അപ്പൊസലല 8
8
1തേപാനോസ്‌ണ കൊന്റാദ് സെരിത്തെ എന്ത് സവുല് സൊന്നാ്.
സവുല് ഏസുക്കാറാര്‌ണ സെരി ആന കൊഡിമെപഡ്‌സ്‌റാ്
അദേ ണാള് താനെ എര്‌സലേമ്‌ക്ക്‌റാഗ ഇര്‌ക്ക ഏസുക്കാറാര് കൂട്ടണ റമ്പ കൊഡിമെപഡ്‌സ്യ പ്‌ഡിത്താര്. അക്കുളെ അപ്പൊസലലണ തള്ളി ബാക്കി ഇര്‌ക്ക ഏസുക്കാറാര് മുച്ചുഡ എഗുദ ണാഡ്‌ക്ക്‌റാഗാമ്, സമര്യ ണാഡ്‌ക്ക്‌റാഗാമ് സിന്തസിദാറ ആയെക്കിനാര്. 2ബക്‌ദി ഇര്‌ക്ക ലേസ ആള്‌ഗ തേപാനോസ്‌ദ് സാവുണ എ്ഡ്‌ത്ത് പോയി പൊദേത്താര്. പ്‌റ ഇയാള്‌ക്ക് ബേ്ണ്ടി ബായിബ്‌ട്ട് അഗ്‌ദാര്.
3ആന സവുല് എങ്കവാ് കൂരെകൂര്യ ഏ്റി ഏസുക്കാറാര് കൂട്ടാത്തില്യ പെ്ണ്ണ്‌മക്കഗണാമ്, ആണ്‌മക്കഗണാമ് ഇ്ളിത്ത് ബലിത്ത് എ്ഡ്‌ത്ത് പോയി ജെയില്‌ക്ക് അഡേത്ത് ബെത്താ്. അച്ചെ അയാള് ഏസുക്കാറാര്‌ദ് കൂട്ടണ ഇല്ലാദെ ആക്കി എക്ക്യ ണോഡിനാ്.
സമര്യ ണാഡിലി സാമിദ് ണല്ല സേദിന സൊല്ലുറാര്
4അച്ചെ സിന്തസിദാറ ആയെക്കിന ഏസുക്കാറാര് എല്ല എ്ഡേക്കേമ് സാമിദ് സേദിന സൊല്ലി ണഡാന്താര്. 5അക്കുളെ പീലിപ്പോസ് എങ്കവാ് സമര്യാലി ഇര്‌ക്ക ഒരു പട്ടണാത്തിലി ക്‌റ്‌സ്‌ത്ത്‌ണ പറ്റി സൊന്നാ്. 6അദിലി ഇര്‌ന്ത ആള്‌ഗ പീലിപ്പോസ് സൊന്നാദ്‌ണ കേ്ട്ട്‌മ് അയാള് സെയ്‌ദ അദിസ്യമാന അഡ്യാളഗണ കണ്ട്‌മ് ഇര്‌ന്താര്. അദ്‌ണാലെ അയാള് സൊന്നാദ്‌ണ അവാര് സൊക്കാന കേ്ട്ട് ഇര്‌ന്താര്. 7എത്തിന്യൊ ആള്‌ഗാക്കെ തട്ടിര്‌ക്ക കെ്ട്ടജാദിഗ അഗാറികൊണ്ട് ഇവാര്‌ണ ബ്‌ട്ട് ബെ്ള്യെ പോറ്റു. മൊത്തന സപ്പെ ണോയിക്കാറാര്‌മ്, മൊണ്ടിഗാമ് സവ്വി ആനാര്. 8അച്ചെ അയ്യി പട്ടണാത്തില്യ എത്തിന്യൊ ആള്‌ഗാക്ക് റമ്പ പിര്യ ബന്ത്‌ദ്.
