लूका 22
22
यहूदा इसकरियोती को विस्वासघात
(मत्ती 26:1–5; मरकुस 14:1–2; यहुन्ना 11:45–53)
1 #
निर 12:1–27
बना हाज्या की रोट्याँ को तेवार आबावाळो हो, जिंने फसे को तेवार केता हा। 2अन मुक्य याजक अन नेमा ने हिकाबावाळा ईं बात की ताक में हा के, ईसू ने कस्यान मारा। पण, वी लोग-बागाऊँ दरपता हा। 3ईसू का बाराई थरप्या तका चेला में गण्यो जाबावाळो यहूदो जिंने इसकरियोती भी केता हा, वींमें सेतान आग्यो। 4वणी जान मन्दर का मुक्य याजकाँ अन पेरादाराँ का मुक्या का हाते बात–बच्यार किदी के, ईसू ने कणी तरिया वाँका हाताँ में पकड़वावे। 5ईं बात पे वी घणा राजी व्या अन वींने रिप्या-कोड़ी देबा को बचन दिदो। 6यहूदो ईं बात में मान ग्यो अन मोको देकबा लागो के, बना हाका-हूक ईसू ने वाँका हाताँ में धोकाऊँ पकड़ा देवे।
फसे की त्यारी
(मत्ती 26:17–25; मरकुस 14:12–21; यहुन्ना 13:21–30)
7जद्याँ बना हाज्या की रोट्याँ के तेवार को दन आयो, जिंमें फसे का गारा की बली दिदी जाती ही। 8तो ईसू पतरस अन यहुन्ना ने यो केन खन्दायो के, “जान आपणे जीमण का वाते फसे की त्यारी करो, ताँके आपाँ खा सका।”
9वणा वींकाऊँ क्यो, “माँ कटे तेवार मनाबा की त्यारी कराँ?”
10ईसू वाँकाऊँ क्यो, “देको, नगर में जाताई एक मनक पाणी की कळी माता का पे ले जातो तको थाँने मली। जणी घर में वो जावे, थाँ वींका पाछे-पाछे परा जाज्यो। 11अन वीं घर का मालिकऊँ केज्यो के, ‘गरुजी थाँराऊँ केवे हे के, वा ओवरी कटे हे जणीमें मूँ आपणाँ चेला की लारे फसे का तेवार को जीमण जीम सकूँ?’ 12वो थाँने सजी तकी मेड़ी ऊपरे एक मोटी ओवरी बता देई अन थाँ वटे त्यारी करज्यो।”
13वणा जान जस्यान ईसू वाँकाऊँ क्यो हो, वस्योईस पायो अन फसे का तेवार को जीमणो त्यार किदो।
परबू-भोज
(मत्ती 26:26–30; मरकुस 14:22–26; 1 कुरिन्थियों 11:23–25)
14जद्याँ वा घड़ी अईगी, तो ईसू आपणाँ थरप्या तका चेला का हाते जीमबा का वाते बेटा। 15ईसू वाँने क्यो, “मारी आ घणी मनसा ही के, मूँ दुक जेलबा के पेल्या ईं फसे का तेवार को जीमण थाँका हाते जीमूँ। 16मूँ थाँकाऊँ केवूँ हूँ के, जद्याँ तईं परमेसर का राज में अणी जीमण को मतलब पूरो ने वेई, तद्याँ तईं मूँ यो जीमणो पाछो ने जीमूँ।”
17पछे ईसू प्यालो लेन धन्नेवाद दिदो अन क्यो, “ईंने लो अन एक-दूँजा में बाँट लो। 18मूँ थाँकाऊँ केवूँ हूँ के, जद्याँ तईं परमेसर को राज ने आवे, तद्याँ तईं मूँ अंगूरा को रस अबे कदी ने पीवूँ।”
19पसे वणी रोटी लिदी अन धन्नेवाद देन तोड़ी अन वाँने ओ केता तका दिदी के, “आ रोटी मारो डील हे, ज्या थाँका वाते दिदो ग्यो हे। मने आद करबा का वाते अस्यानीस करिया करज्यो।”
20 #
यर 31:31–34
अणीस तरिया जद्याँ वणा खाणो खा लिदो तो ईसू प्यालो लिदो अन क्यो, “ओ प्यालो मारा वीं लुई को हेन्याण हे ज्यो थाँका वाते वेवाड़्यो जारियो हे, ओ परमेसर को नुवो वादो हे।”
ईसू को विरोदी कूण?
