Matius 21
21
Yesus hogorakhe korlek o Yerusalem ukisikhe wene
(Markus 11:1-11; Lukas 19:28-40; Yohanes 12:12-19)
1At Yesus akhuni inom lagoukha meke emenogo inom kota Yerusalem ukuogoluk horokhogon asi lagoukhasik, tom Zaitun apma o ukul Betfage mot-mot asi dageisukhasik, Yesus nen it at ane waganhe lagoukha meke emenogo inebe pere alebageik la'isasikhe. 2La'isekhe dogolik,
“O ukul hinelokhoma ili lani o. Arat lagap halok, aban ukisi dogolik hinileken lakhagun he, wam keledai eak ipisak kupi irlelek werekma hinileken hugun etnaga o. Nen, arat hinileken hegep halok he, kupi irlelek iti hisalogo nen, noba wolok wetno. 3Itithogon herle hisalhunem, it akhuni etoma meke ageikhe nen,
Nenaluk kupi hisalhe lagap, iluk wene palhe halok, men yogeisano,
Ninoe Etagapogot etnogo nen wam keledai yi meke dek nen, wolok luogoluk kupi hisalhe lago, iluk yogokhunem at nen, ibat la'isigin etnaga,” iluk, wene warogo la'isasikhe. 4Itithogon la'isasikhe iti, at ap Allah ane yogeisekhe lageikhe meke ageikhe nen,
5 #
Zakharia 9:9
“Akhuni o Sion meke yogeisekhe dogolik,
Hinoe Etagapogot hinoba wiriogo o. Obabut
enago dogolik, wam keledai apot oba
yasukhogo dogolik wageik, wam keledai eak
meke apot oba yasukhogo dogolik wageik,
wiriogo, iluk yogeisan o,”
iluk isikhe iti tak-tagat hagatlasuagaluk, at Yesus nen itithogon la'isasikhe iti. 6La'isasikhemo it etnogo lagoukhasik, at Yesus nen yogeisasikhe tak-tagat hagakhe dogolik 7wam keledai etnogo eak ipisak wolok wagoukhasik inasu itikmanke ugu meke nokorlogo wam keledai etnogo inapot oba talogo 'bisukhama, at Yesus ebe apot oba yasuk lageikhe. 8Apot oba yasuk lageikhesik lagunem, it akhuni doalegat emenogo inebe kokmake inasu itikmanke ugu meke nokorlogo holagarlem talogo 'bilik lageik, it ebetlake oka ikilo'bak meke kiselogo holagarlem talogo 'bilik lageik, hagakhukha. 9#Mazmur 118:26 Itithogon 'bilik laga dogolik, at Yesus ebe turlumotdiluk, it aperek alebageik lageik, it aperek oporlik lageik, laga dogolik, inane kokhogon men ilik lagoukha,
“Daud nen itago meke, noe wa! Wa! Wa!” iluk u hak,
“Hosana! Ninopase Etagapogot Allah nen la'agei
agama wagan yi, at nenat hanothabuak o.
Allah kok pogot oba welagarek meke nopase
wa!”
u hak,
“Hosana!” iluk amitmit luk-luk ilik ilik, o Yerusalem ukisukha. 10Ukisukhama it akhuni etoma meke tha'bokhogonat arlik halhe dogolik,
“Eiye! Ap yi tha apegep,” iluk isukhama 11it akhuni doalegat emenogo nen,
“Yi Yesus Allah ane yogeisekherek meke, ai o Galilea eloke o Nazaret meke etnogo waga yi o,” iluk yogeisasukha.
