Matyu 27
27
To pannakaisangu ne̍ Je̍sus e̍ Pilatu
Mar. 15:1; Luk. 23:1-2; Juan 18:28-32
1Ket ito umagsapa ngin, amin dito pangpangulu diya agsirsirbi iya Te̍mplu, se̍ dito panglakayen diya Hudyu, nagiinnumanan dan no kumaan da kuma nga mangpapatey e̍ Je̍sus. 2Ket kalpasan nito panagtutulag dan, pinungu da ngarud nge̍ Je̍susin, se̍ da nipen iya edyan ne̍ Pilatu win, nga itu to gube̍rnadur, ket niyawat da iginan.
To ipapatey nito Hudas
Ara. 1:18-19
3Ket to Hudas nga nakitulag nga nangiyawat e̍ Je̍sus, nagbabawi ngarudin ito naemmuwan na nga nakedngan nge̍ Je̍sus nga mapatey yin. Ket nawe̍ na met nisoli to tellu nga pulu nga diplata nga kuwarta kadito pangpangulu diya agsirsirbi iya Te̍mplu se̍ dito panglakayen, 4nga kinunen na, “Nakabasul lac met, ta niyawat ku ka pakatayan na ya awan basul na,” kunen na.
Ket kinunen da, “Nagan ya bibiyang mi iyan? Pruble̍mam mas yanin, a!” kunen da.
5Ket to Hudas, nipadtu na mettin dito diplata iya uneg niya Te̍mplu, se̍ pimanaw ngarud antuni. Ket nawe̍ met nagbe̍tkel nga nagpessel lin.
6Ket dito pangpangulu dito agsirsirbi iya Te̍mplu, inalac da dito diplata, nga kinunen da, “Sigun iya Linteg, maiparit nga maipay yani nga kuwarta iya pagpunduwan ka kuwarta iya Te̍mplu, ta naipaay met nga bayad niya biyag toley yin,” kunen da. 7Ket iya agten iyan, nagiinnumanan da, ket nagaannamungan da nga ingina da yan nga kuwarta ito ginet nito isa nga agar-ariman kadiya naduwin. Ket tutu met nga nipaay da yan nga ginet ka pakaitamnan diya gan-gannaet nga matey antuni. 8Ket gapu ta bayad niya biyag toley ya ningina da, maaw-awagan yan nga ginet agingga ita ka “Ginet nga Nadagaan.” 9Ket iya agten iyanin, natungpalin to naipaikagi ito mammadtu nga He̍re̍myas itun, ito kinunen na, “Inalac da to tellu nga pulu nga diplata nga kuwarta, nga itu yan to nikeddeng dito duduma nga iIsrae̍l nga pateg niya biyag na. 10Ket ningina da diyan nga diplata ito ginet nito agar-ariman ka naduwin, naikanatad ito nibilin niya Apu iyaken.”
To pannakasumarya ne̍ Je̍sus ito sangu nito Pilatu
Mar. 15:2-5; Luk. 23:3-5; Juan 18:33-38
11Ket e̍ Je̍sus itun, naisangu win ito gube̍rnadur. Ket nagsaludsud to gube̍rnadur igina nga kinunen na, “Tutu kad nga ikew ya Ari diya Hudyu?” kunen na.
Ket kinunen ne̍ Je̍sus, “Nakagi mun,” kunen na.
12Ket ito nangpabasul dito pangpangulu diya agsirsirbi iya Te̍mplu igina, se̍ dito panglakayen, awan met nisungbat na.
13Ket kinunen ngarud ne̍ Gube̍rnadur Pilatu iginan, “Madi ka kad magicna diya adu nga ipabpabasul da ikew?” kunen na. 14Ket madi latta simungsungbat nge̍ Je̍sus igina, nga awan pulus kinagi na. Ket itu nga napalaus to seddaaw nito gube̍rnadur.
To pannakaukum ne̍ Je̍sus
Mar. 15:6-15; Luk. 23:13-25; Juan 18:39-19:16
15Ket to gube̍rnadur, gangey na nga kada timpu Padaya Nitatalib, mangiruwar ka isa nga balud nga piliyen diya toltoley. 16Ket uwed itun ya isa nga agdindinamag nga balud antuni nga agnagan ka Barabas. 17Dikad pe̍ ito naur-urnung diya toltoley yin, sinaludsud ne̍ Pilatu igida nga kinunen na, “Para dakayu, nagan ya gabay nu nga iruwar ku: to Barabas winno e̍ Je̍sus nga maawagan ka Kristu?” kunen ne̍ Pilatu.