21 #
भज 41:9
“पण, देकज्यो, ज्यो मने धोकाऊँ पकड़वाई, वो मारा हाते अणी जीमण में हे। 22मनक का पूत का वाते जस्यो लिक्यो ग्यो हे के, वो मारियो जाई, पण धिकार हे वीं मनक ने जिंका हाताऊँ वो धोकाऊँ पकड़ावायो जाई।”
23ईं बात पे वी एक-दूजाऊँ सवाल करबा लागा, “आपाँ मूँ कूण वे सके हे ज्यो अस्यो काम करी?”
मोटो कूण हे?
24 #
मत्ती 18:1; मर 9:34; लूका 9:46 पसे ईसू का चेला में एक बेस वी के, “आपणाँ मूँ कूण मोटो हमज्यो जावे हे?” 25ईसू वाँने क्यो, “दनियाँ का हाकम वाँका ऊपरे राज करे हे अन वी वाँका पे हुकम चलावे हे, वी खुद ने परोपकारी बताणा छावे हे। 26#मत्ती 23:11; मर 9:35#मत्ती 20:25–27; मर 10:42–44पण, थाँ अस्या ने हो पण, ज्यो थाँकामें मोटो हे, वींने हाराऊँ फोरो बणणो छावे अन ज्यो हाकम हे, वींने नोकर की तरिया वेणो छावे। 27#यहु 13:12–15काँके मोटो कूण हे? वो जो जीमण में जीमें हे कन पसे वो जो परुसकारी करे हे? कई वी ने जी जीमण में जीमें हे? पण, मूँ थाँका बचमें वणी परुसकारी करबावाळा दास की तरिया हे।
28“थाँ वींइस हो, जी मारा परक की टेम हमेस्यान मारा हाते रिया हो। 29जस्यान मारा परम बापू मने दिदो हे, वस्यानीस मूँ थाँने राज करबा को अदिकार देरियो हूँ, 30#मत्ती 19:28ताँके थाँ भी मारा राज में मारी हाते जीमण में खावो-पीवो अन थाँ राज-दरबार में बेटन इजराएल की बाराई कोमाँ को न्याव करो।”
पतरस का बारा में ईसू पेल्याई के दिदो
(मत्ती 26:31–35; मरकुस 14:27–31; यहुन्ना 13:36–38)
31ईसू पतरसऊँ क्यो, “समोन, ए समोन हुण, जस्यान एक करसाण गव ने होजा करे हे वस्यान थाँने परकबा का वाते थाँने सेतान मांग लिदा हे। 32पण, में थाँरा वाते परातना किदी हे के, थाँरो विस्वास बण्यो तको रेवे अन जद्याँ थूँ पाछो हाँच का गेला पे आवे, तो आपणाँ लोगाँ ने गाटा करज्ये।”
33पतरस वाँने क्यो, “ओ परबू जी, मूँ थाँका हाते जेळ जाबा का वाते नेईस ने, पण मरबा रे वाते भी त्यार हूँ।”
34ईसू वींने क्यो, “ए पतरस, मूँ थने बतावूँ हूँ के, आज कूकड़ो जद्याँ तईं ने बोली। वणीऊँ पेल्याँ थूँ तीन दाण मने ओळकबाऊँ नट जाई के, ‘मूँ ईंने ने जाणूँ हूँ।’ ”
35 #
मत्ती 10:9,10; मर 6:8,9; लूका 9:3; 10:4 पसे ईसू आपणाँ चेलाऊँ क्यो, “जद्याँ में थाँने बना बटवा, जोळी अन बना पगरख्याँ के खन्दाया हा। तो कई थाँने कणी भी बात की कमी वी?”
