Markus 4
4
Yesus nen, “Ap ageikhe ai hilik lageikhe,” iluk oba lisogon yogeisasikhe wene
(Matius 13:1-9; Lukas 8:4-8)
1Yabokane, at Yesus i Galilea yekelek etnogo aik oba dogolik wene yakulisekhe lageikhe. Yakulisugunem akhuni inebe doalegat at oba natogosi agoukhama, it inebe i aik oba 'bisalok, at ebe ima ku baga hureklasi ukisikhe. 2Hureklasi ukisikhesik, wene yi meke oba likhik, ti meke oba likhik, wene doalegat yakulisasikhe. Yakulisekhe dogolik, ageikhe men yogeisasikhe,
3“Hinasuk holini. Ap ageikhe ai hilogo la'ekherek meke ai hilogo la'igiluk dukhisikhe. 4Dukhisikhesik, ai hilogo la'ilik lagunem, ai aperek holagarlem usa'isikhe. Usa'isinem, thue wageikhesik tha'bokhogonat haumhogo nasikhe. 5Nen, ai ageikhe helekit oba agat apum dekma usa'isikhe meke re, agat apum dekma nogo nen, aku ibat hurlelhikhe. 6Hurlelhikhe mekeat he, o mo wageikhemo, omaken yakhidek nen, tha'bet ageikhesik puk ageikhe. 7Nen, ai ageikhe, oka arlok weakma usa'isikhe meke re, oka arlok iti meke kok aga dogolik, ai hano meke yago etnogo akurladap ageikhesik, eken ikidek welageikhe. 8Nen, ai ageikhe agat mirlimo usa'isikhe meke iti, aku hurlelhikhe. Hurlelhikhesik ebe kok ageikhesik eken ikhikhe. Erlo ageikhe eken 30 ikhikhe. Erlo ageikhe eken 60 ikhikhe. Erlo ageikhe eken 100 ikhikhe,” iluk yogeisasikhesik nen,
9ageikhe men yogeisasikhe,
“Hit hinasuk holusak halok he, hanorogo holini o,” iluk yogeisasikhe.
Yesus nen, “Wene oba lisogon yokhisegerek iti, ebe iti hasik,” iluk yogeisasikhe wene
(Matius 13:10-17; Lukas 8:9-10)
10Itithogon yogeisasikhesik, at Yesus arligat werekma, yabokane it inebe 12 emenogo men, it aperek Yesus wene yogeisugunem inasuk holhukha meke men, oba wagoukhasik, men yogokhukha,
“Hat nen wene oba lisogon yoknisegen etnogo, ebe nikithogon meke hasik yoknisegen,” iluk oba hinok waganhukha. 11-12#Yesaya 6:9-10 Hinok waganhunem at nen he, men yogeisasikhe,
“Allah nen apma 'bisekherek wene iti, at akla limago welageikhe meke, wene hit anek he, hinilu asubageik iluk pakhogon yokhisausak akla apasikhe mekeat he, it akhuni itikmanke meke iti anek he, at Allah nen,
It iti weak hagariogei meke iti here'isalok
inobabut hebelasumo an nen thagalogo
degetdisaunogo iluk,
it inileken hekhe dogogun mekeat he,
hutukhogon hekhe dogogun dek o.
Nen, inasuk holhe dogogun mekeat he,
hutukhogon hutdekhe dogogun degat o,
iluk isikhe iti tak-tak asuagaluk, wene yi meke ti meke baga likhik, yogeisekhe lagei iti o,” iluk yogeisasikhe.
