ലൂക്കോസ് 22
22
ഏസുണ കൊല്ല്യ സട്ടകെ്ട്ട്‌റാര്
1പെസഗെ എങ്ക പുളില്ലാത്ത അഡേദ് ണോമ്പി ബര്യ ആറ്റ്. 2അക്കുളെ എഗുദ പൂസാരി തലെവലാമ് ബേദ ബാത്ത്യലാമ് ഏസുണ എച്ചെ സൂഗാന കൊല്ല്യ മുഡ്യു എന്ത് സട്ട കെ്ട്ടിനാര്. എന്ത്‌ക്കെന്റ ആള്‌ഗണ അഞ്ചിത്തെ അവാര് അച്ചെ സെയ്‌ദാദ്. 3തന്ന് സൊല്ലുപഡി ണഡാക്ക പന്നന്റ് ആളിലി കര്യോത്ത്‌ക്കാറാ് ജൂദാ് എങ്ക ഒരുത്താന്‌ദ് മനേസ്സ്‌ക്ക് സെയിത്ത്യാ് കെ്ട്ട ണെനേപ്പ്‌ണ കൊഡുത്താ്. 4അക്കുളെ അവാ് എഗുദ പൂസാരി തലെവല പട്ട്‌ക്കേമ് സാമികൂരെ കാവകാക്ക പഡെഗാദ് തലെവല പട്ട്‌ക്കേമ് പോനാ്. അച്ചെ ഏസുണ അവാര്‌ക്ക് എച്ചെ കാട്ടി തര്യ എങ്കാദ്‌ണ പറ്റി പേസിനാ്. 5അക്കുളെ അവാര്‌ക്ക് റമ്പ പിര്യ ബന്ത്‌ദ്. അവാര് അയാള്‌ക്ക് പണ തരേര് എന്ത് സൊല്ലി അയാള്‌ക്ക് ബാക്ക് കൊഡുത്താര്. 6ജൂദാ് അദ്‌ക്ക് ഒത്തുപട്ട പ്‌റ ഏസുണ അവാര്‌ക്ക് കാട്ടി കൊഡുക്ക്യ ഉള്ള തഞ്ച കെ്ഡേക്ക്യ ബേ്ണ്ടി ആള്‌ഗ ഇല്ലാത്ത ഗള്യെ ണോഡികൊണ്ടിര്‌ന്താ്.
കഡേസി പെസഗെ ണോമ്പി സാപാഡ്
7പുളില്ലാത്ത അഡെ ണോമ്പി സെയ്‌ഗാട്ടി പെസഗെ സാപാഡ്‌ക്കുള്ള കൊറ്യാഡ്‌കുട്ടിന പലി കൊഡുക്ക ണാള് ബന്ത്‌ദ്. 8അക്കുളെ ഏസു, പത്ത്‌റോസ്‌ക്കേമ് ഓഗന്നാന്‌ക്കേമ്: <<ണിമ്മ പോയി ണമാക്ക് പെസഗെ സാപാഡ് ഒരിക്കിരി>> എന്ത് സൊല്ലിബ്‌ട്ടാ്.
9അക്കുളെ അവാര്: <<എമ്മ ഏദ്‌ക്കെ പോയി ണിനാക്ക് പെസഗെ സാപാഡ് ഒരുക്കുഡൊ?>> എന്ത് ഏസുണ കേ്ട്ടാര്.
10അദ്‌ക്ക് ഏസു: <<ണിമ്മ പട്ടണാക്കെ പോഗാട്ടി ഒരുത്താ് ഒരു കുഡ തണ്ണി എ്ഡ്‌ത്ത് ബരാദ്‌ണ ണിമ്മ കാണുവേര്. അയാള് പിന്ന്‌മേലെ അവാ് പുക്ക്‌റ കൂരേക്കെ ണിമ്മ പോയിരി. 11അയ്യി കൂരെക്കാറാന്‌ക്കെ: <എനാക്ക്‌മ് എന്ന് സൊല്ലുപഡി ണഡാക്കവാര്‌ക്ക്‌മ് പെസഗെ സാപാഡ് തിന്ന്യ എ്ഡെ ഏദിലി എന്ത് ഗുരു കേ്ക്കാ്> എന്ത് സൊല്ലിരി 12അക്കുളെ അയാള് ണലമായി ഒരിക്കി ബെത്തിര്‌ക്ക ബെല്ല്യ മേല്‌മാളിഗെന ണിമാക്ക് കാട്ടി തരുവാ്. അദിലി ണിമ്മ തീനി ഒരിക്കിരി>> എന്ത് സൊന്നാ്.
13അവാര് പോയി ണോഡുഗാട്ടി ഏസു സൊന്ന പാസെതാനെ കണ്ടാര്. അച്ചെ അവാര് അദിലി പെസഗെ സാപാഡ് ഒരിക്കിനാര്.
പെസഗെ
14പെസഗെ സാപാഡ് തിന്ന്‌റാദ്‌ക്കുള്ള ഗള്യെ ആഗാട്ടി ഏസു അപ്പൊസലലോഡെ തിന്ന്യ കുക്കാന്താ്. 15പ്‌റ ഏസു അവാര്‌ക്കെ: <<ണാന് കജട്ടപഡ്‌റാദ്‌ക്ക് മുദ ഈ പെസഗെ സാപാഡ് ണിമ്മ്‌ദൊപ്പ തിന്ന്യ ണാന് എത്തറാഗൊ ആസെപട്ടെ. 16സാമി ആള്‌റ ണാഡിലി ഈ ബിര്‌ന്ത്‌ണ പറ്റി സൊല്ലിര്‌ക്ക കാര്യഗ ണഡാക്ക മാട്ട്‌ക്ക്#22:16സാമി ആള്‌റ ണാഡിലി ഈ ബിര്‌ന്ത്‌ണ പറ്റി സൊല്ലിര്‌ക്ക കാര്യഗ ണഡാക്ക മാട്ട്‌ക്ക് പെസഗെ എന്ത് സൊല്ലുറാദ് അഡിമെഗ ആയിര്‌ന്ത തന്ന് ആള്‌ഗണ ഈജിത്ത് ണാഡിലിന്ത് സാമി തിലിപ്പി എ്ഡ്‌ത്താദ്‌നാത്തെ കാട്ട്‌ദ്. അദേപാസെ ഒരു ണാള് സാമി തന്ന് ആള്‌ഗണ അവാര്‌ക്കിര്‌ക്ക എല്ല കജട്ടാത്തിലിര്‌ന്ത്‌മ് സാവുലിര്‌ന്ത്‌മ് കാപാറ്റി എപ്പേക്ക്‌മിര്‌ക്ക പെ്ളേപ്പ്‌ണ കൊഡുത്ത് തിലിപ്പി എ്ഡ്‌ക്കുവാ്. ഇനി പെസഗെ സാപാഡ് തിന്നാഗെമാട്ടെ എന്ത് ണാന് ണിമാക്കെ സൊല്ലുറെ>> എന്ത് സൊന്നാ്.
17പ്‌റ ഏസു: <<മുന്തിരി സാര സെമ്പ്‌ണ എ്ഡ്‌ത്ത് സാമിക്ക് ണണ്ണി സൊല്ലി, ഇദ്‌ണ എ്ഡ്‌ത്ത് ണിമ്മ പങ്കി കുഡിരി. 18സാമി ആള്‌റ ണാഡ് ബരമാട്ട് ണാന് ഇനി ഊറിന മുന്തിരി സാരണ കുഡിക്കാഗേമാട്ടെ എന്ത് ണാന് ണിമാക്കെ സൊല്ലുറെ>> എന്ത് സൊന്നാ്.