9സമര്യ പട്ടണാത്തിലി സീമോന് എങ്ക ഒരു മന്ത്‌റവാദി ഇര്‌ന്താ്. അയാള് മന്ത്‌റ മോഡി കാട്ടി സമര്യ പട്ടണാത്തില്യ ആള്‌ഗണ അദിസ്യപഡ്‌സിര്‌ന്താ്. താന്‌ത്തെ ബെല്ല്യവാ് എന്ത് സൊല്ലി ണഡാന്ത് ഇര്‌ന്താ്. 10അയ്യി പട്ടണാത്തിലി ഇര്‌ക്ക ഉജാന്തവാരിലി ഇര്‌ന്ത് താന്തവാര് ബീസാക്ക് ഇയാള്‌ക്ക് <<സാമി സക്‌ദി എങ്ക <ബെല്ല്യ സക്‌ദി> >> ഇര്‌ക്ക്‌ദ് എന്ത് സൊന്നാര്. 11എത്തിന്യൊ ണാള് അയാള് സെയ്‌ദ അദിസ്യണ കണ്ട് അന്തബ്‌ട്ടെക്കികൊണ്ടിര്‌ന്ത ആള്‌ഗ ഇവാ് എന്ത സൊന്നാല്‌മ് കേ്ട്ട് ണഡാന്തിര്‌ന്താര്. 12ആന പീലിപ്പോസ് സാമി ആള്‌റാദ്‌ണ പറ്റിമ് ഏസു ക്‌റ്‌സ്‌ത്ത്‌ണ പറ്റിമ് സൊല്ലുറ ണല്ല സേദിന പറ്റി ആള്‌ഗാക്കെ സൊന്നാ്. അക്കുളെ അദിലിര്‌ക്ക ആണ്‌മക്കഗാമ് പെ്ണ്ണ്‌മക്കഗാമ് ഇദ്‌ണ ണമ്പി തണ്ണിക്ക് മുളുഗിനാര്. 13ഇദ്‌ണ സീമോന് എങ്കവാന്‌മ് ണമ്പി തണ്ണിക്ക് മുളുഗിനാ് പ്‌റ പീലിപ്പോസ്‌ലാക്ക് എജേന്താ്. അദിലി ണഡാന്ത ബെല്ല്യ ബെല്ല്യ അദിസ്യഗണാമ് അഡ്യാളഗണാമ് കണ്ട് സീമോന് അന്തബ്‌ട്ടെക്കിനാ്.
14സമര്യ പട്ടണാത്തിലി ഇര്‌ക്ക ആള്‌ഗ സാമിദ് സേദിന ണമ്പിനാര് എന്ത് എര്‌സലേമിലി ഇര്‌ക്ക അപ്പൊസലലാക്കെ സേദി കെ്ഡേത്ത്‌ദ് അദ്‌ക്ക് അവാര് പത്ത്‌റോസ്‌ണാമ് ഓഗന്നാനാമ് ഇവാര്‌ദ് പട്ട്‌ക്ക് അന്‌പ്പിനാര്. 15അച്ചെ അവാര് പോയി സമര്യ പട്ടണാത്തിലിര്‌ക്ക ഏസുക്കാറാര്‌ക്ക് സാമിണിഗാല് കെ്ഡേക്ക്യ ബേ്ണ്ടി പരേസിനാര്. 16-17അദ്‌ക്ക് പ്‌റ പത്ത്‌റോസ്‌മ് ഓഗന്നാന്‌മ് അവാര്‌ക്ക് കയ്യി ബെത്താദ്‌മ് സാമിണിഗാല് അവാര്‌ക്ക് കെ്ഡേക്കാമ് സെയ്‌ദ്‌ദ്. ഇവാര് ഏസു ആണ്ടവാ് പേരിലി തണ്ണിക്ക് മുളുഗി ഇര്‌ന്താദല്ലാദെ പത്ത്‌റോസ്‌മ് ഓഗന്നാന്‌മ് ഇവാര് പട്ട്‌ക്ക് ബരമാട്ട് ഇവാര്‌ക്ക് സാമിണിഗാല് കെ്ഡേക്കാദെ ഇര്‌ന്ത്‌ദ്.
18അച്ചെ അപ്പൊസലല തമ്മ് കയ്യിന ഏസുക്കാറാര്‌ക്കെ ബെക്കാട്ടി അവാര്‌ക്ക് സാമിണിഗാല് കെ്ഡേത്താദ്‌ണ സീമോന് കണ്ടാ്. അദ്‌ണാലെ പത്ത്‌റോസ്‌ക്ക്‌മ് ഓഗന്നാന്‌ക്ക്‌മ് പണ കൊഡുത്താ്, 19എന്ത്‌ട്ട് അയാള് ഇച്ചെ കേ്ട്ടാ്: <<ണാന് ആരാറ്റ്‌ക്കെ കയ്യി ബെത്ത അവാര്‌ക്കെല്ല സാമിണിഗാല് കെ്ഡേക്ക്യ ഈ അദിഗാരണ എനാക്ക്‌മ് തരുഡൊ.>>