At Yesus nen, “Ap ageikhe ai hilogo la'igiluk lageikhe, iluk yokhisigi etnogo, ebe yigithogon,” iluk yogeisasikhe wene
(Matius 13:18-23; Lukas 8:11-15)
13At Yesus nen itithogon yogeisasikhesik, yabokane men yogeisasikhe,
“Hit he, wene oba lisogon yokhisigi etnogo hutdigidek hinokodek welagap halok he, yabokane wene yi baga likhik, ti baga likhik, yokhisugunem, nikithogon hutdiluk hinilu asigin. 14Ap ageikhe ai hilogo la'igiluk nekherek meke iluk yokhisigi iti ebe, Allah aneat yogeisilik nekharek itiat o. 15Nen, ai ageikhe holagarlem usa'isikhe iti ebe, it akhuni aperek nen Allah ane inasuk holharethek nen, Iblis ibat wagarethek nen, wene inetaikenma yago meke iti henogo wolok lagarek o. 16Nen, ai ageikhe helekit oba usa'isikhe iti ebe re, it akhuni aperek nen Allah ane iti inasuk holharethek nen, inakla arleken akhekhe dogolik, ibat waganharek. 17Itithogon ibat waganharek mekeat he, wene iti inetaikenma omaken yakhidek nen, iniki pererlagat welageikharethek nen, akhuni aperek nen Allah ane iti hasik, yi aik ti aik inoba 'bigik, weagarinakhik, hagakhunem, inakla ibat puk ageikharethek nen, wene iti here'isalok dukhegarek itiat o. 18Nen, ai ageikhe okama arlok weakma usa'isikhe iti ebe, it akhuni aperek Allah ane iti inasuk holharethek nenat, 19inakla nen,
Yogotak ya hasik nikithogon hagasigin he, iluk, wene munini ebekhik,
Nameke doalegat dogolep e, iluk inakla ebekhe dogolik, inekaerek nen nukhetdakhigik, inakla nen yi meke ti meke aperek warlok apigik, hagakharek iti nen, wene iti inakla keken atluk nen, eken ikherek dek itiat o. 20Nen, ai ageikhe agat hanoma usa'isikhe iti ebe, it akhuni aperek Allah ane iti inasuk holiluk waganharethek nen, wene iti inakla eken ikherek o. Erlo ageikhe nen eken 30 ikhik, erlo ageikhe nen eken 60 ikhik, erlo ageikhe nen eken 100 ikhik, ikherek itiat o,” iluk yogeisasikhe.
Yesus nen, “Isagal yibarlogo isoak thebelogo 'busak dek,” iluk oba lisogon isikhe wene
(Lukas 8:16-18)
21At Yesus nen itithogon yogeisasikhesik nen, yabokane men isikhe,
“Akhuni nen isagal yibarlogo isoak thebelogo 'bigik, noge egarekma abura thebelogo 'bigik, 'buogoluk yibakharek nogo? Dek o. Yibarlogo isok tilik oba 'buogolugat wolok uki ageikharek. 22Yi meke ti meke limago werek iti, thelekma asuagaluk limago werek o. Nen, yi meke ti meke thebelek werek iti, 'bukalogo thelekmatduagaluk thebelek werek o. 23Iti nenat, tha nen asuk holusak halok he, hanorogon holuak o,” iluk yogeisasikhesik, 24-25wene ageikhe men yogeisasikhe,
“Wene yokhisekhe lagei iti, hanorogon hutdekhe dogono o. Tha nen waganhesik hago werek halok, yabokane Allah nen ageikhe inom wogokhik, nen, tha nen waganhidek, herlekha'bugat hago dogogin halok, tilogo horligik, hagasigin iti nen, hit nen akhuni aperek waganuagaluk walegeke walhalok wogeisegethep iti hak, hit nen wogeisagun tak-tagat, Allah nen walegeke walhalok wokhisalok nen, ageikhe inom lapelogo wokhisageinat o,” iluk yogeisasikhe.
Yesus nen aku dukhekherek meke oba lisogon yogeisasikhe wene
26Yesus nen wene itithogon yogeisasikhesik, ageikhe men yogeisasikhe,
“Allah apma 'bisekherek iti, ap ageikhe nen ayabumo ai hilogo la'ekherek hakene o. 27Ayabumo hilogo la'iluk nen, o hi isinem noge igik, wi isinem iluk ageik, hagakhe korlek, ai etnogo aku dukhekherethek nen, kok agarek. Itithogon kok ariogo mekeat he, nikithogon kok ariogo he, okodegat welagarek. 28Ai iti yabumo yakhunem nen, alebageik abusagat aku tak dukhiluk nen, yabokane eken i'biluk nen, horle agarek iti. 29Horle agunem,
Eken palusak oba arat asi aga, iluk, karok korlo meke wolok ebe ibat palharek o,” iluk yogeisasikhe.
