Mathiyu 2
2
Biyɛthɛŋ bikele beŋ
1Naa see Yisɔs mpaa ka mɛti ba ka Bɛthɛlɛhɛmi ba ka Yudiya, ka yamana wo ka gbaku woŋ Hɛrɔdi, biyɛthɛŋ bikele bi thanuwɛ ba sosɛŋ beŋ ŋaye kuwaŋ kubekede koŋ e bindɛ saa ka Yɛrusalɛmi kaŋ thɔnthiŋinuwa ba dɔma, 2na “Thɔɔ ka gbaku wo ka biYusu beŋ wo mpoo woŋ? Miŋ kute sosa nama woŋ kuwaŋ kubekede koŋ, awa huna see miŋ ba niŋ si niya kubatho.”
3Naa yuye huŋ gbaku woŋ Hɛrɔdi, ndɛ payɔy wumandiŋ. Nɛna niyɔy hɛlɛŋ nɛŋ wuŋ iŋ biya bi ka Yɛrusalɛmi beŋ fooma. 4Awa ndɛ kɔminande ka tha banthe fooma bafodeni bibukuyuwɛ beŋ mɛnɛ bikarimɔkɔiŋ bi ka Siraŋ baŋ beŋ, e ndɛ bindɛ thɔnthiŋina ba ka tha ka Banikisi woŋ ba mpoo.
5Bindɛ mɛyiyɛ niŋ, na “Ka mɛti ba ka Bɛthɛlɛhɛmi ka bompi wo ka Yudiya, baa nɛna gbale nde banabi woŋ: ‘Masaala tepe, na
6Awa yi, Bɛthɛlɛhɛmi, yindo ka bompi wo ka Yudiya,
yi athahuwɔ kɛrɛ yina wunthe ka bakɛrɛni bisɔbɛ beŋ ka bompi wo ka Yudiya,
baa maŋaye kɛnda kɛna bakɛrɛŋ woŋ ŋaye wo si kɛriŋiyɛ biyaŋ biIsirɛli beŋ.’”#Mai 5:2
7Kɛna thiyi Hɛrɔdi biya bikele beŋ magbɔma ba kɔthɔ kɛnamɛŋ lɔkɔ bagbeeŋ ba toŋineke sosa woŋ baŋ. 8Awa kɛna ŋindi ndɛ bindɛ ka Bɛthɛlɛhɛmi e ndɛ dɔma, na “Kaaŋ deethi kuthɛgbɛ nathɛ ba hati woŋ baŋ. Awa naa beŋ kute niŋ, saaŋ yama tepe. Yaŋ hɛlɛŋ gbeeŋ kɔŋ key ba niŋ ka niya kubatho.”
9Naa thanki bindɛ nunkunoko iŋ gbaku woŋ Hɛrɔdi, bindɛ key kubiyasi namɛŋ koŋ ka kɔtɔkɔy. Awa sosa wo kute nde bindɛ kuwaŋ kubekede koŋ woŋ kɔtiyɔkɔy bindɛ, haaŋ yɔkɔŋ naa tɛŋ ndɛ ka hati woŋ kɛ e ndɛ kɔ kɔɔ. 10Naa kute bindɛ na kɔɔyɛ sosa woŋ, wuŋ yehe bindɛ awa bindɛ yehitɔkɔy wumandiŋ. 11Bindɛ biyande ka banka baŋ e bindɛ kuta Mariyama na iŋ hati woŋ, awa kɛna kunthuŋe bindɛ ka kɔtɔkɔy ka Yisɔs e bindɛ niŋ niya kubatho. Kɛna thiye bindɛ thɛnkɔ ka ponthoiŋ namɛŋ baŋ e bindɛ nkaa hati woŋ munkii muboyi, gbomgbo ba domo na Fankinsɛnsi, mɛnɛ tɛɛni ba domo na Mari.
12Naa ŋɔyɛ bindɛ ka nine, Masaala yeli bindɛ ka mandɛ ba bi be tha nda dapiyɔkɔ ka Hɛrɔdi ka. Awa naa bohe bindɛ duwa, bindɛ fuŋe gboŋa bahɛna ba duwa kɛnamɛŋ ka.