Yesus nen Allah ai halekma ukiluk karelhikhe wene
(Markus 11:15-19; Lukas 19:45-48; Yohanes 2:13-22)
12Itithogon isukhama, at Yesus Allah ai halekma ukisikhesik, it akhuni Allah ai halekma ukiluk dogolik, yi meke ti meke oko waganhik, palhik, hagakhe lagoukha meke tha'bokhogonat sikhogo-mukhogo itikmanke ula'isigik, it aperek uang meja perlako baga 'biluk okokhe lagoukha meke men, it aperek o perlago baga inebe hurek dogolik thue merpati yogeik hakene meke oko waganhe lagoukha meke men, inago iti abel dagak-pagakhogon podisigik, hagarik lageikhesik, 13#Yesaya 56:7 men yogeisasikhe,
“Holal waganek oba, at Allah nen ekhe dogolik,
An nai halek yi hasik akhuni nen ekhe dogolik,
O sembayan ekhe dogogun oba, iluk ekhe dogogun,
iluk isikhemo holal waganek werek o. Mekeat he, hit nen, it ap akhuni inameke iniki abusak tilogo horlegarek meke inai negen halogo 'bisekhe lagap yi re!” iluk wenageisasikhe. 14Itithogon wenageisasikhesik akhuni inileken puk meke men, inisok ut warek meke men, Yesus oba Allah ai halekma etoma wagoukhama re, at nen hano hagarinakhikhe. 15Itithogon hagarinakhikhemo, it ap Allah iteerek meke inougi koktek emenogo men, Allah ane holal waganek iteerek meke emenogo men, Yesus nen hagasusak dek meke elalinat hagakhunem inileken higik, nen, yekerugi 'bugurlaktek meke nen,
“Noe wa!” iluk u hak,
“Hosana! Daud nen itago meke noe,” iluk Allah ai halekma inane kokhogon Yesus elokhe waganhunem inasuk holhik, hagakhukhasik inakla aga nen, 16#Mazmur 8:3 Yesus men yogokhukha,
“It yekerugi iliogei iti hasuk holhe lagan a?” iluk yogokhukhama, at nen,
“I o. Holhe lagei o. Nen, wene men iluk holal waganek werek etnogo hit nen etaga thalhidek welagap nogo? It nen Allah hogorakhe dogolik,
Hat hebe hanorogon hogothakhe dogoagaluk,
yekerugi ket itago meke men, irlak aban
niliogei meke men, motok yakulisegenma higi,
iluk isukhama, holal waganek iti hit nen etaga thalhidek welagap nogo?” iluk yogeisasikhesik, 17it akhuni emenogo here'isalok, o kota etoma nen dukhi ageikhesik, o Betania noge i ageikhe.
Yesus nen o ara erlo ageikhe homan 'bisikhe wene
(Markus 11:12-14, 20-24)
18Noge iluk huben siakhogon at Yesus o kota etoma apuke ukekhe dogolik, holagarlem hipiri abu ageikhe. 19Hipiri abu ageikhemo, o ara erlo ageikhe holagarlem abelma werekma ileken lakhalok erloma lageikhesik ileken penakhikhe meke re, eken ageikhe ikhidek, eka anek werek nen, o ara etnogo men yogokhikhe,
“Hat o ara yi, hurli yogotak nen logat yabokane heken motok ikhidek dogono,” iluk homan 'bekhe korlek eranogoat, o ara etnogo motok puk ageikhe. 20Itithogon hagakhunem, it at agarumi ane waganhe lagoukha meke emenogo inileken hasukhasik nen,
“Eiye!” iluk ekhe dogolik,
“O ara yi opaki hasigat puk aga yi nikithogon nen?” iluk isukhama, 21at Yesus nen he,
“Wene eberogonat yokhisak. An nen o ara yi hagakhi hak, hit nen itithogon hagasusagat meke re, iti anek hagasusak 'buk. Hinetaiken pere ageidek opakiat dogolik, Allah oba hakotdiluk hit nen,
Tom yi yoma nen henokhogon i laut yekelekma eloma lan o, iluk yogokhep halok he, hagatlasiginat o. 22Nen, hit yi meke ti meke Allah kino yogokhe dogolik, hinetaiken at oba hakotdegep halok he, wokhisageinat o,” iluk yogeisasikhe.
