མེ་ཐིའུ་ལེའུ་ 2

རྩིསཔ་མཁས་པ་ཚུ་གིས་ཡེ་ཤུ་འཚོལ་བ་འོང་པའི་སྐོར།

1ཧེ་རཱོད་དེ་ དཔོན་སྦེ་བཞུགས་པའི་དུས་ཚོད་ལུ་ ཡེ་ཤུ་ ཡུ་དེ་ཡ་ལུང་ཕྱོགས་ བཱེད་ལེ་ཧེམ་ལུ་ སྐུ་འཁྲུངས་ཚར་བའི་ཤུལ་ལས་ཤར་ཕྱོགས་ལས་ རྩིས་ལུ་མཁས་མི་ཚུ་ རྒྱལ་ས་ ཡེ་རུ་ཤ་ལེམ་ལུ་འོངས་ཏེ་དཔོན་ལུ་ཞུ་ནུག 2ཡ་ཧུ་ད་པའི་རྒྱལཔོ་སྐུ་འཁྲུངས་མི་འདི་ག་ཏེ་བཞུགས་ཡོདཔ་སྨོ་ ང་བཅས་ཀྱིས་ཁོ་སྐུ་འཁྲུངས་མིའི་རྟགས་མཚན་ལུ་སྐརམ་གཅིག་ ཤར་ཁ་ཐུག་ལས་ཤར་སར་མཐོང་སྟེ་ ང་བཅས་ཁོ་ལུ་མཇལ་ཞིནམ་ལས་ ཕྱག་འཚལ་བ་འོངམ་ཨིན་ཟེར་སླབ་ནུག 3ལོ་རྒྱུས་འདི་གོཝ་ད་དཔོན་ ཧེ་རཱོད་དང་ ཡེ་རུ་ཤ་ལེམ་གྱི་ མི་དམངས་ག་ར་གནམ་མེད་ས་མེད་ཚ་གྱང་ལངས་ནུག 4དེ་ལས་ ཧེ་རཱོད་ཀྱིས་བླ་ཆེན་དང་ བཀའ་ཁྲིམས་ཀྱི་སློབ་དཔོན་ཚུ་འབོ་ཞིནམ་ད་ ཚོགས་འཛོམས་བརྐྱབས་ཏེ་ ཁོང་ལུ་ དཀོན་མཆོག་གིས་བཙག་འཐུ་མཛད་མི་ཁིརཱིས་དེ་ ག་ཏེ་ལུ་སྐུ་འཁྲུངས་ནི་སྨོ་ཟེར་གསུངསམ་ད། 5ཁོང་གིས་ ཡུ་དེ་ཡ་གི་ཁྲོམ་ བཱེད་ལེ་ཧེམ་ལུ་སྐུ་འཁྲུང་ནི་ཨིན་ ག་ཅི་སྨོ་ཟེར་བ་ཅིན་ དཀོན་མཆོག་གི་ཐོག་ལས་ལུང་སྟོན་པ་གིས་ཧེ་མ་དེ་སྦེ་བྲིས་བཞག་ནུག་ཟེར་ཞུ་ནུག

6དབའེ་ ཡུ་ད་གི་རྒྱལ་སྲིད་ནང་ ཁྲོམ་ བཱེད་ལེ་ཧེམ་ ཡུ་ད་གི་རྒྱལ་སྲིད་ནང་ལས་ ཁྱེད་ཁྲོམ་སྐྱོ་ཤོས་སྦེ་མི་བརྩི་ ག་ཅི་སྨོ་ཟེར་བ་ཅིན་ ཁྱེད་ཀྱི་ནང་ལས་ རྒྱལ་སྲིད་སྐྱོང་མི་གཅིག་འོང་དོ་ དེ་གིས་ངེ་གི་ ཨཱིས་ར་ཨཱེལ་གྱི་མི་ཚུ་ལུ་ ལུག་རྫིཔ་བཟུམ་སྦེ་བདག་འཛིན་འཐབ་འོང་ཟེར་གསུངས་ནུག#༢:༦། མི་ཀ་ ༥:༢, ས་མུ་ཨཱེལ་གཉིས་པ་ ༥:༢། 7དེ་ལས་དཔོན་ ཧེ་རཱོད་ཀྱིས་ ཤར་ཕྱོགས་ལས་འོང་མི་མཁས་པ་ཚུ་ གསང་བ་གི་ཐོག་ལས་སྦེ་འབོ་སྟེ་ ཁོང་ལུ་འདྲི་ཞིནམ་ད་ སྐརམ་འདི་དུས་ཚོད་ག་དེམ་ཅིག་ལུ་ ཤར་ས་མཐོང་མཐོངམ་ཨིན་ན་ ཁོ་གིས་མཁྱེན་ནུག 8དེ་ལས་ ཧེ་རཱོད་ཀྱིས་ཁོང་ལུ་ ཁྱེད་ བཱེད་ལེ་ཧེམ་ལུ་སོང་ཞིནམ་ད་ ཨ་ལོ་འདི་ག་ཏེ་ཡོད་ག་འཚོལ་བལྟ་ཞིག་ དེ་ལས་ཁྱེད་ཀྱིས་ཨ་ལོ་འཚོལ་ཐོབ་ད་ ང་ལུ་ལན་གསལ་འབག་ཤོག་ དེ་ལས་ང་ཡང་འགྱོ་སྦེ་ཁོ་ལུ་ཕྱག་འཚལ་ནི་ཨིན་ཟེར་གསུངས་ཏེ་བཏང་ནུག 9དེ་ལས་དཔོན་གྱིས་དེ་སྦེ་གསུངས་ཚར་ཞིནམ་ལས་ ཁོང་མི་མཁས་པ་ཚུ་ ད་རུང་ལམ་འགྱོཝ་ད་ ཁོང་གིས་ཤར་ཁ་ཐུག་མཐོང་མི་སྐརམ་འདི་རང་ ཁོང་གི་ཧེ་མ་འགྱོ་སྟེ་ཕར་སྲས་བཞུགས་སར་ལྷོད་དེ་སྒུག་སྡོདཔ་ད། 10ཁོང་མི་མཁས་པ་ཚུ་གིས་སྐརམ་དེ་མཐོང་སྟེ་ ཁོང་གི་སེམས་ཁར་གནམ་མེད་ས་མེད་སྤྲོ་བ་བྱུང་ནུག 11དེ་ལས་ཁྱིམ་ནང་ན་འགྱོཝ་ད་ཁོང་གིས་ ཡུམ་ མཱིར་ཡམ་དང་གཅིག་ཁར་སྲས་དེ་མཇལ་ཏེ་ ཁོང་གིས་ཁོ་ལུ་ཕྱག་འཚལ་བསྟོད་པ་ཕུལ་སྦེ་ ཁོང་གིས་ཁོང་རང་གི་ཕད་ཅུང་ཁ་ཕྱེ་སྟེ་ ཁོ་ལུ་གསེར་དང་སྤོས་ཕྱེ་ དྲི་བཟང་དེ་ཚུ་ཕུལ་ཆ་སྦེ་བཏོན་ཕུལ་ནུག#༢:༡༡། lit. gold and frankincense and myrrh 12དེ་ལས་ཁོང་ལུ་དཀོན་མཆོག་གིས་རྨི་ལམ་ནང་ དཔོན་ ཧེ་རཱོད་ཡོད་ས་ལས་མ་སོང་ཟེར་ བཀའ་གནངམ་བཞིན་དུ་ ཁོང་ལམ་གཞན་ཁར་ལས་སྦེ་ ཁོང་རང་གི་གཡུས་ཁར་ལོག་སོང་ནུག།

ཨི་ཇིབ་ལུ་འབྱོག་འགྱོ་བའི་སྐོར།

13དེ་ལས་ཁོང་རྩིསཔ་མཁས་པ་ཚུ་རྒྱབ་ཐལཝ་ད་ གཙོ་བོ་གི་ཕོ་ཉ་གཅིག་ ཡོ་སེབ་ཀྱི་རྨི་ལམ་ནང་མཐོང་སྟེ་ ཧེ་རཱོད་ཀྱིས་ཨ་ལོ་འདི་བསད་ནི་སྦེ་འཚོལ་འོང་ ཁྱོད་ཡར་ལོང་སྟེ་མ་སྨད་གཉིས་འཁྱིད་དེ་ ཨི་ཇིབ་རྒྱལ་ཁབ་ལུ་མགྱོགས་པར་འབྱོག་སོང་ དེ་ལས་ང་གིས་མ་སླབ་ཚུན་ཚོད་ཕར་རང་སྡོད་ཟེར་གསུངས་ནུག 14དེ་ལས་ ཡོ་སེབ་ཀྱིས་དེ་ཚེ་ཕྱི་རུ་རང་མ་སྨད་གཉིས་འཁྱིད་དེ་ ཨི་ཇིབ་རྒྱལ་ཁབ་ལུ་འབྱོག་སོང་ནུག 15དཔོན་ ཧེ་རཱོད་དེ་མ་གཤགས་ཚུན་ཚོད་ ཁོང་ཕར་རང་བཞུགས་ནུག་ དེ་ཚུ་ག་ར་ཧེ་མ་གཙོ་བོ་གིས་ལུང་སྟོན་པ་ལས་རྒྱུད་དེ་ ང་གིས་ ཨི་ཇིབ་རྒྱལ་ཁབ་ལས་ངེ་གི་བུ་འབོ་ཅི་ཟེར་གསུངསམ་བཞིན་དུ་གྲུབ་ནུག།

བེད་ལེམ་ཧེམ་ནང་བུཚ་ལོ་གཉིས་མན་ཆད་ག་ར་བསད་པའི་སྐོར།

16དེ་ལས་ ཧེ་རཱོད་ཀྱིས་ཁོང་རྩིས་ལུ་མཁས་པ་ཚུ་གིས་ ཁོ་ལུ་མགུ་བསྐོར་བརྐྱབས་དཔ་ཨིནམ་མཁྱེནམ་ད་ ཁོ་གནམ་མེད་ས་མེད་དགོངམས་ཁྲེལ་ཏེ་ ཁོང་རྩིསཔ་མཁས་པ་ཚུ་ལུ་དྲི་བ་དྲིས་ཏེ་ ཧ་གོ་མི་དུས་དང་འཁྲིལ་ཏེ་ བཱེད་ལེ་ཧེམ་དང་དེའི་མཐའ་འཁོར་ལུ་ཡོད་པའི་གཡུས་ཁར་གྱི་ བུཚ་ལོ་གཉིས་ལས་མར་བཏབ་ག་ར་བསད་ཟེར་བཀའ་གནང་ནུག 17ལུང་སྟོན་པ་ ཡེ་རེ་མི་ཡ་གིས་ཧེ་མ་དེ་སྦེ་གསུངས་མི་དེ་ག་ར་གྲུབ་ནུག

18ར་མ་ཁྲོམ་ནང་སྐད་གཅིག་གོ་ཡི་ སྔུ་སྐད་དང་མྱ་ངན་སྦོམ་གྱི་སྐད་གཅིག་གོ་ཡི་ ར་ཧཱེལ་ མོ་གི་ཨ་ལོ་ཚུ་ཤི་སོངམ་ལས་ སེམས་གསོ་འབད་རུང་ ཉན་མ་བཏུབ་པར་ མོ་གི་ཨ་ལོ་ཚུ་གི་དོན་ལུ་སྔུ་དེས་ཟེར་#༢:༡༨། ཡེ་རེ་མི་ཡ་ ༣༡:༡༥།

གསུངས་མི་དེ་ འདིའི་སྐབས་ག་ར་གྲུབ་ནུག།

ཨི་ཇིབ་རྒྱལ་ཁབ་ལས་ལོག་བྱོན་པའི་སྐོར།

19དཔོན་ ཧེ་རཱོད་གཤགས་སོང་བའི་ཤུལ་ལས་ གཙོ་བོ་གི་ཕོ་ཉ་གཅིག་ ཨི་ཇིབ་རྒྱལ་ཁབ་ནང་ ཡོ་སེབ་ཀྱི་རྨི་ལམ་ནང་མཐོང་སྟེ། 20ད་ཡར་ལོང་སྟེ་མ་སྨད་གཉིས་འཁྱིད་དེ་ ཨཱིས་ར་ཨཱེལ་ལུ་ལོག་སོང་ ག་ཅི་སྨོ་ཟེར་བ་ཅིན་ སྲས་ལུ་བཀྲོང་ནི་འབད་མི་ཚུ་ཤི་སོང་ཡི་ཟེར་གསུངས་ནུག 21དེ་ལས་ ཡོ་སེབ་ཀྱིས་མ་སྨད་གཉིས་འཁྱིད་དེ་ རྒྱལ་ཁབ་ ཨཱིས་ར་ཨཱེལ་ལུ་ལོག་སོང་ནུག 22དེ་འབདཝ་ད་དཔོན་ ཧེ་རཱོད་ཀྱི་ཚབ་ལུ་ ཁོ་གི་སྲས་ ཨཱར་ཀེ་ལཱོས་དེ་ ཡུ་དེ་ཡ་ལུང་ཕྱོགས་ཀྱི་དཔོན་སྦེ་ རྒྱལ་སྲིད་སྐྱོང་ཡོདཔ་ ཡོ་སེབ་ཀྱིས་གོ་སྟེ་ ཁོ་ལུང་ཕྱོགས་དེ་ཁར་འགྱོ་ནི་འདྲོགས་ནུག་ དེ་ལས་དཀོན་མཆོག་གིས་ཁོ་ལུ་རྨི་ལམ་ནང་ ཡུ་དེ་ཡ་ལུ་མ་སོང་ཟེར་གསུངསམ་བཞིན་དུ་ ཁོང་ལུང་ཕྱོགས་ ག་ལི་ལི་ལུ་སོང་ནུག#༢:༢༢། ཡུ་དེ་ཡ་དང་ ག་ལི་ལི་གི་ལུང་ཕྱོགས་གཉིས་ཆ་རང་ ཨཱིས་ར་ཨཱེལ་གྱི་རྒྱལ་ཁབ་ནང་ཡོདཔ་ཨིན་མས། 23ཁོང་ ག་ལི་ལི་གི་ལུང་ཕྱོགས་ ན་ཟ་རཱེད་ཟེར་མིའི་ཁྲོམ་ནང་བྱོན་ཏེ་ དེ་ཁར་གཞིས་བཅག་བཞུགས་ནུག་ ཨ་ནི་ཧེ་མ་ལུང་སྟོན་པ་གིས་ཁིརཱིས་ལུ་ ན་ཟ་རཱེདཔ་ཟེར་ཞུ་སྟེ་ཡོད་མི་དེ་ དོན་དག་གྲུབ་ནུག།

Zvasarudzwa nguva ino

མེ་ཐིའུ་ལེའུ་ 2: dzoD

Sarudza vhesi

Pakurirana nevamwe

Sarudza zvinyorwa izvi