Kita namɛŋ haŋ ka Iyipiti
13Naa key bindɛ, maleka wo ka Mariki woŋ tɔŋinɔkɔy Yusufu na ka mandɛ e niŋ tepe, na “Ŋaye, e yi gbɔnina hati woŋ iŋ nandama dondo baŋ, awa e beŋ kaa ka Iyipiti, awa kɛna beŋ niyɔ haaŋ yɔkɔŋ yaŋ tepe nɔŋ bena ba beŋ duwa, baa Hɛrɔdi kɔŋ deethi hati woŋ ba niŋ kɔra.”
14Awa naa ŋaye ndɛ ka nine haŋ, ndɛ sekithe hati woŋ iŋ nandama woŋ huyɛ e bindɛ kaa ka Iyipiti. 15Kɛna niyɔy bindɛ haaŋ yɔkɔŋ na tuku Hɛrɔdi.
Wuŋ baŋ niyɔy haliko ba thiŋina hu tepe nde Mariki woŋ haŋ ka hothi hu ka banabi woŋ, na “Maŋaye ka Iyipiti kɛna thiye yaŋ hatiŋ wowathe woŋ.”#Hos 11:1
Koruwo hu ka mpati muŋ haŋ
16Naa kute Hɛrɔdi ba wuŋ niyɔ na biyɛthɛŋ bikele beŋ thɔkɔŋ niŋ, ndɛ thɔɔyɛ ka mathoŋ wumandiŋ. Kɛna dunkuŋ ndɛ yamari ba hati o hati wowathe wo tɛŋinɛ thanina thaye maa wo ba hɛ tindɛ tɛŋɛŋ ba ndɛ koro, there ka Bɛthɛlɛhɛmi, awa mɛnɛ lonkori wo tɔpɛ kɛndɛ woŋ fooma, baa biyɛthɛŋ bikele beŋ tepe niŋ ba sosa woŋ tɔŋinɔkɔ bɛrɛ ba thanina thaye nda.
17Hu tepe nde banabi woŋ Yɛrɛmaya haŋ see niyɔ nɔndi, 18ba dɔma, na
“Thampa yuyo ka Rama,
boka iŋ sampɛrɛŋ bamandiŋ.
Retɛli kɔŋ bereŋ ba mpati nama,
awa ndɛ tha mɛyi ba thaayuwo,
baa ndɛ sa nɔŋ nda bindɛ kutu.”#Yɛr 31:15
Duwa haŋ ŋaye ka Iyipiti
19Naa tuku Hɛrɔdi, maleka wo ka Mariki woŋ see tɔŋinɔkɔ Yusufu na ka mandɛ ka Iyipiti, e ndɛ dɔma, na 20“Ŋaye e yi sɛkitha hati woŋ mɛnɛ nandama, e beŋ kaa ka kuyɛkɛŋ ku ka Isirɛli, baa bi nde deethi ba kɔra hati woŋ thanki tuukuwa.” 21Yusufu ŋaye e ndɛ sɛkitha hati woŋ mɛnɛ nandama na e bindɛ duwa ka Isirɛli.
22Kɛrɛ naa yuye Yusufu ba dɔma na Akɛleyɔsi na pɛyɛtɔy huybakine hu ka fandama Hɛrɔdi haŋ ka Yudiya, ndɛ see thooyo payɔ ba kaa kɛndɛ. Kɛna see ndɛ yela ka mandɛ iŋ maleka wo ka Masaala woŋ ba ndɛ be tha key kɛndɛ. Awa ndɛ key ka kuyɛkɛŋ ku ka Kalili koŋ. 23Kɛna key ndɛ niyɔ ka mɛti banthe ba dɔma na ka Nasarɛthi,#Maki 1:24; Luku 2:39; Yɔni 1:45 haliko hu tepe nde banabiŋ beŋ haŋ ba hati woŋ hu be niyɔ nɔndi, na “Ndɛ kɔŋ dɔma Nasarini.”#Ais 11:1
Zvasarudzwa nguva ino
Mathiyu 2: LMBNT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© The Bible Society of Sierra Leone, 2011
Mathiyu 2
2
Biyɛthɛŋ bikele beŋ
1Naa see Yisɔs mpaa ka mɛti ba ka Bɛthɛlɛhɛmi ba ka Yudiya, ka yamana wo ka gbaku woŋ Hɛrɔdi, biyɛthɛŋ bikele bi thanuwɛ ba sosɛŋ beŋ ŋaye kuwaŋ kubekede koŋ e bindɛ saa ka Yɛrusalɛmi kaŋ thɔnthiŋinuwa ba dɔma, 2na “Thɔɔ ka gbaku wo ka biYusu beŋ wo mpoo woŋ? Miŋ kute sosa nama woŋ kuwaŋ kubekede koŋ, awa huna see miŋ ba niŋ si niya kubatho.”