“Yesus, hat nena meke iteerek agatik hagakhe lagan,” iluk itema waganhukha wene
(Markus 11:27-33; Lukas 20:1-8)
23At Yesus nen wene itithogon yogeisasikhesik, at ebe Allah ai halekma ukisikhesik dogolik wene yakulisugunem, it ap Allah iteerek meke inougi koktek inom, it ap inarluetek inom, Yesus oba wagoukhasik nen, men yogokhukha,
“Hat he, yi hagakhik, ti hagakhik, hagakhe lagan yoma nena meke iteerek agatik hagakhe lagan? Nen, ap tha nen iteerek dogoagaluk, meldageikhemo hagakhe lagan,” iluk yogokhukhama 24at Yesus nen,
“An meneke, hinok opakiat ageikhe wokhisagat. Hinok waganhunem, hit nen hutukhogon yoknekhep halok he, an meneke, iti meke iteerek agarik hagakhe lagei, iluk, nane pakhogonat yokhisageinat o. 25At Yohanes nen akhuni ima usa'isekhe lageikhe etnogo, Alah pogot oba meke nen yogokhikhemo ima usa'isekhe lageikhe a? E a, at he, akhuni agat oba meke nen yogokhukhama hagakhe lageikhe a. Yoknitni ta!” iluk yogeisasikhemo, it-it ekhe dogolik, men isukha,
“Pogot oba meke nen yakulikhikhemo usa'isekhe lageikhe, iluk yogosumo, at nen he,
Halok he, hit nen Yohanes ane eberogonat iluk hutdigidek welagagip iti nenaluk, iluk, yoknisaunogo. 26Nen,
Akhuni nen yakulikhukhama usa'isikhe lageikhe, iluk yogosumo, it akhuni yoma tha'bokhogonat nen,
Yohanes iti Allah aneat yoknisekhe lageikhe, iluk egarethekma iti nen, nit ninayuk,” iluk isukhasik, 27yabokane Yesus yogokhe dogolik,
“Wene iti nit ninokodek o,” iluk yogokhukhama, at Yesus nen, men yogeisasikhe,
“Halok he, an meneke,
Iti meke iteerek agarik hagakhe lagei, iluk, hit yokhisagein degat o,” iluk yogeisasikhe.
Ap ageikhe a'buri inebe pere inom inoba lisogon yogeisasikhe wene
28At Yesus nen itithogon yogeisekhe lageikhesik yabokane men yogeisasikhe,
“Wene igin yi, hit nen nikithogon apekhe lagap. Ap ageikhe a'buri inebe pere welagoukha. Werekma, a'but makusa meke iti oba lageikhesik nen, men yogokhikhe,
Na'but, yogotakne, anggur ekama etoma yabu ageikhe wagani lan, iluk yogokhikhe. 29Yogokhikhemo, at a'but etnogo nen,
I o, nopase, isikhe mekeat he, yabu ebe wagani lageidek huk ageikhe. 30Huk ageikhemo, at opase etnogo yabokane a'but magea meke iti oba lageikhesik nen itithogonat yogokhikhe meke re, at nen,
Na'it o, iluk yogokhikhe. Mekeat he, yabokane akla ebekhikhesik yabu etnogo wagani lageikhe. 31Halok he, hit hinakla nen he, it ap inebe pere eta tha hak nen inopase akla apasikhe tak-tagat hagakhikhe apegep,” iluk, yogeisasikhemo it nen he,
“Iti a'but magea meke iti nen hagakhikhe,” iluk yogokhukhama, at Yesus nen,
“Halok he, an nen wene ageikhe eberogonat yokhisak. Hit aban werek korlek, it ap uang pemerintah hasik kino iluk natogokharek meke inom, humi yugunat hagarik nekharek meke inom, it iti tak Allah apma 'bisekherekma etoma ukugun o. 32At Yohanes etnogo Allah akla apekherek meke mothogonat hagakhe dogoagaluk yukulhisa ageikhe mekeat he, hit hinakla nen,
At ane iti eberogonat iluk, hutdigidek welagagip. Meke re, it ap pemerintah hasik uang kino iluk natogokharek meke iti inom, humi yugunat hagarik nekharek meke iti inom,
At ane iti eberogonat iliogo, iluk inakla hutdisukha. It nen itithogon hutdisinem hinileken hisasigip mekeat he, hit anek yabokane hinobabut hebelatluk hutdigidek welagap yi re,” iluk yogeisasikhe.
