु (यहुदि जाततोरा पेदामुय्तोग़)#1:1 यहुदि जाततोर इस्रयेल देसेमते मंदुर, ओरिन इस्रयेलतोर वने इंदुर.अब्रहम मुय्तोना, ओसो दाविद राजाना पुळ्गताहि#रोम सहरतोर 1:3-4; 2 तिमोति 2:8; तोहचीतव पोल्‍लोङ 22:16 पुटटोग़.#रोम सहरतोर 9:5; 1 तिमोति 2:5 2अब्रहम मुय्तोना मग़ि इसकि पुटिस मतोग़, इसक मुय्तोना मग़ि याकुबि, याकुब मुय्तोह्‌कु बारा मग़्कु पुटिस मतोर. ओरग्डाहि ओर्वोग़ यहुदाल इनवाल मतोग़. 3यहुदानाङ मग़्कु पर्साल ओसो जेराल, वेरा तलोग़ि तामरि इनदनदु#1:3 पुटमुळ अद्‍यय 38 अर्वाटु.. पर्साना मग़ि एस्रोनि, एस्रोनिना मग़ि अराम. 4अरामना कूळते आमिनदाबि पुटटोग़, आमिनदाबिना मग़ि नहसोनि, नहसोनिना मग़ि साल्मोन.

5साल्मोन वेग़ राहबि इनदनद (दुस्रा जाततद) आंचाना संगे जोळेम आतस्के, ओना कूळते बोहजि पुटटोग़.#यहोशू 7:22-23; रूति 4:20-21 वेग़ बोहजि रूतिना संगे जोळेम आतस्के ओबेदि पुटटोग़,#रूति 4:13-17(अद रूति वने दुस्रा जातता आंदु). ओबेदिना मग़ि यीसाल. 6पया यीसाह्‌कु दाविद राजाल पुटटोग़.

मुने बेदु ऊरियाना मुते मता, अद रांडे मुतेना संगे दाविद जोळेम आतस्के, साल्मोन पुटटोग़.#2 शमूएल 12:24 7पया साल्मोन राजाना मग़ि रहबामि, रहबामिना मग़ि अबियाल, अबियाना मग़ि आसाल. 8पया आसाह्‌कु यहोसपति, यहोसपतिह्‌कु योरमि, योरमना कूळते उजियाल पुटटोग़. 9उजियाह्‌कु योतमि, योतमिह्‌कु अहजि, अहजिह्‌कु एजेक्याल पुटटोग़. 10एजेक्याह्‌कु मनासे, मनासेह्‌कु आमोनि, आमोनिह्‌कु योसियाल पुटटोग़. 11योसियाना मग़िह्‌कु यकोनियाल, वेना पया ओसो उय्तुर पेकोर पुटटोरे. अद वेलाते बेबिलोन देसेमतोर यहुदि जाततोरगा वासि लळय कीतोर, लळय कीसि यहुदि जाततोर वेल्‍लाटोर लोकुरिनु तमा देसेमते दोहच ओतोर.

12बेबिलोनते ओरिन दोहच ओतापेग़्के यकोनियाह्‌कु साल्तियाल, साल्तियाह्‌कु जरुबाबेल पुटटोग़. 13जरुबाबेलिह्‌कु अबिहुदि, अबिहुदिह्‌कु एल्यकिमि, एल्यकिमिह्‌कु अजुराल पुटटोग़. 14अजुराह्‌कु सादोकि, सादोकिह्‌कु याकमि, याकमिह्‌कु एलिहुदि पुटटोग़. 15एलिहुदिह्‌कु एलियजरि, एलियजरिह्‌कु मतानि, मतानिह्‌कु याकुबि पुटटोग़. 16पया याकुबिह्‌कु योसेपि पुटटोग़. योसेपना मुते मरियालि, तेनाये पोटाताहि कोनि येसु पुट वातोग़, ओने देवुळ लोहतोग़ पिसिह केवाल#1:16 देवुळ लोहतोग़ पिसिह केवाल वेन इब्रि पोल्‍लोते मसिहा इन्ह्‌तोर, युनानि पोल्‍लोते किर्स्तु इन्ह्‌तोर. किर्स्तु इन्ह्‌तोर.