वणा क्यो, “कणी भी बात की कमी ने वी।”
36पाछो ईसू वाँकाऊँ क्यो, “पण, अबे जिंका नके बटवा वेवे, वी वींने लिले अन जोळी भी अन जिंका नके तरवार ने वेवे, वी आपणाँ चादरो बेचन तरवार मोल ली ले। 37#यसा 53:12काँके मूँ थाँकाऊँ केवूँ हूँ के, यो ज्यो सास्तर में लिक्यो हे के, ‘वो अपरादिया का हाते गण्यो ग्यो।’ या बात मारा में पुरी वेणी घणी जरूरी हे, काँके अबे ईं बात के वेबा की टेम आगी हे।”
38चेला क्यो, “ओ परबू जी, देको, अटे दो तरवाराँ हे।”
ईसू क्यो, “ईं तो खुब हे।”
जेतुन का मंगरा पे ईसू की परातना
(मत्ती 26:36–46; मरकुस 14:32–42)
39पसे ईसू बारणे निकळन रोज का जस्यान जेतुन का मंगरा पे ग्या अन चेला वाँका हाते आया। 40वणी जगाँ जान वणी चेलाऊँ क्यो, “परातना करो के, थाँने परक में ने पड़णो पड़े।” 41अन ईसू वणाऊँ अलग एक भाटो फेंक्यो जावे वतराक छेटी जान गोडा टेकन परातना करबा लागा, 42“ओ बापू, यद्याँ थाँकी मरजी वे, तो अणी दुक का प्याला ने मारा नकूँ छेटी कर दो। पछे भी मारी मरजी ने पण, थाँरी मरजी पुरी वे।” 43तद्याँ एक हरग-दुत वटे परगट व्यो अन वाँने धिज्यो बंदायो। 44वणी टेम ईसू घणा दुक का हाते परातना करबा लागो, वाँको पसीणो लुई का जस्यान टपकन जमीं पे पड़रियो हो।
45जद्याँ ईसू परातना करन उट्या अन आपणाँ चेला का नके आन वाँने दुक का हाते हूँता देक्या। 46तो ईसू वाँकाऊँ क्यो, “अरे हुई काँ रिया हो? उटो अन परातना करो, ताँके थाँ परक में ने पड़ो।”
ईसू जी ने पकड़णा
(मत्ती 26:47–56; मरकुस 14:43–50; यहुन्ना 18:3–11)
47ईसू बाताँ कररिया हा अन एक मनकाँ टोळी आई, यहूदा नाम को चेलो ज्यो वाँका बारा थरप्या तका चेला मेंऊँ एक हो, वो मनकाँ की टोळी की आगेवाणी कररियो हो। वो ईसू का नके आन नमस्कार करबा का वाते वींके बोको दिदो। 48पण ईसू वणीऊँ क्यो, “ए यहूदा, कई थूँ एक बोको देन मूँ मनक का पूत ने धोकाऊँ पकड़वारियो हे।”
49ईसू का हातेवाळा जद्याँ देक्यो के, कई वेबावाळो हे, तो वणा क्यो, “ओ परबू जी, कई माँ तरवारऊँ वार कराँ?” 50अतराक में वणाऊँ एक जणे मायाजक का नोकर पे तरवारऊँ वार करन जीमणो कान्दड़ो काट दिदो।
51ओ देकन ईसू क्यो, “ऊबा रो, ओ थाँ मत करो।” अन ईसू वींका नोकर का कान्दड़ा के हात लगान हव किदो।