“Akhuni aperek anggur ai yagoma therogo welagoukha,” iluk, oba lisogon yogeisasikhe wene
(Markus 12:1-12; Lukas 20:9-19)
33At Yesus nen wene itithogon oba lisogon arat yogeisasikhesik,
“Yabokane wene ageikhe yi oba lisogon yokhisak. Ap ageikhe aagat iteerek meke nen wen waganekma anggur ai ya'isikhesik nen, leget halhik, eken thagalogo apusu kelelhe dogogun oba agat hulelhik, inileken dogogun oba kayo perlakhik, hagakhikhesik nen ap aperek elanma hasik it inaen therogo dogoagaluk 'bisalok o werlekma etoma lageikhe. 34Etoma lageikhesik werek korlek, eken ikhunem palharek oba hagatlasi ageikhemo ap aen iteerek meke etnogo nen, atuaneke meke aperek it ap therogo dogoagaluk 'bisasikhemo emenogo nen anggur eken ageikhe wogeisoagaluk, inoba la'isa ageikhe. 35Meke re, it ap therogo welagoukha meke emenogo nen, it ap aagat iteerek meke atuaneke eken waganisuagaluk la'isa ageikhe meke emenogo inebe ha'isalok nen, ageikhe tugi wakhik, ageikhe ebe motok pikeat wakhik, ageikhe helekit oba motok wakhik, hagakhukha. 36Itithogon hagakhukhama at apa aagat iteerek meke etnogo nen, alebageik, inebe wenago negen la'isa ageikhe yabokane motok doalegat la'isa ageikhe mekeat he, alebageik hagakhukha hagat, hagarinakhukha. 37Itithogon hagarinakhukhama at ap kok etnogo nen men isikhe,
Halok he, yogotak an nekaerek na'but yi anek he, alon halogo heagei warogo waganugun o, iluk akla apasikhesik, a'but etnogoat la'i ageikhe. 38La'i ageikhemo wagunem, it ap wen therogo welagoukha meke emenogo nen, inileken lakhasukhasik, it-it ekhe dogolik,
Ap ili opase obolukmo wen iteerek asigin meke etnogo ebe waga ili. Halok he, wen yi nirat iteerek asuok nen, ebe wasuok o, iluk, 39ebe hakhalok yabumo nen leget thikmanke ula'isukhasik, ebe motok pikeat wakhukha. 40Itithogon hagakhukha iti nen, yabokane ap aagat iteerek iti witluk, it ap therogo welagoukha meke iti nikithogon hagarinabigin apegep,” iluk yogeisasikhemo, 41it nen,
“Ap aagat iteerek meke iti witluk, it inobabut weak meke etoma motok tha'bokhogonat inatluk, anggur ai yagoma iti therogo dogolik, eken arat horle agunem palogo wogosi laga dogoagaluk, ap ninat meke ageikhe inayoko 'busagat o,” iluk yogokhukha. 42#Mazmur 118:22-23 Itithogon yogokhukhama, at Yesus nen,
“Hit nen Allah ane yigithogon holal waganogo 'bisukhama etaga thalhidek welagap nogo? It nen,
It ap tukang o helekit meke halharek meke nen,
o ebe halhe dogolik,
Helekit yi weak, iluk thogotdisukha meke iti ebe
herlagaat hagatlagama o. Itithogon
hagatlaga iti,
ninopase Allah Etagapogot nenat hagakhe o, iluk,
ninileken hogosik nen,
Eiye! iluk hogorakhe lago,
iluk holal waganogo 'bisukha meke iti etaga thalhe lagap dek nogo? Etaga thalhe lagabat o. 43Hit he, Allah nen apma 'binagousak welagagip mekeat he, apma 'binagagin dek o. Hit hinobolukmo, o eken hano meke isu hak, it akhuni inukuloak etaga ninat meke nen, Allah akla apekherek meke mothogon hagakhe dogogun meke halok 'bisagein o. [ 44Ap tha nen helekit iti baga kat usa'aga halok, ebe motok wuleleken tiologo 'bigin o. Nen, helekit iti tha obat thebeli aga halok he, ebe motok al debelogo wasigin o,”] 45iluk yogeisasikhemo, it ap Allah iteerek inougi koktek meke men, it ap Farisi meke men,
“Wene oba lisogon ekhe iti, nit ninobasigat yoknisekhe higi,” iluk hutdisukhasik, 46Yesus ebe hakhauwogoluk hagakhukha mekeat, akhuni inebe doalegat nen,
“At Yesus iti Allah ane yoknisekherek meke o,” iluk, ekhe lagoukhama nogo nen, it inayuk nen he, thogotdisukha.