3Naa yuye huŋ gbaku woŋ Hɛrɔdi, ndɛ payɔy wumandiŋ. Nɛna niyɔy hɛlɛŋ nɛŋ wuŋ iŋ biya bi ka Yɛrusalɛmi beŋ fooma. 4Awa ndɛ kɔminande ka tha banthe fooma bafodeni bibukuyuwɛ beŋ mɛnɛ bikarimɔkɔiŋ bi ka Siraŋ baŋ beŋ, e ndɛ bindɛ thɔnthiŋina ba ka tha ka Banikisi woŋ ba mpoo.
5Bindɛ mɛyiyɛ niŋ, na “Ka mɛti ba ka Bɛthɛlɛhɛmi ka bompi wo ka Yudiya, baa nɛna gbale nde banabi woŋ: ‘Masaala tepe, na
6Awa yi, Bɛthɛlɛhɛmi, yindo ka bompi wo ka Yudiya,
yi athahuwɔ kɛrɛ yina wunthe ka bakɛrɛni bisɔbɛ beŋ ka bompi wo ka Yudiya,
baa maŋaye kɛnda kɛna bakɛrɛŋ woŋ ŋaye wo si kɛriŋiyɛ biyaŋ biIsirɛli beŋ.’”#Mai 5:2
7Kɛna thiyi Hɛrɔdi biya bikele beŋ magbɔma ba kɔthɔ kɛnamɛŋ lɔkɔ bagbeeŋ ba toŋineke sosa woŋ baŋ. 8Awa kɛna ŋindi ndɛ bindɛ ka Bɛthɛlɛhɛmi e ndɛ dɔma, na “Kaaŋ deethi kuthɛgbɛ nathɛ ba hati woŋ baŋ. Awa naa beŋ kute niŋ, saaŋ yama tepe. Yaŋ hɛlɛŋ gbeeŋ kɔŋ key ba niŋ ka niya kubatho.”
9Naa thanki bindɛ nunkunoko iŋ gbaku woŋ Hɛrɔdi, bindɛ key kubiyasi namɛŋ koŋ ka kɔtɔkɔy. Awa sosa wo kute nde bindɛ kuwaŋ kubekede koŋ woŋ kɔtiyɔkɔy bindɛ, haaŋ yɔkɔŋ naa tɛŋ ndɛ ka hati woŋ kɛ e ndɛ kɔ kɔɔ. 10Naa kute bindɛ na kɔɔyɛ sosa woŋ, wuŋ yehe bindɛ awa bindɛ yehitɔkɔy wumandiŋ. 11Bindɛ biyande ka banka baŋ e bindɛ kuta Mariyama na iŋ hati woŋ, awa kɛna kunthuŋe bindɛ ka kɔtɔkɔy ka Yisɔs e bindɛ niŋ niya kubatho. Kɛna thiye bindɛ thɛnkɔ ka ponthoiŋ namɛŋ baŋ e bindɛ nkaa hati woŋ munkii muboyi, gbomgbo ba domo na Fankinsɛnsi, mɛnɛ tɛɛni ba domo na Mari.
12Naa ŋɔyɛ bindɛ ka nine, Masaala yeli bindɛ ka mandɛ ba bi be tha nda dapiyɔkɔ ka Hɛrɔdi ka. Awa naa bohe bindɛ duwa, bindɛ fuŋe gboŋa bahɛna ba duwa kɛnamɛŋ ka.