52पसे मुक्य याजक अन मन्दर का पेरेदारा का मुक्या अन भूण्डा यहूदी नेता ने जी ईसू ने पकड़बा आया हा, वाँकाऊँ ईसू क्यो, “कई, थाँ मने अपरादी हमजन तरवार अन लाट्याँ लेन पकड़वा आयो हो? 53#लूका 19:47; 21:37जद्याँ मूँ मन्दर में थाँका हाते हो, तो थाँ मने ने पकड़्यो हो पण, यो थाँको टेम हे जिंपे अंदारा को राज हे।”
पतरस को नट जाणो
(मत्ती 26:57–58,69–75; मरकुस 14:53–54,66–72; यहुन्ना 18:12–18,25–27)
54पसे वीं ईसू ने पकड़न ले पराग्या अन मायाजक का घरे लेग्या। पतरस थोड़ाक छेटी वाँका पाछे-पाछे आरियो हो। 55अन जद्याँ वी आगंणा में धूणी लगान तापरिया हा, तद्याँ पतरस भी वाँके बचमें जान तापबा लागग्यो। 56अन एक दासी वादी का उजिता में वींने बेट्यो तको देकन केबा लागी, “ओ भी वींका हाते हो।”
57पण, परतस नटन क्यो, “ए लुगई, मूँ वींने ने ओळकूँ हूँ।”
58थोड़ीक दाण केड़े कणी दूजे वींने देकन क्यो, “थूँ भी वाँका मूँ एक हे।”
पतरस क्यो, “ए भई, वो मूँ ने हूँ।”
59एक घण्टा केड़े एक दूजे मनक ज्योरऊँ हाको करन क्यो, “ओ भी तो वींका हाते हो, काँके यो भी तो गलील को हे।”
60पण पतरस बोल्यो, “ए भई, मूँ ने जाणूँ के, थूँ कई केवे हे!” वो या बात केरियो हो के, तरत कूकड़ो बोल ग्यो। 61जद्याँ परबू पतरस का आड़ी देक्यो अन पतरस ने परबू की वा बात आद अई। ज्याँ वणा क्यो हे के, “आज कूकड़ा के बोलबा का पेल्या थूँ तीन दाण मने ओळकबाऊँ नट जाई।” 62तद्याँ परतस बारणे जान घणो रोबा लागो।
ईसू की रोळ करणी
(मत्ती 26:67–68; मरकुस 14:65)
63जणा मनक ईसू जी ने पकड़ राक्या हा, वी वाँकी रोळ करन वाँने कुटबा लागा। 64अन वींकी आक्याँ ढाकन वाँकाऊँ पूछबा लगा के, “अबे आगेवाणी करन बतावो के, थाँके कणी ठोकी?” 65वींको अपमान करबा का वाते वणा वाँकाऊँ ओरी घणी बाताँ किदी।
ईसू यहूदी नेता का हामे
66दन उगताई मुक्य याजक, नेमा ने हिकाबावाळा अन दाना यहूदी नेता भेळा व्या अन ईसू ने आपणी सबा में लान पूँछ्यो, 67“माने बता के कई थूँ बचाबावाळो मसी हे।”
ईसू वाँने क्यो, “यद्याँ मूँ थाँकाऊँ केवूँ, तो भी थाँ मने मानबावाळा ने हो। 68अन यद्याँ मूँ थाँकाऊँ पूँछू, तो थाँ जबाव ने दे पावो। 69पण, अबे मूँ मनक को पूत सबाऊँ तागतवर परमेसर का जीमणा पाल्ड़े बेटायो जाऊँ।”
70ईंपे वणा हाराई मनकाँ क्यो, “तो कई थूँ परमेसर को पूत हे?”