19പ്‌റ ഏസു അഡേന എ്ഡ്‌ത്ത് സാമിക്ക് ണണ്ണി സൊല്ലി മുറുത്ത് അവാര്‌ക്ക് കൊഡുത്തിര്‌ന്ത്: <<ഇദ് ണിമാക്ക് ബേ്ണ്ടി തര എന്ന് സരിഗല. എനാണ ണെനേക്ക്യ ബേ്ണ്ടി ണിമ്മ ഇദേപാസെ സെയ്‌രി>> എന്ത് സൊന്നാ്.
20അദേപാസെ തീനി തിന്ത് തീന്ത പ്‌റ ഊറിന മുന്തിരി സാര ഇര്‌ക്ക സെമ്പ്‌ണ എ്ഡ്‌ത്ത് ഇച്ചെ സൊന്നാ്: <<ഈ സെമ്പിലിര്‌ക്ക മുന്തിരി സാര സാമി മന്‌സാരോഡെ ബെക്ക പുദ്യ ഒപ്പ്‌കെ്ട്ട്‌ക്കുള്ള എന്ന് സോരെന കാട്ട്‌ദ്. ണിമാക്ക് ബേ്ണ്ടി സൂസിനാദ്‌ത്തെ എന്ന് സോരെ. 21ആന എനാണ കാട്ടി കൊഡുക്കവാ് എന്ന്‌ദ് ഒപ്പ ഈ ബെഞ്ചിലിര്‌ന്ത് തിങ്കാ്. 22സാമി മുഡിവെ്ഡ്‌ത്ത് ബെത്തിര്‌ന്ത പാസെ മന്‌സാനായി പ്‌റാന്തവാ് സാവാ്. ആന മന്‌സാനായി പ്‌റാന്തവാന കാട്ടി കൊഡുക്കവാന്‌ക്ക് സെറ്റെ കജട്ട കജട്ടത്തെ.>> 23ഇച്ചെ കാട്ടി കൊഡുക്കവാ് തമ്മ് കൂട്ടാത്തിലി ആര് ആയിര്‌ക്കു എന്ത് തമ്മ തമ്മ കേ്ക്ക്യ പ്‌ഡിത്താര്.
ആര് ബെല്ല്യവാ് എന്ത് തറ്‌ക്ക്‌റാര്
24ഏസുദ് സൊല്ലുപഡി ണഡാക്കവാര്‌ദ് കൂട്ടാത്തിലി, ആര് ബെല്ല്യവാ് എന്താദ്‌ണ പറ്റി തമാക്ക് തമാക്ക് ഒരു തറ്‌ക്ക ബന്ത്‌ദ്. 25അക്കുളെ ഏസു അവാര്‌ക്കെ ഇച്ചെ സൊന്നാ്: <<എഗുദാര് അല്ലാത്ത ജാദിഗാക്ക് റാജാവുഗ ഇര്‌ക്കാര്. അവാര് തമ്മ് സൊല്ലിലി ആള്‌ഗണ ണഡാത്തുഡൊ എന്ത് ആസെപഡ്‌റാര്. തമ്മ് എല്ല അദിഗാരണാമ് ആള്‌ഗാക്ക് കാട്ട്‌റ അവാര് <തമ്മ ആള്‌ഗാക്ക് ണല്ലാദ് സെയ്‌രേര്> എന്ത് തമാണ പറ്റി സൊല്ല്യ ബെക്കാര്. 26ആന ണിമ്മ അച്ചെ സെയ്യ ബേ്ഡ. ണിമ്മ് കൂട്ടാത്തിലി ബെല്ല്യവാ് സിന്നവാന പാസേമ് തലെവാ് ആയിര്‌ക്കവാ് പണ്ണ്യ ബേലെക്കാറാന പാസേമ് ആയിര്‌ക്കുഡൊ. 27തിന്ന്യ കുക്കാന്തിര്‌ക്കവാ് ബെല്ല്യവാന? ഇല്ലെ ബീറ്റി കൊഡുക്ക ബേലെക്കാറാ് ബെല്ല്യവാന? കണ്ടിപ്പായിമ് തിന്ന്യ കുക്കാന്തിര്‌ക്കവാ്ത്തെ ബെല്ല്യവാ്. ആന ണാന് ണിമ്മ് കൂട്ടാത്തിലി പണ്ണ്യ ബേലെക്കാറാന പാസെത്തെ ഇര്‌ക്കെ.
28ണാന് കജട്ടപഡ്‌ഗാട്ടി ണിമ്മാത്തെ എന്ന്‌ദൊപ്പ ഇര്‌ന്തവാര്. 29എന്ന്‌ദ് അപ്പാ് എനാണ താന് ആള്‌റ ണാഡ്‌ണ ആള്യ ബെത്ത പാസെ ണാന്‌മ് ണിമാണ ആള്യ ബെക്കെ. 30അദ്‌ണാലെ ണാന് ആള്‌റ ണാഡിലി ണാന് തിങ്ക ബെഞ്ചിലിര്‌ന്ത് ണിമ്മ തിന്ത് കുഡിക്കാമ് സെയ്‌വേര്. ണിമ്മ കുറിഞ്ചിക്കെ കുക്കാന്ത് ഇസ്‌റേല്‌ദ് പന്നന്റ് കുലക്കാറാര്‌ണ ആളുവേര്.>>
തനാണ തെര്യ എന്ത് പത്ത്‌റോസ് സൊല്ലുവാനെന്ത് ഏസു സൊല്ലുറാ്
31<<സീമോനെ, സീമോനെ, ഇദ്‌ണ കേ്ള്. ണിമാണൊട്ടുക്ക് ഗോദിമ്പെ പാളെന തൂറ്റി തള്ള്‌റ പാസെ ണിമാണ തൂറ്റി തള്ള്യ ബ്‌ഡുവേന എന്ത് സെയിത്ത്യാ് എനാണ കേ്ട്ട് ബെത്തിര്‌ന്താ്. 32ആന സീമോനെ, ണിന്ന് ണമ്പിക്കെ പോഗാദിര്‌ക്ക്യ ണാന് ണിനാക്ക് ബേ്ണ്ടി പരേസിനെ. ണീ മനേസ്സ് മാറി തിലിമ്പി എന്ന് സാരി ബര്‌ഗാട്ടി ണിന്ന്‌ദൊപ്പ ഇര്‌ക്ക ഏസുക്കാറാര്‌ദ് ണമ്പിക്കേന ഒറേപ്പുള്ളാദ് ആക്കുഡൊ.>>
33അക്കുളെ പത്ത്‌റോസ്: <<ആണ്ടവാനെ, ണിന്ന്‌ദൊപ്പ എനാണ ജെയില്‌ക്കെ ഇക്കിനാല്‌മ് സെരി കൊന്റാല്‌മ് സെരി ണാന് ണിനാണ ബ്‌ട്ട് പോഗമാട്ടെ>> എന്ത് സൊന്നാ്.
34അക്കുളെ ഏസു പത്ത്‌റോസ്‌ക്കെ: <<ബെഡ്യകാല ജാമാക്ക് കോയി കൂഗുറാദ്‌ക്ക് മുദ ണീ എനാണ തെര്യാഗെ തെര്യ എന്ത് മൂണ് ജമ്പ് സൊല്ലുവെ എന്ത് ണാന് ണിനാക്ക് സൊല്ലുറെ>> എന്ത് സൊന്നാ്.
35പ്‌റ ഏസു അവാര്‌ണ ഇച്ചെ കേ്ട്ടാ്: <<പണപയ്യൊ, പയ്യൊ, സെര്‌പ്പൊ ഇല്ലാദെ ണാന് ണിമാണ ബ്‌ഡ്‌ഗാട്ടി ണിമാക്ക് എന്താറ്റ് കൊറെ ബന്ത്‌ദ?>>
അക്കുളെ അവാര്: <<ഇല്ലെ>> എന്ത് സൊന്നാര്.
36അക്കുളെ ഏസു അവാര്‌ക്കെ ഇച്ചെ സൊന്നാ്: <<ആന ഇപ്പ് പണപയ്യി ബെത്തിര്‌ക്കവാ് അദ്‌ണ എ്ഡ്‌ത്ത്‌കൊള്ളുഡൊ. അദേപാസെ താനെ പയ്യി ബെത്തിര്‌ക്കവാന്‌മ് അദ് എ്ഡ്‌ക്കുഡൊ. ബാളില്ലാത്തവാ് തന്ന് പൊദേപ്പ്‌ണെന്താല് ബിറ്റ് ബാള് ബാങ്കുഡൊ. 37<കുറ്റ സെയ്‌രവാര് കൂട്ടാക്കെ അവാനാമ് സേത്തുവാര്>#എസയ്യാ് 53:12 എന്ത് സാമി ബുക്കിലി എ്ള്‌ദിര്‌ക്കാദ് എന്ന് പെ്ളേപ്പിലി ണഡാക്കു എന്ത് ണാന് ണിമാക്കെ സൊല്ലുറെ. എന്ത്‌ക്കെന്റ എനാണ പറ്റി എ്ള്‌ദിര്‌ക്കാദെല്ല ണഡാക്കു.>>
38അക്കുളെ അവാര്: <<ആണ്ടവാനെ, ഇദിലി റണ്ട് ബാള് ഇര്‌ക്ക്‌ദ്>> എന്ത് സൊന്നാര്.
അക്കുളെ ഏസു അവാര്‌ക്ക്: <<അദ് മദി>> എന്ത് സൊന്നാ്.
ഏസു ഒലിവ് മലേലി പരേസ്‌റാ്
39പ്‌റ ഏസു ഒപ്പ സെയ്‌ര പാസെ ഒലിവ് മലേക്കെ പ്‌റപ്പട്ട് പോനാ്. അക്കുളെ തന്ന് സൊല്ലുപഡി ണഡാക്കവാര്‌മ് തന്ന് പിന്ന്‌മേലെ പോനാര്. 40അദ്‌ക്കെ എജ്ജിന പ്‌റ ഏസു അവാര്‌ക്കെ: <<ണിമ്മ സോദണേക്കെ സിക്കാദെ ഇര്‌ക്ക്യ പരേസിരി>> എന്ത് സൊന്നാ്.
41പ്‌റ ഏസു അവാര് പട്ടിലിര്‌ന്ത് ഒരു കല്ല് എ്റിര ദൂര പോയി സന്ത് ഊന്റി ഇച്ചെ പരേസിനാ്: 42<<അപ്പ, ണിനാക്ക് പിര്യ ഇര്‌ന്ത എനാക്ക് ബര്യ പോര കജട്ട എങ്ക ഈ സെമ്പ്‌ണ എന്നോഡിര്‌ന്ത് ബിലാക്കി തരുഡോമെ. ആനാല്‌മ് എന്ന് പിര്യല്ല, ണിന്ന് പിര്യപഡി ണഡാക്കുഡൊ.>> 43അക്കുളെ മേലോഗാത്തിലിര്‌ന്ത് ഒരു ദൂദാ് അയാള് കണ്ണ്‌ക്കെ കാട്ടി അയാള്‌ണ ദയ്യിരപഡ്‌സിനാ്. 44പ്‌റ ഏസു ഉജുറുക്ക് മുട്ടുസ്‌ഗാട്ടി, ണെഞ്ച് ണുറ്‌ങ്കി പരേസിനാ്. അക്കുളെ ഏസുദ് ഉരിതണ്ണി സോരെ ഗബഗബാത്ത് ഒഗുറ പാസെ മണ്ണ്‌ക്കെ സൊട്ടിറ്റ്.
45പരേസി തീന്ത പ്‌റ ഏസു എ്ന്ത് തന്ന് സൊല്ലുപഡി ണഡാക്കവാര്‌ദ് പട്ട്‌ക്കെ ബന്താ്. അക്കുളെ അവാര് ദുക്കാക്ക് അര്‌ക്കപട്ട് ഉറാങ്ക്‌റാദ്‌ണ കണ്ട്: 46<<ഇച്ചെ എന്ത്‌ക്ക് ണിമ്മ ഉറാങ്ക്‌റാദ്? സോദണേക്കെ സിക്കാദെ ഇര്‌ക്ക്യ എ്ന്ത് പരേസിരി>> എന്ത് സൊന്നാ്.
ഏസുണ പ്‌ഡിത്തെ്ഡ്‌ത്ത് പോരാര്
47ഇച്ചെ ഏസു ണായ പേസികൊണ്ടിര്‌ക്കാട്ടി താനെ ഏസുദ് സൊല്ലുപഡി ണഡാക്ക പന്നന്റ് ആള്‌ക്ക് പട്ട ജൂദാ് എങ്കവാ് ഒരു കൂട്ട ആള്‌ഗണ കൂട്ടി എ്ഡ്‌ത്ത്‌കൊണ്ട് അദ്‌ക്കെ ബന്ത് എജ്ജിനാ്. അയാള് ബന്ത് ഏസുണ ബിനാത്തികൊണ്ട് മുത്തമിക്കിനാ്. 48അക്കുളെ ഏസു ജൂദാന്‌ക്കെ: <<ജൂദാനെ, മന്‌സാനായി പ്‌റാന്തവാന മുത്തമിക്കിത്തേഗ കാട്ടി കൊഡുക്കാദ്?>> എന്ത് സൊന്നാ്.
49ഏസുദ് സൊല്ലുപഡി ണഡാക്കവാര് ഇപ്പ് ണഡാക്ക്യ പോരാദ്‌ണ കണ്ട്: <<ആണ്ടവാനെ, എമ്മ ബാള് എ്ഡ്‌ത്ത് മുട്ടി ണോഡ്യാഗ?>> എന്ത് കേ്ട്ടാര്. 50പ്‌റ അവാര്‌ദിലി ഒരുത്താ് എഗുദ ബെല്ല്യ പൂസാരിദ് ബേലെക്കാറാന്‌ദ് ബല കാദ്‌ണ സെത്തി എ്ഡ്‌ത്തെക്കിനാ്.
51അക്കുളെ ഏസു: <<ഇത്തറെല്ല സെയ്‌ദാദ് മദി, ഇനി സെയ്യ ബേ്ഡ>> എന്ത് സൊല്ലി അയാള്‌ദ് കാദ്‌ണ അണ്ണി സവ്വ്യാക്കിനാ്.
52ഏസു തനാക്ക് ണേരെ ബന്ത എഗുദ പൂസാരി തലെവലാക്ക്‌മ് സാമികൂരെ കാവകാക്ക പഡെതലെവലാക്ക്‌മ് മൂപ്പലഗാക്ക്‌മ്: <<ഒരു കുറ്റക്കാറാന പ്‌ഡിക്ക്യ ബര പാസെ തഡിമ് ബാള്‌മായി എനാണ പ്‌ഡിക്ക്യ ണിമ്മ ബന്തിര്‌ക്കേര? 53ണാന് ണാള്‌ക്ക്‌മ് സാമികൂരേലി ണിമ്മ്‌ദൊപ്പ ഇര്‌ന്തെനല്ല? അക്കുളെല്ല ണിമ്മ എനാണ പ്‌ഡിക്കാലെ. ആന ഇ്റ്‌ട്ട്‌ക്കിര്‌ക്ക അദിഗാര ആള്‌റ ഈ ഗള്യേത്തെ ണിമാക്ക് എനാണ പ്‌ഡിക്കാദ്‌ക്കുള്ള ഗള്യെ>> എന്ത് സൊന്നാ്.
പത്ത്‌റോസ് ഏസുണ തെര്യ എന്ത് സൊല്ലുറാ്
54അവാര് ഏസുണ പ്‌ഡിത്ത് എഗുദ ബെല്ല്യ പൂസാരിദ് കൂരേക്കെ എ്ഡ്‌ത്ത് പോനാര്. പത്ത്‌റോസ് ലേസ ബ്‌ട്ട് അവാര്‌ദ് പിന്ന്‌മേലെഗെ പോനാ്. 55അവാര് അദ്‌ക്ക് എജ്ജിന പ്‌റ ണഡ് കളാത്തിലി തീബെ്ണ്ടിക്കി സുറ്റുമ് കുക്കാന്ത് തീ കായിന്ത് കൊണ്ടെ ഇര്‌ന്താര്. അക്കുളെ പത്ത്‌റോസ്‌മ് അവാര് പട്ട്‌ക്ക് പോയി കുക്കാന്താ്. 56അക്കുളെ ഒരു ബേലെക്കാറിസി തീബെ്ണ്ടി പട്ടിലി പത്ത്‌റോസ് കുക്കാന്തിര്‌ക്കാദ്‌ണ കണ്ട്, അയാള്‌ണ സൊക്കാന ണോഡിര്‌ന്ത് <<ഇയാള്‌മ് അയാളോഡെ ഇര്‌ന്തവാ്ത്തെ>> എന്ത് സൊന്ന.
57അക്കുളെ പത്ത്‌റോസ് അവാക്ക്: <<ഇദാപ്പെ അമ്മെ, എനാക്ക് അയാള്‌ണ തെര്യാഗെ തെര്യ!>> എന്ത് സൊന്നാ്.
58ലേസ ണേര കളിന്ത പ്‌റ ബേ്റെ ഒരുത്താ് പത്ത്‌റോസ്‌ണ കണ്ട്: <<ണീമ് അവാര് കൂട്ടാത്തില്യ ഒരുത്താ്ത്തെ>> എന്ത് സൊന്നാ്.
അക്കുളെ പത്ത്‌റോസ്: <<ഇദാമെ, അദ് ണാനല്ല>> എന്ത് സൊന്നാ്.
59ഒരു മണി ണേര കളിന്ത പ്‌റ ബേ്റെ ഒരുത്താന്‌മ്: <<ണേര്‌മായിമ് ഇയാള് അയാള്‌ദ് ഒപ്പ ഇര്‌ന്തവാ്ത്തെ. എന്ത്‌ക്കെന്റ ഇയാള്‌മ് ഗെലീലെക്കാറാ്ത്തെ>> എന്ത് ഒറേപ്പായി സൊന്നാ്.
60അക്കുളെ പത്ത്‌റോസ് അയാള്‌ക്കെ: <<ഇദാമെ ണീ എന്തണ സൊല്ലുറെ എന്ത്‌താനെ എനാക്ക് തെര്യ>> എന്ത് സൊന്നാ്. ഇച്ചെ സൊല്ലികൊണ്ടിര്‌ക്കാട്ടി കോയിമ് കൂഗിറ്റ്. 61അക്കുളെ ആണ്ടവാ് പിന്ന് തിലിമ്പി പത്ത്‌റോസ്‌ണ ണോഡിനാ്. അക്കുളെ പത്ത്‌റോസ്: <<ബെഡ്യകാല ജാമാക്ക് കോയി കൂഗുറാദ്‌ക്ക് മുദ ണീ എനാണ തെര്യാഗെ തെര്യ എന്ത് മൂണ് ജമ്പ് സൊല്ലുവെ>> എന്ത് ആണ്ടവാ് സൊന്നാദ്‌ണ ണെനേത്താ്. 62അവാ് അപ്പ്‌താനെ ബെ്ള്യെ കഡാന്ത് സങ്കഡാണ അഡാക്ക്യ മുഡ്യാദെ ബായിബ്‌ട്ട് അഗ്‌ദാ്.
ഏസുണ അഡിക്കാദ്‌മ് ണാണഗെ്ഡ്‌സ്‌റാദ്‌മ്
63പ്‌റ ഏസുക്ക് കാവ ഇര്‌ന്തവാര് അയാള്‌ണ ണാണഗെ്ഡ്‌സി അഡിക്ക്യ പ്‌ഡിത്താര്. 64അവാര് അയാള്‌ദ് കണ്ണ്‌ണ കെ്ട്ടി: <<ണീ ഒരു സാമിദാസ് താനെ. ആര് ണിനാണ അഡിത്താദ് എന്ത് സൊല്ലു>> എന്ത് സൊല്ല്യ സൊന്നാര്. 65അദല്ലാദെ ബേ്റെ പല കാര്യഗണാമ് സൊല്ലി അവാര് അയാള്‌ണ ണാണഗെ്ഡ്‌സിനാര്.
ഏസു എഗുദ ഗോഡ്‌ദിലി
66ണേര ബെ്ഡിന്ത പ്‌റ ബേദ ബാത്ത്യലാമ്, എഗുദ പൂസാരി തലെവലാമ്, മൂപ്പലഗാമ് കൂഡിര്‌ക്ക എഗുദ ഗോഡ്‌ദിക്ക് ഏസുണ എ്ഡ്‌ത്ത് ബന്താര്. 67അവാര് ഏസുണ: <<ണീ ദെങ്ക്‌സ്‌റ ക്‌റ്‌സ്‌ത്ത്‌ത്തേഗ? എമാക്കെ സൊല്ലു>> എന്ത് കേ്ട്ടാര്.
അക്കുളെ ഏസു അവാര്‌ക്കെ: <<ണാന് ണിമാക്കെ സൊന്നാക്കി ണിമ്മ ണമ്പ്‌റാദില്ലെ, 68ണാന് എന്താറ്റൊന്റ് കേ്ട്ടാക്കി ണിമ്മ ബദ്‌ള് സൊല്ലുറാദ്‌മില്ലെ. 69ആന ഇനി തൊട്ട് മന്‌സാനായി പ്‌റാന്ത ണാന് എല്ല ബിലാമ് ഇര്‌ക്ക സാമിദ് ഒപ്പ ആള്യ സാമിദ് ബല സാരി കുക്കാക്കുവെ>> എന്ത് സൊന്നാ്.
70അക്കുളെ അവാര്: <<അപ്പ് ണീ സാമിദ് മഗാ്ത്തേഗ?>> എന്ത് കേ്ട്ടാര്.
അക്കുളെ ഏസു: <<സെരിത്തെ, ണാന് സാമിമഗാ് എന്ത് ണിമ്മ താനെ സൊന്നേരല്ല>> എന്ത് സൊന്നാ്.
71അക്കുളെ അവാര്: <<ഇനി ണമാക്ക് എന്ത്‌ക്ക് ബേ്റെ തെ്ളുവു. ണമ്മ അയാള് ബായാലേഗെ കേ്ട്ടാമല്ല>> എന്ത് സൊന്നാര്.
Zvasarudzwa nguva ino
ലൂക്കോസ് 22: സാമിദ് സേദി
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
New Life Literature
ലൂക്കോസ് 22
22
ഏസുണ കൊല്ല്യ സട്ടകെ്ട്ട്‌റാര്
1പെസഗെ എങ്ക പുളില്ലാത്ത അഡേദ് ണോമ്പി ബര്യ ആറ്റ്. 2അക്കുളെ എഗുദ പൂസാരി തലെവലാമ് ബേദ ബാത്ത്യലാമ് ഏസുണ എച്ചെ സൂഗാന കൊല്ല്യ മുഡ്യു എന്ത് സട്ട കെ്ട്ടിനാര്. എന്ത്‌ക്കെന്റ ആള്‌ഗണ അഞ്ചിത്തെ അവാര് അച്ചെ സെയ്‌ദാദ്. 3തന്ന് സൊല്ലുപഡി ണഡാക്ക പന്നന്റ് ആളിലി കര്യോത്ത്‌ക്കാറാ് ജൂദാ് എങ്ക ഒരുത്താന്‌ദ് മനേസ്സ്‌ക്ക് സെയിത്ത്യാ് കെ്ട്ട ണെനേപ്പ്‌ണ കൊഡുത്താ്. 4അക്കുളെ അവാ് എഗുദ പൂസാരി തലെവല പട്ട്‌ക്കേമ് സാമികൂരെ കാവകാക്ക പഡെഗാദ് തലെവല പട്ട്‌ക്കേമ് പോനാ്. അച്ചെ ഏസുണ അവാര്‌ക്ക് എച്ചെ കാട്ടി തര്യ എങ്കാദ്‌ണ പറ്റി പേസിനാ്. 5അക്കുളെ അവാര്‌ക്ക് റമ്പ പിര്യ ബന്ത്‌ദ്. അവാര് അയാള്‌ക്ക് പണ തരേര് എന്ത് സൊല്ലി അയാള്‌ക്ക് ബാക്ക് കൊഡുത്താര്. 6ജൂദാ് അദ്‌ക്ക് ഒത്തുപട്ട പ്‌റ ഏസുണ അവാര്‌ക്ക് കാട്ടി കൊഡുക്ക്യ ഉള്ള തഞ്ച കെ്ഡേക്ക്യ ബേ്ണ്ടി ആള്‌ഗ ഇല്ലാത്ത ഗള്യെ ണോഡികൊണ്ടിര്‌ന്താ്.
കഡേസി പെസഗെ ണോമ്പി സാപാഡ്
7പുളില്ലാത്ത അഡെ ണോമ്പി സെയ്‌ഗാട്ടി പെസഗെ സാപാഡ്‌ക്കുള്ള കൊറ്യാഡ്‌കുട്ടിന പലി കൊഡുക്ക ണാള് ബന്ത്‌ദ്. 8അക്കുളെ ഏസു, പത്ത്‌റോസ്‌ക്കേമ് ഓഗന്നാന്‌ക്കേമ്: <<ണിമ്മ പോയി ണമാക്ക് പെസഗെ സാപാഡ് ഒരിക്കിരി>> എന്ത് സൊല്ലിബ്‌ട്ടാ്.
9അക്കുളെ അവാര്: <<എമ്മ ഏദ്‌ക്കെ പോയി ണിനാക്ക് പെസഗെ സാപാഡ് ഒരുക്കുഡൊ?>> എന്ത് ഏസുണ കേ്ട്ടാര്.
10അദ്‌ക്ക് ഏസു: <<ണിമ്മ പട്ടണാക്കെ പോഗാട്ടി ഒരുത്താ് ഒരു കുഡ തണ്ണി എ്ഡ്‌ത്ത് ബരാദ്‌ണ ണിമ്മ കാണുവേര്. അയാള് പിന്ന്‌മേലെ അവാ് പുക്ക്‌റ കൂരേക്കെ ണിമ്മ പോയിരി. 11അയ്യി കൂരെക്കാറാന്‌ക്കെ: <എനാക്ക്‌മ് എന്ന് സൊല്ലുപഡി ണഡാക്കവാര്‌ക്ക്‌മ് പെസഗെ സാപാഡ് തിന്ന്യ എ്ഡെ ഏദിലി എന്ത് ഗുരു കേ്ക്കാ്> എന്ത് സൊല്ലിരി 12അക്കുളെ അയാള് ണലമായി ഒരിക്കി ബെത്തിര്‌ക്ക ബെല്ല്യ മേല്‌മാളിഗെന ണിമാക്ക് കാട്ടി തരുവാ്. അദിലി ണിമ്മ തീനി ഒരിക്കിരി>> എന്ത് സൊന്നാ്.
13അവാര് പോയി ണോഡുഗാട്ടി ഏസു സൊന്ന പാസെതാനെ കണ്ടാര്. അച്ചെ അവാര് അദിലി പെസഗെ സാപാഡ് ഒരിക്കിനാര്.
പെസഗെ
14പെസഗെ സാപാഡ് തിന്ന്‌റാദ്‌ക്കുള്ള ഗള്യെ ആഗാട്ടി ഏസു അപ്പൊസലലോഡെ തിന്ന്യ കുക്കാന്താ്. 15പ്‌റ ഏസു അവാര്‌ക്കെ: <<ണാന് കജട്ടപഡ്‌റാദ്‌ക്ക് മുദ ഈ പെസഗെ സാപാഡ് ണിമ്മ്‌ദൊപ്പ തിന്ന്യ ണാന് എത്തറാഗൊ ആസെപട്ടെ. 16സാമി ആള്‌റ ണാഡിലി ഈ ബിര്‌ന്ത്‌ണ പറ്റി സൊല്ലിര്‌ക്ക കാര്യഗ ണഡാക്ക മാട്ട്‌ക്ക്#22:16സാമി ആള്‌റ ണാഡിലി ഈ ബിര്‌ന്ത്‌ണ പറ്റി സൊല്ലിര്‌ക്ക കാര്യഗ ണഡാക്ക മാട്ട്‌ക്ക് പെസഗെ എന്ത് സൊല്ലുറാദ് അഡിമെഗ ആയിര്‌ന്ത തന്ന് ആള്‌ഗണ ഈജിത്ത് ണാഡിലിന്ത് സാമി തിലിപ്പി എ്ഡ്‌ത്താദ്‌നാത്തെ കാട്ട്‌ദ്. അദേപാസെ ഒരു ണാള് സാമി തന്ന് ആള്‌ഗണ അവാര്‌ക്കിര്‌ക്ക എല്ല കജട്ടാത്തിലിര്‌ന്ത്‌മ് സാവുലിര്‌ന്ത്‌മ് കാപാറ്റി എപ്പേക്ക്‌മിര്‌ക്ക പെ്ളേപ്പ്‌ണ കൊഡുത്ത് തിലിപ്പി എ്ഡ്‌ക്കുവാ്. ഇനി പെസഗെ സാപാഡ് തിന്നാഗെമാട്ടെ എന്ത് ണാന് ണിമാക്കെ സൊല്ലുറെ>> എന്ത് സൊന്നാ്.
17പ്‌റ ഏസു: <<മുന്തിരി സാര സെമ്പ്‌ണ എ്ഡ്‌ത്ത് സാമിക്ക് ണണ്ണി സൊല്ലി, ഇദ്‌ണ എ്ഡ്‌ത്ത് ണിമ്മ പങ്കി കുഡിരി. 18സാമി ആള്‌റ ണാഡ് ബരമാട്ട് ണാന് ഇനി ഊറിന മുന്തിരി സാരണ കുഡിക്കാഗേമാട്ടെ എന്ത് ണാന് ണിമാക്കെ സൊല്ലുറെ>> എന്ത് സൊന്നാ്.
19പ്‌റ ഏസു അഡേന എ്ഡ്‌ത്ത് സാമിക്ക് ണണ്ണി സൊല്ലി മുറുത്ത് അവാര്‌ക്ക് കൊഡുത്തിര്‌ന്ത്: <<ഇദ് ണിമാക്ക് ബേ്ണ്ടി തര എന്ന് സരിഗല. എനാണ ണെനേക്ക്യ ബേ്ണ്ടി ണിമ്മ ഇദേപാസെ സെയ്‌രി>> എന്ത് സൊന്നാ്.
20അദേപാസെ തീനി തിന്ത് തീന്ത പ്‌റ ഊറിന മുന്തിരി സാര ഇര്‌ക്ക സെമ്പ്‌ണ എ്ഡ്‌ത്ത് ഇച്ചെ സൊന്നാ്: <<ഈ സെമ്പിലിര്‌ക്ക മുന്തിരി സാര സാമി മന്‌സാരോഡെ ബെക്ക പുദ്യ ഒപ്പ്‌കെ്ട്ട്‌ക്കുള്ള എന്ന് സോരെന കാട്ട്‌ദ്. ണിമാക്ക് ബേ്ണ്ടി സൂസിനാദ്‌ത്തെ എന്ന് സോരെ. 21ആന എനാണ കാട്ടി കൊഡുക്കവാ് എന്ന്‌ദ് ഒപ്പ ഈ ബെഞ്ചിലിര്‌ന്ത് തിങ്കാ്. 22സാമി മുഡിവെ്ഡ്‌ത്ത് ബെത്തിര്‌ന്ത പാസെ മന്‌സാനായി പ്‌റാന്തവാ് സാവാ്. ആന മന്‌സാനായി പ്‌റാന്തവാന കാട്ടി കൊഡുക്കവാന്‌ക്ക് സെറ്റെ കജട്ട കജട്ടത്തെ.>> 23ഇച്ചെ കാട്ടി കൊഡുക്കവാ് തമ്മ് കൂട്ടാത്തിലി ആര് ആയിര്‌ക്കു എന്ത് തമ്മ തമ്മ കേ്ക്ക്യ പ്‌ഡിത്താര്.
ആര് ബെല്ല്യവാ് എന്ത് തറ്‌ക്ക്‌റാര്
24ഏസുദ് സൊല്ലുപഡി ണഡാക്കവാര്‌ദ് കൂട്ടാത്തിലി, ആര് ബെല്ല്യവാ് എന്താദ്‌ണ പറ്റി തമാക്ക് തമാക്ക് ഒരു തറ്‌ക്ക ബന്ത്‌ദ്. 25അക്കുളെ ഏസു അവാര്‌ക്കെ ഇച്ചെ സൊന്നാ്: <<എഗുദാര് അല്ലാത്ത ജാദിഗാക്ക് റാജാവുഗ ഇര്‌ക്കാര്. അവാര് തമ്മ് സൊല്ലിലി ആള്‌ഗണ ണഡാത്തുഡൊ എന്ത് ആസെപഡ്‌റാര്. തമ്മ് എല്ല അദിഗാരണാമ് ആള്‌ഗാക്ക് കാട്ട്‌റ അവാര് <തമ്മ ആള്‌ഗാക്ക് ണല്ലാദ് സെയ്‌രേര്> എന്ത് തമാണ പറ്റി സൊല്ല്യ ബെക്കാര്. 26ആന ണിമ്മ അച്ചെ സെയ്യ ബേ്ഡ. ണിമ്മ് കൂട്ടാത്തിലി ബെല്ല്യവാ് സിന്നവാന പാസേമ് തലെവാ് ആയിര്‌ക്കവാ് പണ്ണ്യ ബേലെക്കാറാന പാസേമ് ആയിര്‌ക്കുഡൊ. 27തിന്ന്യ കുക്കാന്തിര്‌ക്കവാ് ബെല്ല്യവാന? ഇല്ലെ ബീറ്റി കൊഡുക്ക ബേലെക്കാറാ് ബെല്ല്യവാന? കണ്ടിപ്പായിമ് തിന്ന്യ കുക്കാന്തിര്‌ക്കവാ്ത്തെ ബെല്ല്യവാ്. ആന ണാന് ണിമ്മ് കൂട്ടാത്തിലി പണ്ണ്യ ബേലെക്കാറാന പാസെത്തെ ഇര്‌ക്കെ.
28ണാന് കജട്ടപഡ്‌ഗാട്ടി ണിമ്മാത്തെ എന്ന്‌ദൊപ്പ ഇര്‌ന്തവാര്. 29എന്ന്‌ദ് അപ്പാ് എനാണ താന് ആള്‌റ ണാഡ്‌ണ ആള്യ ബെത്ത പാസെ ണാന്‌മ് ണിമാണ ആള്യ ബെക്കെ. 30അദ്‌ണാലെ ണാന് ആള്‌റ ണാഡിലി ണാന് തിങ്ക ബെഞ്ചിലിര്‌ന്ത് ണിമ്മ തിന്ത് കുഡിക്കാമ് സെയ്‌വേര്. ണിമ്മ കുറിഞ്ചിക്കെ കുക്കാന്ത് ഇസ്‌റേല്‌ദ് പന്നന്റ് കുലക്കാറാര്‌ണ ആളുവേര്.>>
തനാണ തെര്യ എന്ത് പത്ത്‌റോസ് സൊല്ലുവാനെന്ത് ഏസു സൊല്ലുറാ്
31<<സീമോനെ, സീമോനെ, ഇദ്‌ണ കേ്ള്. ണിമാണൊട്ടുക്ക് ഗോദിമ്പെ പാളെന തൂറ്റി തള്ള്‌റ പാസെ ണിമാണ തൂറ്റി തള്ള്യ ബ്‌ഡുവേന എന്ത് സെയിത്ത്യാ് എനാണ കേ്ട്ട് ബെത്തിര്‌ന്താ്. 32ആന സീമോനെ, ണിന്ന് ണമ്പിക്കെ പോഗാദിര്‌ക്ക്യ ണാന് ണിനാക്ക് ബേ്ണ്ടി പരേസിനെ. ണീ മനേസ്സ് മാറി തിലിമ്പി എന്ന് സാരി ബര്‌ഗാട്ടി ണിന്ന്‌ദൊപ്പ ഇര്‌ക്ക ഏസുക്കാറാര്‌ദ് ണമ്പിക്കേന ഒറേപ്പുള്ളാദ് ആക്കുഡൊ.>>
33അക്കുളെ പത്ത്‌റോസ്: <<ആണ്ടവാനെ, ണിന്ന്‌ദൊപ്പ എനാണ ജെയില്‌ക്കെ ഇക്കിനാല്‌മ് സെരി കൊന്റാല്‌മ് സെരി ണാന് ണിനാണ ബ്‌ട്ട് പോഗമാട്ടെ>> എന്ത് സൊന്നാ്.
34അക്കുളെ ഏസു പത്ത്‌റോസ്‌ക്കെ: <<ബെഡ്യകാല ജാമാക്ക് കോയി കൂഗുറാദ്‌ക്ക് മുദ ണീ എനാണ തെര്യാഗെ തെര്യ എന്ത് മൂണ് ജമ്പ് സൊല്ലുവെ എന്ത് ണാന് ണിനാക്ക് സൊല്ലുറെ>> എന്ത് സൊന്നാ്.
35പ്‌റ ഏസു അവാര്‌ണ ഇച്ചെ കേ്ട്ടാ്: <<പണപയ്യൊ, പയ്യൊ, സെര്‌പ്പൊ ഇല്ലാദെ ണാന് ണിമാണ ബ്‌ഡ്‌ഗാട്ടി ണിമാക്ക് എന്താറ്റ് കൊറെ ബന്ത്‌ദ?>>
അക്കുളെ അവാര്: <<ഇല്ലെ>> എന്ത് സൊന്നാര്.
36അക്കുളെ ഏസു അവാര്‌ക്കെ ഇച്ചെ സൊന്നാ്: <<ആന ഇപ്പ് പണപയ്യി ബെത്തിര്‌ക്കവാ് അദ്‌ണ എ്ഡ്‌ത്ത്‌കൊള്ളുഡൊ. അദേപാസെ താനെ പയ്യി ബെത്തിര്‌ക്കവാന്‌മ് അദ് എ്ഡ്‌ക്കുഡൊ. ബാളില്ലാത്തവാ് തന്ന് പൊദേപ്പ്‌ണെന്താല് ബിറ്റ് ബാള് ബാങ്കുഡൊ. 37<കുറ്റ സെയ്‌രവാര് കൂട്ടാക്കെ അവാനാമ് സേത്തുവാര്>#എസയ്യാ് 53:12 എന്ത് സാമി ബുക്കിലി എ്ള്‌ദിര്‌ക്കാദ് എന്ന് പെ്ളേപ്പിലി ണഡാക്കു എന്ത് ണാന് ണിമാക്കെ സൊല്ലുറെ. എന്ത്‌ക്കെന്റ എനാണ പറ്റി എ്ള്‌ദിര്‌ക്കാദെല്ല ണഡാക്കു.>>
38അക്കുളെ അവാര്: <<ആണ്ടവാനെ, ഇദിലി റണ്ട് ബാള് ഇര്‌ക്ക്‌ദ്>> എന്ത് സൊന്നാര്.
അക്കുളെ ഏസു അവാര്‌ക്ക്: <<അദ് മദി>> എന്ത് സൊന്നാ്.
ഏസു ഒലിവ് മലേലി പരേസ്‌റാ്
39പ്‌റ ഏസു ഒപ്പ സെയ്‌ര പാസെ ഒലിവ് മലേക്കെ പ്‌റപ്പട്ട് പോനാ്. അക്കുളെ തന്ന് സൊല്ലുപഡി ണഡാക്കവാര്‌മ് തന്ന് പിന്ന്‌മേലെ പോനാര്. 40അദ്‌ക്കെ എജ്ജിന പ്‌റ ഏസു അവാര്‌ക്കെ: <<ണിമ്മ സോദണേക്കെ സിക്കാദെ ഇര്‌ക്ക്യ പരേസിരി>> എന്ത് സൊന്നാ്.
41പ്‌റ ഏസു അവാര് പട്ടിലിര്‌ന്ത് ഒരു കല്ല് എ്റിര ദൂര പോയി സന്ത് ഊന്റി ഇച്ചെ പരേസിനാ്: 42<<അപ്പ, ണിനാക്ക് പിര്യ ഇര്‌ന്ത എനാക്ക് ബര്യ പോര കജട്ട എങ്ക ഈ സെമ്പ്‌ണ എന്നോഡിര്‌ന്ത് ബിലാക്കി തരുഡോമെ. ആനാല്‌മ് എന്ന് പിര്യല്ല, ണിന്ന് പിര്യപഡി ണഡാക്കുഡൊ.>> 43അക്കുളെ മേലോഗാത്തിലിര്‌ന്ത് ഒരു ദൂദാ് അയാള് കണ്ണ്‌ക്കെ കാട്ടി അയാള്‌ണ ദയ്യിരപഡ്‌സിനാ്. 44പ്‌റ ഏസു ഉജുറുക്ക് മുട്ടുസ്‌ഗാട്ടി, ണെഞ്ച് ണുറ്‌ങ്കി പരേസിനാ്. അക്കുളെ ഏസുദ് ഉരിതണ്ണി സോരെ ഗബഗബാത്ത് ഒഗുറ പാസെ മണ്ണ്‌ക്കെ സൊട്ടിറ്റ്.
45പരേസി തീന്ത പ്‌റ ഏസു എ്ന്ത് തന്ന് സൊല്ലുപഡി ണഡാക്കവാര്‌ദ് പട്ട്‌ക്കെ ബന്താ്. അക്കുളെ അവാര് ദുക്കാക്ക് അര്‌ക്കപട്ട് ഉറാങ്ക്‌റാദ്‌ണ കണ്ട്: 46<<ഇച്ചെ എന്ത്‌ക്ക് ണിമ്മ ഉറാങ്ക്‌റാദ്? സോദണേക്കെ സിക്കാദെ ഇര്‌ക്ക്യ എ്ന്ത് പരേസിരി>> എന്ത് സൊന്നാ്.
ഏസുണ പ്‌ഡിത്തെ്ഡ്‌ത്ത് പോരാര്
47ഇച്ചെ ഏസു ണായ പേസികൊണ്ടിര്‌ക്കാട്ടി താനെ ഏസുദ് സൊല്ലുപഡി ണഡാക്ക പന്നന്റ് ആള്‌ക്ക് പട്ട ജൂദാ് എങ്കവാ് ഒരു കൂട്ട ആള്‌ഗണ കൂട്ടി എ്ഡ്‌ത്ത്‌കൊണ്ട് അദ്‌ക്കെ ബന്ത് എജ്ജിനാ്. അയാള് ബന്ത് ഏസുണ ബിനാത്തികൊണ്ട് മുത്തമിക്കിനാ്. 48അക്കുളെ ഏസു ജൂദാന്‌ക്കെ: <<ജൂദാനെ, മന്‌സാനായി പ്‌റാന്തവാന മുത്തമിക്കിത്തേഗ കാട്ടി കൊഡുക്കാദ്?>> എന്ത് സൊന്നാ്.
49ഏസുദ് സൊല്ലുപഡി ണഡാക്കവാര് ഇപ്പ് ണഡാക്ക്യ പോരാദ്‌ണ കണ്ട്: <<ആണ്ടവാനെ, എമ്മ ബാള് എ്ഡ്‌ത്ത് മുട്ടി ണോഡ്യാഗ?>> എന്ത് കേ്ട്ടാര്. 50പ്‌റ അവാര്‌ദിലി ഒരുത്താ് എഗുദ ബെല്ല്യ പൂസാരിദ് ബേലെക്കാറാന്‌ദ് ബല കാദ്‌ണ സെത്തി എ്ഡ്‌ത്തെക്കിനാ്.
51അക്കുളെ ഏസു: <<ഇത്തറെല്ല സെയ്‌ദാദ് മദി, ഇനി സെയ്യ ബേ്ഡ>> എന്ത് സൊല്ലി അയാള്‌ദ് കാദ്‌ണ അണ്ണി സവ്വ്യാക്കിനാ്.
52ഏസു തനാക്ക് ണേരെ ബന്ത എഗുദ പൂസാരി തലെവലാക്ക്‌മ് സാമികൂരെ കാവകാക്ക പഡെതലെവലാക്ക്‌മ് മൂപ്പലഗാക്ക്‌മ്: <<ഒരു കുറ്റക്കാറാന പ്‌ഡിക്ക്യ ബര പാസെ തഡിമ് ബാള്‌മായി എനാണ പ്‌ഡിക്ക്യ ണിമ്മ ബന്തിര്‌ക്കേര? 53ണാന് ണാള്‌ക്ക്‌മ് സാമികൂരേലി ണിമ്മ്‌ദൊപ്പ ഇര്‌ന്തെനല്ല? അക്കുളെല്ല ണിമ്മ എനാണ പ്‌ഡിക്കാലെ. ആന ഇ്റ്‌ട്ട്‌ക്കിര്‌ക്ക അദിഗാര ആള്‌റ ഈ ഗള്യേത്തെ ണിമാക്ക് എനാണ പ്‌ഡിക്കാദ്‌ക്കുള്ള ഗള്യെ>> എന്ത് സൊന്നാ്.
പത്ത്‌റോസ് ഏസുണ തെര്യ എന്ത് സൊല്ലുറാ്
54അവാര് ഏസുണ പ്‌ഡിത്ത് എഗുദ ബെല്ല്യ പൂസാരിദ് കൂരേക്കെ എ്ഡ്‌ത്ത് പോനാര്. പത്ത്‌റോസ് ലേസ ബ്‌ട്ട് അവാര്‌ദ് പിന്ന്‌മേലെഗെ പോനാ്. 55അവാര് അദ്‌ക്ക് എജ്ജിന പ്‌റ ണഡ് കളാത്തിലി തീബെ്ണ്ടിക്കി സുറ്റുമ് കുക്കാന്ത് തീ കായിന്ത് കൊണ്ടെ ഇര്‌ന്താര്. അക്കുളെ പത്ത്‌റോസ്‌മ് അവാര് പട്ട്‌ക്ക് പോയി കുക്കാന്താ്. 56അക്കുളെ ഒരു ബേലെക്കാറിസി തീബെ്ണ്ടി പട്ടിലി പത്ത്‌റോസ് കുക്കാന്തിര്‌ക്കാദ്‌ണ കണ്ട്, അയാള്‌ണ സൊക്കാന ണോഡിര്‌ന്ത് <<ഇയാള്‌മ് അയാളോഡെ ഇര്‌ന്തവാ്ത്തെ>> എന്ത് സൊന്ന.
57അക്കുളെ പത്ത്‌റോസ് അവാക്ക്: <<ഇദാപ്പെ അമ്മെ, എനാക്ക് അയാള്‌ണ തെര്യാഗെ തെര്യ!>> എന്ത് സൊന്നാ്.
58ലേസ ണേര കളിന്ത പ്‌റ ബേ്റെ ഒരുത്താ് പത്ത്‌റോസ്‌ണ കണ്ട്: <<ണീമ് അവാര് കൂട്ടാത്തില്യ ഒരുത്താ്ത്തെ>> എന്ത് സൊന്നാ്.
അക്കുളെ പത്ത്‌റോസ്: <<ഇദാമെ, അദ് ണാനല്ല>> എന്ത് സൊന്നാ്.
59ഒരു മണി ണേര കളിന്ത പ്‌റ ബേ്റെ ഒരുത്താന്‌മ്: <<ണേര്‌മായിമ് ഇയാള് അയാള്‌ദ് ഒപ്പ ഇര്‌ന്തവാ്ത്തെ. എന്ത്‌ക്കെന്റ ഇയാള്‌മ് ഗെലീലെക്കാറാ്ത്തെ>> എന്ത് ഒറേപ്പായി സൊന്നാ്.
60അക്കുളെ പത്ത്‌റോസ് അയാള്‌ക്കെ: <<ഇദാമെ ണീ എന്തണ സൊല്ലുറെ എന്ത്‌താനെ എനാക്ക് തെര്യ>> എന്ത് സൊന്നാ്. ഇച്ചെ സൊല്ലികൊണ്ടിര്‌ക്കാട്ടി കോയിമ് കൂഗിറ്റ്. 61അക്കുളെ ആണ്ടവാ് പിന്ന് തിലിമ്പി പത്ത്‌റോസ്‌ണ ണോഡിനാ്. അക്കുളെ പത്ത്‌റോസ്: <<ബെഡ്യകാല ജാമാക്ക് കോയി കൂഗുറാദ്‌ക്ക് മുദ ണീ എനാണ തെര്യാഗെ തെര്യ എന്ത് മൂണ് ജമ്പ് സൊല്ലുവെ>> എന്ത് ആണ്ടവാ് സൊന്നാദ്‌ണ ണെനേത്താ്. 62അവാ് അപ്പ്‌താനെ ബെ്ള്യെ കഡാന്ത് സങ്കഡാണ അഡാക്ക്യ മുഡ്യാദെ ബായിബ്‌ട്ട് അഗ്‌ദാ്.
ഏസുണ അഡിക്കാദ്‌മ് ണാണഗെ്ഡ്‌സ്‌റാദ്‌മ്
63പ്‌റ ഏസുക്ക് കാവ ഇര്‌ന്തവാര് അയാള്‌ണ ണാണഗെ്ഡ്‌സി അഡിക്ക്യ പ്‌ഡിത്താര്. 64അവാര് അയാള്‌ദ് കണ്ണ്‌ണ കെ്ട്ടി: <<ണീ ഒരു സാമിദാസ് താനെ. ആര് ണിനാണ അഡിത്താദ് എന്ത് സൊല്ലു>> എന്ത് സൊല്ല്യ സൊന്നാര്. 65അദല്ലാദെ ബേ്റെ പല കാര്യഗണാമ് സൊല്ലി അവാര് അയാള്‌ണ ണാണഗെ്ഡ്‌സിനാര്.
ഏസു എഗുദ ഗോഡ്‌ദിലി
66ണേര ബെ്ഡിന്ത പ്‌റ ബേദ ബാത്ത്യലാമ്, എഗുദ പൂസാരി തലെവലാമ്, മൂപ്പലഗാമ് കൂഡിര്‌ക്ക എഗുദ ഗോഡ്‌ദിക്ക് ഏസുണ എ്ഡ്‌ത്ത് ബന്താര്. 67അവാര് ഏസുണ: <<ണീ ദെങ്ക്‌സ്‌റ ക്‌റ്‌സ്‌ത്ത്‌ത്തേഗ? എമാക്കെ സൊല്ലു>> എന്ത് കേ്ട്ടാര്.
അക്കുളെ ഏസു അവാര്‌ക്കെ: <<ണാന് ണിമാക്കെ സൊന്നാക്കി ണിമ്മ ണമ്പ്‌റാദില്ലെ, 68ണാന് എന്താറ്റൊന്റ് കേ്ട്ടാക്കി ണിമ്മ ബദ്‌ള് സൊല്ലുറാദ്‌മില്ലെ. 69ആന ഇനി തൊട്ട് മന്‌സാനായി പ്‌റാന്ത ണാന് എല്ല ബിലാമ് ഇര്‌ക്ക സാമിദ് ഒപ്പ ആള്യ സാമിദ് ബല സാരി കുക്കാക്കുവെ>> എന്ത് സൊന്നാ്.
70അക്കുളെ അവാര്: <<അപ്പ് ണീ സാമിദ് മഗാ്ത്തേഗ?>> എന്ത് കേ്ട്ടാര്.
അക്കുളെ ഏസു: <<സെരിത്തെ, ണാന് സാമിമഗാ് എന്ത് ണിമ്മ താനെ സൊന്നേരല്ല>> എന്ത് സൊന്നാ്.
71അക്കുളെ അവാര്: <<ഇനി ണമാക്ക് എന്ത്‌ക്ക് ബേ്റെ തെ്ളുവു. ണമ്മ അയാള് ബായാലേഗെ കേ്ട്ടാമല്ല>> എന്ത് സൊന്നാര്.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
New Life Literature