Aramid 7
7
To panagpalawag ne̍ E̍ste̍ban
1Ket to kangatuwan nga agsirsirbi iya Te̍mplu, sinaludsud na e̍ E̍ste̍ban no pudnu dito kinagi dito nagsistigu maikuntra igina.
2Ket amin didi ya nisungbat ne̍ E̍ste̍ban kadito kunse̍hale̍s: “Dakayu nga aamma se̍ wawagic, igaed nu kay nga denggen ya amin nga kagiyec, ta ipalagip ku kuma dakayu ya maipanggep kadito am-ama tida itun. Ket itun pekkem, e̍ Apu Diyus nga kadayawan, nagpasingen ito Abraham nga ama tida, ito kauwed pekkem nito Abraham ka Me̍suputamya, ito di na pekkem nagalis ka Haran. 3Ket kinunen ne̍ Apu Diyus igina itun, ‘Panawam mun ya ilim se̍ diya kabagiyam, ta agalis ka ka sabali nga lugar nga isuruc nad ikew,’ kunen na.
4“Itu nga pimanaw ngarud to Abraham ito ili nga Kalde̍yu nga sakup niya Me̍suputamya, se̍ nawe̍ ka ili nga Haran. Ngem kalpasan niya pannakatey nito ama nito Abraham, pinagalis manin ne̍ Apu Diyus nga inumbe̍t iya lugar nga pagedyanan tida ngi nin. 5Ket awan met ginet idi nga nipabagi ne̍ Apu Diyus igina itun, orey ngas no is-isa ngadpa. Ngem orey ito awan pekkem anac nito Abraham nga patawidan na kuma, nikari ne̍ Apu Diyusin nga ipabagi na kanu igina se̍ kadiya putputut na yani mettas nga lugar, kunen na.
6“Ket nipakaemmu pe̍ ne̍ Apu Diyus nga gan-gannaet nad diya kapututan nito Abraham ka sabali nga pagiliyan, ket matagtagabu da se̍ maparparigat da kanu kadiyan nga umili, ka unus eppat nga gasut nga dagun. 7Ngem kinunen pe̍ ne̍ Apu Diyus nga dusaen na kanu diya mangtagabu igida. Ket dito kapututan nito Abraham, pawayawayaan na da kanu kadiyan nga mangtagabu igida, tasun sumoli da idi mettas nga lugar nga agdaydayaw e̍ Apu Diyus, kunen na itun.
8“Ket uwed pakalaglagipan ito kari ne̍ Apu Diyus kade̍ Abraham. Itu to nibilin ne̍ Apu Diyus kade̍ Abraham nga kugiten da kanu amin diya anac da nga lalaki. Dikad pe̍ kinugit ngarud nito Abraham to anac na nga Isaac ito maikawalu nga algew na nanipud ito pannakaiyanac na. Ket ito nagputut pe̍ to Isaac, kinugit na pe̍ to anac na nga Hakub. Ket agten pe̍ to Hakub, kinugit na pe̍ dito sangapulu ket duwa nga an-anac na nga akin-putut dactida nga Hudyu.
9“Ngem dito am-ama tida nga an-anac nito Hakub, inimanan da met itun nge̍ Huse̍ nga adi da. Itu nga nilaku da met nge̍ Huse̍ kadito toley nga nangipen igina ka E̍hiptu. Ngem uwed met igina nge̍ Apu Diyus. 10Ket e̍ Apu Diyus ya timulung e̍ Huse̍ ka amin dito nakaparparigatan na, ta e̍ Paraun nga ari dito ie̍hiptu, nagustuwan na nge̍ Huse̍, ito naemmuwan na ya kinasirib na. Itu nga nisaad nito Ari Paraun nge̍ Huse̍ nga gube̍rnadur ka E̍hiptu. Ket e̍ Huse̍ met pe̍ ya pinagaywan na kadito amin nga sansanicwa nga uwed iya palasiyu na.
11“Ket to napasamac itun, uwed dackel nga panagbisin ka E̍hiptu se̍ iya pagiliyan nga Kanaan nga nagedyanan de̍ Hakub nga am-ama tida, ket naparigatan da nga aminin, ta awan nasmac de̍ Hakub nga kanen dan. 12Ket ito nadamag ne̍ Hakub nga uwed kanu pekkem makan ka E̍hiptu, nibon na ngarud dito anac na nga am-ama tida nga nawe̍ nagkalap antuni. Itu to nona nga nawe̍ da. 13Ket ito pe̍dwa da ya mawe̍ yin, nagpakaemmu to Huse̍ kadito kakabsat na. Ket itu pe̍ yin to nakaemmuwan nito Ari Paraun kadito duduma nga kabagiyan ne̍ Huse̍. 14Ket e̍ Huse̍, pinalbe̍t na ka E̍hiptu nge̍ Hakub nga ama na se̍ amin dito duduma nga kakabagiyan na. Pitu nga pulu ket lima da nga amin. 15Ngarud, nawe̍ de̍ Hakub ka E̍hiptu itun, ket antuni to nakatayan nan se̍ dito anac na nga nagputputut dactida. 16Ket dito bangbangkay da, naisoli da ka Sikem nga naitamen ito tatamennan nga ngininaan nito Abraham kadito anac nito Hamor enna ili nga Sikem.