20അക്കുളെ പത്ത്‌റോസ് ഇച്ചെ സൊന്നാ്: <<സാമി ബെ്റ്‌ദെ തര ദറ്‌മ്മണ ണീ പണ കൊഡുത്ത് ബാങ്കുഡൊ എന്ത് ണെനേക്കേന? അദ്‌ണാലെ ണീമ് ണിന്ന് പണാമ് ണാസമായി പോയെക്കുഡൊ! 21ണിന്ന് മനേസ്സ് ണല്ലാദല്ല എന്ത് സാമിക്ക് തെര്യു. അദ്‌ണാലെ എമ്മ സെയ്‌ര ഈ ബേലേക്ക് ണിനാണ എജേക്ക്യ മുഡ്യമാട്ട. 22ണീ സെയ്‌രാദ് തപ്പ് എന്ത് തെരിന്ത് തള്ളി ഇനി അദ്‌ണ സെയ്യാദെ ഇര്‌ക്കുഡൊ. അദ്‌ക്ക് പ്‌റ ആണ്ടവാന പരേസുഡൊ. അപ്പ്‌ത്തെ സാമി ണിമ്മ് തപ്പ്‌ക്ക് പൊറിമെ തരുവാ്. 23ണിന്ന് മനേസ്സിലി റമ്പ കീ്ട്ടുവ എന്ത്‌മ് ണീ തെറ്റ്‌കുറ്റഗാക്ക് പട്ടെക്കിനെ എന്ത്‌മ് ണാന് കാണ്‌റെ.>>
24അക്കുളെ പത്ത്‌റോസ്‌ക്കേമ് ഓഗന്നാന്‌ക്കേമ് സീമോന് ഇച്ചെ സൊന്നാ്: <<ണിമ്മ സൊന്നാദ് എനാക്ക് തട്ടാദെ ഇര്‌ക്ക്യ ആണ്ടവാന്‌ക്കെ സെറ്റെ പരേസുഡോമെ.>>
25പത്ത്‌റോസ്‌മ് ഓഗന്നാന്‌മ് സാമി തമാക്ക് സെയ്‌ദ് തന്താദ്‌ണാമ് ആണ്ടവാന്‌ദ് സൊല്ലുസുലാക്കണാമ് പറ്റി സൊന്നാര്. അദ്‌ക്ക് പ്‌റ ഇവാര് എര്‌സലേമ്‌ക്ക് തിലിമ്പി പോനാര്. ഇച്ചെ പോഗാട്ടി സമര്യാലിര്‌ക്ക എത്തിന്യൊ ഊര്‌ക്ക്‌റാഗ ആണ്ടവാന്‌ദ് ണല്ല സേദിന സൊല്ലാമ് സെയ്‌ദാര്.
പീലിപ്പോസ്‌മ് എത്തോപ്യ ണാഡില്യ റാണിദ് ഉദ്ദേഗക്കാറാന്‌മ്
26ആണ്ടവാന്‌ദ് ദൂദാ് പീലിപ്പോസ്‌ക്കെ സൊന്നാ്: <<ണീ ബേഗ തെക്ക് സാരി പോര ബയ്യിമേലെ പോ, അദ് എര്‌സലേമിലി ഇര്‌ന്ത് ഗാസെ എങ്ക ണാഡ്‌ക്ക് പോര ബയ്യിത്തെ.>> (അയ്യി ബയ്യി ബ്‌ട്ടെക്കിന ബയ്യിത്തെ) 27-28പീലിപ്പോസ് അപ്പ്‌താനെ ഒരിങ്കി പോനാ്. അക്കുളെ അയാള് ഒരു പെ്ട്ടെപെ്ണ്ണ്യാ് ആന എത്തോപ്യക്കാറാന കണ്ടാ്. അയാള് എത്തോപ്യ റാണി ആന കന്തഗേദ് പണണ ണോഡി ണഡാത്ത്‌റ ബെല്ല്യ അദിഗാരി ആയിര്‌ന്താ്. അവാ് എര്‌സലേമ്‌ക്ക് പോയി സാമിന കുമ്മുഡി തിലിമ്പി കൂരേക്ക് പോയികൊണ്ടെ ഇര്‌ന്താ്. അച്ചെ പോഗാട്ടി തേരിലി ഇര്‌ന്ത്‌കൊണ്ട് എസയ്യാ് എങ്ക സാമിദാസ്‌ദ് ബുക്ക്‌ണ പഡിത്ത് കൊണ്ട് ഇര്‌ന്താ്. 29സാമിണിഗാല് പീലിപ്പോസ്‌ക്ക്: <<തേരോഡെ സേന്ത് ണഡ>> എന്ത് സൊല്ലിത്ത്.
30പീലിപ്പോസ് തേര്‌ദ് അര്‌ഗെ പോനാ്. അക്കുളെ പെ്ട്ടെപെ്ണ്ണ്യാ് എസയ്യാ് സാമിദാസ്‌ദ് ബുക്ക്‌ണ പഡിക്കാദ്‌ണ കേ്ട്ടാ്: <<ണീ പഡിക്കാദ്‌ദ് പൊറുള് ണിനാക്ക് തെര്യുമ?>>
31അദ്‌ക്ക് അയാള് ബദ്‌ള് സൊന്നാ്: <<ആരാറ്റ് ഇദ്‌ദ് പൊറുള്‌ണ സൊല്ലി തരാദെ എച്ചെ തെര്യു?>> അദ്‌ണാലെ അയാള് പീലിപ്പോസ്‌ണ തേര്‌ക്ക് ഏ്റി തന്ന്‌ദൊപ്പ കുക്കാക്ക്യ സൊന്നാ്. 32അയാള് പഡിത്ത് ഇര്‌ന്ത സാമി ബുക്കിലി ഇച്ചെ എ്ള്‌ദി ഇര്‌ന്ത്‌ദ്,
<<ബെ്ട്ട്യ എ്ഡ്‌ത്ത് പോര ആഡ്‌ണ പാസേമ്,
തുപ്പുഡുണ കത്താര്‌സ്‌ഗാട്ടി മ്‌ണ്ടാദെ ഇര്‌ന്ത കൊറ്യാഡ്‌ണ പാസേമ്,
അവാ് ബായി തുറാക്കാദെ ഇര്‌ന്താ്.