वणी क्यो, “थाँ खुदई हाँच केरिया हो के, मूँ वोईस हूँ।”
71तद्याँ वणा क्यो, “अबे आपाँने गवई की कई जरूत हे, काँके आपाँ खुदई ईंका मुण्डाऊँ हूँण लिदो हे।”
Zvasarudzwa nguva ino
लूका 22: एम टी आर
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(c) 2010-2017, New Life Computer Institute. All rights reserved
लूका 22
22
यहूदा इसकरियोती को विस्वासघात
(मत्ती 26:1–5; मरकुस 14:1–2; यहुन्ना 11:45–53)
1 #
निर 12:1–27
बना हाज्या की रोट्याँ को तेवार आबावाळो हो, जिंने फसे को तेवार केता हा। 2अन मुक्य याजक अन नेमा ने हिकाबावाळा ईं बात की ताक में हा के, ईसू ने कस्यान मारा। पण, वी लोग-बागाऊँ दरपता हा। 3ईसू का बाराई थरप्या तका चेला में गण्यो जाबावाळो यहूदो जिंने इसकरियोती भी केता हा, वींमें सेतान आग्यो। 4वणी जान मन्दर का मुक्य याजकाँ अन पेरादाराँ का मुक्या का हाते बात–बच्यार किदी के, ईसू ने कणी तरिया वाँका हाताँ में पकड़वावे। 5ईं बात पे वी घणा राजी व्या अन वींने रिप्या-कोड़ी देबा को बचन दिदो। 6यहूदो ईं बात में मान ग्यो अन मोको देकबा लागो के, बना हाका-हूक ईसू ने वाँका हाताँ में धोकाऊँ पकड़ा देवे।
फसे की त्यारी
(मत्ती 26:17–25; मरकुस 14:12–21; यहुन्ना 13:21–30)
7जद्याँ बना हाज्या की रोट्याँ के तेवार को दन आयो, जिंमें फसे का गारा की बली दिदी जाती ही। 8तो ईसू पतरस अन यहुन्ना ने यो केन खन्दायो के, “जान आपणे जीमण का वाते फसे की त्यारी करो, ताँके आपाँ खा सका।”
9वणा वींकाऊँ क्यो, “माँ कटे तेवार मनाबा की त्यारी कराँ?”
10ईसू वाँकाऊँ क्यो, “देको, नगर में जाताई एक मनक पाणी की कळी माता का पे ले जातो तको थाँने मली। जणी घर में वो जावे, थाँ वींका पाछे-पाछे परा जाज्यो। 11अन वीं घर का मालिकऊँ केज्यो के, ‘गरुजी थाँराऊँ केवे हे के, वा ओवरी कटे हे जणीमें मूँ आपणाँ चेला की लारे फसे का तेवार को जीमण जीम सकूँ?’ 12वो थाँने सजी तकी मेड़ी ऊपरे एक मोटी ओवरी बता देई अन थाँ वटे त्यारी करज्यो।”
13वणा जान जस्यान ईसू वाँकाऊँ क्यो हो, वस्योईस पायो अन फसे का तेवार को जीमणो त्यार किदो।
परबू-भोज
(मत्ती 26:26–30; मरकुस 14:22–26; 1 कुरिन्थियों 11:23–25)
14जद्याँ वा घड़ी अईगी, तो ईसू आपणाँ थरप्या तका चेला का हाते जीमबा का वाते बेटा। 15ईसू वाँने क्यो, “मारी आ घणी मनसा ही के, मूँ दुक जेलबा के पेल्या ईं फसे का तेवार को जीमण थाँका हाते जीमूँ। 16मूँ थाँकाऊँ केवूँ हूँ के, जद्याँ तईं परमेसर का राज में अणी जीमण को मतलब पूरो ने वेई, तद्याँ तईं मूँ यो जीमणो पाछो ने जीमूँ।”
17पछे ईसू प्यालो लेन धन्नेवाद दिदो अन क्यो, “ईंने लो अन एक-दूँजा में बाँट लो। 18मूँ थाँकाऊँ केवूँ हूँ के, जद्याँ तईं परमेसर को राज ने आवे, तद्याँ तईं मूँ अंगूरा को रस अबे कदी ने पीवूँ।”
19पसे वणी रोटी लिदी अन धन्नेवाद देन तोड़ी अन वाँने ओ केता तका दिदी के, “आ रोटी मारो डील हे, ज्या थाँका वाते दिदो ग्यो हे। मने आद करबा का वाते अस्यानीस करिया करज्यो।”
20 #
यर 31:31–34
अणीस तरिया जद्याँ वणा खाणो खा लिदो तो ईसू प्यालो लिदो अन क्यो, “ओ प्यालो मारा वीं लुई को हेन्याण हे ज्यो थाँका वाते वेवाड़्यो जारियो हे, ओ परमेसर को नुवो वादो हे।”
ईसू को विरोदी कूण?