17“Ket ito nabayag da enna E̍hiptu win, imadu dito kapututan nito Abraham antuni. Ket itun, dandani yin to pannakatungpal nito nikari ne̍ Apu Diyus ito ama tida nga Abraham nga pasoliyen na da kanu iya pagiliyan tida ngi. 18Ket itun, uwed met sabali nga ari da nga naisaad ka E̍hiptu win. Madi na met em-emmu to Huse̍. 19Ket to winangel nito ari dan, sinicsikapan na met dito am-ama tida. Ket dake̍c to winangel na igida, ta pinilit na da pe̍ nga madi mangistimar kadiya anac da, tasun matey da.
20“Ket itu to pannakaiyanac nito Muyse̍s. Ket nakay-ayat nga ebbing. Ngem tellu nga bulan nas to panangistimar igina diya naganac igina ka baley da. 21Ket ito madi da maisoroc nge̍ Muyse̍sin, di da naistimarin. Ngem ito babey nga anac nito Ari Paraun, nimet na nge̍ Muyse̍s, se̍ na pinadackel nga nibilang na nga palbut na nga anac. 22Ket dito ie̍hiptu, nisuru da e̍ Muyse̍s amin nga sursuru da. Ket ito dimackel lin, adu ngarud ya kabaellan na ka kagi se̍ tarabaku.
23“Ket ito uwed eppat nga pulu nga dagun ne̍ Muyse̍sin, nalagip na ya mawe̍ sumacwar kadito pada na nga Israe̍lita. 24Ket nadateng na itun ya isa nga kapada na nga Israe̍lita nga nagrangranggasan niya isa nga ie̍hiptu. Ket e̍ Muyse̍s, nawe̍ na nisalakan to kapada na, se̍ nibales na, nga pinatey na met to ie̍hiptu. 25Pinagarup ne̍ Muyse̍s no maawatan dito pada na nga igina ya nibon ne̍ Apu Diyus nga mangwayawaya igida, ngem madi da met naawatan. 26Ket ito kadamlag na, uwed manin duwa nga nadateng ne̍ Muyse̍s nga agsuway, ket pada na met nga Israe̍lita didi. Ket bineldac na da nga pagtunusen na kuma, nga kinunen na, ‘Kabulun, agkabsat kayu met, ape̍ nga agsuway kayu?’ kunen na.
27“Ngem to lalaki nga mangrangranggas, niwalin na ngas nge̍ Muyse̍s, nga kinunen na, ‘Ke̍h! Nagan nange̍cde̍ ka turay mu? Ikew kad ya mangukum dakami? 28Gabay nac pe̍ aya nga patayen nga agten mettas ito winangel mu ito ie̍hiptu ito kagabi?’ kunen na. 29Ket nansing ngarud nge̍ Muyse̍s ito nagicna na to kinagi nito lalaki, itu nga nagtalew ngarud ka E̍hiptu win nga nawe̍ nagedyan ka lugar nga Midyan. Ket ito uwed antuni, nangasawa, se̍ nagputut ka duwa nga lalaki.
30“Ket kalpasan niya eppat nga pulu nga dagun nito panagedyan ne̍ Muyse̍s ka Midyanin, uwed anghe̍l nga nagpasingen igina ito kauwed na enna away nga denni ka Tageytey Sinay. Ket to anghe̍l nga nasingen na, nagparang met iya langa apuy nga gumilgilab iya isa nga tekkut nga kayu. 31Ket nasdaaw nge̍ Muyse̍s ito nasingen na to kayu. Ket ito imadenni nga emmuwen na kuma, nagicna na met ya timec niya Apu. 32Ket kinunen niya Apu igina, ‘Iyaken ya Diyus diya am-amam, ta iyaken ya Diyus ne̍ Abraham, Isaac, se̍ Hakub,’ kunen na. Ket namilpig ngarud nge̍ Muyse̍s iya ansing na, se̍ madi na met naitured din ya simingen iya naggayatan nito timec. 33Ket kinunen niya Apu e̍ Muyse̍s, ‘Ipac mu ya pallokam, ta nadiyusan ya ginet nga pagsicsikadam,’ kunen na. 34Se̍ kinunen na manin e̍ Muyse̍s, ‘Emmuc ngarud diya amin maipanggep kadiya pannakairurumen diya toley ku nga kapadpadam ka E̍hiptu, se̍ nagicnac pe̍ diya sulsulag da. Itu nga inumbe̍t tac nga mangwayawaya igida. Mawe̍ kan, Muyse̍s, ta ibon naka ka E̍hiptu,’ kinunen na e̍ Muyse̍s itun.