18Agten ngarud iyan ya kinunen na, ta emmu na nga to nangiyawatan da e̍ Je̍sus igina, ket gapu ngas iya apal da. 19Ket bekken nas nga iyan, ta ito madama pekkem nga nakatugew nge̍ Pilatu ito tugew na iya pangukuman, uwed nipaibaga nito asawa na igina nga kunen na, “Madi ka kuma makibiyang iyan nga toley nga awan basul na. Ta nariribukan nac nga unay gapu iya napasmeggac ito gabi maipanggep igina.”
20Ngem dito pangpangulu dito agsirsirbi iya Te̍mplu, se̍ dito panglakayen, dinurugan da lugudin dito toltoley nga e̍ Barabas kuma ya adngen da e̍ Pilatu nga iruwar na. Ket e̍ Je̍sus nga gennung, mapatey kuma kanu. 21Dikad pe̍ e̍ Pilatu, sinaludsud na manin kadito toltoley nga kinunen na, “Nagan kadidi nga duwa ya gabay nu nga iruwar ku?” kunen na.
Ket kinunen da met, “E̍ Barabas!”
22Ket e̍ Pilatu, kinunen na igida, “No agten iyan, nagan ngarud ya gabay nu nga pamaay ku e̍ Je̍sus nga maawagan ka Kristu?” kunen na.
Ket kinagkagi da nga amin nga kinunen da, “Mailansa kuma ka krus!” kunen da met.
23Ket kinunen manin ne̍ Pilatu, “Ape̍ kadi? Nagan ngarud ya basul na?” kunen na.
Ngem nakarkaru lugud to panangip-ipkaw da nga kinunen da, “Mailansa kuma ka krus!” kunen da met latta.
24Ket e̍ Pilatu, nadlaw na nga awan mamaay na ya panangipilit na, no di lugud mangpariribuc ngas kadito toltoley. Itu nga namet ka danum, ket binegguwan na met diya ima na ito imatang dito toltoley, nga kinunen na, “Awan basul ku iya pannakatey nidi nga toley! Basul nu was yanin!” kunen na.
25Ket kinunen amin dito toltoley, “Bo! Dakami it se̍ diya an-anac mi ya makin-kargu iya pannakatey na!” kunen da met.
26Dikad pe̍ pinairuwar ngarudin ne̍ Pilatu to Barabas igida. Ngem e̍ Je̍sus, pinasaplit ne̍ Pilatu ka latiku, se̍ na niyawat kadiya mangilansa ka krus.
To pananguy-uyaw dito suldadu e̍ Je̍sus
Mar. 15:16-20; Juan 19:2-3
27Ket inalac ngarud dito suldadu nito gube̍rnadur nge̍ Je̍sus, nga nipen da ito palasiyu nito gube̍rnadur, se̍ da pinaurnung diya amin dito kabulun da nga suldadu ito edyan ne̍ Je̍sus. 28Inubaan da met, ket siuuyaw da nga nangke̍bal iginan ka nadgang nga luput. 29Ket nagkawikew da met ka lanut nga agrasrasi, nga inariman da ka sinan-balangat, se̍ da nisimpa iya ulu ne̍ Je̍sus. Pinagikem da pe̍ ka tabagan ya diwanan nga ima na, se̍ da nagindadayaw nga nagparintumeng ito sangu na. Ket inuy-uyaw da, nga kinunen da, “Wahey! Madaydayaw ka kuma nga ari diya Hudyu!” kunen da. 30Ket linutaban da met pe̍, se̍ nimet da to tabagan, nga nibacbaut da ito ulu na.
31Ket ito nalpas dan nga inuy-uyaw, nipac da to ke̍balin, ket nikawwes da manin igina to sigud nga luput na. Kalpasan na, niruwar da tasun ipen da nga ilansa ka krusin.