33അയാള്‌ണ മാനഗെ്ഡ്‌സിമ്,
അയാള് തെറ്റ്‌കുറ്റ ഒന്റുമ് സെയ്യാദെ ഇര്‌ന്ത്‌ട്ട്‌മ്,
അയാള്‌ണ കുറ്റക്കാറാ് ആക്കാമ് സെയ്‌ദാര്.
ബൂമിലി അവാന്‌ദ് പെ്ളേപ്പ് ഇല്ലാദെ ആറ്റ്,
അദ്‌ണാലെ അയാള്‌ദ് കാല്‌ക്ക് പട്ടവാര്‌ണ പറ്റി ആര്‌ക്ക് സൊല്ല്യ മുഡ്യു?>>#എസയ്യാ് 53:7,8
34<<സാമിദാസ് ഇദിലി ആര്‌ണ പറ്റി സൊല്ലിര്‌ക്കാ്? തനാണ പറ്റ്യൊ, ഇല്ലെ ബേ്റെ ആരാറ്റ്‌ണ പറ്റ്യൊ? എനാക്ക് സെറ്റെ സൊല്ലിത്താ>> എന്ത് അയാള് പീലിപ്പോസ്‌ക്ക് സൊന്നാ്. 35അക്കുളെ പീലിപ്പോസ്, അയാള് പഡിത്ത ഈ സാമി ബുക്കിലി ഇര്‌ന്ത് അയാള്‌ക്കെ ഏസുണ പറ്റി സൊല്ലുറ ണല്ല സേദിന സൊക്കാന സൊല്ല്യ പ്‌ഡിത്താ്.
36അച്ചെ അവാര് പോയികൊണ്ടെ ഇര്‌ക്കാട്ടി തണ്ണിര്‌ക്ക പട്ട്‌ണ കണ്ടാര്. അക്കുളെ അയാള് <<ഇദാ തണ്ണി, ണാന് തണ്ണിക്ക് മുളുഗുറാക്ക് എന്താറ്റ് തഡെ ഇര്‌ക്ക്‌ദ?>> എന്ത് പീലിപ്പോസ്‌ണ കേ്ട്ടാ്. 37അദ്‌ക്ക് പീലിപ്പോസ് സൊന്നാ്: <<ണീ ആണ്ടവാന മനേസ്സാറ ണമ്പ്‌റദാനാക്കി അച്ചെ സെയ്‌ല.>> അദ്‌ണാലെ <<ഏസു ക്‌റ്‌സ്‌ത്ത് സാമിദ് മഗാ് എന്ത് ണാന് ണമ്പ്‌റെ>> എന്ത് പെ്ട്ടെപെ്ണ്ണ്യാ് പീലിപ്പോസ്‌ക്ക് സൊന്നാ്.
38പ്‌റ അയാള് തേര്‌ണ ണില്ലിസ്യ സൊന്നാ്. അവാര് റണ്ട് ആള്‌മ് പോയി തണ്ണിക്ക് ഇ്റാങ്കി, പീലിപ്പോസ് അയാള്‌ണ തണ്ണിക്ക് മുളുഗ്‌സാമ് സെയ്‌ദാ്. 39അവാര് തണ്ണിലി ഇര്‌ന്ത് ഏ്ട്ടിക്ക് ഏ്റിനാദ്‌മ് സാമിണിഗാല് പീലിപ്പോസ്‌ണ എ്ഡ്‌ത്ത് പോറ്റു. അദ്‌ക്ക് പ്‌റ അയ്യി പെ്ട്ടെപെ്ണ്ണ്യാ് പീലിപ്പോസ്‌ണ കാണാഗെ ഇല്ലെ. ആനാല്‌മ് അയാള് പിര്യപിര്യാത്ത് കൂരേക്ക് പോനാ്. 40അദ് കളിന്ത് പീലിപ്പോസ്‌ണ കാണ്‌റാദ് അസ്‌തോദ് എങ്ക പട്ടണാത്തിലി ബെത്ത്‌ത്തെ. പ്‌റ പീലിപ്പോസ് കയ്യിസര്യ ണാഡ്‌ക്ക് പോനാ്. അച്ചെ പോഗാട്ടി എത്തിന്യൊ പട്ടണാക്ക്‌റാഗ ണല്ല സേദിന സൊല്ലികൊണ്ട് പോനാ്.