21 #
भज 41:9
“पण, देकज्यो, ज्यो मने धोकाऊँ पकड़वाई, वो मारा हाते अणी जीमण में हे। 22मनक का पूत का वाते जस्यो लिक्यो ग्यो हे के, वो मारियो जाई, पण धिकार हे वीं मनक ने जिंका हाताऊँ वो धोकाऊँ पकड़ावायो जाई।”
23ईं बात पे वी एक-दूजाऊँ सवाल करबा लागा, “आपाँ मूँ कूण वे सके हे ज्यो अस्यो काम करी?”
मोटो कूण हे?
24 #
मत्ती 18:1; मर 9:34; लूका 9:46 पसे ईसू का चेला में एक बेस वी के, “आपणाँ मूँ कूण मोटो हमज्यो जावे हे?” 25ईसू वाँने क्यो, “दनियाँ का हाकम वाँका ऊपरे राज करे हे अन वी वाँका पे हुकम चलावे हे, वी खुद ने परोपकारी बताणा छावे हे। 26#मत्ती 23:11; मर 9:35#मत्ती 20:25–27; मर 10:42–44पण, थाँ अस्या ने हो पण, ज्यो थाँकामें मोटो हे, वींने हाराऊँ फोरो बणणो छावे अन ज्यो हाकम हे, वींने नोकर की तरिया वेणो छावे। 27#यहु 13:12–15काँके मोटो कूण हे? वो जो जीमण में जीमें हे कन पसे वो जो परुसकारी करे हे? कई वी ने जी जीमण में जीमें हे? पण, मूँ थाँका बचमें वणी परुसकारी करबावाळा दास की तरिया हे।
28“थाँ वींइस हो, जी मारा परक की टेम हमेस्यान मारा हाते रिया हो। 29जस्यान मारा परम बापू मने दिदो हे, वस्यानीस मूँ थाँने राज करबा को अदिकार देरियो हूँ, 30#मत्ती 19:28ताँके थाँ भी मारा राज में मारी हाते जीमण में खावो-पीवो अन थाँ राज-दरबार में बेटन इजराएल की बाराई कोमाँ को न्याव करो।”
पतरस का बारा में ईसू पेल्याई के दिदो
(मत्ती 26:31–35; मरकुस 14:27–31; यहुन्ना 13:36–38)
31ईसू पतरसऊँ क्यो, “समोन, ए समोन हुण, जस्यान एक करसाण गव ने होजा करे हे वस्यान थाँने परकबा का वाते थाँने सेतान मांग लिदा हे। 32पण, में थाँरा वाते परातना किदी हे के, थाँरो विस्वास बण्यो तको रेवे अन जद्याँ थूँ पाछो हाँच का गेला पे आवे, तो आपणाँ लोगाँ ने गाटा करज्ये।”
33पतरस वाँने क्यो, “ओ परबू जी, मूँ थाँका हाते जेळ जाबा का वाते नेईस ने, पण मरबा रे वाते भी त्यार हूँ।”
34ईसू वींने क्यो, “ए पतरस, मूँ थने बतावूँ हूँ के, आज कूकड़ो जद्याँ तईं ने बोली। वणीऊँ पेल्याँ थूँ तीन दाण मने ओळकबाऊँ नट जाई के, ‘मूँ ईंने ने जाणूँ हूँ।’ ”
35 #
मत्ती 10:9,10; मर 6:8,9; लूका 9:3; 10:4 पसे ईसू आपणाँ चेलाऊँ क्यो, “जद्याँ में थाँने बना बटवा, जोळी अन बना पगरख्याँ के खन्दाया हा। तो कई थाँने कणी भी बात की कमी वी?”
वणा क्यो, “कणी भी बात की कमी ने वी।”
36पाछो ईसू वाँकाऊँ क्यो, “पण, अबे जिंका नके बटवा वेवे, वी वींने लिले अन जोळी भी अन जिंका नके तरवार ने वेवे, वी आपणाँ चादरो बेचन तरवार मोल ली ले। 37#यसा 53:12काँके मूँ थाँकाऊँ केवूँ हूँ के, यो ज्यो सास्तर में लिक्यो हे के, ‘वो अपरादिया का हाते गण्यो ग्यो।’ या बात मारा में पुरी वेणी घणी जरूरी हे, काँके अबे ईं बात के वेबा की टेम आगी हे।”
38चेला क्यो, “ओ परबू जी, देको, अटे दो तरवाराँ हे।”
ईसू क्यो, “ईं तो खुब हे।”
जेतुन का मंगरा पे ईसू की परातना
(मत्ती 26:36–46; मरकुस 14:32–42)
39पसे ईसू बारणे निकळन रोज का जस्यान जेतुन का मंगरा पे ग्या अन चेला वाँका हाते आया। 40वणी जगाँ जान वणी चेलाऊँ क्यो, “परातना करो के, थाँने परक में ने पड़णो पड़े।” 41अन ईसू वणाऊँ अलग एक भाटो फेंक्यो जावे वतराक छेटी जान गोडा टेकन परातना करबा लागा, 42“ओ बापू, यद्याँ थाँकी मरजी वे, तो अणी दुक का प्याला ने मारा नकूँ छेटी कर दो। पछे भी मारी मरजी ने पण, थाँरी मरजी पुरी वे।” 43तद्याँ एक हरग-दुत वटे परगट व्यो अन वाँने धिज्यो बंदायो। 44वणी टेम ईसू घणा दुक का हाते परातना करबा लागो, वाँको पसीणो लुई का जस्यान टपकन जमीं पे पड़रियो हो।
45जद्याँ ईसू परातना करन उट्या अन आपणाँ चेला का नके आन वाँने दुक का हाते हूँता देक्या। 46तो ईसू वाँकाऊँ क्यो, “अरे हुई काँ रिया हो? उटो अन परातना करो, ताँके थाँ परक में ने पड़ो।”
ईसू जी ने पकड़णा
(मत्ती 26:47–56; मरकुस 14:43–50; यहुन्ना 18:3–11)
47ईसू बाताँ कररिया हा अन एक मनकाँ टोळी आई, यहूदा नाम को चेलो ज्यो वाँका बारा थरप्या तका चेला मेंऊँ एक हो, वो मनकाँ की टोळी की आगेवाणी कररियो हो। वो ईसू का नके आन नमस्कार करबा का वाते वींके बोको दिदो। 48पण ईसू वणीऊँ क्यो, “ए यहूदा, कई थूँ एक बोको देन मूँ मनक का पूत ने धोकाऊँ पकड़वारियो हे।”
49ईसू का हातेवाळा जद्याँ देक्यो के, कई वेबावाळो हे, तो वणा क्यो, “ओ परबू जी, कई माँ तरवारऊँ वार कराँ?” 50अतराक में वणाऊँ एक जणे मायाजक का नोकर पे तरवारऊँ वार करन जीमणो कान्दड़ो काट दिदो।
51ओ देकन ईसू क्यो, “ऊबा रो, ओ थाँ मत करो।” अन ईसू वींका नोकर का कान्दड़ा के हात लगान हव किदो।
52पसे मुक्य याजक अन मन्दर का पेरेदारा का मुक्या अन भूण्डा यहूदी नेता ने जी ईसू ने पकड़बा आया हा, वाँकाऊँ ईसू क्यो, “कई, थाँ मने अपरादी हमजन तरवार अन लाट्याँ लेन पकड़वा आयो हो? 53#लूका 19:47; 21:37जद्याँ मूँ मन्दर में थाँका हाते हो, तो थाँ मने ने पकड़्यो हो पण, यो थाँको टेम हे जिंपे अंदारा को राज हे।”
पतरस को नट जाणो
(मत्ती 26:57–58,69–75; मरकुस 14:53–54,66–72; यहुन्ना 18:12–18,25–27)
54पसे वीं ईसू ने पकड़न ले पराग्या अन मायाजक का घरे लेग्या। पतरस थोड़ाक छेटी वाँका पाछे-पाछे आरियो हो। 55अन जद्याँ वी आगंणा में धूणी लगान तापरिया हा, तद्याँ पतरस भी वाँके बचमें जान तापबा लागग्यो। 56अन एक दासी वादी का उजिता में वींने बेट्यो तको देकन केबा लागी, “ओ भी वींका हाते हो।”
57पण, परतस नटन क्यो, “ए लुगई, मूँ वींने ने ओळकूँ हूँ।”
58थोड़ीक दाण केड़े कणी दूजे वींने देकन क्यो, “थूँ भी वाँका मूँ एक हे।”
पतरस क्यो, “ए भई, वो मूँ ने हूँ।”
59एक घण्टा केड़े एक दूजे मनक ज्योरऊँ हाको करन क्यो, “ओ भी तो वींका हाते हो, काँके यो भी तो गलील को हे।”
60पण पतरस बोल्यो, “ए भई, मूँ ने जाणूँ के, थूँ कई केवे हे!” वो या बात केरियो हो के, तरत कूकड़ो बोल ग्यो। 61जद्याँ परबू पतरस का आड़ी देक्यो अन पतरस ने परबू की वा बात आद अई। ज्याँ वणा क्यो हे के, “आज कूकड़ा के बोलबा का पेल्या थूँ तीन दाण मने ओळकबाऊँ नट जाई।” 62तद्याँ परतस बारणे जान घणो रोबा लागो।
ईसू की रोळ करणी
(मत्ती 26:67–68; मरकुस 14:65)
63जणा मनक ईसू जी ने पकड़ राक्या हा, वी वाँकी रोळ करन वाँने कुटबा लागा। 64अन वींकी आक्याँ ढाकन वाँकाऊँ पूछबा लगा के, “अबे आगेवाणी करन बतावो के, थाँके कणी ठोकी?” 65वींको अपमान करबा का वाते वणा वाँकाऊँ ओरी घणी बाताँ किदी।
ईसू यहूदी नेता का हामे
66दन उगताई मुक्य याजक, नेमा ने हिकाबावाळा अन दाना यहूदी नेता भेळा व्या अन ईसू ने आपणी सबा में लान पूँछ्यो, 67“माने बता के कई थूँ बचाबावाळो मसी हे।”
ईसू वाँने क्यो, “यद्याँ मूँ थाँकाऊँ केवूँ, तो भी थाँ मने मानबावाळा ने हो। 68अन यद्याँ मूँ थाँकाऊँ पूँछू, तो थाँ जबाव ने दे पावो। 69पण, अबे मूँ मनक को पूत सबाऊँ तागतवर परमेसर का जीमणा पाल्ड़े बेटायो जाऊँ।”
70ईंपे वणा हाराई मनकाँ क्यो, “तो कई थूँ परमेसर को पूत हे?”
वणी क्यो, “थाँ खुदई हाँच केरिया हो के, मूँ वोईस हूँ।”
71तद्याँ वणा क्यो, “अबे आपाँने गवई की कई जरूत हे, काँके आपाँ खुदई ईंका मुण्डाऊँ हूँण लिदो हे।”
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(c) 2010-2017, New Life Computer Institute. All rights reserved