Yesus nen ki'bi-ki'bi ai oba lisogon yogeisasikhe wene
(Matius 13:31-32, 34; Lukas 13:18-19)
30Itithogon yogeisasikhesik nen, yabokane ageikhe men isikhe,
“Allah apma 'bisekherek iti nena meke hakene ugun. Nen, nena meke oba lisogon ugun. 31Iti ebe re, ki'bi-ki'bi eken hakene o. Ap ageikhe nen ki'bi-ki'bi ai hilogo la'isikhe. Yi meke ti meke ai iti, 'bugurlaktegat mekeat he, ki'bi-ki'bi ai iti anek motok 'bugurlaktegat o. 32Itithogon mekeat he, ki'bi witat men, ageikhe ninat meke men, yakhunem, aku dukhekherethek nen, oak 'bugurlagat negen dageikherek. Mekeat he, ki'bi-ki'bi iti anek he, hilogo la'isinem oak motok kogat dageikherethek nen, ikilo'bak tualogo eka doalegat agunem, thue hitluk-witluk nekherek meke witluk nen, kunakma etoma ai erlok hali agarek iti hakeneat o,” iluk yogeisasikhe.
33It akhuni nen wene hutdusak tak-tagat hutduagaluk, yi meke ti meke doalegat oba likhik yogeisekhe lageikhe. 34It akhuni aperek yakulisagaluk halok he, wene oba likhik anek yakulisekhe lageikhe mekeat he, at agarumi ane waganhe lagoukha meke emenogo anek he, inom inasokneat dogolik, wene ebe thelekmaat pakhogon yogeisekhe lageikhe.
Yesus nen hisakne inom, i hoklabu inom, aborlok degetdisikhe wene
(Matius 8:23-27; Lukas 8:22-25)
35Itithogon yogeisekhe lageikhesik, o hiamaganeke at Yesus nen agarumi emenogo men yogeisasikhe,
“Nit i yekelekma aik ilibaganke italuok o,” iluk yogeisasikhemo, 36it nen, ku Yesus welageikhe meke baga etnogo werekma oba ukisukhasik nen, akhuni doalegat emenogo etoma 'bisalok, at ebe wolok italhukha. It italhe korlek, akhuni aperek ku aperek oba inom tak-tagat italhukhaat. 37Itithogon italhunem, hisakne kogat hubetha ageikhemo, i hoklabu thabulogo liakhe dogolik, ku akla ukisikhemo apem hethokhogon yekeligiluk hagakhikhe. 38Itithogon hagakhe korlek, Yesus ebe ku agamake ukuloak lekhogon su inkuloak lekhogon noge egarek meke baga noge isinem agarumi emenogo nen iluguthasukha. Iluguthekhe dogolik, men yogokhukha,
“Noe. Nit i lugun yoma ninebe hakmu dek?” iluk yogokhukha. 39Yogokhukhama, at iluk ageikhesik, hisakne etnogo wenagakhe dogolik,
“Haborlok dek asin,” isikhesik, i etnogo yogokhe dogolik,
“Haborlok hapuk in,” iluk yogokhikhemo, hisakne etnogo dek ageik, i hoklabu etnogo aborlok motok hapuk igik, hagatlageikhe. 40Itithogon hagatlageikhemo, at Yesus nen, men yogeisasikhe,
“Hit nenaluk hinayuk nen hagakhe lagap. Hinetaiken an noba aban hakotdigidek welagap a,” iluk yogeisasikhemo, 41inayuk motok agoukha. Inayuk motok agoukhasik, it-it ekhe dogolik men isukha,
“Eiye! Ap yi tha apegep. Hisakne men, i hoklabu men, at ane isinem hologo dek aga iti, nayuk o!” iluk hogorakhukha.