Zvasarudzwa nguva ino
അപ്പൊസലല 8: സാമിദ് സേദി
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
New Life Literature
അപ്പൊസലല 8
8
1തേപാനോസ്‌ണ കൊന്റാദ് സെരിത്തെ എന്ത് സവുല് സൊന്നാ്.
സവുല് ഏസുക്കാറാര്‌ണ സെരി ആന കൊഡിമെപഡ്‌സ്‌റാ്
അദേ ണാള് താനെ എര്‌സലേമ്‌ക്ക്‌റാഗ ഇര്‌ക്ക ഏസുക്കാറാര് കൂട്ടണ റമ്പ കൊഡിമെപഡ്‌സ്യ പ്‌ഡിത്താര്. അക്കുളെ അപ്പൊസലലണ തള്ളി ബാക്കി ഇര്‌ക്ക ഏസുക്കാറാര് മുച്ചുഡ എഗുദ ണാഡ്‌ക്ക്‌റാഗാമ്, സമര്യ ണാഡ്‌ക്ക്‌റാഗാമ് സിന്തസിദാറ ആയെക്കിനാര്. 2ബക്‌ദി ഇര്‌ക്ക ലേസ ആള്‌ഗ തേപാനോസ്‌ദ് സാവുണ എ്ഡ്‌ത്ത് പോയി പൊദേത്താര്. പ്‌റ ഇയാള്‌ക്ക് ബേ്ണ്ടി ബായിബ്‌ട്ട് അഗ്‌ദാര്.
3ആന സവുല് എങ്കവാ് കൂരെകൂര്യ ഏ്റി ഏസുക്കാറാര് കൂട്ടാത്തില്യ പെ്ണ്ണ്‌മക്കഗണാമ്, ആണ്‌മക്കഗണാമ് ഇ്ളിത്ത് ബലിത്ത് എ്ഡ്‌ത്ത് പോയി ജെയില്‌ക്ക് അഡേത്ത് ബെത്താ്. അച്ചെ അയാള് ഏസുക്കാറാര്‌ദ് കൂട്ടണ ഇല്ലാദെ ആക്കി എക്ക്യ ണോഡിനാ്.
സമര്യ ണാഡിലി സാമിദ് ണല്ല സേദിന സൊല്ലുറാര്
4അച്ചെ സിന്തസിദാറ ആയെക്കിന ഏസുക്കാറാര് എല്ല എ്ഡേക്കേമ് സാമിദ് സേദിന സൊല്ലി ണഡാന്താര്. 5അക്കുളെ പീലിപ്പോസ് എങ്കവാ് സമര്യാലി ഇര്‌ക്ക ഒരു പട്ടണാത്തിലി ക്‌റ്‌സ്‌ത്ത്‌ണ പറ്റി സൊന്നാ്. 6അദിലി ഇര്‌ന്ത ആള്‌ഗ പീലിപ്പോസ് സൊന്നാദ്‌ണ കേ്ട്ട്‌മ് അയാള് സെയ്‌ദ അദിസ്യമാന അഡ്യാളഗണ കണ്ട്‌മ് ഇര്‌ന്താര്. അദ്‌ണാലെ അയാള് സൊന്നാദ്‌ണ അവാര് സൊക്കാന കേ്ട്ട് ഇര്‌ന്താര്. 7എത്തിന്യൊ ആള്‌ഗാക്കെ തട്ടിര്‌ക്ക കെ്ട്ടജാദിഗ അഗാറികൊണ്ട് ഇവാര്‌ണ ബ്‌ട്ട് ബെ്ള്യെ പോറ്റു. മൊത്തന സപ്പെ ണോയിക്കാറാര്‌മ്, മൊണ്ടിഗാമ് സവ്വി ആനാര്. 8അച്ചെ അയ്യി പട്ടണാത്തില്യ എത്തിന്യൊ ആള്‌ഗാക്ക് റമ്പ പിര്യ ബന്ത്‌ദ്.
9സമര്യ പട്ടണാത്തിലി സീമോന് എങ്ക ഒരു മന്ത്‌റവാദി ഇര്‌ന്താ്. അയാള് മന്ത്‌റ മോഡി കാട്ടി സമര്യ പട്ടണാത്തില്യ ആള്‌ഗണ അദിസ്യപഡ്‌സിര്‌ന്താ്. താന്‌ത്തെ ബെല്ല്യവാ് എന്ത് സൊല്ലി ണഡാന്ത് ഇര്‌ന്താ്. 10അയ്യി പട്ടണാത്തിലി ഇര്‌ക്ക ഉജാന്തവാരിലി ഇര്‌ന്ത് താന്തവാര് ബീസാക്ക് ഇയാള്‌ക്ക് <<സാമി സക്‌ദി എങ്ക <ബെല്ല്യ സക്‌ദി> >> ഇര്‌ക്ക്‌ദ് എന്ത് സൊന്നാര്. 11എത്തിന്യൊ ണാള് അയാള് സെയ്‌ദ അദിസ്യണ കണ്ട് അന്തബ്‌ട്ടെക്കികൊണ്ടിര്‌ന്ത ആള്‌ഗ ഇവാ് എന്ത സൊന്നാല്‌മ് കേ്ട്ട് ണഡാന്തിര്‌ന്താര്. 12ആന പീലിപ്പോസ് സാമി ആള്‌റാദ്‌ണ പറ്റിമ് ഏസു ക്‌റ്‌സ്‌ത്ത്‌ണ പറ്റിമ് സൊല്ലുറ ണല്ല സേദിന പറ്റി ആള്‌ഗാക്കെ സൊന്നാ്. അക്കുളെ അദിലിര്‌ക്ക ആണ്‌മക്കഗാമ് പെ്ണ്ണ്‌മക്കഗാമ് ഇദ്‌ണ ണമ്പി തണ്ണിക്ക് മുളുഗിനാര്. 13ഇദ്‌ണ സീമോന് എങ്കവാന്‌മ് ണമ്പി തണ്ണിക്ക് മുളുഗിനാ് പ്‌റ പീലിപ്പോസ്‌ലാക്ക് എജേന്താ്. അദിലി ണഡാന്ത ബെല്ല്യ ബെല്ല്യ അദിസ്യഗണാമ് അഡ്യാളഗണാമ് കണ്ട് സീമോന് അന്തബ്‌ട്ടെക്കിനാ്.
14സമര്യ പട്ടണാത്തിലി ഇര്‌ക്ക ആള്‌ഗ സാമിദ് സേദിന ണമ്പിനാര് എന്ത് എര്‌സലേമിലി ഇര്‌ക്ക അപ്പൊസലലാക്കെ സേദി കെ്ഡേത്ത്‌ദ് അദ്‌ക്ക് അവാര് പത്ത്‌റോസ്‌ണാമ് ഓഗന്നാനാമ് ഇവാര്‌ദ് പട്ട്‌ക്ക് അന്‌പ്പിനാര്. 15അച്ചെ അവാര് പോയി സമര്യ പട്ടണാത്തിലിര്‌ക്ക ഏസുക്കാറാര്‌ക്ക് സാമിണിഗാല് കെ്ഡേക്ക്യ ബേ്ണ്ടി പരേസിനാര്. 16-17അദ്‌ക്ക് പ്‌റ പത്ത്‌റോസ്‌മ് ഓഗന്നാന്‌മ് അവാര്‌ക്ക് കയ്യി ബെത്താദ്‌മ് സാമിണിഗാല് അവാര്‌ക്ക് കെ്ഡേക്കാമ് സെയ്‌ദ്‌ദ്. ഇവാര് ഏസു ആണ്ടവാ് പേരിലി തണ്ണിക്ക് മുളുഗി ഇര്‌ന്താദല്ലാദെ പത്ത്‌റോസ്‌മ് ഓഗന്നാന്‌മ് ഇവാര് പട്ട്‌ക്ക് ബരമാട്ട് ഇവാര്‌ക്ക് സാമിണിഗാല് കെ്ഡേക്കാദെ ഇര്‌ന്ത്‌ദ്.
18അച്ചെ അപ്പൊസലല തമ്മ് കയ്യിന ഏസുക്കാറാര്‌ക്കെ ബെക്കാട്ടി അവാര്‌ക്ക് സാമിണിഗാല് കെ്ഡേത്താദ്‌ണ സീമോന് കണ്ടാ്. അദ്‌ണാലെ പത്ത്‌റോസ്‌ക്ക്‌മ് ഓഗന്നാന്‌ക്ക്‌മ് പണ കൊഡുത്താ്, 19എന്ത്‌ട്ട് അയാള് ഇച്ചെ കേ്ട്ടാ്: <<ണാന് ആരാറ്റ്‌ക്കെ കയ്യി ബെത്ത അവാര്‌ക്കെല്ല സാമിണിഗാല് കെ്ഡേക്ക്യ ഈ അദിഗാരണ എനാക്ക്‌മ് തരുഡൊ.>>
