यहुन्ना 14
14
परमेसर का नके जाबा को गेलो ईसू हे
1ईसू आपणाँ चेलाऊँ क्यो, “थाँ दकी मती वेवो, पण परमेसर पे विस्वास राको अन मारा पे भी विस्वास राको। 2मारा परमेसर का घर में नरी रेवा की जगाँ हे, यद्याँ ने वेती तो मूँ थाँकाऊँ के देतो। काँके मूँ परमेसर का घर में थाँका वाते जगाँ त्यार करबा ने जावूँ हूँ। 3जगाँ बणाया केड़े मूँ पाछो थाँने लेबा ने आऊँ अन पछे आपाँ हातेईस रेवा। 4जटे मूँ जवूँ हूँ वटा को गेलो थाँ जाणो हो।”
5तो थोमा वाँकाऊँ क्यो, “हो परबू, माँ ने जाणा हाँ के, थूँ कटे जारियो हे। तो गेलो कस्यान जाणा?”
6ईसू वींने क्यो, “हाँच, जीवन अन गेलो मूँईस हूँ। मारा बना कुई परमेसर का नके ने जा सकी। 7जद्याँ थाँ मने ओळक लेता, तो मारा बाप ने भी जाणा जाता। पण अबे थाँ परमेसर ने जाणो हो अन देक्यो हे।”
8फिलिपुस वाँकाऊँ क्यो, “हो परबू, बापू का माने दरसण करई दे, यो माकाँ वाते घणो हे।”
9ईसू वींने क्यो, “हे फिलिपुस, मूँ अतरा दनाऊँ थाँरा हाते हूँ, अन कई थूँ मने ने ओळके हे? जणी मने देक्यो हे वणी बापू ने देक्या हे। तो थूँ काँ केवे हे के, ‘माने बापू का दरसण करई दे’? 10कई थूँ विस्वास ने करे के, मूँ बापू में हूँ अन बापू मारा में हे? ईं बाताँ मूँ आपणाँ आड़ीऊँ ने केवूँ हूँ, पण बापू मारा में रेन काम करे हे।” 11मारो विस्वास करो के, मूँ बाप में हूँ अन बाप मारा में हे, ने तो मारा कामाँ ने देकन मारा पे विस्वास तो करो।
12“मूँ थाँकाऊँ सई-सई केवूँ हूँ के, ज्यो मारा पे विस्वास करे हे, वो ज्यो काम मूँ करूँ हूँ वो भी करी। पण अणीऊँ भी मोटा काम करी, काँके मूँ परमेसर के नके जारियो हूँ। 13ज्यो कई थाँ मारा नामऊँ मांगो, वो मूँ करूँ, ताँके पूत की वजेऊँ परमेसर की बड़ई वेवे। 14यद्याँ थाँ माराऊँ मारा नामऊँ कई मांगो, तो मूँ वो करूँ।”
पुवितर आत्मा देबा को वादो
15ईसू आपणाँ चेलाऊँ क्यो, “यद्याँ थाँकाणी माराऊँ परेम राको तो, तो मारी आग्या भी मानो। 16मूँ बापऊँ परातना करूँ, अन वीं थाँने एक ओरू हण्डाळ्यो देवे, ताँके वो हमेस्या थाकी लारे रेई। 17वाँ पुवितर आत्मा हे। ज्या दनियाने ने मल सके हे, काँके दनियाँ वींने ने देक सके हे अन ने ओळके हे। पण थाँ वींने ओळको हो, काँके वाँ थाँका लारी रेई अन वाँ थाँकामें वास करी।”
18“मूँ थाँने एकला ने छोड़ूँ। मूँ थाँका नके आऊँ। 19अन थोड़ीक टेम रेग्यो हे पछे ईं दनियाँ में कुई मने ने देकी पण थाँ मने देको। काँके मूँ जीवूँ हूँ अन थाँ भी जीवो। 20वीं दन थाँ जाणो के, मूँ आपणाँ बाप में हूँ अन थाँ मारा में अन मूँ थाँकामें हूँ। 21जीं मारी आग्या माने हे। वींइस माराऊँ परेम करे हे अन ज्यो माराऊँ परेम राके हे, वाँकाऊँ मारा परमेसर परेम राकी, अन मूँ वाँकाऊँ परेम राकूँ अन आपणाँ खुद ने वाँका पे परगट करूँ।”
22दूजो यहूदो ज्यो इसकरियोती ने हो वणी क्यो, “हो परबू, यो कस्यान वेवे के, थूँ आपणाँ खुद ने माकाँ पे परगट करणो छावो हे पण दनियाँ पे ने?”
23ईसू वींने क्यो, “यद्याँ कुई माराऊँ परेम राकी, तो वो मारा बचनाने मानी, अन मारा बापू वाँकाऊँ परेम करी अन माँ वाँका नके आवा अन वाँका हाते रेवा। 24ज्यो कुई माराऊँ परेम ने करे वो मारा बचना ने ने माने हे। ज्यो बचन थाँ हुणो हो वो मारो ने हे पण मारा बापू परमेसर को हे, जणा मने खन्दायो हे।”
25“ईं बाताँ में थाँका लारे रेता तका किदी हे। 26पण हण्डाळी को मतलब पुवितर आत्मा जिंने परमेसर मारा नामऊँ खन्दाई, वाँ थाँने हारी बाताँ हिकाई अन ज्यो कई में थाँकाऊँ क्यो हे, वो हारोई थाँने आद अवाड़ी।
27“मूँ थाँने सान्ती देन जारियो हूँ, आपणी खुद की सान्ती थाँने देवूँ हूँ। दनियाँ देवे हे वस्यान मूँ थाँने ने देवूँ हूँ। थाँको मन दकी ने वेवे अन ने थाँ दरपे। 28थाँ हुण्यो हे के में थाँकाऊँ क्यो, ‘मूँ जारियो हूँ पण थाँका नके पाछो आऊँ।’ यद्याँ थाँ माराऊँ परेम राकता तो थाँ राजी वेता के, मूँ बापू परमेसर का नके जारियो हूँ। काँके बापू परमेसर माराऊँ मोटा हे। 29यो हारोई वेबा के पेल्याँई में थाँने हारोई के दिदो, ताँके यो वे जदी थाँ हाराई विस्वास करो।
30“मूँ अबे थाँकाऊँ ओरी बाताँ ने कर सकूँ हूँ, काँके अणी दनियाँ का हाकम सेतान आवे हे। ईंको मारा पे कई हक ने हे। 31पण यो ईं वाते वेवे हे के, दनियाँ हमजे के, मूँ बापू परमेसरऊँ परेम राकूँ हूँ अन जस्यान बाप मने आग्या दिदो हे वस्यानीस करूँ हूँ।
“अबे उटो अटाऊँ चाला परा।”
Zvasarudzwa nguva ino
यहुन्ना 14: एम टी आर
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(c) 2010-2017, New Life Computer Institute. All rights reserved