35“Agten iyan ngarud to kinunen ne̍ Apu Diyus e̍ Muyse̍s, ngem madi met gabay dito toltoley ya agpaipangulu e̍ Muyse̍s itun, ta igina ya nagkagiyan da ito kinunen da nga, ‘Ke̍h! Nagan nange̍cde̍ ka turay mu? Ikew kad ya mangukum dakami?’ kunen da itun. Ngem orey agten iyan, e̍ Muyse̍s met latta ya nibon ne̍ Apu Diyus nga mangipangulu se̍ mangisalakan kadito am-ama tida. Ket to anghe̍l nga nagparang ito apuy nga gumilgilab ito kayu, igina ya timulung ito Muyse̍sin.
36“Dikad pe̍ e̍ Muyse̍s ngarud to nangipangulu nga nangidalan kadito am-ama tida nga pimanaw ka E̍hiptu. Ket e̍ Muyse̍s, adu dito nakaskasdaaw se̍ pagilasinan nga winangel na ito kauwed da pekkem ka E̍hiptu, se̍ ito dimelmang da ito baybay nga maawagan ka Nadgang nga Baybay, se̍ ito panagallaalla da enna away ka unus eppat nga pulu nga dagun. 37Ket e̍ Muyse̍s, igina met to nangasaba kadito am-ama tida nga Israe̍lita, nga kinunen na nga uwed manin kanu isa nga kapada da nga ibon nad ne̍ Apu Diyus igida nga mammadtu igida, nga agten mettas ito panangibon ne̍ Apu Diyus igina. 38E̍ Muyse̍s, igina met to naibulun ito bungguy da nga nagallaalla enna away. Se̍ igina met pe̍ to kinatbar nito anghe̍l enna Tageytey Sinay, ket igina pe̍ ya kabulun dito am-ama tida. Igina pe̍ to nagbilinan ne̍ Apu Diyus iya Linteg tida nga pakabiyagan, nga itu kuma pe̍ ya ibaga na dactida.
39“Ngem madi met nipangag dito am-ama tida dito nibagbaga ne̍ Muyse̍s, ta di da gabay ya sumurut e̍ Muyse̍sin, no di tarigagayan da met ya sumoli ka E̍hiptu. 40Ket iya agten iyan, ito uwed nge̍ Muyse̍s enna Tageytey Sinay, kinunen dito toley e̍ Arun, ‘Pangariman nakami kay ka didiyusen nga mangipangulu dakami iya pananalan mi. Ta no e̍ Muyse̍s nga nangitalew dactida ka E̍hiptu, di kami met emmu win ya napasamac iginan,’ kunen da.
41“Ket iya agten iyan, nagariman da ngarud ka bultu da itun nga sinan-baka nga nagdatunan da itun. Ket naragsakan da ito bultu nga inariman da kemmasin. 42Ket itu nga pinanawan ne̍ Apu Diyus da nga nipamoya na da iya panagdayaw da kadiya bituwen iya abac lawa nga sinan-diyus dan. Ket diyan nga napasamac, itu pe̍ to nipaisurat ne̍ Apu Diyus itun ito libru dito mammadtu, nga kunen na,
‘Dakayu nga Israe̍lita,
bekken met nga iyaken ya nagdatunan nu
ka animal nga naidaga se̍ napooran,
ito unus eppat nga pulu nga dagun
nga naged-edyan nu enna away.
43Ta dito didiyusen nga inariman nu,
itu met dito dinaydayaw nu itun.
Ket inag-agtu nu to balballey
nga edyan nito didiyusen nu
nga agnagan ka Moloc.
Se̍ nitarey nu pe̍ to sinan-bituwen
nga ladawan nito didiyusen nu nga Re̍pan.
Itu nga paadeyyuwen nakayu,
nga maipen kayu ka lugar nga uwed iya
dumna iya labes niya ili nga Babilunya,’
kunen na.