Zvasarudzwa nguva ino
Matius 21: LAIDNT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Matius 21
21
Yesus hogorakhe korlek o Yerusalem ukisikhe wene
(Markus 11:1-11; Lukas 19:28-40; Yohanes 12:12-19)
1At Yesus akhuni inom lagoukha meke emenogo inom kota Yerusalem ukuogoluk horokhogon asi lagoukhasik, tom Zaitun apma o ukul Betfage mot-mot asi dageisukhasik, Yesus nen it at ane waganhe lagoukha meke emenogo inebe pere alebageik la'isasikhe. 2La'isekhe dogolik,
“O ukul hinelokhoma ili lani o. Arat lagap halok, aban ukisi dogolik hinileken lakhagun he, wam keledai eak ipisak kupi irlelek werekma hinileken hugun etnaga o. Nen, arat hinileken hegep halok he, kupi irlelek iti hisalogo nen, noba wolok wetno. 3Itithogon herle hisalhunem, it akhuni etoma meke ageikhe nen,
Nenaluk kupi hisalhe lagap, iluk wene palhe halok, men yogeisano,
Ninoe Etagapogot etnogo nen wam keledai yi meke dek nen, wolok luogoluk kupi hisalhe lago, iluk yogokhunem at nen, ibat la'isigin etnaga,” iluk, wene warogo la'isasikhe. 4Itithogon la'isasikhe iti, at ap Allah ane yogeisekhe lageikhe meke ageikhe nen,
5 #
Zakharia 9:9
“Akhuni o Sion meke yogeisekhe dogolik,
Hinoe Etagapogot hinoba wiriogo o. Obabut
enago dogolik, wam keledai apot oba
yasukhogo dogolik wageik, wam keledai eak
meke apot oba yasukhogo dogolik wageik,
wiriogo, iluk yogeisan o,”
iluk isikhe iti tak-tagat hagatlasuagaluk, at Yesus nen itithogon la'isasikhe iti. 6La'isasikhemo it etnogo lagoukhasik, at Yesus nen yogeisasikhe tak-tagat hagakhe dogolik 7wam keledai etnogo eak ipisak wolok wagoukhasik inasu itikmanke ugu meke nokorlogo wam keledai etnogo inapot oba talogo 'bisukhama, at Yesus ebe apot oba yasuk lageikhe. 8Apot oba yasuk lageikhesik lagunem, it akhuni doalegat emenogo inebe kokmake inasu itikmanke ugu meke nokorlogo holagarlem talogo 'bilik lageik, it ebetlake oka ikilo'bak meke kiselogo holagarlem talogo 'bilik lageik, hagakhukha. 9#Mazmur 118:26 Itithogon 'bilik laga dogolik, at Yesus ebe turlumotdiluk, it aperek alebageik lageik, it aperek oporlik lageik, laga dogolik, inane kokhogon men ilik lagoukha,
“Daud nen itago meke, noe wa! Wa! Wa!” iluk u hak,
“Hosana! Ninopase Etagapogot Allah nen la'agei
agama wagan yi, at nenat hanothabuak o.
Allah kok pogot oba welagarek meke nopase
wa!”
u hak,
“Hosana!” iluk amitmit luk-luk ilik ilik, o Yerusalem ukisukha. 10Ukisukhama it akhuni etoma meke tha'bokhogonat arlik halhe dogolik,
“Eiye! Ap yi tha apegep,” iluk isukhama 11it akhuni doalegat emenogo nen,
“Yi Yesus Allah ane yogeisekherek meke, ai o Galilea eloke o Nazaret meke etnogo waga yi o,” iluk yogeisasukha.