Zvasarudzwa nguva ino
Markus 4: LAIDNT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Markus 4
4
Yesus nen, “Ap ageikhe ai hilik lageikhe,” iluk oba lisogon yogeisasikhe wene
(Matius 13:1-9; Lukas 8:4-8)
1Yabokane, at Yesus i Galilea yekelek etnogo aik oba dogolik wene yakulisekhe lageikhe. Yakulisugunem akhuni inebe doalegat at oba natogosi agoukhama, it inebe i aik oba 'bisalok, at ebe ima ku baga hureklasi ukisikhe. 2Hureklasi ukisikhesik, wene yi meke oba likhik, ti meke oba likhik, wene doalegat yakulisasikhe. Yakulisekhe dogolik, ageikhe men yogeisasikhe,
3“Hinasuk holini. Ap ageikhe ai hilogo la'ekherek meke ai hilogo la'igiluk dukhisikhe. 4Dukhisikhesik, ai hilogo la'ilik lagunem, ai aperek holagarlem usa'isikhe. Usa'isinem, thue wageikhesik tha'bokhogonat haumhogo nasikhe. 5Nen, ai ageikhe helekit oba agat apum dekma usa'isikhe meke re, agat apum dekma nogo nen, aku ibat hurlelhikhe. 6Hurlelhikhe mekeat he, o mo wageikhemo, omaken yakhidek nen, tha'bet ageikhesik puk ageikhe. 7Nen, ai ageikhe, oka arlok weakma usa'isikhe meke re, oka arlok iti meke kok aga dogolik, ai hano meke yago etnogo akurladap ageikhesik, eken ikidek welageikhe. 8Nen, ai ageikhe agat mirlimo usa'isikhe meke iti, aku hurlelhikhe. Hurlelhikhesik ebe kok ageikhesik eken ikhikhe. Erlo ageikhe eken 30 ikhikhe. Erlo ageikhe eken 60 ikhikhe. Erlo ageikhe eken 100 ikhikhe,” iluk yogeisasikhesik nen,
9ageikhe men yogeisasikhe,
“Hit hinasuk holusak halok he, hanorogo holini o,” iluk yogeisasikhe.
Yesus nen, “Wene oba lisogon yokhisegerek iti, ebe iti hasik,” iluk yogeisasikhe wene
(Matius 13:10-17; Lukas 8:9-10)
10Itithogon yogeisasikhesik, at Yesus arligat werekma, yabokane it inebe 12 emenogo men, it aperek Yesus wene yogeisugunem inasuk holhukha meke men, oba wagoukhasik, men yogokhukha,
“Hat nen wene oba lisogon yoknisegen etnogo, ebe nikithogon meke hasik yoknisegen,” iluk oba hinok waganhukha. 11-12#Yesaya 6:9-10 Hinok waganhunem at nen he, men yogeisasikhe,
“Allah nen apma 'bisekherek wene iti, at akla limago welageikhe meke, wene hit anek he, hinilu asubageik iluk pakhogon yokhisausak akla apasikhe mekeat he, it akhuni itikmanke meke iti anek he, at Allah nen,
It iti weak hagariogei meke iti here'isalok
inobabut hebelasumo an nen thagalogo
degetdisaunogo iluk,
it inileken hekhe dogogun mekeat he,
hutukhogon hekhe dogogun dek o.
Nen, inasuk holhe dogogun mekeat he,
hutukhogon hutdekhe dogogun degat o,
iluk isikhe iti tak-tak asuagaluk, wene yi meke ti meke baga likhik, yogeisekhe lagei iti o,” iluk yogeisasikhe.