44“Ito uwed pekkem dito am-ama tida enna away, uwed to pagdaydayawan da nga tulda nga pakalaglagipan da iya kauwed ne̍ Apu Diyus igida. Inariman da to pagdaydayawan maikanatad ito nisuru ne̍ Apu Diyus e̍ Muyse̍s itun, ito nipasingen na ya tabas na. 45Ket ito natey to Muyse̍sin, simukat to Huswe̍ igina. Dikad pe̍ ito inumbe̍t de̍ Huswe̍ idi nga edyan tidan, inag-agtu da pe̍ to pagdaydayawan da. Ket inabac de̍ Huswe̍ dito toltoley diya pagiliyan diya bekken nga Hudyu, ta uwed nge̍ Apu Diyus nga nangpatalew kadito kakuntra dito am-ama tida. Ket to pagdaydayawan nga tulda, uwed pekkem kadito am-ama tida patingga ito panagturay nito Ari Dabid. 46Ket nagustuwan ne̍ Apu Diyus to Ari Dabid. Itu nga nikararag nito Ari Dabid e̍ Apu Diyus, nga Diyus nito Hakub, no mabalin nga iyarimanan na kuma nge̍ Apu Diyus ka Te̍mplu nga pagdaydayawan igina. 47Ket to Ari Sulumun nga anac nito Ari Dabid, igina met to nangbangun ito Te̍mplu nga pagedyanan ne̍ Apu Diyus.
48“Ngem e̍ Apu Diyus nga Kangatuwan, bekken met nga pagdaydayawan nga inariman toley ya tutu nga pagedyanan na. Ta agten ito kinunen nito isa nga mammadtu itun, nga nipaikagi ne̍ Apu Diyus igina nga kinunen na,
49‘Langit met ya pagtugawac,
se̍ lubung ya pagpatayac kadiya sakac.
Dikad pe̍ orey nagan na nga maariman nu
nga pagedyanac winno pagimangac kuma,
madi met tumutup iyaken nga Apu,
50ta iyaken ngarud ya namarsuwa ka amin didi,’
kunen na.”
51Ket e̍ E̍ste̍ban, nituluy na nga kinunen, “Ape̍ nga agmulinas kayu mettin? Ta orey Hudyu kayu, madi kayu ipangag diya kagkagi ne̍ Apu Diyus, nga arig kayu met nga dito madi mamati igina. Tultuladen nu pe̍ yin dito am-ama nu, ta sukiran nu pe̍ diya ipaariman kuma niya Ispiritu Santu dakayun. 52Awan nas pe̍ orey isa kadito mammadtu itun nga madi pinarparigat dito am-ama nu. Se̍ dito nangiwarwaragawag iya maipanggep iya umbe̍t niya Kristu nga nalinteg, ket pinapatey da met. Orey pe̍ dakayu, ta ito inumbe̍t ya Kristu win, liniputan nu, se̍ kayu pinatey. 53Dakayu met diya nae̍cdan iya Linteg nga nipakaemmu diya anghe̍l itun, ngem di kayu met tinungpal,” kunen na. Ket itu diyan dito nilawlawag ne̍ E̍ste̍ban igida.
To panamatey da e̍ E̍ste̍ban
54Ket ito nagicna dito kunse̍hale̍s to kinagi ne̍ E̍ste̍ban, nakaunget da nga unay igina nga nangarmet da gapu iya napalaus nga unget da. 55Ngem e̍ E̍ste̍ban, naidalan ya panpanunut na gapu iya Ispiritu Santu. Ket limangad nga nasingen na ya dayag ne̍ Apu Diyus, se̍ nasingen na pe̍ nge̍ Je̍sus nga gasisikadin iya madiwanan ne̍ Apu Diyus. 56Dikad pe̍ kinunen ne̍ E̍ste̍ban kadito naggigicna igina, “Singen nu kad! Masingec kun ya uwed ka langitin. Masingec met ya Anac nga Naipatoley nga gasisikad iya madiwanan ne̍ Apu Diyus!” kunen na.
57Ngem dito kunse̍hale̍s, kinumre̍s da nga inpup da diya tingtinga da, se̍ da dimoclos nga amin nga nanglabnuc igina. 58Ket niruwar da ngarud ito siyudad, ta dampagen da kuma nga patayen nin. Ket dito binon dito kunse̍hale̍s nga mangdampag e̍ E̍ste̍ban, nipaaywan da diya ke̍bal da ka isa nga lalaki nga agnagan ka Saulu, se̍ da binatu nge̍ E̍ste̍banin.
59Ito madama da pekkem nga mangdamdampag e̍ E̍ste̍ban, nikararag ne̍ E̍ste̍ban nga kinunen na, “Apu Je̍sus, alac mu ya kararuwac, ta matey yac kun!” kunen na. 60Se̍ nagparintumeng, ket binilgan na ya kararag nan nga nipkaw na, “Apu, pakawanem kay didi nga toley idi nga basul da iyaken,” kunen na. Kalpasan na nga nagkagi ka agten iyanin, natey mettin.
Zvasarudzwa nguva ino
Aramid 7: YBT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1990 New Tribes Mission, Sanford, FL 32771-1487, USA.