17इद्रमलेह्‌का अब्रहम मुय्तोनाहि दाविद राजानगा एवनाह, सबे पोसि चोव्दा तादो-पीळिङ आताङ. ओसो दाविदिनाहि यहुदि लोकुरिन बेबिलोनते दोहच ओस मतोर अव दियाङ एवनाह चोव्दा तादो-पीळिङ आताङ. अहे ओरिनु बेबिलोनते ओतग्डाहि इतेके, देवुळ लोहतोग़ पिसिह केवाना पुटमुळ एवनाह, चोव्दा तादो-पीळिङ आताङ.

येसु बह पुटटोग़

(लूकाल 2:1-7)

18देवुळ लोहतोग़ पिसिह केवाल येसु इद्रम पुटटोग़ इतेके, ओना तलोग़ मरियानु योसेपि ताल्ह्‌किसि पोल्‍लो करल कीस मतोग़. वेर इर्वुर जोळेम आयनामुनेन, अदु नेलाङ हव्कतद दिसता; इदु देवुळता पवित्र जीवाता लावता मेटेन आता. 19तान ताल्ह्‌कतोग़ कोय्तोग़ योसेपि, अदु नेलाङ हव्कता इन्जि ओग़ पुतोग़. ओग़ कर्तुळ मन्कल मताह्‌कु, तान लोकुरा मुनेह इजक तेंडनायो, इद्रम ओना विचर मता. अदिनेनाह्‌कु नना तान कुस्क्ने विळ्सिसीकन इन्जि, ओग़ विचर कीतोग़. 20तना जीवाते वेग़ इद्रम आलिह कीनेके ऊळाटु, देवुळबाबाना उंद देवतुलि कलाते वासि ओन वेहता, “ए योसेपि, दाविद राजाना पुळ्गतोनिन, मरियाना पोटाते बेद पेनेम मन्ह्‌ता, अदु मन्कना आयो, मति देवुळता पवित्र जीवातेनाहिये मन्ह्‌ता. अदिह्‌क निमा तान ततलाह पेग़्के-मुनेह आयमा. 21अदु पेकान पुटिह कीयग़ा, ओना पेदिरि येसु (इतेके देवुळि पिसिह कीस्ता) इनजोर तासा. बाराह्‌क इतेके ओग़े तना लोकुरिन, ओरा पापमताहि पिसिह केवाल आयनोग़,#देवुळताङ पाटाङ 130:8; बळयिर 4:12; 10:43; 13:26; 1 तिमोति 1:15; 2:5 ” इन्जि देवतुल वेहता.

22-23(इव सबे बाराह्‌कु इद्रम आताङ इतेके, वेल्‍लाङे वर्साना मुने, देवुळबाबाल तना कबुरतोना संगे इदिनलोप्पा वेहचि,

ऊळाटु, कोय्तोह्‌क अनवदु लेया पिला नेलाङ हव्कग़ा, तान्क पेकाल पुटनोग़.

अहे ओना पेदिरि “इमानुवेल” इन्जि तासनुर, # यशायाह 7:14

इह वेहच मतोग़. “इमानुवेल” इतेके “मावा तोळ देवुळि”, इद्रम अर्तम आस्ता. देवुळि मुने वेहच मताङ इव गोटिङ इंजेके करल आताङ.)

24पया योसेपि उंजिस तेदताहे देवतुल वेहतपे सबे कीतोग़. अहे मरियानु मर्मिङ कीयलाह लोन ओतोग़. 25मतिंगा अदु रिकम आनाह्‌जोमु, ओग़ ताना संगे ऐंगे कलियोग़, कय बोयोग़. तान्क पेकाल पुटटस्के योसेपि ओना पेदिरि येसु तासतोग़.

Zvasarudzwa nguva ino

मत्याल 1: माडियाबाय्बल

Sarudza vhesi

Pakurirana nevamwe

Sarudza zvinyorwa izvi

Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda

Dzidza Zvakawanda Pamusoro Pe माडिया गोंड पवित्र सास्त्रम

मत्याल 1

Mavhesi emuBhaibheri Ane Mukurumbira kubva kuna
मत्याल 1

Bhaibheri:

Maria (India)

Vhezheni: माडिया गोंड पवित्र सास्त्रम - माडियाबाय्बल