Kita namɛŋ haŋ ka Iyipiti
13Naa key bindɛ, maleka wo ka Mariki woŋ tɔŋinɔkɔy Yusufu na ka mandɛ e niŋ tepe, na “Ŋaye, e yi gbɔnina hati woŋ iŋ nandama dondo baŋ, awa e beŋ kaa ka Iyipiti, awa kɛna beŋ niyɔ haaŋ yɔkɔŋ yaŋ tepe nɔŋ bena ba beŋ duwa, baa Hɛrɔdi kɔŋ deethi hati woŋ ba niŋ kɔra.”
14Awa naa ŋaye ndɛ ka nine haŋ, ndɛ sekithe hati woŋ iŋ nandama woŋ huyɛ e bindɛ kaa ka Iyipiti. 15Kɛna niyɔy bindɛ haaŋ yɔkɔŋ na tuku Hɛrɔdi.
Wuŋ baŋ niyɔy haliko ba thiŋina hu tepe nde Mariki woŋ haŋ ka hothi hu ka banabi woŋ, na “Maŋaye ka Iyipiti kɛna thiye yaŋ hatiŋ wowathe woŋ.”#Hos 11:1
Koruwo hu ka mpati muŋ haŋ
16Naa kute Hɛrɔdi ba wuŋ niyɔ na biyɛthɛŋ bikele beŋ thɔkɔŋ niŋ, ndɛ thɔɔyɛ ka mathoŋ wumandiŋ. Kɛna dunkuŋ ndɛ yamari ba hati o hati wowathe wo tɛŋinɛ thanina thaye maa wo ba hɛ tindɛ tɛŋɛŋ ba ndɛ koro, there ka Bɛthɛlɛhɛmi, awa mɛnɛ lonkori wo tɔpɛ kɛndɛ woŋ fooma, baa biyɛthɛŋ bikele beŋ tepe niŋ ba sosa woŋ tɔŋinɔkɔ bɛrɛ ba thanina thaye nda.
17Hu tepe nde banabi woŋ Yɛrɛmaya haŋ see niyɔ nɔndi, 18ba dɔma, na
“Thampa yuyo ka Rama,
boka iŋ sampɛrɛŋ bamandiŋ.
Retɛli kɔŋ bereŋ ba mpati nama,
awa ndɛ tha mɛyi ba thaayuwo,
baa ndɛ sa nɔŋ nda bindɛ kutu.”#Yɛr 31:15
Duwa haŋ ŋaye ka Iyipiti
19Naa tuku Hɛrɔdi, maleka wo ka Mariki woŋ see tɔŋinɔkɔ Yusufu na ka mandɛ ka Iyipiti, e ndɛ dɔma, na 20“Ŋaye e yi sɛkitha hati woŋ mɛnɛ nandama, e beŋ kaa ka kuyɛkɛŋ ku ka Isirɛli, baa bi nde deethi ba kɔra hati woŋ thanki tuukuwa.” 21Yusufu ŋaye e ndɛ sɛkitha hati woŋ mɛnɛ nandama na e bindɛ duwa ka Isirɛli.
22Kɛrɛ naa yuye Yusufu ba dɔma na Akɛleyɔsi na pɛyɛtɔy huybakine hu ka fandama Hɛrɔdi haŋ ka Yudiya, ndɛ see thooyo payɔ ba kaa kɛndɛ. Kɛna see ndɛ yela ka mandɛ iŋ maleka wo ka Masaala woŋ ba ndɛ be tha key kɛndɛ. Awa ndɛ key ka kuyɛkɛŋ ku ka Kalili koŋ. 23Kɛna key ndɛ niyɔ ka mɛti banthe ba dɔma na ka Nasarɛthi,#Maki 1:24; Luku 2:39; Yɔni 1:45 haliko hu tepe nde banabiŋ beŋ haŋ ba hati woŋ hu be niyɔ nɔndi, na “Ndɛ kɔŋ dɔma Nasarini.”#Ais 11:1
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© The Bible Society of Sierra Leone, 2011