Printed in the Philippines.
Aramid 7
7
To panagpalawag ne̍ E̍ste̍ban
1Ket to kangatuwan nga agsirsirbi iya Te̍mplu, sinaludsud na e̍ E̍ste̍ban no pudnu dito kinagi dito nagsistigu maikuntra igina.
2Ket amin didi ya nisungbat ne̍ E̍ste̍ban kadito kunse̍hale̍s: “Dakayu nga aamma se̍ wawagic, igaed nu kay nga denggen ya amin nga kagiyec, ta ipalagip ku kuma dakayu ya maipanggep kadito am-ama tida itun. Ket itun pekkem, e̍ Apu Diyus nga kadayawan, nagpasingen ito Abraham nga ama tida, ito kauwed pekkem nito Abraham ka Me̍suputamya, ito di na pekkem nagalis ka Haran. 3Ket kinunen ne̍ Apu Diyus igina itun, ‘Panawam mun ya ilim se̍ diya kabagiyam, ta agalis ka ka sabali nga lugar nga isuruc nad ikew,’ kunen na.
4“Itu nga pimanaw ngarud to Abraham ito ili nga Kalde̍yu nga sakup niya Me̍suputamya, se̍ nawe̍ ka ili nga Haran. Ngem kalpasan niya pannakatey nito ama nito Abraham, pinagalis manin ne̍ Apu Diyus nga inumbe̍t iya lugar nga pagedyanan tida ngi nin. 5Ket awan met ginet idi nga nipabagi ne̍ Apu Diyus igina itun, orey ngas no is-isa ngadpa. Ngem orey ito awan pekkem anac nito Abraham nga patawidan na kuma, nikari ne̍ Apu Diyusin nga ipabagi na kanu igina se̍ kadiya putputut na yani mettas nga lugar, kunen na.
6“Ket nipakaemmu pe̍ ne̍ Apu Diyus nga gan-gannaet nad diya kapututan nito Abraham ka sabali nga pagiliyan, ket matagtagabu da se̍ maparparigat da kanu kadiyan nga umili, ka unus eppat nga gasut nga dagun. 7Ngem kinunen pe̍ ne̍ Apu Diyus nga dusaen na kanu diya mangtagabu igida. Ket dito kapututan nito Abraham, pawayawayaan na da kanu kadiyan nga mangtagabu igida, tasun sumoli da idi mettas nga lugar nga agdaydayaw e̍ Apu Diyus, kunen na itun.
8“Ket uwed pakalaglagipan ito kari ne̍ Apu Diyus kade̍ Abraham. Itu to nibilin ne̍ Apu Diyus kade̍ Abraham nga kugiten da kanu amin diya anac da nga lalaki. Dikad pe̍ kinugit ngarud nito Abraham to anac na nga Isaac ito maikawalu nga algew na nanipud ito pannakaiyanac na. Ket ito nagputut pe̍ to Isaac, kinugit na pe̍ to anac na nga Hakub. Ket agten pe̍ to Hakub, kinugit na pe̍ dito sangapulu ket duwa nga an-anac na nga akin-putut dactida nga Hudyu.
9“Ngem dito am-ama tida nga an-anac nito Hakub, inimanan da met itun nge̍ Huse̍ nga adi da. Itu nga nilaku da met nge̍ Huse̍ kadito toley nga nangipen igina ka E̍hiptu. Ngem uwed met igina nge̍ Apu Diyus. 10Ket e̍ Apu Diyus ya timulung e̍ Huse̍ ka amin dito nakaparparigatan na, ta e̍ Paraun nga ari dito ie̍hiptu, nagustuwan na nge̍ Huse̍, ito naemmuwan na ya kinasirib na. Itu nga nisaad nito Ari Paraun nge̍ Huse̍ nga gube̍rnadur ka E̍hiptu. Ket e̍ Huse̍ met pe̍ ya pinagaywan na kadito amin nga sansanicwa nga uwed iya palasiyu na.
11“Ket to napasamac itun, uwed dackel nga panagbisin ka E̍hiptu se̍ iya pagiliyan nga Kanaan nga nagedyanan de̍ Hakub nga am-ama tida, ket naparigatan da nga aminin, ta awan nasmac de̍ Hakub nga kanen dan. 12Ket ito nadamag ne̍ Hakub nga uwed kanu pekkem makan ka E̍hiptu, nibon na ngarud dito anac na nga am-ama tida nga nawe̍ nagkalap antuni. Itu to nona nga nawe̍ da. 13Ket ito pe̍dwa da ya mawe̍ yin, nagpakaemmu to Huse̍ kadito kakabsat na. Ket itu pe̍ yin to nakaemmuwan nito Ari Paraun kadito duduma nga kabagiyan ne̍ Huse̍. 14Ket e̍ Huse̍, pinalbe̍t na ka E̍hiptu nge̍ Hakub nga ama na se̍ amin dito duduma nga kakabagiyan na. Pitu nga pulu ket lima da nga amin. 15Ngarud, nawe̍ de̍ Hakub ka E̍hiptu itun, ket antuni to nakatayan nan se̍ dito anac na nga nagputputut dactida. 16Ket dito bangbangkay da, naisoli da ka Sikem nga naitamen ito tatamennan nga ngininaan nito Abraham kadito anac nito Hamor enna ili nga Sikem.
17“Ket ito nabayag da enna E̍hiptu win, imadu dito kapututan nito Abraham antuni. Ket itun, dandani yin to pannakatungpal nito nikari ne̍ Apu Diyus ito ama tida nga Abraham nga pasoliyen na da kanu iya pagiliyan tida ngi. 18Ket itun, uwed met sabali nga ari da nga naisaad ka E̍hiptu win. Madi na met em-emmu to Huse̍. 19Ket to winangel nito ari dan, sinicsikapan na met dito am-ama tida. Ket dake̍c to winangel na igida, ta pinilit na da pe̍ nga madi mangistimar kadiya anac da, tasun matey da.
20“Ket itu to pannakaiyanac nito Muyse̍s. Ket nakay-ayat nga ebbing. Ngem tellu nga bulan nas to panangistimar igina diya naganac igina ka baley da. 21Ket ito madi da maisoroc nge̍ Muyse̍sin, di da naistimarin. Ngem ito babey nga anac nito Ari Paraun, nimet na nge̍ Muyse̍s, se̍ na pinadackel nga nibilang na nga palbut na nga anac. 22Ket dito ie̍hiptu, nisuru da e̍ Muyse̍s amin nga sursuru da. Ket ito dimackel lin, adu ngarud ya kabaellan na ka kagi se̍ tarabaku.
23“Ket ito uwed eppat nga pulu nga dagun ne̍ Muyse̍sin, nalagip na ya mawe̍ sumacwar kadito pada na nga Israe̍lita. 24Ket nadateng na itun ya isa nga kapada na nga Israe̍lita nga nagrangranggasan niya isa nga ie̍hiptu. Ket e̍ Muyse̍s, nawe̍ na nisalakan to kapada na, se̍ nibales na, nga pinatey na met to ie̍hiptu. 25Pinagarup ne̍ Muyse̍s no maawatan dito pada na nga igina ya nibon ne̍ Apu Diyus nga mangwayawaya igida, ngem madi da met naawatan. 26Ket ito kadamlag na, uwed manin duwa nga nadateng ne̍ Muyse̍s nga agsuway, ket pada na met nga Israe̍lita didi. Ket bineldac na da nga pagtunusen na kuma, nga kinunen na, ‘Kabulun, agkabsat kayu met, ape̍ nga agsuway kayu?’ kunen na.
27“Ngem to lalaki nga mangrangranggas, niwalin na ngas nge̍ Muyse̍s, nga kinunen na, ‘Ke̍h! Nagan nange̍cde̍ ka turay mu? Ikew kad ya mangukum dakami? 28Gabay nac pe̍ aya nga patayen nga agten mettas ito winangel mu ito ie̍hiptu ito kagabi?’ kunen na. 29Ket nansing ngarud nge̍ Muyse̍s ito nagicna na to kinagi nito lalaki, itu nga nagtalew ngarud ka E̍hiptu win nga nawe̍ nagedyan ka lugar nga Midyan. Ket ito uwed antuni, nangasawa, se̍ nagputut ka duwa nga lalaki.
30“Ket kalpasan niya eppat nga pulu nga dagun nito panagedyan ne̍ Muyse̍s ka Midyanin, uwed anghe̍l nga nagpasingen igina ito kauwed na enna away nga denni ka Tageytey Sinay. Ket to anghe̍l nga nasingen na, nagparang met iya langa apuy nga gumilgilab iya isa nga tekkut nga kayu. 31Ket nasdaaw nge̍ Muyse̍s ito nasingen na to kayu. Ket ito imadenni nga emmuwen na kuma, nagicna na met ya timec niya Apu. 32Ket kinunen niya Apu igina, ‘Iyaken ya Diyus diya am-amam, ta iyaken ya Diyus ne̍ Abraham, Isaac, se̍ Hakub,’ kunen na. Ket namilpig ngarud nge̍ Muyse̍s iya ansing na, se̍ madi na met naitured din ya simingen iya naggayatan nito timec. 33Ket kinunen niya Apu e̍ Muyse̍s, ‘Ipac mu ya pallokam, ta nadiyusan ya ginet nga pagsicsikadam,’ kunen na. 34Se̍ kinunen na manin e̍ Muyse̍s, ‘Emmuc ngarud diya amin maipanggep kadiya pannakairurumen diya toley ku nga kapadpadam ka E̍hiptu, se̍ nagicnac pe̍ diya sulsulag da. Itu nga inumbe̍t tac nga mangwayawaya igida. Mawe̍ kan, Muyse̍s, ta ibon naka ka E̍hiptu,’ kinunen na e̍ Muyse̍s itun.
35“Agten iyan ngarud to kinunen ne̍ Apu Diyus e̍ Muyse̍s, ngem madi met gabay dito toltoley ya agpaipangulu e̍ Muyse̍s itun, ta igina ya nagkagiyan da ito kinunen da nga, ‘Ke̍h! Nagan nange̍cde̍ ka turay mu? Ikew kad ya mangukum dakami?’ kunen da itun. Ngem orey agten iyan, e̍ Muyse̍s met latta ya nibon ne̍ Apu Diyus nga mangipangulu se̍ mangisalakan kadito am-ama tida. Ket to anghe̍l nga nagparang ito apuy nga gumilgilab ito kayu, igina ya timulung ito Muyse̍sin.
36“Dikad pe̍ e̍ Muyse̍s ngarud to nangipangulu nga nangidalan kadito am-ama tida nga pimanaw ka E̍hiptu. Ket e̍ Muyse̍s, adu dito nakaskasdaaw se̍ pagilasinan nga winangel na ito kauwed da pekkem ka E̍hiptu, se̍ ito dimelmang da ito baybay nga maawagan ka Nadgang nga Baybay, se̍ ito panagallaalla da enna away ka unus eppat nga pulu nga dagun. 37Ket e̍ Muyse̍s, igina met to nangasaba kadito am-ama tida nga Israe̍lita, nga kinunen na nga uwed manin kanu isa nga kapada da nga ibon nad ne̍ Apu Diyus igida nga mammadtu igida, nga agten mettas ito panangibon ne̍ Apu Diyus igina. 38E̍ Muyse̍s, igina met to naibulun ito bungguy da nga nagallaalla enna away. Se̍ igina met pe̍ to kinatbar nito anghe̍l enna Tageytey Sinay, ket igina pe̍ ya kabulun dito am-ama tida. Igina pe̍ to nagbilinan ne̍ Apu Diyus iya Linteg tida nga pakabiyagan, nga itu kuma pe̍ ya ibaga na dactida.
39“Ngem madi met nipangag dito am-ama tida dito nibagbaga ne̍ Muyse̍s, ta di da gabay ya sumurut e̍ Muyse̍sin, no di tarigagayan da met ya sumoli ka E̍hiptu. 40Ket iya agten iyan, ito uwed nge̍ Muyse̍s enna Tageytey Sinay, kinunen dito toley e̍ Arun, ‘Pangariman nakami kay ka didiyusen nga mangipangulu dakami iya pananalan mi. Ta no e̍ Muyse̍s nga nangitalew dactida ka E̍hiptu, di kami met emmu win ya napasamac iginan,’ kunen da.
41“Ket iya agten iyan, nagariman da ngarud ka bultu da itun nga sinan-baka nga nagdatunan da itun. Ket naragsakan da ito bultu nga inariman da kemmasin. 42Ket itu nga pinanawan ne̍ Apu Diyus da nga nipamoya na da iya panagdayaw da kadiya bituwen iya abac lawa nga sinan-diyus dan. Ket diyan nga napasamac, itu pe̍ to nipaisurat ne̍ Apu Diyus itun ito libru dito mammadtu, nga kunen na,
‘Dakayu nga Israe̍lita,
bekken met nga iyaken ya nagdatunan nu
ka animal nga naidaga se̍ napooran,
ito unus eppat nga pulu nga dagun
nga naged-edyan nu enna away.
43Ta dito didiyusen nga inariman nu,
itu met dito dinaydayaw nu itun.
Ket inag-agtu nu to balballey
nga edyan nito didiyusen nu
nga agnagan ka Moloc.
Se̍ nitarey nu pe̍ to sinan-bituwen
nga ladawan nito didiyusen nu nga Re̍pan.
Itu nga paadeyyuwen nakayu,
nga maipen kayu ka lugar nga uwed iya
dumna iya labes niya ili nga Babilunya,’
kunen na.
44“Ito uwed pekkem dito am-ama tida enna away, uwed to pagdaydayawan da nga tulda nga pakalaglagipan da iya kauwed ne̍ Apu Diyus igida. Inariman da to pagdaydayawan maikanatad ito nisuru ne̍ Apu Diyus e̍ Muyse̍s itun, ito nipasingen na ya tabas na. 45Ket ito natey to Muyse̍sin, simukat to Huswe̍ igina. Dikad pe̍ ito inumbe̍t de̍ Huswe̍ idi nga edyan tidan, inag-agtu da pe̍ to pagdaydayawan da. Ket inabac de̍ Huswe̍ dito toltoley diya pagiliyan diya bekken nga Hudyu, ta uwed nge̍ Apu Diyus nga nangpatalew kadito kakuntra dito am-ama tida. Ket to pagdaydayawan nga tulda, uwed pekkem kadito am-ama tida patingga ito panagturay nito Ari Dabid. 46Ket nagustuwan ne̍ Apu Diyus to Ari Dabid. Itu nga nikararag nito Ari Dabid e̍ Apu Diyus, nga Diyus nito Hakub, no mabalin nga iyarimanan na kuma nge̍ Apu Diyus ka Te̍mplu nga pagdaydayawan igina. 47Ket to Ari Sulumun nga anac nito Ari Dabid, igina met to nangbangun ito Te̍mplu nga pagedyanan ne̍ Apu Diyus.
48“Ngem e̍ Apu Diyus nga Kangatuwan, bekken met nga pagdaydayawan nga inariman toley ya tutu nga pagedyanan na. Ta agten ito kinunen nito isa nga mammadtu itun, nga nipaikagi ne̍ Apu Diyus igina nga kinunen na,
49‘Langit met ya pagtugawac,
se̍ lubung ya pagpatayac kadiya sakac.
Dikad pe̍ orey nagan na nga maariman nu
nga pagedyanac winno pagimangac kuma,
madi met tumutup iyaken nga Apu,
50ta iyaken ngarud ya namarsuwa ka amin didi,’
kunen na.”
51Ket e̍ E̍ste̍ban, nituluy na nga kinunen, “Ape̍ nga agmulinas kayu mettin? Ta orey Hudyu kayu, madi kayu ipangag diya kagkagi ne̍ Apu Diyus, nga arig kayu met nga dito madi mamati igina. Tultuladen nu pe̍ yin dito am-ama nu, ta sukiran nu pe̍ diya ipaariman kuma niya Ispiritu Santu dakayun. 52Awan nas pe̍ orey isa kadito mammadtu itun nga madi pinarparigat dito am-ama nu. Se̍ dito nangiwarwaragawag iya maipanggep iya umbe̍t niya Kristu nga nalinteg, ket pinapatey da met. Orey pe̍ dakayu, ta ito inumbe̍t ya Kristu win, liniputan nu, se̍ kayu pinatey. 53Dakayu met diya nae̍cdan iya Linteg nga nipakaemmu diya anghe̍l itun, ngem di kayu met tinungpal,” kunen na. Ket itu diyan dito nilawlawag ne̍ E̍ste̍ban igida.
To panamatey da e̍ E̍ste̍ban
54Ket ito nagicna dito kunse̍hale̍s to kinagi ne̍ E̍ste̍ban, nakaunget da nga unay igina nga nangarmet da gapu iya napalaus nga unget da. 55Ngem e̍ E̍ste̍ban, naidalan ya panpanunut na gapu iya Ispiritu Santu. Ket limangad nga nasingen na ya dayag ne̍ Apu Diyus, se̍ nasingen na pe̍ nge̍ Je̍sus nga gasisikadin iya madiwanan ne̍ Apu Diyus. 56Dikad pe̍ kinunen ne̍ E̍ste̍ban kadito naggigicna igina, “Singen nu kad! Masingec kun ya uwed ka langitin. Masingec met ya Anac nga Naipatoley nga gasisikad iya madiwanan ne̍ Apu Diyus!” kunen na.
57Ngem dito kunse̍hale̍s, kinumre̍s da nga inpup da diya tingtinga da, se̍ da dimoclos nga amin nga nanglabnuc igina. 58Ket niruwar da ngarud ito siyudad, ta dampagen da kuma nga patayen nin. Ket dito binon dito kunse̍hale̍s nga mangdampag e̍ E̍ste̍ban, nipaaywan da diya ke̍bal da ka isa nga lalaki nga agnagan ka Saulu, se̍ da binatu nge̍ E̍ste̍banin.
59Ito madama da pekkem nga mangdamdampag e̍ E̍ste̍ban, nikararag ne̍ E̍ste̍ban nga kinunen na, “Apu Je̍sus, alac mu ya kararuwac, ta matey yac kun!” kunen na. 60Se̍ nagparintumeng, ket binilgan na ya kararag nan nga nipkaw na, “Apu, pakawanem kay didi nga toley idi nga basul da iyaken,” kunen na. Kalpasan na nga nagkagi ka agten iyanin, natey mettin.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1990 New Tribes Mission, Sanford, FL 32771-1487, USA.
Printed in the Philippines.