20അക്കുളെ പത്ത്‌റോസ് ഇച്ചെ സൊന്നാ്: <<സാമി ബെ്റ്‌ദെ തര ദറ്‌മ്മണ ണീ പണ കൊഡുത്ത് ബാങ്കുഡൊ എന്ത് ണെനേക്കേന? അദ്‌ണാലെ ണീമ് ണിന്ന് പണാമ് ണാസമായി പോയെക്കുഡൊ! 21ണിന്ന് മനേസ്സ് ണല്ലാദല്ല എന്ത് സാമിക്ക് തെര്യു. അദ്‌ണാലെ എമ്മ സെയ്‌ര ഈ ബേലേക്ക് ണിനാണ എജേക്ക്യ മുഡ്യമാട്ട. 22ണീ സെയ്‌രാദ് തപ്പ് എന്ത് തെരിന്ത് തള്ളി ഇനി അദ്‌ണ സെയ്യാദെ ഇര്‌ക്കുഡൊ. അദ്‌ക്ക് പ്‌റ ആണ്ടവാന പരേസുഡൊ. അപ്പ്‌ത്തെ സാമി ണിമ്മ് തപ്പ്‌ക്ക് പൊറിമെ തരുവാ്. 23ണിന്ന് മനേസ്സിലി റമ്പ കീ്ട്ടുവ എന്ത്‌മ് ണീ തെറ്റ്‌കുറ്റഗാക്ക് പട്ടെക്കിനെ എന്ത്‌മ് ണാന് കാണ്‌റെ.>>
24അക്കുളെ പത്ത്‌റോസ്‌ക്കേമ് ഓഗന്നാന്‌ക്കേമ് സീമോന് ഇച്ചെ സൊന്നാ്: <<ണിമ്മ സൊന്നാദ് എനാക്ക് തട്ടാദെ ഇര്‌ക്ക്യ ആണ്ടവാന്‌ക്കെ സെറ്റെ പരേസുഡോമെ.>>
25പത്ത്‌റോസ്‌മ് ഓഗന്നാന്‌മ് സാമി തമാക്ക് സെയ്‌ദ് തന്താദ്‌ണാമ് ആണ്ടവാന്‌ദ് സൊല്ലുസുലാക്കണാമ് പറ്റി സൊന്നാര്. അദ്‌ക്ക് പ്‌റ ഇവാര് എര്‌സലേമ്‌ക്ക് തിലിമ്പി പോനാര്. ഇച്ചെ പോഗാട്ടി സമര്യാലിര്‌ക്ക എത്തിന്യൊ ഊര്‌ക്ക്‌റാഗ ആണ്ടവാന്‌ദ് ണല്ല സേദിന സൊല്ലാമ് സെയ്‌ദാര്.
പീലിപ്പോസ്‌മ് എത്തോപ്യ ണാഡില്യ റാണിദ് ഉദ്ദേഗക്കാറാന്‌മ്
26ആണ്ടവാന്‌ദ് ദൂദാ് പീലിപ്പോസ്‌ക്കെ സൊന്നാ്: <<ണീ ബേഗ തെക്ക് സാരി പോര ബയ്യിമേലെ പോ, അദ് എര്‌സലേമിലി ഇര്‌ന്ത് ഗാസെ എങ്ക ണാഡ്‌ക്ക് പോര ബയ്യിത്തെ.>> (അയ്യി ബയ്യി ബ്‌ട്ടെക്കിന ബയ്യിത്തെ) 27-28പീലിപ്പോസ് അപ്പ്‌താനെ ഒരിങ്കി പോനാ്. അക്കുളെ അയാള് ഒരു പെ്ട്ടെപെ്ണ്ണ്യാ് ആന എത്തോപ്യക്കാറാന കണ്ടാ്. അയാള് എത്തോപ്യ റാണി ആന കന്തഗേദ് പണണ ണോഡി ണഡാത്ത്‌റ ബെല്ല്യ അദിഗാരി ആയിര്‌ന്താ്. അവാ് എര്‌സലേമ്‌ക്ക് പോയി സാമിന കുമ്മുഡി തിലിമ്പി കൂരേക്ക് പോയികൊണ്ടെ ഇര്‌ന്താ്. അച്ചെ പോഗാട്ടി തേരിലി ഇര്‌ന്ത്‌കൊണ്ട് എസയ്യാ് എങ്ക സാമിദാസ്‌ദ് ബുക്ക്‌ണ പഡിത്ത് കൊണ്ട് ഇര്‌ന്താ്. 29സാമിണിഗാല് പീലിപ്പോസ്‌ക്ക്: <<തേരോഡെ സേന്ത് ണഡ>> എന്ത് സൊല്ലിത്ത്.
30പീലിപ്പോസ് തേര്‌ദ് അര്‌ഗെ പോനാ്. അക്കുളെ പെ്ട്ടെപെ്ണ്ണ്യാ് എസയ്യാ് സാമിദാസ്‌ദ് ബുക്ക്‌ണ പഡിക്കാദ്‌ണ കേ്ട്ടാ്: <<ണീ പഡിക്കാദ്‌ദ് പൊറുള് ണിനാക്ക് തെര്യുമ?>>
31അദ്‌ക്ക് അയാള് ബദ്‌ള് സൊന്നാ്: <<ആരാറ്റ് ഇദ്‌ദ് പൊറുള്‌ണ സൊല്ലി തരാദെ എച്ചെ തെര്യു?>> അദ്‌ണാലെ അയാള് പീലിപ്പോസ്‌ണ തേര്‌ക്ക് ഏ്റി തന്ന്‌ദൊപ്പ കുക്കാക്ക്യ സൊന്നാ്. 32അയാള് പഡിത്ത് ഇര്‌ന്ത സാമി ബുക്കിലി ഇച്ചെ എ്ള്‌ദി ഇര്‌ന്ത്‌ദ്,
<<ബെ്ട്ട്യ എ്ഡ്‌ത്ത് പോര ആഡ്‌ണ പാസേമ്,
തുപ്പുഡുണ കത്താര്‌സ്‌ഗാട്ടി മ്‌ണ്ടാദെ ഇര്‌ന്ത കൊറ്യാഡ്‌ണ പാസേമ്,
അവാ് ബായി തുറാക്കാദെ ഇര്‌ന്താ്.
33അയാള്‌ണ മാനഗെ്ഡ്‌സിമ്,
അയാള് തെറ്റ്‌കുറ്റ ഒന്റുമ് സെയ്യാദെ ഇര്‌ന്ത്‌ട്ട്‌മ്,
അയാള്‌ണ കുറ്റക്കാറാ് ആക്കാമ് സെയ്‌ദാര്.
ബൂമിലി അവാന്‌ദ് പെ്ളേപ്പ് ഇല്ലാദെ ആറ്റ്,
അദ്‌ണാലെ അയാള്‌ദ് കാല്‌ക്ക് പട്ടവാര്‌ണ പറ്റി ആര്‌ക്ക് സൊല്ല്യ മുഡ്യു?>>#എസയ്യാ് 53:7,8
34<<സാമിദാസ് ഇദിലി ആര്‌ണ പറ്റി സൊല്ലിര്‌ക്കാ്? തനാണ പറ്റ്യൊ, ഇല്ലെ ബേ്റെ ആരാറ്റ്‌ണ പറ്റ്യൊ? എനാക്ക് സെറ്റെ സൊല്ലിത്താ>> എന്ത് അയാള് പീലിപ്പോസ്‌ക്ക് സൊന്നാ്. 35അക്കുളെ പീലിപ്പോസ്, അയാള് പഡിത്ത ഈ സാമി ബുക്കിലി ഇര്‌ന്ത് അയാള്‌ക്കെ ഏസുണ പറ്റി സൊല്ലുറ ണല്ല സേദിന സൊക്കാന സൊല്ല്യ പ്‌ഡിത്താ്.
36അച്ചെ അവാര് പോയികൊണ്ടെ ഇര്‌ക്കാട്ടി തണ്ണിര്‌ക്ക പട്ട്‌ണ കണ്ടാര്. അക്കുളെ അയാള് <<ഇദാ തണ്ണി, ണാന് തണ്ണിക്ക് മുളുഗുറാക്ക് എന്താറ്റ് തഡെ ഇര്‌ക്ക്‌ദ?>> എന്ത് പീലിപ്പോസ്‌ണ കേ്ട്ടാ്. 37അദ്‌ക്ക് പീലിപ്പോസ് സൊന്നാ്: <<ണീ ആണ്ടവാന മനേസ്സാറ ണമ്പ്‌റദാനാക്കി അച്ചെ സെയ്‌ല.>> അദ്‌ണാലെ <<ഏസു ക്‌റ്‌സ്‌ത്ത് സാമിദ് മഗാ് എന്ത് ണാന് ണമ്പ്‌റെ>> എന്ത് പെ്ട്ടെപെ്ണ്ണ്യാ് പീലിപ്പോസ്‌ക്ക് സൊന്നാ്.
38പ്‌റ അയാള് തേര്‌ണ ണില്ലിസ്യ സൊന്നാ്. അവാര് റണ്ട് ആള്‌മ് പോയി തണ്ണിക്ക് ഇ്റാങ്കി, പീലിപ്പോസ് അയാള്‌ണ തണ്ണിക്ക് മുളുഗ്‌സാമ് സെയ്‌ദാ്. 39അവാര് തണ്ണിലി ഇര്‌ന്ത് ഏ്ട്ടിക്ക് ഏ്റിനാദ്‌മ് സാമിണിഗാല് പീലിപ്പോസ്‌ണ എ്ഡ്‌ത്ത് പോറ്റു. അദ്‌ക്ക് പ്‌റ അയ്യി പെ്ട്ടെപെ്ണ്ണ്യാ് പീലിപ്പോസ്‌ണ കാണാഗെ ഇല്ലെ. ആനാല്‌മ് അയാള് പിര്യപിര്യാത്ത് കൂരേക്ക് പോനാ്. 40അദ് കളിന്ത് പീലിപ്പോസ്‌ണ കാണ്‌റാദ് അസ്‌തോദ് എങ്ക പട്ടണാത്തിലി ബെത്ത്‌ത്തെ. പ്‌റ പീലിപ്പോസ് കയ്യിസര്യ ണാഡ്‌ക്ക് പോനാ്. അച്ചെ പോഗാട്ടി എത്തിന്യൊ പട്ടണാക്ക്‌റാഗ ണല്ല സേദിന സൊല്ലികൊണ്ട് പോനാ്.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
New Life Literature