Yesus nen Allah ai halekma ukiluk karelhikhe wene
(Markus 11:15-19; Lukas 19:45-48; Yohanes 2:13-22)
12Itithogon isukhama, at Yesus Allah ai halekma ukisikhesik, it akhuni Allah ai halekma ukiluk dogolik, yi meke ti meke oko waganhik, palhik, hagakhe lagoukha meke tha'bokhogonat sikhogo-mukhogo itikmanke ula'isigik, it aperek uang meja perlako baga 'biluk okokhe lagoukha meke men, it aperek o perlago baga inebe hurek dogolik thue merpati yogeik hakene meke oko waganhe lagoukha meke men, inago iti abel dagak-pagakhogon podisigik, hagarik lageikhesik, 13#Yesaya 56:7 men yogeisasikhe,
“Holal waganek oba, at Allah nen ekhe dogolik,
An nai halek yi hasik akhuni nen ekhe dogolik,
O sembayan ekhe dogogun oba, iluk ekhe dogogun,
iluk isikhemo holal waganek werek o. Mekeat he, hit nen, it ap akhuni inameke iniki abusak tilogo horlegarek meke inai negen halogo 'bisekhe lagap yi re!” iluk wenageisasikhe. 14Itithogon wenageisasikhesik akhuni inileken puk meke men, inisok ut warek meke men, Yesus oba Allah ai halekma etoma wagoukhama re, at nen hano hagarinakhikhe. 15Itithogon hagarinakhikhemo, it ap Allah iteerek meke inougi koktek emenogo men, Allah ane holal waganek iteerek meke emenogo men, Yesus nen hagasusak dek meke elalinat hagakhunem inileken higik, nen, yekerugi 'bugurlaktek meke nen,
“Noe wa!” iluk u hak,
“Hosana! Daud nen itago meke noe,” iluk Allah ai halekma inane kokhogon Yesus elokhe waganhunem inasuk holhik, hagakhukhasik inakla aga nen, 16#Mazmur 8:3 Yesus men yogokhukha,
“It yekerugi iliogei iti hasuk holhe lagan a?” iluk yogokhukhama, at nen,
“I o. Holhe lagei o. Nen, wene men iluk holal waganek werek etnogo hit nen etaga thalhidek welagap nogo? It nen Allah hogorakhe dogolik,
Hat hebe hanorogon hogothakhe dogoagaluk,
yekerugi ket itago meke men, irlak aban
niliogei meke men, motok yakulisegenma higi,
iluk isukhama, holal waganek iti hit nen etaga thalhidek welagap nogo?” iluk yogeisasikhesik, 17it akhuni emenogo here'isalok, o kota etoma nen dukhi ageikhesik, o Betania noge i ageikhe.
Yesus nen o ara erlo ageikhe homan 'bisikhe wene
(Markus 11:12-14, 20-24)
18Noge iluk huben siakhogon at Yesus o kota etoma apuke ukekhe dogolik, holagarlem hipiri abu ageikhe. 19Hipiri abu ageikhemo, o ara erlo ageikhe holagarlem abelma werekma ileken lakhalok erloma lageikhesik ileken penakhikhe meke re, eken ageikhe ikhidek, eka anek werek nen, o ara etnogo men yogokhikhe,
“Hat o ara yi, hurli yogotak nen logat yabokane heken motok ikhidek dogono,” iluk homan 'bekhe korlek eranogoat, o ara etnogo motok puk ageikhe. 20Itithogon hagakhunem, it at agarumi ane waganhe lagoukha meke emenogo inileken hasukhasik nen,
“Eiye!” iluk ekhe dogolik,
“O ara yi opaki hasigat puk aga yi nikithogon nen?” iluk isukhama, 21at Yesus nen he,
“Wene eberogonat yokhisak. An nen o ara yi hagakhi hak, hit nen itithogon hagasusagat meke re, iti anek hagasusak 'buk. Hinetaiken pere ageidek opakiat dogolik, Allah oba hakotdiluk hit nen,
Tom yi yoma nen henokhogon i laut yekelekma eloma lan o, iluk yogokhep halok he, hagatlasiginat o. 22Nen, hit yi meke ti meke Allah kino yogokhe dogolik, hinetaiken at oba hakotdegep halok he, wokhisageinat o,” iluk yogeisasikhe.