At Yesus nen, “Ap ageikhe ai hilogo la'igiluk lageikhe, iluk yokhisigi etnogo, ebe yigithogon,” iluk yogeisasikhe wene
(Matius 13:18-23; Lukas 8:11-15)
13At Yesus nen itithogon yogeisasikhesik, yabokane men yogeisasikhe,
“Hit he, wene oba lisogon yokhisigi etnogo hutdigidek hinokodek welagap halok he, yabokane wene yi baga likhik, ti baga likhik, yokhisugunem, nikithogon hutdiluk hinilu asigin. 14Ap ageikhe ai hilogo la'igiluk nekherek meke iluk yokhisigi iti ebe, Allah aneat yogeisilik nekharek itiat o. 15Nen, ai ageikhe holagarlem usa'isikhe iti ebe, it akhuni aperek nen Allah ane inasuk holharethek nen, Iblis ibat wagarethek nen, wene inetaikenma yago meke iti henogo wolok lagarek o. 16Nen, ai ageikhe helekit oba usa'isikhe iti ebe re, it akhuni aperek nen Allah ane iti inasuk holharethek nen, inakla arleken akhekhe dogolik, ibat waganharek. 17Itithogon ibat waganharek mekeat he, wene iti inetaikenma omaken yakhidek nen, iniki pererlagat welageikharethek nen, akhuni aperek nen Allah ane iti hasik, yi aik ti aik inoba 'bigik, weagarinakhik, hagakhunem, inakla ibat puk ageikharethek nen, wene iti here'isalok dukhegarek itiat o. 18Nen, ai ageikhe okama arlok weakma usa'isikhe iti ebe, it akhuni aperek Allah ane iti inasuk holharethek nenat, 19inakla nen,
Yogotak ya hasik nikithogon hagasigin he, iluk, wene munini ebekhik,
Nameke doalegat dogolep e, iluk inakla ebekhe dogolik, inekaerek nen nukhetdakhigik, inakla nen yi meke ti meke aperek warlok apigik, hagakharek iti nen, wene iti inakla keken atluk nen, eken ikherek dek itiat o. 20Nen, ai ageikhe agat hanoma usa'isikhe iti ebe, it akhuni aperek Allah ane iti inasuk holiluk waganharethek nen, wene iti inakla eken ikherek o. Erlo ageikhe nen eken 30 ikhik, erlo ageikhe nen eken 60 ikhik, erlo ageikhe nen eken 100 ikhik, ikherek itiat o,” iluk yogeisasikhe.
Yesus nen, “Isagal yibarlogo isoak thebelogo 'busak dek,” iluk oba lisogon isikhe wene
(Lukas 8:16-18)
21At Yesus nen itithogon yogeisasikhesik nen, yabokane men isikhe,
“Akhuni nen isagal yibarlogo isoak thebelogo 'bigik, noge egarekma abura thebelogo 'bigik, 'buogoluk yibakharek nogo? Dek o. Yibarlogo isok tilik oba 'buogolugat wolok uki ageikharek. 22Yi meke ti meke limago werek iti, thelekma asuagaluk limago werek o. Nen, yi meke ti meke thebelek werek iti, 'bukalogo thelekmatduagaluk thebelek werek o. 23Iti nenat, tha nen asuk holusak halok he, hanorogon holuak o,” iluk yogeisasikhesik, 24-25wene ageikhe men yogeisasikhe,
“Wene yokhisekhe lagei iti, hanorogon hutdekhe dogono o. Tha nen waganhesik hago werek halok, yabokane Allah nen ageikhe inom wogokhik, nen, tha nen waganhidek, herlekha'bugat hago dogogin halok, tilogo horligik, hagasigin iti nen, hit nen akhuni aperek waganuagaluk walegeke walhalok wogeisegethep iti hak, hit nen wogeisagun tak-tagat, Allah nen walegeke walhalok wokhisalok nen, ageikhe inom lapelogo wokhisageinat o,” iluk yogeisasikhe.
Yesus nen aku dukhekherek meke oba lisogon yogeisasikhe wene
26Yesus nen wene itithogon yogeisasikhesik, ageikhe men yogeisasikhe,
“Allah apma 'bisekherek iti, ap ageikhe nen ayabumo ai hilogo la'ekherek hakene o. 27Ayabumo hilogo la'iluk nen, o hi isinem noge igik, wi isinem iluk ageik, hagakhe korlek, ai etnogo aku dukhekherethek nen, kok agarek. Itithogon kok ariogo mekeat he, nikithogon kok ariogo he, okodegat welagarek. 28Ai iti yabumo yakhunem nen, alebageik abusagat aku tak dukhiluk nen, yabokane eken i'biluk nen, horle agarek iti. 29Horle agunem,
Eken palusak oba arat asi aga, iluk, karok korlo meke wolok ebe ibat palharek o,” iluk yogeisasikhe.