To pannakailansa ne̍ Je̍sus ito krus
Mar. 15:21-32; Luk. 23:26-43; Juan 19:17-27
32Ket ito rumrumwar da ito siyudad, nasabet da ya isa nga iSire̍ne̍ nga agnagan ka Simon. Ket nipaagtu dito suldadu nga nipapilit igina to krus ne̍ Je̍sus. 33Ket nakadateng da iya lugar nga maawagan ka Gulguta, nga kayat na nga kagiyen, “Edyan Bangabanga.” 34Ket itun, painuman da kuma nge̍ Je̍sus ka basi ubas nga nalaukan ka apdu, ngem ito naramanan nan, madi na met ininum.
35Ket itun, ito nilansa dito suldadu ka krusin, nagbibingayan da met diya luput na nga nagbibinnunutan da no kumaan kuma ya panagbibingay da. 36Ket kalpasan niyan, nagtutugew dito suldadu antuni nga nagbantay igina. 37Ket ito ngatuwen niya ulu ne̍ Je̍sus ito krus, uwed nisimpa da nga pakaemmu ito naipabasul igina. Agten idi to naisurat: “Idi nge̍ Je̍sus, ya Ari diya Hudyu.”
38Ket uwed pe̍ itun duwa nga tulisan nga naikumpas e̍ Je̍sus, nga nailansa pe̍ kadiya krus da. Ya isa, uwed iya madiwanan ne̍ Je̍sus, ket ya isa, uwed iya makatigid na.
39Ket diya toley nga timaltalib iyan, nagwingwingiwing da met nga siuuyaw, nga kinunen da e̍ Je̍sus, 40“Se̍pe̍ ikew met to nangibaga nga lasangem ya Te̍mplu se̍ ka mettas bangunen manin ka unus tellu nga algew! No agten iyan ya pannakabalin mu, isalakan mu man ngarud ya beggi mun! No tutu nga anac naka nge̍ Apu Diyus, umulug ka ngarud iyan nga krusin!” kunen da.
41Ket agten met pe̍ dito pangulu diya agsirsirbi iya Te̍mplu, se̍ dito manursuru iya Linteg, se̍ dito panglakayen, ta nakipaglaclais da pe̍ iya maipanggep e̍ Je̍sus, nga kinunen da, 42“Naisalakan na kanu diya duduma, ngem di na met maisalakan ya beggi nan! Igina kanu ya ari ka Israe̍l! Umulug kuma ngarudin iya krus na, tasun mamati tida iginan! 43Agtalec kanu e̍ Apu Diyus. Ala, isalakan kuma ngarud ne̍ Apu Diyus ita ngi nin, no tutu nga magustuwan na yani. Ta kinunen kanu met nidi nga toley nga, ‘Anac nac nge̍ Apu Diyus,’ kunen na kanu met,” kunen da.
44Ket dito tulisan nga naipabulun e̍ Je̍sus nga nailansa, inuyaw da met pe̍ nge̍ Je̍susin.
To pannakatey ne̍ Je̍sus
Mar. 15:33-41; Luk. 23:44-49; Juan 19:28-30
45Ket ito matuunin itun, gimicbet met ya amin nga lubung antuni nin, ket nagpaut to gicbet agingga ka alas tre̍s iya gidam. 46Ket ito mangalas tre̍sin, pinumkaw met nge̍ Je̍sus nga kinunen na ka nabileg, “E̍li, E̍li, lama sabactani?” nga kayat na nga kagiyen, “Diyus ku, Diyus ku, ape̍ nga binaybay-an nac?”
47Ket diya duduma kadito agsisikad antuni nga nakagicna ito kinagi ne̍ Je̍sus, kinunen da, “Nih! Ay-ayaban met nidi nga toley to mammadtu nga E̍lyasin!” kunen da.
48Ket ya isa igida, sigida itun nga nanagtag nga nawe̍ namet ka kapes. Ket nipaagsep na ka suka, se̍ na nisuge̍nge̍t ka tabagan, tasun ipasepsep na kuma e̍ Je̍sus. 49Ket dito duduma, kinunen da, “Iton tida! Singen tida no umbe̍t lugud isalakan nito E̍lyas,” kunen da.
50Ket e̍ Je̍sus, nagpekkaw manin ka nabileg, ket nipalubus na nga nauyus ya anges nan.
51Ket enna Te̍mplu, napigis mettin itun to kurtina nga nanglinged iya uneg na, nga nagudduwa mettin manipud iya ngatu, nga nanglacpus iya gayad na. Nangyegyeg met pe̍ itun, ket nab-abka diya pinasin. 52Ket nalukatan pe̍ diya tamtamen nga uwed iyan, ket adu diya natey yin nga toltoley ne̍ Apu Diyus nga nagungar met itun. 53Ket diyan nga nagungar itun, rinumwar da ngarud kadito nakaitamnan da, ket imuneg da met ka He̍rusale̍m kalpasan nito panagungar ne̍ Je̍sus itun. Imuneg da ngarud iya siyudad nga ipatpateg ne̍ Apu Diyus, ket nagpasingen da met ka adu nga toltoley antuni.
54Ket ya kapitan se̍ dito suldadu na nga nagbanbantay e̍ Je̍sus, napalaus ngarud to ansing da ito nadlaw da to yegyeg se̍ dito duduma nga napasamac itun. Ket kinunen da, “Pudnu met nga Anac ne̍ Apu Diyus yan!” kunen da.
55Ket uwed da pe̍ adu nga babey antuni iya nabay-at ka e̍teng ito krus, ket nabuya da met to napasamac. Itu diyan dito babey nga simursurut nga nangsirsirbi e̍ Je̍sus itun, nanipud ito nipapanaw na enna Galilya. 56Uwed kadidi nga babey nge̍ Marya nga iMagdala, se̍ uwed pe̍ nge̍ Marya nga ina de̍ Santiyagu nge̍ Huse̍, se̍ uwed pe̍ to ina dito anac nito Se̍be̍dyu.
To pannakaitamen ne̍ Je̍sus
Mar. 15:42-47; Luk. 23:50-56; Juan 19:38-42
57Ket ito gumidamin, uwed nawe̍ antuni nga isa nga nabacnang nga taga-Arimatiya. Igina nge̍ Huse̍, nga isa nga pasurut pe̍ ne̍ Je̍sus. 58Nawe̍ ito edyan ne̍ Gube̍rnadur Pilatu, ket nagadeng ka pammalubus nga alac na ya bangkay ne̍ Je̍sus. Ket nibilin ne̍ Pilatu itun nga mapalubusan kanu to Huse̍ nga alaken nan.
59Dikad pe̍ nawe̍ ngarud nimet ne̍ Huse̍ to bangkay. Kinubit na ka kabarbaru nga luput nga maawagan ka line̍n, 60se̍ na nipisuc iya mismu nga tamen na nga nailiyang ka batu. Ket ito naipisuc kin, binukalig nito Huse̍ ya isa nga dackel nga batu nga nanggiset na ito tamen, ket pimanawin. 61Ket itun, uwed met nge̍ Marya nga iMagdala se̍ to isa pekkem nga Marya, nga nakatugew da iya nabay-at ka e̍teng nga nakasangu da ito tamen.
To napasnec nga panagbantay da ito nakaitamnan ne̍ Je̍sus
62Ket ito kadamlag na, itu ya Algew Ngilin nga simarunu ito Algew Panagisagana. Ket dito pangpangulu dito agsirsirbi iya Te̍mplu, se̍ dito Parisiyu, nawe̍ da naguurnung iya sangu nito Gube̍rnadur Pilatu. 63Ket kinunen da, “Apu, malagip mi nga ito sibibiyag pekkem to mangal-allilaw nga toley, kinunen na nga, ‘Kalpasan nad niya tellu nga algew, agungar rac,’ kunen na met itun. 64Itu nga ibilin mu kuma ngarud nga maguwardiyaan nga nalaing ya nakaitamnan na agingga iya katluwen na nga algew. Ta kaynun no mawe̍ libasen diya pasurut na ya bangkay na, ket maibaga da nad met kadiya toltoley nga, ‘Nagungarin,’ kunen da nad ngata. Ket no agten iyan, nakarkaru nad lugudin ya modi nga panangallilaw da ngem ito nona,” kunen da.
65Ket kinunen ngarud nito Pilatu igida, “Alac nu ngarud ya isa nga bungguy guwardiya, ket pabantayan nu nga nalaing to tamen na agingga iya kabaellan nu,” kunen na.
66Ket iya agten iyan, nawe̍ da ngarud. Ket nipasnec da nga tutu to panangbantay da ito tamen, nga uwed nibaldeng da nga pakadlawan da ito ruwangan na, se̍ pinabantayan da pe̍ yin.
Zvasarudzwa nguva ino
Matyu 27: YBT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1990 New Tribes Mission, Sanford, FL 32771-1487, USA.
Printed in the Philippines.
Matyu 27
27
To pannakaisangu ne̍ Je̍sus e̍ Pilatu
Mar. 15:1; Luk. 23:1-2; Juan 18:28-32
1Ket ito umagsapa ngin, amin dito pangpangulu diya agsirsirbi iya Te̍mplu, se̍ dito panglakayen diya Hudyu, nagiinnumanan dan no kumaan da kuma nga mangpapatey e̍ Je̍sus. 2Ket kalpasan nito panagtutulag dan, pinungu da ngarud nge̍ Je̍susin, se̍ da nipen iya edyan ne̍ Pilatu win, nga itu to gube̍rnadur, ket niyawat da iginan.
To ipapatey nito Hudas
Ara. 1:18-19
3Ket to Hudas nga nakitulag nga nangiyawat e̍ Je̍sus, nagbabawi ngarudin ito naemmuwan na nga nakedngan nge̍ Je̍sus nga mapatey yin. Ket nawe̍ na met nisoli to tellu nga pulu nga diplata nga kuwarta kadito pangpangulu diya agsirsirbi iya Te̍mplu se̍ dito panglakayen, 4nga kinunen na, “Nakabasul lac met, ta niyawat ku ka pakatayan na ya awan basul na,” kunen na.
Ket kinunen da, “Nagan ya bibiyang mi iyan? Pruble̍mam mas yanin, a!” kunen da.
5Ket to Hudas, nipadtu na mettin dito diplata iya uneg niya Te̍mplu, se̍ pimanaw ngarud antuni. Ket nawe̍ met nagbe̍tkel nga nagpessel lin.
6Ket dito pangpangulu dito agsirsirbi iya Te̍mplu, inalac da dito diplata, nga kinunen da, “Sigun iya Linteg, maiparit nga maipay yani nga kuwarta iya pagpunduwan ka kuwarta iya Te̍mplu, ta naipaay met nga bayad niya biyag toley yin,” kunen da. 7Ket iya agten iyan, nagiinnumanan da, ket nagaannamungan da nga ingina da yan nga kuwarta ito ginet nito isa nga agar-ariman kadiya naduwin. Ket tutu met nga nipaay da yan nga ginet ka pakaitamnan diya gan-gannaet nga matey antuni. 8Ket gapu ta bayad niya biyag toley ya ningina da, maaw-awagan yan nga ginet agingga ita ka “Ginet nga Nadagaan.” 9Ket iya agten iyanin, natungpalin to naipaikagi ito mammadtu nga He̍re̍myas itun, ito kinunen na, “Inalac da to tellu nga pulu nga diplata nga kuwarta, nga itu yan to nikeddeng dito duduma nga iIsrae̍l nga pateg niya biyag na. 10Ket ningina da diyan nga diplata ito ginet nito agar-ariman ka naduwin, naikanatad ito nibilin niya Apu iyaken.”
To pannakasumarya ne̍ Je̍sus ito sangu nito Pilatu
Mar. 15:2-5; Luk. 23:3-5; Juan 18:33-38
11Ket e̍ Je̍sus itun, naisangu win ito gube̍rnadur. Ket nagsaludsud to gube̍rnadur igina nga kinunen na, “Tutu kad nga ikew ya Ari diya Hudyu?” kunen na.
Ket kinunen ne̍ Je̍sus, “Nakagi mun,” kunen na.
12Ket ito nangpabasul dito pangpangulu diya agsirsirbi iya Te̍mplu igina, se̍ dito panglakayen, awan met nisungbat na.
13Ket kinunen ngarud ne̍ Gube̍rnadur Pilatu iginan, “Madi ka kad magicna diya adu nga ipabpabasul da ikew?” kunen na. 14Ket madi latta simungsungbat nge̍ Je̍sus igina, nga awan pulus kinagi na. Ket itu nga napalaus to seddaaw nito gube̍rnadur.
To pannakaukum ne̍ Je̍sus
Mar. 15:6-15; Luk. 23:13-25; Juan 18:39-19:16
15Ket to gube̍rnadur, gangey na nga kada timpu Padaya Nitatalib, mangiruwar ka isa nga balud nga piliyen diya toltoley. 16Ket uwed itun ya isa nga agdindinamag nga balud antuni nga agnagan ka Barabas. 17Dikad pe̍ ito naur-urnung diya toltoley yin, sinaludsud ne̍ Pilatu igida nga kinunen na, “Para dakayu, nagan ya gabay nu nga iruwar ku: to Barabas winno e̍ Je̍sus nga maawagan ka Kristu?” kunen ne̍ Pilatu.
18Agten ngarud iyan ya kinunen na, ta emmu na nga to nangiyawatan da e̍ Je̍sus igina, ket gapu ngas iya apal da. 19Ket bekken nas nga iyan, ta ito madama pekkem nga nakatugew nge̍ Pilatu ito tugew na iya pangukuman, uwed nipaibaga nito asawa na igina nga kunen na, “Madi ka kuma makibiyang iyan nga toley nga awan basul na. Ta nariribukan nac nga unay gapu iya napasmeggac ito gabi maipanggep igina.”
20Ngem dito pangpangulu dito agsirsirbi iya Te̍mplu, se̍ dito panglakayen, dinurugan da lugudin dito toltoley nga e̍ Barabas kuma ya adngen da e̍ Pilatu nga iruwar na. Ket e̍ Je̍sus nga gennung, mapatey kuma kanu. 21Dikad pe̍ e̍ Pilatu, sinaludsud na manin kadito toltoley nga kinunen na, “Nagan kadidi nga duwa ya gabay nu nga iruwar ku?” kunen na.
Ket kinunen da met, “E̍ Barabas!”
22Ket e̍ Pilatu, kinunen na igida, “No agten iyan, nagan ngarud ya gabay nu nga pamaay ku e̍ Je̍sus nga maawagan ka Kristu?” kunen na.
Ket kinagkagi da nga amin nga kinunen da, “Mailansa kuma ka krus!” kunen da met.
23Ket kinunen manin ne̍ Pilatu, “Ape̍ kadi? Nagan ngarud ya basul na?” kunen na.
Ngem nakarkaru lugud to panangip-ipkaw da nga kinunen da, “Mailansa kuma ka krus!” kunen da met latta.
24Ket e̍ Pilatu, nadlaw na nga awan mamaay na ya panangipilit na, no di lugud mangpariribuc ngas kadito toltoley. Itu nga namet ka danum, ket binegguwan na met diya ima na ito imatang dito toltoley, nga kinunen na, “Awan basul ku iya pannakatey nidi nga toley! Basul nu was yanin!” kunen na.
25Ket kinunen amin dito toltoley, “Bo! Dakami it se̍ diya an-anac mi ya makin-kargu iya pannakatey na!” kunen da met.
26Dikad pe̍ pinairuwar ngarudin ne̍ Pilatu to Barabas igida. Ngem e̍ Je̍sus, pinasaplit ne̍ Pilatu ka latiku, se̍ na niyawat kadiya mangilansa ka krus.
To pananguy-uyaw dito suldadu e̍ Je̍sus
Mar. 15:16-20; Juan 19:2-3
27Ket inalac ngarud dito suldadu nito gube̍rnadur nge̍ Je̍sus, nga nipen da ito palasiyu nito gube̍rnadur, se̍ da pinaurnung diya amin dito kabulun da nga suldadu ito edyan ne̍ Je̍sus. 28Inubaan da met, ket siuuyaw da nga nangke̍bal iginan ka nadgang nga luput. 29Ket nagkawikew da met ka lanut nga agrasrasi, nga inariman da ka sinan-balangat, se̍ da nisimpa iya ulu ne̍ Je̍sus. Pinagikem da pe̍ ka tabagan ya diwanan nga ima na, se̍ da nagindadayaw nga nagparintumeng ito sangu na. Ket inuy-uyaw da, nga kinunen da, “Wahey! Madaydayaw ka kuma nga ari diya Hudyu!” kunen da. 30Ket linutaban da met pe̍, se̍ nimet da to tabagan, nga nibacbaut da ito ulu na.
31Ket ito nalpas dan nga inuy-uyaw, nipac da to ke̍balin, ket nikawwes da manin igina to sigud nga luput na. Kalpasan na, niruwar da tasun ipen da nga ilansa ka krusin.
To pannakailansa ne̍ Je̍sus ito krus
Mar. 15:21-32; Luk. 23:26-43; Juan 19:17-27
32Ket ito rumrumwar da ito siyudad, nasabet da ya isa nga iSire̍ne̍ nga agnagan ka Simon. Ket nipaagtu dito suldadu nga nipapilit igina to krus ne̍ Je̍sus. 33Ket nakadateng da iya lugar nga maawagan ka Gulguta, nga kayat na nga kagiyen, “Edyan Bangabanga.” 34Ket itun, painuman da kuma nge̍ Je̍sus ka basi ubas nga nalaukan ka apdu, ngem ito naramanan nan, madi na met ininum.
35Ket itun, ito nilansa dito suldadu ka krusin, nagbibingayan da met diya luput na nga nagbibinnunutan da no kumaan kuma ya panagbibingay da. 36Ket kalpasan niyan, nagtutugew dito suldadu antuni nga nagbantay igina. 37Ket ito ngatuwen niya ulu ne̍ Je̍sus ito krus, uwed nisimpa da nga pakaemmu ito naipabasul igina. Agten idi to naisurat: “Idi nge̍ Je̍sus, ya Ari diya Hudyu.”
38Ket uwed pe̍ itun duwa nga tulisan nga naikumpas e̍ Je̍sus, nga nailansa pe̍ kadiya krus da. Ya isa, uwed iya madiwanan ne̍ Je̍sus, ket ya isa, uwed iya makatigid na.
39Ket diya toley nga timaltalib iyan, nagwingwingiwing da met nga siuuyaw, nga kinunen da e̍ Je̍sus, 40“Se̍pe̍ ikew met to nangibaga nga lasangem ya Te̍mplu se̍ ka mettas bangunen manin ka unus tellu nga algew! No agten iyan ya pannakabalin mu, isalakan mu man ngarud ya beggi mun! No tutu nga anac naka nge̍ Apu Diyus, umulug ka ngarud iyan nga krusin!” kunen da.
41Ket agten met pe̍ dito pangulu diya agsirsirbi iya Te̍mplu, se̍ dito manursuru iya Linteg, se̍ dito panglakayen, ta nakipaglaclais da pe̍ iya maipanggep e̍ Je̍sus, nga kinunen da, 42“Naisalakan na kanu diya duduma, ngem di na met maisalakan ya beggi nan! Igina kanu ya ari ka Israe̍l! Umulug kuma ngarudin iya krus na, tasun mamati tida iginan! 43Agtalec kanu e̍ Apu Diyus. Ala, isalakan kuma ngarud ne̍ Apu Diyus ita ngi nin, no tutu nga magustuwan na yani. Ta kinunen kanu met nidi nga toley nga, ‘Anac nac nge̍ Apu Diyus,’ kunen na kanu met,” kunen da.
44Ket dito tulisan nga naipabulun e̍ Je̍sus nga nailansa, inuyaw da met pe̍ nge̍ Je̍susin.
To pannakatey ne̍ Je̍sus
Mar. 15:33-41; Luk. 23:44-49; Juan 19:28-30
45Ket ito matuunin itun, gimicbet met ya amin nga lubung antuni nin, ket nagpaut to gicbet agingga ka alas tre̍s iya gidam. 46Ket ito mangalas tre̍sin, pinumkaw met nge̍ Je̍sus nga kinunen na ka nabileg, “E̍li, E̍li, lama sabactani?” nga kayat na nga kagiyen, “Diyus ku, Diyus ku, ape̍ nga binaybay-an nac?”
47Ket diya duduma kadito agsisikad antuni nga nakagicna ito kinagi ne̍ Je̍sus, kinunen da, “Nih! Ay-ayaban met nidi nga toley to mammadtu nga E̍lyasin!” kunen da.
48Ket ya isa igida, sigida itun nga nanagtag nga nawe̍ namet ka kapes. Ket nipaagsep na ka suka, se̍ na nisuge̍nge̍t ka tabagan, tasun ipasepsep na kuma e̍ Je̍sus. 49Ket dito duduma, kinunen da, “Iton tida! Singen tida no umbe̍t lugud isalakan nito E̍lyas,” kunen da.
50Ket e̍ Je̍sus, nagpekkaw manin ka nabileg, ket nipalubus na nga nauyus ya anges nan.
51Ket enna Te̍mplu, napigis mettin itun to kurtina nga nanglinged iya uneg na, nga nagudduwa mettin manipud iya ngatu, nga nanglacpus iya gayad na. Nangyegyeg met pe̍ itun, ket nab-abka diya pinasin. 52Ket nalukatan pe̍ diya tamtamen nga uwed iyan, ket adu diya natey yin nga toltoley ne̍ Apu Diyus nga nagungar met itun. 53Ket diyan nga nagungar itun, rinumwar da ngarud kadito nakaitamnan da, ket imuneg da met ka He̍rusale̍m kalpasan nito panagungar ne̍ Je̍sus itun. Imuneg da ngarud iya siyudad nga ipatpateg ne̍ Apu Diyus, ket nagpasingen da met ka adu nga toltoley antuni.
54Ket ya kapitan se̍ dito suldadu na nga nagbanbantay e̍ Je̍sus, napalaus ngarud to ansing da ito nadlaw da to yegyeg se̍ dito duduma nga napasamac itun. Ket kinunen da, “Pudnu met nga Anac ne̍ Apu Diyus yan!” kunen da.
55Ket uwed da pe̍ adu nga babey antuni iya nabay-at ka e̍teng ito krus, ket nabuya da met to napasamac. Itu diyan dito babey nga simursurut nga nangsirsirbi e̍ Je̍sus itun, nanipud ito nipapanaw na enna Galilya. 56Uwed kadidi nga babey nge̍ Marya nga iMagdala, se̍ uwed pe̍ nge̍ Marya nga ina de̍ Santiyagu nge̍ Huse̍, se̍ uwed pe̍ to ina dito anac nito Se̍be̍dyu.
To pannakaitamen ne̍ Je̍sus
Mar. 15:42-47; Luk. 23:50-56; Juan 19:38-42
57Ket ito gumidamin, uwed nawe̍ antuni nga isa nga nabacnang nga taga-Arimatiya. Igina nge̍ Huse̍, nga isa nga pasurut pe̍ ne̍ Je̍sus. 58Nawe̍ ito edyan ne̍ Gube̍rnadur Pilatu, ket nagadeng ka pammalubus nga alac na ya bangkay ne̍ Je̍sus. Ket nibilin ne̍ Pilatu itun nga mapalubusan kanu to Huse̍ nga alaken nan.
59Dikad pe̍ nawe̍ ngarud nimet ne̍ Huse̍ to bangkay. Kinubit na ka kabarbaru nga luput nga maawagan ka line̍n, 60se̍ na nipisuc iya mismu nga tamen na nga nailiyang ka batu. Ket ito naipisuc kin, binukalig nito Huse̍ ya isa nga dackel nga batu nga nanggiset na ito tamen, ket pimanawin. 61Ket itun, uwed met nge̍ Marya nga iMagdala se̍ to isa pekkem nga Marya, nga nakatugew da iya nabay-at ka e̍teng nga nakasangu da ito tamen.
To napasnec nga panagbantay da ito nakaitamnan ne̍ Je̍sus
62Ket ito kadamlag na, itu ya Algew Ngilin nga simarunu ito Algew Panagisagana. Ket dito pangpangulu dito agsirsirbi iya Te̍mplu, se̍ dito Parisiyu, nawe̍ da naguurnung iya sangu nito Gube̍rnadur Pilatu. 63Ket kinunen da, “Apu, malagip mi nga ito sibibiyag pekkem to mangal-allilaw nga toley, kinunen na nga, ‘Kalpasan nad niya tellu nga algew, agungar rac,’ kunen na met itun. 64Itu nga ibilin mu kuma ngarud nga maguwardiyaan nga nalaing ya nakaitamnan na agingga iya katluwen na nga algew. Ta kaynun no mawe̍ libasen diya pasurut na ya bangkay na, ket maibaga da nad met kadiya toltoley nga, ‘Nagungarin,’ kunen da nad ngata. Ket no agten iyan, nakarkaru nad lugudin ya modi nga panangallilaw da ngem ito nona,” kunen da.
65Ket kinunen ngarud nito Pilatu igida, “Alac nu ngarud ya isa nga bungguy guwardiya, ket pabantayan nu nga nalaing to tamen na agingga iya kabaellan nu,” kunen na.
66Ket iya agten iyan, nawe̍ da ngarud. Ket nipasnec da nga tutu to panangbantay da ito tamen, nga uwed nibaldeng da nga pakadlawan da ito ruwangan na, se̍ pinabantayan da pe̍ yin.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1990 New Tribes Mission, Sanford, FL 32771-1487, USA.
Printed in the Philippines.