“Yesus, hat nena meke iteerek agatik hagakhe lagan,” iluk itema waganhukha wene
(Markus 11:27-33; Lukas 20:1-8)
23At Yesus nen wene itithogon yogeisasikhesik, at ebe Allah ai halekma ukisikhesik dogolik wene yakulisugunem, it ap Allah iteerek meke inougi koktek inom, it ap inarluetek inom, Yesus oba wagoukhasik nen, men yogokhukha,
“Hat he, yi hagakhik, ti hagakhik, hagakhe lagan yoma nena meke iteerek agatik hagakhe lagan? Nen, ap tha nen iteerek dogoagaluk, meldageikhemo hagakhe lagan,” iluk yogokhukhama 24at Yesus nen,
“An meneke, hinok opakiat ageikhe wokhisagat. Hinok waganhunem, hit nen hutukhogon yoknekhep halok he, an meneke, iti meke iteerek agarik hagakhe lagei, iluk, nane pakhogonat yokhisageinat o. 25At Yohanes nen akhuni ima usa'isekhe lageikhe etnogo, Alah pogot oba meke nen yogokhikhemo ima usa'isekhe lageikhe a? E a, at he, akhuni agat oba meke nen yogokhukhama hagakhe lageikhe a. Yoknitni ta!” iluk yogeisasikhemo, it-it ekhe dogolik, men isukha,
“Pogot oba meke nen yakulikhikhemo usa'isekhe lageikhe, iluk yogosumo, at nen he,
Halok he, hit nen Yohanes ane eberogonat iluk hutdigidek welagagip iti nenaluk, iluk, yoknisaunogo. 26Nen,
Akhuni nen yakulikhukhama usa'isikhe lageikhe, iluk yogosumo, it akhuni yoma tha'bokhogonat nen,
Yohanes iti Allah aneat yoknisekhe lageikhe, iluk egarethekma iti nen, nit ninayuk,” iluk isukhasik, 27yabokane Yesus yogokhe dogolik,
“Wene iti nit ninokodek o,” iluk yogokhukhama, at Yesus nen, men yogeisasikhe,
“Halok he, an meneke,
Iti meke iteerek agarik hagakhe lagei, iluk, hit yokhisagein degat o,” iluk yogeisasikhe.
Ap ageikhe a'buri inebe pere inom inoba lisogon yogeisasikhe wene
28At Yesus nen itithogon yogeisekhe lageikhesik yabokane men yogeisasikhe,
“Wene igin yi, hit nen nikithogon apekhe lagap. Ap ageikhe a'buri inebe pere welagoukha. Werekma, a'but makusa meke iti oba lageikhesik nen, men yogokhikhe,
Na'but, yogotakne, anggur ekama etoma yabu ageikhe wagani lan, iluk yogokhikhe. 29Yogokhikhemo, at a'but etnogo nen,
I o, nopase, isikhe mekeat he, yabu ebe wagani lageidek huk ageikhe. 30Huk ageikhemo, at opase etnogo yabokane a'but magea meke iti oba lageikhesik nen itithogonat yogokhikhe meke re, at nen,
Na'it o, iluk yogokhikhe. Mekeat he, yabokane akla ebekhikhesik yabu etnogo wagani lageikhe. 31Halok he, hit hinakla nen he, it ap inebe pere eta tha hak nen inopase akla apasikhe tak-tagat hagakhikhe apegep,” iluk, yogeisasikhemo it nen he,
“Iti a'but magea meke iti nen hagakhikhe,” iluk yogokhukhama, at Yesus nen,
“Halok he, an nen wene ageikhe eberogonat yokhisak. Hit aban werek korlek, it ap uang pemerintah hasik kino iluk natogokharek meke inom, humi yugunat hagarik nekharek meke inom, it iti tak Allah apma 'bisekherekma etoma ukugun o. 32At Yohanes etnogo Allah akla apekherek meke mothogonat hagakhe dogoagaluk yukulhisa ageikhe mekeat he, hit hinakla nen,
At ane iti eberogonat iluk, hutdigidek welagagip. Meke re, it ap pemerintah hasik uang kino iluk natogokharek meke iti inom, humi yugunat hagarik nekharek meke iti inom,
At ane iti eberogonat iliogo, iluk inakla hutdisukha. It nen itithogon hutdisinem hinileken hisasigip mekeat he, hit anek yabokane hinobabut hebelatluk hutdigidek welagap yi re,” iluk yogeisasikhe.