Yesus nen ki'bi-ki'bi ai oba lisogon yogeisasikhe wene
(Matius 13:31-32, 34; Lukas 13:18-19)
30Itithogon yogeisasikhesik nen, yabokane ageikhe men isikhe,
“Allah apma 'bisekherek iti nena meke hakene ugun. Nen, nena meke oba lisogon ugun. 31Iti ebe re, ki'bi-ki'bi eken hakene o. Ap ageikhe nen ki'bi-ki'bi ai hilogo la'isikhe. Yi meke ti meke ai iti, 'bugurlaktegat mekeat he, ki'bi-ki'bi ai iti anek motok 'bugurlaktegat o. 32Itithogon mekeat he, ki'bi witat men, ageikhe ninat meke men, yakhunem, aku dukhekherethek nen, oak 'bugurlagat negen dageikherek. Mekeat he, ki'bi-ki'bi iti anek he, hilogo la'isinem oak motok kogat dageikherethek nen, ikilo'bak tualogo eka doalegat agunem, thue hitluk-witluk nekherek meke witluk nen, kunakma etoma ai erlok hali agarek iti hakeneat o,” iluk yogeisasikhe.
33It akhuni nen wene hutdusak tak-tagat hutduagaluk, yi meke ti meke doalegat oba likhik yogeisekhe lageikhe. 34It akhuni aperek yakulisagaluk halok he, wene oba likhik anek yakulisekhe lageikhe mekeat he, at agarumi ane waganhe lagoukha meke emenogo anek he, inom inasokneat dogolik, wene ebe thelekmaat pakhogon yogeisekhe lageikhe.
Yesus nen hisakne inom, i hoklabu inom, aborlok degetdisikhe wene
(Matius 8:23-27; Lukas 8:22-25)
35Itithogon yogeisekhe lageikhesik, o hiamaganeke at Yesus nen agarumi emenogo men yogeisasikhe,
“Nit i yekelekma aik ilibaganke italuok o,” iluk yogeisasikhemo, 36it nen, ku Yesus welageikhe meke baga etnogo werekma oba ukisukhasik nen, akhuni doalegat emenogo etoma 'bisalok, at ebe wolok italhukha. It italhe korlek, akhuni aperek ku aperek oba inom tak-tagat italhukhaat. 37Itithogon italhunem, hisakne kogat hubetha ageikhemo, i hoklabu thabulogo liakhe dogolik, ku akla ukisikhemo apem hethokhogon yekeligiluk hagakhikhe. 38Itithogon hagakhe korlek, Yesus ebe ku agamake ukuloak lekhogon su inkuloak lekhogon noge egarek meke baga noge isinem agarumi emenogo nen iluguthasukha. Iluguthekhe dogolik, men yogokhukha,
“Noe. Nit i lugun yoma ninebe hakmu dek?” iluk yogokhukha. 39Yogokhukhama, at iluk ageikhesik, hisakne etnogo wenagakhe dogolik,
“Haborlok dek asin,” isikhesik, i etnogo yogokhe dogolik,
“Haborlok hapuk in,” iluk yogokhikhemo, hisakne etnogo dek ageik, i hoklabu etnogo aborlok motok hapuk igik, hagatlageikhe. 40Itithogon hagatlageikhemo, at Yesus nen, men yogeisasikhe,
“Hit nenaluk hinayuk nen hagakhe lagap. Hinetaiken an noba aban hakotdigidek welagap a,” iluk yogeisasikhemo, 41inayuk motok agoukha. Inayuk motok agoukhasik, it-it ekhe dogolik men isukha,
“Eiye! Ap yi tha apegep. Hisakne men, i hoklabu men, at ane isinem hologo dek aga iti, nayuk o!” iluk hogorakhukha.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda