Mako 8
8
Yesu mwalisa vatu makombakaji awana (4,000)
(Mat 15:32-39)
1 Hamakumbi aze, kwakungulukile cheka lizavu lyalinene, kaha omu vazenekele vyakulya, asanyikile tumbaji twenyi veze kuli Ikiye. Kaha avambile ngwenyi,
2 Ngunevwila keke lizavu lyavatu eli, mwomwo vanapu nayAmi makumbi atatu, jino kaveshi navyakulyako.
3Kaha nge nanguvasuula vayenga nazala kumembo avo, navafwa chizava mujila, mwomwo vamwe vanafumu kwakusuku.
4Tumbaji twenyi vamukumbulwile ngwavo, Kulihi mwahasa mutu kuwana jimbolo jakulisa vatu kana muno mupambo?
5Kaha avahulishile ngwenyi, Muli najimbolo jingahi? Vamukumbulwile ngwavo, Jitanu najivali.
6Alwezele lize lizavu litwame hamavu. Kaha atambwile jize jimbolo jitanu najivali, omu asakwililile Kalunga, ajipuzwile nakuhana tumbaji twenyi vajitumbike kumeso avatu. Kaha vajitumbikile kumeso alize lizavu.
7Vapwile natuishi tumwe nawa. Omu asakwililile Kalunga, avalwezele vatutumbike nawa kumeso avo.
8Kaha valile nakwikuta. Vambachile vize vihanda vyalitulileho nakuzalisa jimbango jajinene jitanu najivali.
9Vapwile kafwe makombakaji awana (4,000). Kaha avasuwile.
10Kaha hahaze vene, engilile muwato natumbaji twenyi nakuya kungalila yaNdamanuta.
VaFwaliseu navasaka chinjikizo
(Mat 16:1-4; Luka 12:54-56)
11Jino vaFwaliseu vejile nakuputuka kulipula nenyi jipami nakumweseka, vasakile ngwavo avasolwele chinjikizo chakufuma mwilu.
12Kaha alishishimwine chikuma mushipilitu yenyi nakuvamba ngwenyi, Mwomwo ika chisemunwino chino chinasake chinjikizo? Mwamuchano nangumilweza ngwami, Kakweshi chinjikizo navasolwela chisemunwino chinoko.
13Kaha avasezele, engilile cheka muwato nakuya musali.
Chimbalwila chavaFwaliseu
(Mat 16:5-12)
14Kaha tumbaji twenyi vavulyamine kumbata jimbolo. Vapwile nambolo yimwe kaha muze muwato.
15Avahuhumwine ngwenyi, Nyingililenu, zangamenunga nachimbalwila chavaFwaliseu nakuchimbalwila chaHelote.
16Vaputukile kushimutwila mwavo mwavo hakuhona kumbata jimbolo.
17Yesu hakuchitachikiza, avahulishile ngwenyi, Mwomwo ika muli nakushimutwila ngwenu, Katweshi najimboloko? Kumana, noholili kamwachimweneko chipwe kumilumbunukila? Michima yenu yinanjinjila tahi?
18 Mukwechi meso, oloze kumana kamweshi nakumonako?
Mukwechi matwitwi, oloze kumana kamweshi nakwivwako?
Kamwanukileko tahi?
19 Haze ngwavapuzwilile vaze vatu makombakaji atanu (5,000) tuze tumbolo tutanu, mwakungulwile jimbango jakuzala navihanda jingahi? Vamukumbulwile ngwavo, Likumi najivali (12).
20Kaha jize jimbolo jitanu najivali hali aze makombakaji awana (4,000), mwakungululanga jimbango jajinene jingahi jakuzala navihanda? Vamukumbulwile ngwavo, Jitanu najivali.
21Avahulishile ngwenyi, Kumana noholili kanda chimilumbunukile?
Yesu mwatonesa kapuputa kuMbetesaita
22Vahetele kuMbetesaita. Kaha vamutwalilile kapuputa nakumulembelela ngwavo amunangike livoko.
23Akwachile uze kapuputa kulivoko nakuya nenyi kusali yalimbo. Kaha omu amufwijilile maleji hameso nakumunangika mavoko, amuhulishile ngwenyi, Unamono vimwe tahi?
24 Uze kapuputa atonene nakwamba ngwenyi, Ngunamono vatu nge mitondo, vali nakutambuka.
25Kaha Yesu amunangikile cheka mavoko hameso. Atonene, meso enyi apwile alambwe, kaha amwene vyosena kanawa.
26Kaha amulwezele ayenga kuzuvo yenyi, amukanjile ngwenyi, Kanda nawingila nomu mulimboko.
Yesu Ikiye Kulishitu
(Mat 16:13-20; Luka 9:18-21)
27Yesu afumine kuze natumbaji twenyi, ayile kumembo ajingilika Kesaliya yaFwilipu. Kaha omu vapwile nakuya ahulishile tumbaji twenyi ngwenyi, Vatu veji kwambanga ngwavo Yami Iya?
28Vamukumbulwile ngwavo, Vamwe ngwavo, Yove Yowano Muka-kujimika vatu. Vakwavo ngwavo, Elija. Oloze veka nawa ngwavo, Umwe wavapolofweto.
29Ikiye avahulishile ngwenyi, Nyi enu, mweji kwambanga ngwenu yami iya? Petulu amukumbulwile ngwenyi, Yove Kulishitu.
30Kaha avakanjile chikuma ngwenyi, Kanda namungwambulula chipwe kuli umweko.
Yesu mwavuluka kufwa chenyi
(Mat 16:21-28; Luka 9:22-27)
31Aputukile kuvanangula ngwenyi, Kuvanga Mwanamutu akamone makava mwamuvulu nakumukana kuli vakulwane javaYuleya navapilishitu vavalemu navaka-kusoneka nakumujiha, kaha omu namukahita makumbi atatu, numbanyi akasanguke.
32Mazu awa awahanjikile hatoma. Kaha Petulu amutwalile kupenge nakuputuka kumuhanjikila.
33Oloze omu alumukile nakushishika tumbaji twenyi, ahanjikilile Petulu ngwenyi, Fuma kumeso ami#8:33 Chipwe ngwavo, Hita kunyima yami ove Satana., ove Satana, mwomwo kawajikile muchima wove havyuma vyaKalungako, oloze havyautu kaha.
34Kaha asanyikile lize lizavu natumbaji twenyi vezenga kuli Ikiye, avambile ngwenyi, Weshowo mwasaka kungukava alikanyise vize áfwila ivene kaha, alitwike kulusu yenyi nakungukavangizanga.
35 Mwomwo weshowo mwasaka kulwila mwono wenyi, mwaujimbalisa. Oloze weshowo mwajimbalishila mwono wenyi hali Ami, nahamujimbu wamwaza mwaulwila.
36Mwomwo mutu mwawanyinaho ika nge mwaheta kaye kosena nakuvindama mwono wenyi?
37Nyi mutu mwatambasana mwono wenyi naka?
38 Mwomwo weshowo mwangwivwila sonyi, nakwivwila mazu ami nawa sonyi, muli vaka-chisemunwino chino chaujila nashili, naMwanamutu nawa mwakamwivwila sonyi omu mwakeza muupahu waIse hamwe navangelo vajila.
Zvasarudzwa nguva ino
Mako 8: LUE
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Bible Society of Zambia
Mako 8
8
Yesu mwalisa vatu makombakaji awana (4,000)
(Mat 15:32-39)
1 Hamakumbi aze, kwakungulukile cheka lizavu lyalinene, kaha omu vazenekele vyakulya, asanyikile tumbaji twenyi veze kuli Ikiye. Kaha avambile ngwenyi,
2 Ngunevwila keke lizavu lyavatu eli, mwomwo vanapu nayAmi makumbi atatu, jino kaveshi navyakulyako.
3Kaha nge nanguvasuula vayenga nazala kumembo avo, navafwa chizava mujila, mwomwo vamwe vanafumu kwakusuku.
4Tumbaji twenyi vamukumbulwile ngwavo, Kulihi mwahasa mutu kuwana jimbolo jakulisa vatu kana muno mupambo?
5Kaha avahulishile ngwenyi, Muli najimbolo jingahi? Vamukumbulwile ngwavo, Jitanu najivali.
6Alwezele lize lizavu litwame hamavu. Kaha atambwile jize jimbolo jitanu najivali, omu asakwililile Kalunga, ajipuzwile nakuhana tumbaji twenyi vajitumbike kumeso avatu. Kaha vajitumbikile kumeso alize lizavu.
7Vapwile natuishi tumwe nawa. Omu asakwililile Kalunga, avalwezele vatutumbike nawa kumeso avo.
8Kaha valile nakwikuta. Vambachile vize vihanda vyalitulileho nakuzalisa jimbango jajinene jitanu najivali.
9Vapwile kafwe makombakaji awana (4,000). Kaha avasuwile.
10Kaha hahaze vene, engilile muwato natumbaji twenyi nakuya kungalila yaNdamanuta.
VaFwaliseu navasaka chinjikizo
(Mat 16:1-4; Luka 12:54-56)
11Jino vaFwaliseu vejile nakuputuka kulipula nenyi jipami nakumweseka, vasakile ngwavo avasolwele chinjikizo chakufuma mwilu.
12Kaha alishishimwine chikuma mushipilitu yenyi nakuvamba ngwenyi, Mwomwo ika chisemunwino chino chinasake chinjikizo? Mwamuchano nangumilweza ngwami, Kakweshi chinjikizo navasolwela chisemunwino chinoko.
13Kaha avasezele, engilile cheka muwato nakuya musali.
Chimbalwila chavaFwaliseu
(Mat 16:5-12)
14Kaha tumbaji twenyi vavulyamine kumbata jimbolo. Vapwile nambolo yimwe kaha muze muwato.
15Avahuhumwine ngwenyi, Nyingililenu, zangamenunga nachimbalwila chavaFwaliseu nakuchimbalwila chaHelote.
16Vaputukile kushimutwila mwavo mwavo hakuhona kumbata jimbolo.
17Yesu hakuchitachikiza, avahulishile ngwenyi, Mwomwo ika muli nakushimutwila ngwenu, Katweshi najimboloko? Kumana, noholili kamwachimweneko chipwe kumilumbunukila? Michima yenu yinanjinjila tahi?
18 Mukwechi meso, oloze kumana kamweshi nakumonako?
Mukwechi matwitwi, oloze kumana kamweshi nakwivwako?
Kamwanukileko tahi?
19 Haze ngwavapuzwilile vaze vatu makombakaji atanu (5,000) tuze tumbolo tutanu, mwakungulwile jimbango jakuzala navihanda jingahi? Vamukumbulwile ngwavo, Likumi najivali (12).
20Kaha jize jimbolo jitanu najivali hali aze makombakaji awana (4,000), mwakungululanga jimbango jajinene jingahi jakuzala navihanda? Vamukumbulwile ngwavo, Jitanu najivali.
21Avahulishile ngwenyi, Kumana noholili kanda chimilumbunukile?
Yesu mwatonesa kapuputa kuMbetesaita
22Vahetele kuMbetesaita. Kaha vamutwalilile kapuputa nakumulembelela ngwavo amunangike livoko.
23Akwachile uze kapuputa kulivoko nakuya nenyi kusali yalimbo. Kaha omu amufwijilile maleji hameso nakumunangika mavoko, amuhulishile ngwenyi, Unamono vimwe tahi?
24 Uze kapuputa atonene nakwamba ngwenyi, Ngunamono vatu nge mitondo, vali nakutambuka.
25Kaha Yesu amunangikile cheka mavoko hameso. Atonene, meso enyi apwile alambwe, kaha amwene vyosena kanawa.
26Kaha amulwezele ayenga kuzuvo yenyi, amukanjile ngwenyi, Kanda nawingila nomu mulimboko.
Yesu Ikiye Kulishitu
(Mat 16:13-20; Luka 9:18-21)
27Yesu afumine kuze natumbaji twenyi, ayile kumembo ajingilika Kesaliya yaFwilipu. Kaha omu vapwile nakuya ahulishile tumbaji twenyi ngwenyi, Vatu veji kwambanga ngwavo Yami Iya?
28Vamukumbulwile ngwavo, Vamwe ngwavo, Yove Yowano Muka-kujimika vatu. Vakwavo ngwavo, Elija. Oloze veka nawa ngwavo, Umwe wavapolofweto.
29Ikiye avahulishile ngwenyi, Nyi enu, mweji kwambanga ngwenu yami iya? Petulu amukumbulwile ngwenyi, Yove Kulishitu.
30Kaha avakanjile chikuma ngwenyi, Kanda namungwambulula chipwe kuli umweko.
Yesu mwavuluka kufwa chenyi
(Mat 16:21-28; Luka 9:22-27)
31Aputukile kuvanangula ngwenyi, Kuvanga Mwanamutu akamone makava mwamuvulu nakumukana kuli vakulwane javaYuleya navapilishitu vavalemu navaka-kusoneka nakumujiha, kaha omu namukahita makumbi atatu, numbanyi akasanguke.
32Mazu awa awahanjikile hatoma. Kaha Petulu amutwalile kupenge nakuputuka kumuhanjikila.
33Oloze omu alumukile nakushishika tumbaji twenyi, ahanjikilile Petulu ngwenyi, Fuma kumeso ami#8:33 Chipwe ngwavo, Hita kunyima yami ove Satana., ove Satana, mwomwo kawajikile muchima wove havyuma vyaKalungako, oloze havyautu kaha.
34Kaha asanyikile lize lizavu natumbaji twenyi vezenga kuli Ikiye, avambile ngwenyi, Weshowo mwasaka kungukava alikanyise vize áfwila ivene kaha, alitwike kulusu yenyi nakungukavangizanga.
35 Mwomwo weshowo mwasaka kulwila mwono wenyi, mwaujimbalisa. Oloze weshowo mwajimbalishila mwono wenyi hali Ami, nahamujimbu wamwaza mwaulwila.
36Mwomwo mutu mwawanyinaho ika nge mwaheta kaye kosena nakuvindama mwono wenyi?
37Nyi mutu mwatambasana mwono wenyi naka?
38 Mwomwo weshowo mwangwivwila sonyi, nakwivwila mazu ami nawa sonyi, muli vaka-chisemunwino chino chaujila nashili, naMwanamutu nawa mwakamwivwila sonyi omu mwakeza muupahu waIse hamwe navangelo vajila.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Bible Society of Zambia