“Akhuni aperek anggur ai yagoma therogo welagoukha,” iluk, oba lisogon yogeisasikhe wene
(Markus 12:1-12; Lukas 20:9-19)
33At Yesus nen wene itithogon oba lisogon arat yogeisasikhesik,
“Yabokane wene ageikhe yi oba lisogon yokhisak. Ap ageikhe aagat iteerek meke nen wen waganekma anggur ai ya'isikhesik nen, leget halhik, eken thagalogo apusu kelelhe dogogun oba agat hulelhik, inileken dogogun oba kayo perlakhik, hagakhikhesik nen ap aperek elanma hasik it inaen therogo dogoagaluk 'bisalok o werlekma etoma lageikhe. 34Etoma lageikhesik werek korlek, eken ikhunem palharek oba hagatlasi ageikhemo ap aen iteerek meke etnogo nen, atuaneke meke aperek it ap therogo dogoagaluk 'bisasikhemo emenogo nen anggur eken ageikhe wogeisoagaluk, inoba la'isa ageikhe. 35Meke re, it ap therogo welagoukha meke emenogo nen, it ap aagat iteerek meke atuaneke eken waganisuagaluk la'isa ageikhe meke emenogo inebe ha'isalok nen, ageikhe tugi wakhik, ageikhe ebe motok pikeat wakhik, ageikhe helekit oba motok wakhik, hagakhukha. 36Itithogon hagakhukhama at apa aagat iteerek meke etnogo nen, alebageik, inebe wenago negen la'isa ageikhe yabokane motok doalegat la'isa ageikhe mekeat he, alebageik hagakhukha hagat, hagarinakhukha. 37Itithogon hagarinakhukhama at ap kok etnogo nen men isikhe,
Halok he, yogotak an nekaerek na'but yi anek he, alon halogo heagei warogo waganugun o, iluk akla apasikhesik, a'but etnogoat la'i ageikhe. 38La'i ageikhemo wagunem, it ap wen therogo welagoukha meke emenogo nen, inileken lakhasukhasik, it-it ekhe dogolik,
Ap ili opase obolukmo wen iteerek asigin meke etnogo ebe waga ili. Halok he, wen yi nirat iteerek asuok nen, ebe wasuok o, iluk, 39ebe hakhalok yabumo nen leget thikmanke ula'isukhasik, ebe motok pikeat wakhukha. 40Itithogon hagakhukha iti nen, yabokane ap aagat iteerek iti witluk, it ap therogo welagoukha meke iti nikithogon hagarinabigin apegep,” iluk yogeisasikhemo, 41it nen,
“Ap aagat iteerek meke iti witluk, it inobabut weak meke etoma motok tha'bokhogonat inatluk, anggur ai yagoma iti therogo dogolik, eken arat horle agunem palogo wogosi laga dogoagaluk, ap ninat meke ageikhe inayoko 'busagat o,” iluk yogokhukha. 42#Mazmur 118:22-23 Itithogon yogokhukhama, at Yesus nen,
“Hit nen Allah ane yigithogon holal waganogo 'bisukhama etaga thalhidek welagap nogo? It nen,
It ap tukang o helekit meke halharek meke nen,
o ebe halhe dogolik,
Helekit yi weak, iluk thogotdisukha meke iti ebe
herlagaat hagatlagama o. Itithogon
hagatlaga iti,
ninopase Allah Etagapogot nenat hagakhe o, iluk,
ninileken hogosik nen,
Eiye! iluk hogorakhe lago,
iluk holal waganogo 'bisukha meke iti etaga thalhe lagap dek nogo? Etaga thalhe lagabat o. 43Hit he, Allah nen apma 'binagousak welagagip mekeat he, apma 'binagagin dek o. Hit hinobolukmo, o eken hano meke isu hak, it akhuni inukuloak etaga ninat meke nen, Allah akla apekherek meke mothogon hagakhe dogogun meke halok 'bisagein o. [ 44Ap tha nen helekit iti baga kat usa'aga halok, ebe motok wuleleken tiologo 'bigin o. Nen, helekit iti tha obat thebeli aga halok he, ebe motok al debelogo wasigin o,”] 45iluk yogeisasikhemo, it ap Allah iteerek inougi koktek meke men, it ap Farisi meke men,
“Wene oba lisogon ekhe iti, nit ninobasigat yoknisekhe higi,” iluk hutdisukhasik, 46Yesus ebe hakhauwogoluk hagakhukha mekeat, akhuni inebe doalegat nen,
“At Yesus iti Allah ane yoknisekherek meke o,” iluk, ekhe lagoukhama nogo nen, it inayuk nen he, thogotdisukha.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda